World Laughter Day 2022: ಸ್ಪಲ್ಪ ನಕ್ಕು ಬಿಡೀಪ್ಪಾ, ನಗೋದ್ರಿಂದ ಎಷ್ಟೊಂದು ಪ್ರಯೋಜನವಿದೆ ನೋಡಿ..

ಮೇ 1ರಂದು, ಧನಾತ್ಮಕ ಶಕ್ತಿ ಮತ್ತು ಅಭಿವ್ಯಕ್ತಿಗಳನ್ನು ವ್ಯಕ್ತಪಡಿಸಲು ವಿಶ್ವ ನಗು ದಿನ (World Laughter Day)ವನ್ನು ಆಚರಿಸಲಾಗುತ್ತದೆ. ಸಕಾರಾತ್ಮಕ ಭಾವನೆಗಳು (Feelings) ಮನುಷ್ಯನಲ್ಲಿ ಧನಾತ್ಮಕ ಬದಲಾವಣೆಯನ್ನು ಹೇಗೆ ತರುತ್ತವೆ ಎಂಬುದರ ಬಗ್ಗೆ ಜನರಲ್ಲಿ ಅರಿವು ಮೂಡಿಸಲು ವಿಶ್ವ ನಗುವಿನ ದಿನವನ್ನು ಆಚರಿಸಲು ನಿರ್ಧರಿಸಲಾಯಿತು. ನಗುವುದು ಹಲವಾರು ಆರೋಗ್ಯ ಪ್ರಯೋಜನ (Healh Benefits)ಗಳನ್ನು ಹೊಂದಿದೆ. ಅದೇನು ತಿಳ್ಕೊಳ್ಳೋಣ.

laugh

ಇಂದು ಮೇ.1, ವಿಶ್ವ ನಗುವಿನ ದಿನ (World Laughter Day). ನಗು ಮತ್ತು ಸಂತೋಷವು ಜಗತ್ತನ್ನು ಬದಲಾಯಿಸುವ ಶಕ್ತಿಯನ್ನು ಹೊಂದಿದೆ ಎಂದು ನಂಬಲಾಗುತ್ತದೆ. ನಗು ನೋವನ್ನು ನಿವಾರಿಸಲು, ಮನಸ್ಥಿತಿಯನ್ನು ಹೆಚ್ಚಿಸಲು, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ವಾಸ್ತವವಾಗಿ, ಮನಸ್ಸು ಮತ್ತು ದೇಹವನ್ನು ಸಮತೋಲನಕ್ಕೆ ತರಲು ನಗು ಅತ್ಯುತ್ತಮ ಮಾರ್ಗವಾಗಿದೆ. ಅನೇಕ ಶತಮಾನಗಳಿಂದ, ದೇಹ ಮತ್ತು ಮನಸ್ಸನ್ನು ಗುಣಪಡಿಸಲು ಇದನ್ನು ಬಳಸಲಾಗಿದೆ. ಅದರಲ್ಲೂ ಜನರಲ್ಲಿ ಒತ್ತಡ ಮತ್ತು ಆತಂಕ ಹೆಚ್ಚುತ್ತಿರುವ ಈ ದಿನಗಳಲ್ಲಿ ನಗುವಿನ ಪ್ರಾಮುಖ್ಯತೆಯನ್ನು ನಿರ್ಲಕ್ಷಿಸುವುದು ಕಷ್ಟಕರವಾಗಿದೆ.

ವಿಶ್ವ ನಗು ದಿನ 2022: ಇತಿಹಾಸ
ವಿಶ್ವ ನಗು ದಿನ ( (World Laughter Day))ವನ್ನು ಮೊದಲು ಮುಂಬೈನಲ್ಲಿ 1998ರಲ್ಲಿ ಆಚರಿಸಲಾಯಿತು. ನಗು ಯೋಗ ಚಳುವಳಿಯ ಸಂಸ್ಥಾಪಕ ಡಾ.ಮದನ್ ಕಟಾರಿಯಾ ಅವರು ಆ ಚಳುವಳಿಯ ಮೂಲಕ ಒಂದು ಸಿದ್ಧಾಂತವನ್ನು ಎತ್ತಿ ತೋರಿಸಿದರು. ಮುಖದ ಚಲನೆಗಳು ವ್ಯಕ್ತಿಯ ಮಾನಸಿಕ ಸ್ಥಿತಿಯನ್ನು ಪ್ರತಿಬಿಂಬಿಸಬಹುದು ಎಂದು ಅವರು ಊಹಿಸಿದ್ದಾರೆ.ಲಾಫ್ಟರ್ ಯೋಗದ ಆಗಮನದೊಂದಿಗೆ, ವಿಶ್ವ ನಗೆ ದಿನವು ಹುಟ್ಟಿಕೊಂಡಿತು.

