ಪುರುಷರೇ ಹುಷಾರ್ ! ಶಿಶ್ನ ಬಾಗುವಂತೆ ಮಾಡುತ್ತೆ ಈ ವಿಚಿತ್ರ ಕಾಯಿಲೆ !
ಪುರುಷರೇ..ನಿಮ್ಮ ಶಿಶ್ನವನ್ನು ಬಾಗುವಂತೆ ಮಾಡುವ ಪೆರೋನಿಯ ಕಾಯಿಲೆಯ ಬಗ್ಗೆ ಎಚ್ಚರದಿಂದಿರಿ..ಅನೇಕ ಪುರುಷರು ಈ ರೀತಿಯ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಪೆರೋನಿಯ ಕಾಯಿಲೆಯು ಶಿಶ್ನವು ವಕ್ರವಾಗಲು ಕಾರಣವಾಗುತ್ತದೆ. ಇದಲ್ಲದೆ, ಇದು ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆಗೆ ಕಾರಣವಾಗುತ್ತದೆ. ವಿಶೇಷವಾಗಿ ಸಂಭೋಗದ ಸಮಯದಲ್ಲಿ ತೀವ್ರವಾದ ನೋವು ಉಂಟಾಗುತ್ತದೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
 )
Followಸೆಕ್ಸ್ ಲೈಫ್ ಬಗ್ಗೆ ಚರ್ಚೆ ಮಾಡುವವರು ತೀರಾ ಕಡಿಮೆ. ಇದನ್ನು ಬಹಿರಂಗವಾಗಿ ಚರ್ಚೆ ಮಾಡುವುದು ತಪ್ಪೆಂದು ಪರಿಗಣಿಸಲಾಗುತ್ತದೆ. ಆದರೆ ಇಂಥಾ ಖಾಸಗಿ ವಿಚಾರಗಳ ಬಗ್ಗೆ ಮಾತನಾಡದೇ ಇರುವುದರಿಂದಲೇ ಹಲವು ಆರೋಗ್ಯ ಸಮಸ್ಯೆ ಎದುರಾಗಬಹುದು. ಇತ್ತೀಚೆಗೆ ಅನೇಕ ಪುರುಷರು ಅಪರೂಪದ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಇದು ಪುರುಷರ ದೈಹಿಕ ಆರೋಗ್ಯದ ಮೇಲೆ ಮಾತ್ರವಲ್ಲದೆ ಮಾನಸಿಕ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತದೆ. ಮಾತ್ರವಲ್ಲ ವಿಚಿತ್ರವೆಂದರೆ ಈ ಕಾಯಿಲೆಯಲ್ಲಿ ಪುರುಷರ ಶಿಶ್ನವೂ ವಕ್ರವಾಗುತ್ತದೆ.
ಪೆರೋನಿಯ ಕಾಯಿಲೆ ಎಂದರೇನು?
ಮೇಯೊ ಕ್ಲಿನಿಕ್ ಪ್ರಕಾರ, ಪೆರೋನಿಯ ಕಾಯಿಲೆಯು ಶಿಶ್ನದ (Penis) ಮೇಲೆ ಬೆಳೆಯುವ ನಾರಿನ ಗಾಯದ ಅಂಗಾಂಶದಿಂದ ಉಂಟಾಗುತ್ತದೆ. ಇದನ್ನು ಪ್ಲೇಕ್ ಎಂದೂ ಕರೆಯುತ್ತಾರೆ. ಇದು ಶಿಶ್ನದ ಮೇಲೆಯೇ ಬೆಳವಣಿಗೆಯಾಗುತ್ತದೆ. ಇದು ಶಿಶ್ನವು ವಕ್ರವಾಗಲು ಕಾರಣವಾಗುತ್ತದೆ. ಇದಲ್ಲದೆ, ಇದು ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆಗೆ ಕಾರಣವಾಗುತ್ತದೆ.
ಇದು ವಿರಳವಾಗಿ ಸಂಭವಿಸುತ್ತದೆ.
`ಸಣ್ಣ ಶಿಶ್ನ ಸುಂದರʼ ಎನ್ನುವ ಗ್ರೀಕ್‌ ನಗ್ನ ಪುರುಷ ಮೂರ್ತಿಗಳು!
ಯುನೈಟೆಡ್ ಸ್ಟೇಟ್ಸ್‌ನಲ್ಲಿ 0.5 ಪ್ರತಿಶತ ವಯಸ್ಕರ ಮೇಲೆ ಮತ್ತು 40ರ ಹರೆಯದ 8 ರಿಂದ 10 ಪ್ರತಿಶತ ಪುರುಷರ (Men) ಮೇಲೆ ಇದು ಪರಿಣಾಮ ಬೀರುತ್ತದೆ. ಈ ಅಪರೂಪದ ರೋಗವು (Disease) ಅನೇಕ ವಿಧಗಳಲ್ಲಿ ಪುರುಷರನ್ನು ಚಿಂತೆ ಮಾಡುತ್ತದೆ. 2013ರಲ್ಲಿ ಅಮೇರಿಕನ್ ಜರ್ನಲ್ ಆಫ್ ಮ್ಯಾನೇಜ್ಡ್ ಕೇರ್‌ನಲ್ಲಿ ಪ್ರಕಟವಾದ ಅಧ್ಯಯನವು ಪೆರೋನಿಯ ಅರ್ಧದಷ್ಟು ರೋಗಿಗಳು ಖಿನ್ನತೆಯಿಂದ ಬಳಲುತ್ತಿದ್ದಾರೆ ಎಂದು ಕಂಡುಹಿಡಿದಿದೆ. ಈ ಕಾಯಿಲೆಯಿಂದಾಗಿ ಪುರುಷರಲ್ಲಿ ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆಗೆ ಕಾರಣವಾಗುತ್ತದೆ. ಅಂತಿಮವಾಗಿ ವ್ಯಕ್ತಿಯನ್ನು ತೀವ್ರ ಒತ್ತಡಕ್ಕೆ ಸಿಲುಕಿಸುತ್ತದೆ.
