Crocs Harmful For Kids: ಮೊದಲು ಜನರು ಹೆಚ್ಚಾಗಿ ಚಪ್ಪಲಿಗಳನ್ನು ಬಳಸುತ್ತಿದ್ದರು. ಆದರೆ ಕಾಲ ಬದಲಾದಂತೆ ಈಗ ಹೆಚ್ಚಾಗಿ Crocs ಧರಿಸುತ್ತಿದ್ದಾರೆ.
Kids Footwear Health: ಕಾಲಕ್ಕೆ ತಕ್ಕಂತೆ ಬದಲಾವಣೆ ಪ್ರಕೃತಿಯ ನಿಯಮ. ಅದಕ್ಕಾಗಿಯೇ ನಾವು ನಮ್ಮ ಜೀವನದಲ್ಲಿ ಕಾಲಕಾಲಕ್ಕೆ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು. ಈ ಬದಲಾವಣೆ ಯಾವುದಾದರೂ ಆಗಿರಬಹುದು. ನಮ್ಮ ಮನೆಯಲ್ಲಿರುವ ವಸ್ತುಗಳು, ನಿರ್ದೇಶನ, ನಿಯಮಗಳು ಮತ್ತು ನೀವು ಬೇಸರಗೊಂಡಿರುವ ಇತರ ಹಲವು ವಿಷಯಗಳು. ಪಾದರಕ್ಷೆಗಳು ಸಹ ಅಂತಹ ವಿಷಯಗಳಲ್ಲಿ ಒಂದಾಗಿರಬಹುದು. ಕಾಲಕ್ಕೆ ತಕ್ಕ ಹಾಗೆ ಶೂಗಳು ಮತ್ತು ಚಪ್ಪಲಿಗಳು ಸಹ ಬದಲಾಗುತ್ತವೆ. ಮೊದಲು ಜನರು ಹೆಚ್ಚಾಗಿ ಚಪ್ಪಲಿಗಳನ್ನು ಬಳಸುತ್ತಿದ್ದರು. ಆದರೆ ಕಾಲ ಬದಲಾದಂತೆ, ಈಗ ಜನರು ಹೆಚ್ಚಾಗಿ ಕ್ರೋಕ್ಸ್ ಧರಿಸುತ್ತಿದ್ದಾರೆ. ಜನರು ಎಲ್ಲೆಡೆ ಕ್ರೋಕ್ಸ್ ಧರಿಸುವುದನ್ನು ನೀವು ನೋಡುತ್ತೀರಿ. ಅದು ರಸ್ತೆಯಾಗಿರಬಹುದು, ಮಾಲ್ಗಳಾಗಿರಬಹುದು ಅಥವಾ ಈಜುಕೊಳಗಳಾಗಿರಬಹುದು.
ಕ್ರೋಕ್ಸ್ನ ವಿಶಿಷ್ಟ ವಿನ್ಯಾಸ ಮತ್ತು ಹೆಚ್ಚಿನ ಸೌಕರ್ಯದಿಂದಾಗಿ, ವಯಸ್ಕರು ಮಾತ್ರವಲ್ಲದೆ ತಮ್ಮ ಮಕ್ಕಳು ಸಹ ಅವುಗಳನ್ನು ಧರಿಸುವಂತೆ ಪಾಲಕರು ಒತ್ತಾಯಿಸುತ್ತಿದ್ದಾರೆ. ಆದರೆ, ಕ್ರೋಕ್ಸ್ ಮಕ್ಕಳ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದು ನಿಮಗೆ ತಿಳಿದಿದೆಯೇ?. ಹೌದು, ಮಕ್ಕಳು ಕ್ರೋಕ್ಸ್ ಅನ್ನು ಏಕೆ ಧರಿಸಬಾರದು? ಕ್ರೋಕ್ಸ್ ಮಕ್ಕಳಿಗೆ ಹೇಗೆ ಹಾನಿಕಾರಕ...?. ಈ ಎಲ್ಲಾ ಪ್ರಶ್ನೆಗಳಿಗೆ ಕನ್ನೌಜ್ ಸರ್ಕಾರಿ ವೈದ್ಯಕೀಯ ಕಾಲೇಜಿನ ಮಕ್ಕಳ ತಜ್ಞ ಡಾ. ಪ್ರಿಯಾಂಕಾ ಆರ್ಯ ಜನಪ್ರಿಯ ಮಾಧ್ಯಮವೊಂದರ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಕ್ರೋಕ್ಸ್ ಬಗ್ಗೆ ವೈದ್ಯರು ಹೇಳಿದ್ದೇನು?
