Independence Day: ಮೇಡ್ ಇನ್ ಇಂಡಿಯಾ ಹೊವಿಟ್ಜರ್ ಗನ್ಸ್ ಮೂಲಕ ಮೊಟ್ಟಮೊದಲ ಬಾರಿ ಸೆಲ್ಯೂಟ್!
ದೇಶದ 75ನೇ ಸ್ವಾತಂತ್ರೋತ್ಸವದ ಬಹಳ ವಿಶೇಷವಾದ ಸಂಗತಿ ನಡೆದಿದೆ. ಇದೇ ಮೊದಲ ಬಾರಿಗೆ ಕೆಂಪುಕೋಟೆಯಲ್ಲಿ ಧ್ವಜಾರೋಹಣವಾದ ಬಳಿಕ ನಡೆದ ಔಪಚಾರಿಕ 21 ಗನ್ ಸೆಲ್ಯೂಟ್ನಲ್ಲಿ ಮೇಡ್ ಇನ್ ಇಂಡಿಯಾ ಹೊವಿಟ್ಜರ್ ಗನ್ಸ್ ಅನ್ನು ಬಳಕೆ ಮಾಡಲಾಗಿದೆ. ಅಡ್ವಾನ್ಸ್ಡ್ ಟೋವ್ಡ್ ಆರ್ಟಿಲರಿ ಗನ್ ಸಿಸ್ಟಮ್ (ATAGS-ಸಾಗಿಸಬಲ್ಲ ಸುಧಾರಿತ ಆರ್ಟಿಲರಿ ಗನ್ ವ್ಯವಸ್ಥೆ) ಮೂಲಕ ಗನ್ ಸೆಲ್ಯೂಟ್ ನೀಡಲಾಗಿದೆ.
ನವದೆಹಲಿ (ಆ.15): ಪ್ರಧಾನಿ ನರೇಂದ್ರ ಮೋದಿ ಕೆಂಪುಕೋಟೆಯಲ್ಲಿ ಸ್ವಾತಂತ್ರ್ಯೋತ್ಸವದ ನಿಮಿತ್ತ ತ್ರಿವರ್ಣ ಧ್ವಜವನ್ನು ಹಾರಿಸಿದ ಬಳಿಕ, ರಾಷ್ಟ್ರಗೀತೆಯನ್ನು ನುಡಿಸಲಾಯಿತು. ಇದರ ಬೆನ್ನಲ್ಲಿಯೇ ಔಪಷಾರಿಕವಾಗಿ 21 ಗನ್ ಸೆಲ್ಯೂಟ್ ನೀಡಿದ ಬಳಿಕ ಭಾರತ ಇತಿಹಾಸದ ಪುಟಗಳಲ್ಲಿ ಮತ್ತೊಂದು ದಾಖಲೆಯನ್ನು ನಿರ್ಮಿಸಿತು. 52 ಸೆಕೆಂಡ್ನ ರಾಷ್ಟ್ರಗೀತೆಯ ವೇಳೆ ಒಟ್ಟು 21 ಬಾರಿ ಗನ್ ಸೆಲ್ಯೂಟ್ಅನ್ನು ಮಹಾನ್ ದೇಶಕ್ಕೆ ನೀಡಲಾಯಿತು. ಇದೇಕೆ ವಿಶೇಷವೆಂದರೆ, ಕಳೆದ 74 ವರ್ಷಗಳಲ್ಲಿ ಸ್ವಾತಂತ್ರೋತ್ಸವದ ದಿನದಂದು ನೀಡಲಾಗುವ 21 ಗನ್ ಸೆಲ್ಯೂಟ್ಗಳನ್ನು ಮೇಡ್ ಇನ್ ಬ್ರಿಟನ್ ಮೂಲಕ 7 ಸ್ಪೆಷಲ್ ಗನ್ ನಿಂದ ನೀಡಲಾಗುತ್ತಿತ್ತು. ಈ ಶೆಲ್ಗಳಲ್ಲಿನ ಮದ್ದುಗುಂಡುಗಳು ಖಾಲಿ ಇರುತ್ತಿದ್ದವು. ಬರೀ ಸ್ಪೋಟದ ಸದ್ದು ಹಾಗೂ ಹೊಗೆ ಮಾತ್ರ ಬರುತ್ತಿದ್ದವು. ಅದಕ್ಕಾಗಿ ಈ ಗನ್ಗಳನ್ನು 25 ಪೌಂಡರ್ ಗನ್ಸ್ ಎನ್ನಲಾಗುತ್ತಿತ್ತು. ಅದರರ್ಥ, ಈ ಕ್ಯಾನನ್ಗಳು ಕೇವಲ 25 ಪೌಂಡ್ ಅಂದರೆ 11.5 ಕೆಜಿಯ ಗುಂಡುಗಳನ್ನು ಮಾತ್ರವೇ ಸ್ಫೋಟ ಮಾಡುತ್ತಿದ್ದವು. ಆದೆರೆ, ಈ ಬಾರಿ 74 ವರ್ಷದ ಇತಿಹಾಸ ಬದಲಾಗಿದೆ. ಇದೇ ಮೊಟ್ಟ ಮೊದಲ ಬಾರಿಗೆ 25 ಪೌಂಡರ್ ಬ್ರಿಟಿಷ್ ಗನ್ಗಳ ಬದಲು, ದೇಶೀಯ ನಿರ್ಮಿತ ಎಟಿಎಜಿಎಸ್ಅನ್ನು ಬಳಕೆ ಮಾಡಲಾಗಿದೆ.