ವಿಶ್ವ ನಗು ದಿನ 2022: ಮಹತ್ವ
ಪ್ರತಿ ಮೇ ತಿಂಗಳ ಮೊದಲ ಭಾನುವಾರದಂದು ವಿಶ್ವ ನಗೆ ದಿನವನ್ನು ಆಚರಿಸಲಾಗುತ್ತದೆ. ನಗು ಮೆದುಳಿನಲ್ಲಿನ ಕಾರ್ಟಿಸೋಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ ಎಂದು ವೈಜ್ಞಾನಿಕವಾಗಿ ಗಮನಿಸಲಾಗಿದೆ. ಅದು ನಂತರ ದೇಹದ ಮೇಲೆ ಧನಾತ್ಮಕವಾಗಿ ಪರಿಣಾಮ ಬೀರುತ್ತದೆ. ಮನಸ್ಥಿತಿಯನ್ನು ಎತ್ತುವ ಅಥವಾ ಸರಿಯಾದ ದಿಕ್ಕಿನಲ್ಲಿ ಸಾಗದ ಆಲೋಚನಾ ಟ್ರೇನ್ ಅನ್ನು ಟ್ವೀಕ್ ಮಾಡಲು ಬಂದಾಗ ನಗುವು ಅತ್ಯಂತ ಮಹತ್ವದ್ದಾಗಿದೆ.

ಯೋಗ ತಜ್ಞ ಮತ್ತು ಡಿವೈನ್ ಸೋಲ್ ಯೋಗದ ಸಂಸ್ಥಾಪಕ ದೀಪಕ್ ಮಿತ್ತಲ್. ನಗು ಎಲ್ಲಾ ಕಾಯಿಲೆಗಳಿಗೆ ಅತ್ಯುತ್ತಮ ಔಷಧ ಎಂದು ಹೇಳುತ್ತಾರೆ. ಸಂಶೋಧನೆ ಮತ್ತು ಅಧ್ಯಯನಗಳು ನಗುವ ಪ್ರಯೋಜನಗಳ ಬಗ್ಗೆ ವಿವರಿಸಿವೆ. ಲಾಫ್ಟರ್ ಥೆರಪಿ ಕುರಿತು ಮಾತನಾಡಿದ ದೀಪಕ್ ಮಿತ್ತಲ್, ಇದು ಮಾನಸಿಕ, ದೈಹಿಕ ಮತ್ತು ಸಾಮಾಜಿಕ ಸಂಬಂಧಗಳನ್ನು ಬೆಳೆಸಲು ಸಹಾಯ ಮಾಡುತ್ತದೆ ಎಂದು ಹೇಳಿದರು. ನಾವು ನಗುವಾಗ, ಮನಸ್ಥಿತಿಯನ್ನು ಹಗುರಗೊಳಿಸುವುದರ ಜೊತೆಗೆ, ದೇಹಕ್ಕೆ ಅಲ್ಪಾವಧಿಯ ಮತ್ತು ದೀರ್ಘಕಾಲೀನ ಧನಾತ್ಮಕ ಬದಲಾವಣೆಗಳನ್ನು ತರಲು ಸಹಾಯ ಮಾಡುತ್ತದೆ. ನಗು ಚಿಕಿತ್ಸೆಯ ಕೆಲವು ಆರೋಗ್ಯ ಪ್ರಯೋಜನಗಳನ್ನು ಅವರು ವಿವರಿಸಿದ್ದಾರೆ.