ವೈದ್ಯರು ಹೇಳುವಂತೆ, ಸಾಂದರ್ಭಿಕವಾಗಿ ಕ್ರೋಕ್ಸ್ ಧರಿಸುವುದರಿಂದ ಯಾವುದೇ ತೊಂದರೆ ಇಲ್ಲ. ಆದರೆ ಎಲ್ಲಾ ಸಮಯದಲ್ಲೂ ಹಾಗೆ ಮಾಡುವುದು ಅಪಾಯಕಾರಿ. ಇನ್ನು ಮಕ್ಕಳ ಬಗ್ಗೆ ಮಾತನಾಡುವುದಾದರೆ, ಪೋಷಕರು ತಮ್ಮ ಮಕ್ಕಳಿಗೆ ಉತ್ತಮ ಹಿಡಿತವಿರುವ ಅಂದ್ರೆ ಗ್ರಿಪ್ ಇರುವ ಚಪ್ಪಲಿಗಳನ್ನು ಧರಿಸುವಂತೆ ಕೊಡಿಸಬೇಕು. ಇದು ಮಗುವನ್ನು ಎಲ್ಲಾ ರೀತಿಯ ಸಮಸ್ಯೆಗಳಿಂದ ರಕ್ಷಿಸುತ್ತದೆ.
ಮಕ್ಕಳು ಕ್ರೋಕ್ಸ್ ಧರಿಸಬಾರದೇಕೆ?
ತಜ್ಞರ ಪ್ರಕಾರ, ಕ್ರೋಕ್ಗಳಿಗೆ ಕಮಾನು ಸಪೋರ್ಟ್ ಇರಲ್ಲ. ಅಂದರೆ ಪಾದಗಳ ಕಮಾನು ಭಾಗವನ್ನು ಸಪೋರ್ಟ್ ಮಾಡುವ ಸಾಮರ್ಥ್ಯ ಕಡಿಮೆ. ನಮಗೆಲ್ಲಾ ತಿಳಿದಿರುವಂತೆ ಈ ಸಮಯದಲ್ಲಿ ಮಕ್ಕಳ ಪಾದಗಳು ಬೆಳೆಯುತ್ತಿರುತ್ತವೆ. ಆದ್ದರಿಂದ ಅವರಿಗೆ ಸರಿಯಾದ ಸಪೋರ್ಟ್ ಬೇಕಾಗುತ್ತದೆ. ಅವರ ಪಾದಗಳು ಮತ್ತು ಕಣಕಾಲುಗಳು ಸರಿಯಾದ ದಿಕ್ಕಿನಲ್ಲಿ ಬೆಳೆಯುತ್ತವೆ. ಕ್ರೋಕ್ಗಳನ್ನು ಧರಿಸುವುದರಿಂದ ಇದು ಸಾಧ್ಯವಿಲ್ಲ. ಸಪೋರ್ಟ್ ಇಲ್ಲದ ಚಪ್ಪಲಿಗಳು ಮಕ್ಕಳಲ್ಲಿ ಚಪ್ಪಟೆ ಪಾದಗಳು ಅಥವಾ ಕಾಲು ನೋವಿನಂತಹ ಸಮಸ್ಯೆಗಳನ್ನು ಹೆಚ್ಚಿಸಬಹುದು ಎಂದು ಹೇಳಲಾಗಿದೆ.