ಎಟಿಎಜಿಎಸ್ ಅಂದರೆ, ಅಡ್ವಾನ್ಸ್ಡ್ ಟೋವ್ಡ್ ಆರ್ಟಿಲರಿ ಗನ್ ಸಿಸ್ಟಮ್. ಅಂದರೆ, ಸಾಗಿಸಬಲ್ಲ ಸುಧಾರಿತ ಆರ್ಟಿಲರಿ ಗನ್ ವ್ಯವಸ್ಥೆ. ಇದನ್ನು ನಿರ್ಮಾಣ ಮಾಡಿದ್ದು ಡಿಆರ್ಡಿಓ. ಇದರ ವಿಶೇಷವೇನೆಂದರೆ, ಇದು ಉಡಾಯಿಸುವ ಗುಂಡು ಅತ್ಯಂತ ದೂರದವರೆಗೆ ಹೋಗಿ ಮುಟ್ಟುತ್ತದೆ. ವಿಶ್ವದಲ್ಲಿಯೇ ಇಷ್ಟು ದೂರದವರೆಗೆ ಗುಂಡನ್ನು ಉಡಾಯಿಸಬಲ್ಲ ಮತ್ಯಾವುದೇ ಹೋವಿಟ್ಜರ್ ಗನ್ಗಳಿಲ್ಲ.
ಏನಿದು ಎಟಿಎಜಿಎಸ್: ಹೆಸರೇ ಹೇಳುವಂತೆ ಸುಧಾರಿತ ಟೋವ್ಡ್ ಆರ್ಟಿಲರಿ ಗನ್ ಸಿಸ್ಟಮ್, ಇದು ಟ್ರಕ್ನಿಂದ ಎಳೆವ ಟೋವ್ಡ್ ಗನ್ ಆಗಿದೆ. ಹಾಗಿದ್ದರೂ ಶೆಲ್ ಅನ್ನು ಹಾರಿಸಿದ ನಂತರ, ಅದು ಬೋಫೋರ್ಸ್ನಂತೆ ಮುಂದೆ ಸ್ವಲ್ಪ ದೂರ ಹೋಗುತ್ತದೆ. ಶೆಲ್ ಹಾಕಿದ ಬಳಿಕ, ಅಕ್ಕಪಕ್ಕ ಇದ್ದ ಸೈನಿಕರು ದೂರ ಓಡಬೇಕು. ಈ ಬಂದೂಕಿನ ಕ್ಯಾಲಿಬರ್ 155 ಎಂಎಂ. ಅಂದರೆ ಈ ಆಧುನಿಕ ಫಿರಂಗಿಯಿಂದ 155 ಎಂಎಂ ಶೆಲ್ಗಳನ್ನು ಹಾರಿಸಬಹುದು. ATAGS ಅನ್ನು ಹೊವಿಟ್ಜರ್ ಎಂದೂ ಕರೆಯುತ್ತಾರೆ.
ಮೇಕ್ ಇನ್ ಇಂಡಿಯಾದ ಪ್ರಮುಖ ಭಾಗ: ಸುಧಾರಿತ ಟೋವ್ಡ್ ಆರ್ಟಿಲರಿ ಗನ್ ಸಿಸ್ಟಮ್ (ಎಟಿಎಜಿಎಸ್) ಅನ್ನು ಸಂಪೂರ್ಣವಾಗಿ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಲಾಗಿದೆ ಮತ್ತು ಇದು ಪ್ರಧಾನಿ ಮೋದಿಯವರ ಮೇಕ್ ಇನ್ ಇಂಡಿಯಾ ಅಭಿಯಾನದ ಪ್ರಮುಖ ಭಾಗವಾಗಿದೆ. ಭಾರತದಲ್ಲಿ ಆಂತರಿಕವಾಗಿ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳ ಉತ್ಪಾದನೆಯೊಂದಿಗೆ ರಕ್ಷಣಾ ವಲಯದಲ್ಲಿ ದೇಶವನ್ನು ಸ್ವಾವಲಂಬಿಯನ್ನಾಗಿ ಮಾಡುವ ಸರ್ಕಾರದ ಪ್ರೋತ್ಸಾಹದ ಭಾಗವಾಗಿ ATAGS ಅಭಿವೃದ್ಧಿಯಾಗಿದೆ.