ಉತ್ತಮ ರಕ್ತ ಪರಿಚಲನೆಗೆ ಸಹಾಯಕ: ಲಾಫ್ಟರ್ ಥೆರಪಿ ತಾಜಾ ಆಮ್ಲಜನಕದ ಸೇವನೆಗೆ ಸಹಾಯ ಮಾಡುತ್ತದೆ. ಸ್ನಾಯುಗಳು, ಶ್ವಾಸಕೋಶಗಳು ಮತ್ತು ಹೃದಯವನ್ನು ಉತ್ತೇಜಿಸುತ್ತದೆ ಮತ್ತು ಎಂಡಾರ್ಫಿನ್‌ಗಳ ಬಿಡುಗಡೆಯನ್ನು ಹೆಚ್ಚಿಸುತ್ತದೆ. ಇದು ಉತ್ತಮ ರಕ್ತ ಪರಿಚಲನೆಗೆ ಸಹಾಯ ಮಾಡುತ್ತದೆ, ನಗುವುದು ಹೃದಯರಕ್ತನಾಳದ ಕಾಯಿಲೆಗಳನ್ನು ಎದುರಿಸಲು ಸಹಾಯ ಮಾಡುತ್ತದೆ.

ಒತ್ತಡದ ಹಾರ್ಮೋನುಗಳನ್ನು ಕಡಿಮೆ ಮಾಡುತ್ತದೆ: ಎಪಿನ್ಫ್ರಿನ್, ಕಾರ್ಟಿಸೋಲ್, ಬೆಳವಣಿಗೆಯ ಹಾರ್ಮೋನ್ ಮತ್ತು ಹೆಚ್ಚಿನ ಒತ್ತಡದ ಹಾರ್ಮೋನುಗಳನ್ನು ಕಡಿಮೆ ಮಾಡಲು ನಗು ಚಿಕಿತ್ಸೆಯು ಸಹಾಯ ಮಾಡುತ್ತದೆ. ಇದು ದೇಹದಲ್ಲಿ ಪ್ರತಿಕಾಯ-ಉತ್ಪಾದಿಸುವ ಕೋಶಗಳನ್ನು ಹೆಚ್ಚಿಸಲು ಮತ್ತು ಟಿ-ಕೋಶಗಳ ಪರಿಣಾಮಕಾರಿತ್ವವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಕ್ಯಾಲೊರಿಗಳನ್ನು ಸುಡುತ್ತದೆ: ಪ್ರತಿದಿನ 10-15 ನಿಮಿಷಗಳ ನಗುವುದು ಸುಮಾರು 40 ಕ್ಯಾಲೊರಿಗಳನ್ನು ಸುಡುತ್ತದೆ. ಆದ್ದರಿಂದ, ಒಂದು ವರ್ಷದಲ್ಲಿ, ಒಬ್ಬ ವ್ಯಕ್ತಿಯು ದೈನಂದಿನ ಡೋಸ್ ನಗುವಿನೊಂದಿಗೆ 4-5 ಪೌಂಡ್‌ಗಳಷ್ಟು ತೂಕವನ್ನು ಕಳೆದುಕೊಳ್ಳಬಹುದು.

ಮನಸ್ಥಿತಿಯನ್ನು ಸುಧಾರಿಸುತ್ತದೆ: ನಗುವೆಂಬುದು ಒಂದು ಅತ್ಯುತ್ತಮ ಚಿಕಿತ್ಸೆಯಾಗಿದೆ. ನಗುವುದು ಖಿನ್ನತೆ, ಒತ್ತಡ ಮತ್ತು ಆತಂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಮನಸ್ಸಿನಲ್ಲಿರುವ ನಕಾರಾತ್ಮಕ ಭಾವನೆಗಳನ್ನು ತೆಗೆದುಹಾಕುತ್ತದೆ.

ನೋವನ್ನು ನಿವಾರಿಸುತ್ತದೆ: ಹಾಸ್ಯ ಮತ್ತು ನಗು ದೇಹದಲ್ಲಿ ಎಂಡಾರ್ಫಿನ್‌ಗಳ ಬಿಡುಗಡೆಗೊಳಿಸುತ್ತದೆ. ಈ ಅಂಶ ಸ್ನಾಯುವಿನ ಒತ್ತಡವನ್ನು ಸರಾಗಗೊಳಿಸುವ ನೋವನ್ನು ನಿವಾರಿಸುತ್ತದೆ.