ಗಾಯದ ಅಪಾಯ: ವೈದ್ಯರ ಪ್ರಕಾರ, ಕ್ರೋಕ್ಸ್ನ ವಿನ್ಯಾಸವು ಸಡಿಲವಾಗಿರುತ್ತದೆ ಮತ್ತು ಒಪನ್ ಆಗಿರುತ್ತದೆ. ಮಕ್ಕಳು ಆಟವಾಡುವಾಗ ವೇಗವಾಗಿ ಓಡುತ್ತಾರೆ. ಜಿಗಿಯುವಾಗ ಅಥವಾ ಜಂಪ್ ಮಾಡುವಾಗ ಸಡಿಲವಾದ ಬೂಟುಗಳು ಮತ್ತು ಚಪ್ಪಲಿಗಳು ಹೆಚ್ಚಾಗಿ ಅವರ ಪಾದಗಳಿಂದ ಜಾರಿಬೀಳುತ್ತವೆ. ಇದು ಬೀಳುವ, ಗಾಯಗೊಳ್ಳುವ ಮತ್ತು ತಿರುಚುವ ಅಪಾಯವನ್ನುಂಟುಮಾಡುತ್ತದೆ.
ನೋವು ಮತ್ತು ಆಯಾಸ: ಕ್ರೋಕ್ಸ್ ರಬ್ಬರ್ ಅಥವಾ ಫೋಮ್ನಿಂದ ಮಾಡಲ್ಪಟ್ಟಿರುತ್ತವೆ. ಅವು ಮೃದುವಾಗಿ ಕಾಣುತ್ತವೆ, ಆದರೆ ಸಾಫ್ಟ್ ಆಗಿ ಇರುವುದಿಲ್ಲ.
ಈ ಸಮಯದಲ್ಲಿ ಮಕ್ಕಳು ಅವುಗಳನ್ನು ಧರಿಸಿ ಗಂಟೆಗಟ್ಟಲೆ ನಡೆದರೆ ಅವರ ಪಾದಗಳಲ್ಲಿ ನೋವು ಅಥವಾ ಆಯಾಸ ಉಂಟಾಗಬಹುದು.
ಸೋಂಕಿನ ಅಪಾಯ: ರಬ್ಬರ್ನಿಂದ ಮಾಡಲ್ಪಟ್ಟಿರುವ ಕ್ರೋಕ್ಸ್ ಪಾದಗಳು ಹೆಚ್ಚು ಬೆವರುವಂತೆ ಮಾಡುತ್ತದೆ. ವಿಶೇಷವಾಗಿ ಬೇಸಿಗೆಯಲ್ಲಿ. ಇದು ಬ್ಯಾಕ್ಟೀರಿಯಾದ ಬೆಳವಣಿಗೆಗೆ ಕಾರಣವಾಗಬಹುದು. ಇದು ಶಿಲೀಂಧ್ರಗಳ ಸೋಂಕಿನಂತಹ ಸಮಸ್ಯೆಗಳಿಗೂ ಕಾರಣವಾಗಬಹುದು.
ಪಾದದ ಸಮಸ್ಯೆಗಳು: ಕ್ರೋಕ್ಸ್ ಬೆನ್ನಿನ ಪಟ್ಟಿಯನ್ನು ಹೊಂದಿರುತ್ತವೆ. ಇದರ ಹೊರತಾಗಿಯೂ, ಹಿಮ್ಮಡಿ ಜಾರಿಬೀಳಬಹುದು ಮತ್ತು ಪಾದವನ್ನು ಅದರೊಳಗೆ ಹಿಡಿದಿಡಲು ಕಾಲ್ಬೆರಳುಗಳನ್ನು ಬಗ್ಗಿಸಬೇಕಾಗುತ್ತದೆ. ಇದು ಆಯಾಸ ಮತ್ತು ಪಾದದ ಸಮಸ್ಯೆಗಳನ್ನು ಉಂಟುಮಾಡಬಹುದು.