ದೇಶಬಾಂಧವರ ಎದುರು ನನ್ನ ನೋವು ತೋಡಿಕೊಳ್ಳದೆ, ಇನ್ಯಾರ ಮುಂದೆ ಹೇಳಿಕೊಳ್ಳಲಿ!
ಯಾಕೆ ಎಟಿಎಜಿಎಸ್ ಪ್ರಮುಖ: ಡಿಆರ್ಡಿಓ ಅಭಿವೃದ್ಧಿ ಮಾಡಿರುವ ಮೇಡ್ ಇನ್ ಇಂಡಿಯಾ ಹೋವಿಟ್ಜರ್ ಗನ್ಸ್ ವಿಶೇಷ ಏಕೆಂದರೆ ಈ ಎಟಿಎಜಿಎಸ್ ಹಾರಿಸುವ ಮದ್ದುಗುಂಡು 45 ಕಿಲೋಮೀಟರ್ ದೂರದವರೆಗೆ ಹೋಗಿ ಬೀಳುತ್ತದೆ. ವಿಶ್ವದ ಯಾವುದೇ ಎಟಿಎಜಿಎಸ್ ಗನ್ಗಳ ವ್ಯಾಪ್ತಿ ಇಷ್ಟು ದೂರವಿಲ್ಲ. ಡಿಆರ್ಡಿಓ ಡಿಜಿ (ಆರ್ & ಎಂ) ಪ್ರಕಾರ, ಸಂಗಮ್ ಸಿನ್ಹಾ “ಇದು ಸ್ವಯಂ ಚಾಲಿತವಾಗಿದೆ ಮತ್ತು ಸುಲಭವಾಗಿ ಎಳೆಯಬಹುದು. ಈ ಬಾರಿ ಇದನ್ನು 21-ಗನ್ ಸೆಲ್ಯೂಟ್ನಲ್ಲಿ ಸೇರಿಸಲಾಗುವುದು ಮತ್ತು ಖಂಡಿತವಾಗಿ ಗೇಮ್ ಚೇಂಜರ್ ಆಗಲಿದೆ' ಎಂದು ಹೇಳಿದ್ದರು. ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ATAGS ಗಾಗಿ ಅಭಿವೃದ್ಧಿ ಪ್ರಕ್ರಿಯೆಯು 2013 ರಲ್ಲಿ ಪ್ರಾರಂಭವಾಯಿತು, ಇದು ಸ್ಥಳೀಯ 155mm ಫಿರಂಗಿ ಗನ್ ಅನ್ನು ವಿನ್ಯಾಸಗೊಳಿಸಲು, ಅಭಿವೃದ್ಧಿಪಡಿಸಲು ಮತ್ತು ತಯಾರಿಸಲು ಸರ್ಕಾರದ ದೃಷ್ಟಿಯ ಭಾಗವಾಗಿದೆ, ಇದು ಪ್ರಸ್ತುತ ಭಾರತೀಯ ಸೇನೆಯು ಬಳಸುತ್ತಿರುವ ಅದರ ವಿದೇಶಿ ಗನ್ಗಳನ್ನು ಇದು ಬದಲಾವಣೆ ಮಾಡಿದೆ. DRDO ಅಭಿವೃದ್ಧಿ ಪ್ರಕ್ರಿಯೆಯನ್ನು ಮುನ್ನಡೆಸುವುದರೊಂದಿಗೆ, ಸಂಶೋಧನಾ ಸಂಸ್ಥೆಯು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ATAGS ಉತ್ಪಾದನೆಯನ್ನು ನಿರ್ವಹಿಸಲು ಎರಡು ಖಾಸಗಿ ಸಂಸ್ಥೆಗಳಾದ ಟಾಟಾ ಅಡ್ವಾನ್ಸ್ಡ್ ಸಿಸ್ಟಮ್ಸ್ ಲಿಮಿಟೆಡ್ ಮತ್ತು ಭಾರತ್ ಫೋರ್ಜ್ ಲಿಮಿಟೆಡ್ನೊಂದಿಗೆ ಒಪ್ಪಂದ ಮಾಡಿಕೊಂಡಿತ್ತು.
