Elections 2026 Live: ಪುದುಚೇರಿ ಚುನಾವಣೆ - ವೋಟಿಂಗ್‌ ಮಷಿನ್‌ನಲ್ಲಿ ಕಾಣಿಸಿಕೊಂಡ ಬೆಂಕಿ, ಬೈಕ್‌ನಲ್ಲಿ ಬಂದು ವೋಟ್‌ ಮಾಡಿದ ಸಿಎಂ ರಂಗಸ್ವಾಮಿ!

ಪುದುಚೇರಿ ವಿಧಾನಸಭಾ ಚುನಾವಣೆಯ ಮತದಾನದ ವೇಳೆ ಕರೈಕಲ್‌ನ ಮತಗಟ್ಟೆಯೊಂದರಲ್ಲಿ ವಿವಿಪ್ಯಾಟ್ ಯಂತ್ರದಿಂದ ಹೊಗೆ ಬಂದ ಕಾರಣ ಮತದಾನವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಯಿತು. ಮುಖ್ಯಮಂತ್ರಿ ಎನ್. ರಂಗಸ್ವಾಮಿ ದ್ವಿಚಕ್ರ ವಾಹನದಲ್ಲಿ ಬಂದು ಮತ ಚಲಾಯಿಸಿ, ಗೆಲುವಿನ ವಿಶ್ವಾಸ ವ್ಯಕ್ತಪಡಿಸಿದರು.

ಪಂಚರಾಜ್ಯ ವಿಧಾನಸಭಾ ಚುನಾವಣೆ

11 ಗಂಟೆ ಮತದಾನ ಪ್ರಮಾಣ

ಅಸ್ಸಾಂ - ಶೇ 38.92

ಕೇರಳಂ- ಶೇ 33.28

ಪುದುಚೇರಿ -ಶೇ 37.06

ಕೇರಳ ವಿಧಾನಸಭಾ ಚುನಾವಣೆಯ ವೇಳೆ, ಪತ್ತನಂತಿಟ್ಟ ಜಿಲ್ಲೆಯ ಮತಗಟ್ಟೆಯೊಂದರಲ್ಲಿ ಎಲ್‌ಡಿಎಫ್ ಅಭ್ಯರ್ಥಿ ವೀಣಾ ಜಾರ್ಜ್ ಅವರ ಫೋಟೋ ಮಾತ್ರ ಸ್ಪಷ್ಟವಾಗಿದ್ದು, ಇತರರ ಚಿತ್ರಗಳು ಮಸುಕಾಗಿವೆ ಎಂದು ಕಾಂಗ್ರೆಸ್ ಗಂಭೀರ ಆರೋಪ ಮಾಡಿದೆ. 