ಜೈ ಜವಾನ್, ಜೈ ಕಿಸಾನ್ ಘೋಷಣೆಗೆ ಹೊಸ ಸ್ಲೋಗನ್ ಸೇರಿಸಿದ ಪ್ರಧಾನಿ ಮೋದಿ!
ಇಂಡಿಯಾ ಮೇಡ್ ATAGS ನ ವಿಶಿಷ್ಟ ವಿನ್ಯಾಸವು ವಲಯ 7 ರಲ್ಲಿ (ಗರಿಷ್ಠ ಶ್ರೇಣಿ) ಬಿಮೋಡ್ಯುಲರ್ ಚಾರ್ಜ್ ಸಿಸ್ಟಮ್ (ಒಂದು ರೀತಿಯ ಯುದ್ಧಸಾಮಗ್ರಿ) ಅನ್ನು ಹಾರಿಸುವ ಸಾಮರ್ಥ್ಯವನ್ನು ನೀಡಿದೆ. ರಕ್ಷಣಾ ತಜ್ಞರ ಪ್ರಕಾರ, ಪ್ರಸ್ತುತ ವಿಶ್ವದ ಇತರ ATAGS ಈ ಸಾಮರ್ಥ್ಯವನ್ನು ಹೊಂದಿದೆ. ಇದರ ಜೊತೆಯಲ್ಲಿ, ಮರುವಿನ್ಯಾಸ ಪ್ರಕ್ರಿಯೆಯಲ್ಲಿ, DRDO ತಜ್ಞರು 25 ಲೀಟರ್ಗಳಷ್ಟು ಹೆಚ್ಚಿದ ಚೇಂಬರ್ ಸಾಮರ್ಥ್ಯವನ್ನು ಸಹ ನೀಡಿದ್ದಾರೆ, ಇದು ಜಗತ್ತಿನಲ್ಲಿ ಅಸ್ತಿತ್ವದಲ್ಲಿರುವ ಯಾವುದೇ ಗನ್ ಸಿಸ್ಟಮ್ಗಿಂತ ಹೆಚ್ಚಾಗಿದೆ. ಪರೀಕ್ಷಾ ಪ್ರಕ್ರಿಯೆಯಲ್ಲಿ, 45 ಕಿಮೀ ವ್ಯಾಪ್ತಿಯನ್ನು ಹೊಂದಲು ವಿನ್ಯಾಸಗೊಳಿಸಲಾದ ಬಂದೂಕುಗಳು 48 ಕಿಮೀ ವ್ಯಾಪ್ತಿಯನ್ನು ಸಾಧಿಸಿವೆ. ATAGS 155mm/52 ಕ್ಯಾಲಿಬರ್ ಗನ್ ಆಗಿದ್ದು ಅದು ಶಕ್ತಿಯುತ ಆಯುಧವಾಗಿದೆ.
ಮೇಡ್ ಇನ್ ಇಂಡಿಯಾ-ಎಟಿಎಜಿಎಸ್ ಹೋವಿಟ್ಜರ್ ಗನ್ ವಿಶೇಷತೆಗಳು
45 ಕಿಲೋಮೀಟರ್ವರೆಗಿನ ಗರಿಷ್ಠ ಶೂಟಿಂಗ್ ಶ್ರೇಣಿ
25 ಲೀಟರ್ಗಳಷ್ಟು ಹೆಚ್ಚಿದ ಚೇಂಬರ್ ಸಾಮರ್ಥ್ಯ
ಗುಂಡು ಹಾರಿಸುವ ರೇಟ್: 60 ಸೆಕೆಂಡುಗಳಲ್ಲಿ 5 ಸುತ್ತುಗಳು / 150 ಸೆಕೆಂಡುಗಳಲ್ಲಿ 10 ಸುತ್ತುಗಳು / 60 ನಿಮಿಷಗಳಲ್ಲಿ 60 ಸುತ್ತುಗಳು
ಹೆಚ್ಚಿನ ಚಲನಶೀಲತೆ ಮತ್ತು ತ್ವರಿತ ನಿಯೋಜನೆ
ಸಹಾಯಕ ವಿದ್ಯುತ್ ಮೋಡ್
ಸುಧಾರಿತ ಸಂವಹನ ವ್ಯವಸ್ಥೆ
ಸ್ವಯಂಚಾಲಿತ ಕಮಾಂಡ್ ಮತ್ತು ನಿಯಂತ್ರಣ ವ್ಯವಸ್ಥೆ