ಕೇರಳ ವಿಧಾನಸಭೆಯಲ್ಲಿ ಕಾಂಗ್ರೆಸ್‌ಗೆ ಸ್ಪಷ್ಟ ಬಹುಮತ ಸಗುವುದು ಖಚಿತ. 100ಕ್ಕೂ ಹೆಚ್ಚು ಕ್ಷೇತ್ರಗಳಲ್ಲಿ ಗೆಲ್ಲಲ್ಲಿದ್ದೇವೆ. ಜನರು ಬದಲಾವಣೆಯ ನಿರೀಕ್ಷೆಯಲ್ಲಿದ್ದಾರೆ. ಇಂಥ ಮುಂಗೋಪಿ ಮುಖ್ಯಮಂತ್ರಿ ಇನ್ನೂ ಐದು ವರ್ಷ ಮುಂದುವರೆಸಬೇಕಾ ಎನ್ನುವ ಪ್ರಶ್ನೆ ಮತದಾರರನ್ನು ಕಾಡುತ್ತಿದೆ. ಎಲ್ಲಿ ಹೋದರೂ ಇಂಥ ಮುಖ್ಯಮಂತ್ರಿ ಇನ್ನು ಅಧಿಕಾರದಲ್ಲಿ ಇರಬಾರದೆಂಬ ಅಭಿಪ್ರಾಯವೇ ವ್ಯಕ್ತವಾಗುತ್ತಿದೆ. ಅಯ್ಯಪ್ಪನ ಬಂಗಾರವನ್ನು ಕದಿಯಲಾಗಿದೆ. ಆದರೆ,ಈ ಸರಕಾರ ಅವೆಲ್ಲವನ್ನೂ ಮುಚ್ಚಿ ಹಾಕಲು ಯತ್ನಿಸುತ್ತಿದೆ. ಜನ ತೀರ್ಪು ಇಂಥ ಚಿನ್ನ ಕಳ್ಳರ ವಿರುದ್ಧವೇ ಇರಲಿದೆ, ಎಂದು ಕಾಂಗ್ರೆಸ್ ನಾಯಕ ಕೆ.ಸಿ.ವೇಣುಗೋಪಾಲ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಕೇರಳ ವಿಧಾನಸಭಾ ಚುನಾವಣೆ. ಮತದಾನಕ್ಕೆ ಸರತಿ ಸಾಲಿನಲ್ಲಿ ನಿಂತಿರುವ ಕೇರಳ ಬಿಜೆಪಿ ಅಧ್ಯಕ್ಷ ಮತ್ತು ನೇಮಮ್‌ನ ಅಭ್ಯರ್ಥಿ ರಾಜೀವ್ ಚಂದ್ರಶೇಖರ್. ತಿರುವನಂತಪುರಂನ ಮತಗಟ್ಟೆಯಲ್ಲಿ ಸರತಿ ಸಾಲಲ್ಲಿ ನಿಂತು ಮತ ಚಲಾಯಿಸಿದ್ದಾರೆ. 9 ಗಂಟೆ ಹೊತ್ತಿಗೆ ದೇವರ ನಾಡಿನಲ್ಲಿ ಸುಮಾರು ಶೇ 16.2 ಮತದಾನ ನಡೆದಿದೆ 

ಅಸ್ಸಾಂ ವಿಧಾನಸಭಾ ಚುನಾವಣೆ

9 ಗಂಟೆಯ ಮತದಾನದಂತೆ ಶೇ 17.87 ಮತದಾನ ನಡೆದಿದೆ 

ಪುದುಚೆರಿಯಲ್ಲಿ ಶೇ 17.41 ಮತದಾನ ನಡೆದಿದೆ.

ಪುದುಚೇರಿ ವಿಧಾನಸಭಾ ಚುನಾವಣೆಯಲ್ಲಿ 9 ಗಂಟೆಯ ಮತದಾನ ಪ್ರಮಾಣ ಪ್ರಕಟವಾಗಿದ್ದು, ಶೇ 17.41 ಮತದಾನ ನಡೆದಿದೆ.

ಅಸ್ಸಾಂ ವಿಧಾನಸಭಾ ಚುನಾವಣೆಯಲ್ಲಿ 9 ಗಂಟೆಯ ಮತದಾನ ಪ್ರಮಾಣ ಪ್ರಕಟವಾಗಿದ್ದು, ಶೇ 17.87 ಮತದಾನ ನಡೆದಿದೆ.

ಕೇರಳಂ ವಿಧಾನಸಭಾ ಚುನಾವಣೆಯಲ್ಲಿ 9 ಗಂಟೆಯ ಮತದಾನ ಪ್ರಮಾಣ ಪ್ರಕಟವಾಗಿದ್ದು, ಶೇ 16.2 ಮತದಾನ ನಡೆದಿದೆ.

ಪುದುಚೇರಿ ವಿಧಾನಸಭಾ ಚುನಾವಣೆಯ ಮತಗಟ್ಟೆಯೊಂದರಲ್ಲಿ, ಸೀರೆ ಉಟ್ಟ 'ನೀಲಾ' ಎಂಬ ಹ್ಯೂಮನಾಯ್ಡ್ ರೋಬೋಟ್ ಮತದಾರರನ್ನು ಸ್ವಾಗತಿಸಿ, ಮಾಹಿತಿ ನೀಡುವ ಮೂಲಕ ಗಮನ ಸೆಳೆಯಿತು. ಕೊಯಮತ್ತೂರಿನ 'ರೋಬೋ ಮಿರರ್' ಸಂಸ್ಥೆ ಇದನ್ನು ಅಭಿವೃದ್ಧಿಪಡಿಸಿದೆ.

ಕೇರಳದ ಹಿರಿಯ ನಟ ಮೋಹನ್‌ ಲಾಲ್‌ ಚುನಾವಣೆಯಲ್ಲಿ ತಮ್ಮ ಹಕ್ಕು ಚಲಾಯಿಸಿದ್ದಾರೆ. ಅದರೊಂದಿಗೆ ಎಲ್ಲರೂ ಮತದಾನ ಮಾಡುವಂತೆ ಮನವಿ ಮಾಡಿದ್ದಾರೆ.

ಕೇರಳವು ತನ್ನ ಹೊಸ ಸರ್ಕಾರವನ್ನು ಆಯ್ಕೆ ಮಾಡಲು ಮತ ಚಲಾಯಿಸುತ್ತಿರುವಾಗ, ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಗುರುವಾರ ರಾಜ್ಯದ ಜನರನ್ನು ಕಾಳಜಿ ವಹಿಸುವ ಪಕ್ಷಕ್ಕೆ ಮತ ಚಲಾಯಿಸುವಂತೆ ಹೇಳಿದ್ದಾಎ.

X ಕುರಿತ ಪೋಸ್ಟ್‌ನಲ್ಲಿ, ಖರ್ಗೆ ಕೇರಳದ ಶಕ್ತಿ ವೈವಿಧ್ಯತೆಯಲ್ಲಿ ಏಕತೆಯಾಗಿದೆ ಮತ್ತು ವಿಭಜನೆ ಅಥವಾ ಗೊಂದಲದ ಮೂಲಕ ಆ ಶಕ್ತಿಯನ್ನು ದುರ್ಬಲಗೊಳಿಸಲು ಬಿಡಬೇಡಿ ಎಂದು ಕೇಳಿಕೊಂಡರು.

"ಕೇರಳದ ನನ್ನ ಪ್ರೀತಿಯ ಸಹೋದರಿಯರೇ ಮತ್ತು ಸಹೋದರರೇ, ನೀವು ಯಾವಾಗಲೂ ಶಿಕ್ಷಣ, ಘನತೆ, ಜಾತ್ಯತೀತ ಮೌಲ್ಯಗಳು ಮತ್ತು ಸಾಮಾಜಿಕ ನ್ಯಾಯಕ್ಕಾಗಿ ನಿಂತಿದ್ದೀರಿ. ಪ್ರಗತಿಪರ ಚಿಂತನೆಯ ನಿಜವಾದ ಅರ್ಥವನ್ನು ನೀವು ರಾಷ್ಟ್ರಕ್ಕೆ ತೋರಿಸಿದ್ದೀರಿ. ಈಗ, ಮತ್ತೊಮ್ಮೆ, ಜವಾಬ್ದಾರಿ ನಿಮ್ಮ ಕೈಯಲ್ಲಿದೆ." ಎಂದು ಬರೆದಿದ್ದಾರೆ.

ಗುರುವಾರ ನಡೆದ ಕೇರಳ ವಿಧಾನಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ರಾಜ್ಯಸಭಾ ಸಂಸದೆ ಜೆಬಿ ಮಾಥರ್ ತಮ್ಮ ಮತ ಚಲಾಯಿಸಿದರು. "ನಾನು ಮತ ಚಲಾಯಿಸಿದ್ದೇನೆ. ಕೇರಳದ ಜನರು ಈಗಾಗಲೇ ತಮ್ಮ ಮನಸ್ಸನ್ನು ಮಾಡಿದ್ದಾರೆ - 100 ಸ್ಥಾನಗಳನ್ನು ಹೊಂದಿರುವ ಯುಡಿಎಫ್ ಸರ್ಕಾರ ಅಧಿಕಾರಕ್ಕೆ ಬರುತ್ತದೆ" ಎಂದು ಅವರು ಹೇಳಿದರು.

ಅಸ್ಸಾಂ, ಕೇರಳ ಮತ್ತು ಪುದುಚೇರಿಯಲ್ಲಿ ವಿಧಾನಸಭಾ ಚುನಾವಣೆಯ ಮತದಾನ ಆರಂಭವಾದ ಬೆನ್ನಲ್ಲೇ, ಪ್ರಧಾನಿ ನರೇಂದ್ರ ಮೋದಿ ಮತದಾರರಿಗೆ ಸಂದೇಶಗಳನ್ನು ಪೋಸ್ಟ್ ಮಾಡಿದ್ದಾರೆ.