ಲೈಂಗಿಕ ಜೀವನದ ಮೇಲೆ ಪರಿಣಾಮ ಬೀರುತ್ತದೆ
ಪೆರೋನಿ ಕಾಯಿಲೆಯಿಂದ ಬಳಲುತ್ತಿರುವ ಪುರುಷರು ಶಿಶ್ನದ ಪ್ರಗತಿಶೀಲ ವಕ್ರತೆಯನ್ನು ಹೊಂದಿರುತ್ತಾರೆ. ಅಂದರೆ ಶಿಶ್ನ ಒಂದು ಕಡೆ ವಾಲುತ್ತಾ ಹೋಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ.
ಪೆರೋನಿಯ ಕಾಯಿಲೆಯು ಇತರ ರೋಗಲಕ್ಷಣಗಳು
ಶಿಶ್ನ ವಕ್ರತೆಯನ್ನು ಉಂಟುಮಾಡುವುದರ ಹೊರತಾಗಿ, ಪೆರೋನಿಯ ಕಾಯಿಲೆಯು (Peronia disease) ಇತರ ರೋಗಲಕ್ಷಣಗಳನ್ನು ಸಹ ಉಂಟುಮಾಡಬಹುದು. ಅದು ಶಿಶ್ನದ ಚರ್ಮದ (Skin) ಅಡಿಯಲ್ಲಿ ಗಾಯದ ಅಂಗಾಂಶವು ರೂಪುಗೊಳ್ಳುವುದು, ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆ, ಶಿಶ್ನದ ಕುಗ್ಗುವಿಕೆ, ಶಿಶ್ನ ನೋವು ಮೊದಲಾದವುಗಳನ್ನು ಒಳಗೊಂಡಿದೆ.
Sexual Health: ಸಂಗಾತಿ ಜೊತೆ ಸಂಭೋಗದ ವೇಳೆ ಶಿಶ್ನ ಮುರಿತ, ವಿಚಿತ್ರ ನಡೆಯಲು ಇದೇ ಕಾರಣ
ಅಪರೂಪದ ಕಾಯಿಲೆಗೆ ಕಾರಣವೇನು?
ಪೆರೋನಿ ಕಾಯಿಲೆಗೆ ಯಾವುದೇ ನಿರ್ದಿಷ್ಟ ಕಾರಣವಿಲ್ಲ. ಆದರೆ ಶಿಶ್ನದಲ್ಲಿ ಪ್ಲೇಕ್ ರಚನೆಯಿಂದಾಗಿ ಈ ರೋಗವು ಪರಿಣಾಮ ಬೀರುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಪೆರೋನಿಯ ಕಾಯಿಲೆಯು ಸಾಮಾನ್ಯವಾಗಿ ಶಿಶ್ನಕ್ಕೆ ಆಗಾಗ ಉಂಟಾಗುವ ಆಘಾತದಿಂದ ಉಂಟಾಗುತ್ತದೆ ಎಂದು ತಜ್ಞರು ನಂಬುತ್ತಾರೆ. ಲೈಂಗಿಕತೆ (Sex), ಅಥ್ಲೆಟಿಕ್ ಚಟುವಟಿಕೆ ಮತ್ತು ಆಗಾಗ್ಗೆ ಅಪಘಾತಗಳು ಶಿಶ್ನವನ್ನು ಹಾನಿಗೊಳಿಸಬಹುದು. ಆದರೆ, ಶಿಶ್ನಕ್ಕೆ ಉಂಟಾಗುವ ಯಾವುದೇ ಗಾಯವು (Injury) ಆರಂಭಿಕ ಹಂತದಲ್ಲಿ ಪತ್ತೆಯಾಗದೆ ಹೋಗಬಹುದು.
ಯಾರಿಗೆ ಅಪಾಯವಿದೆ ?
ಪೆಯ್ರೋನಿಯವರಿಗೆ ಆಘಾತ ಮಾತ್ರ ಕಾರಣವಲ್ಲ. ಗಾಯವು ವಾಸಿಯಾಗಿದ್ದರೆ, ಗಾಯದ ಅಂಗಾಂಶದ ರಚನೆಯನ್ನು ತಡೆಯಬಹುದು. ಅಲ್ಲದೆ ಈ ರೋಗವು ದೊಡ್ಡದಲ್ಲ. ಇದು ಇತರ ಅಪಾಯಕಾರಿ ಅಂಶಗಳನ್ನು ಸಹ ಹೊಂದಿದೆ. ಅನುವಂಶಿಕತೆ (Heriditary) ಈ ಕಾಯಿಲೆಗೆ ಮುಖ್ಯ ಕಾರಣವಾಗುತ್ತದೆ. ಅಂದರೆ ನಿಮ್ಮ ಕುಟುಂಬದ (Family) ಯಾರಿಗಾದರೂ ಈ ಕಾಯಿಲೆ ಇದ್ದರೆ.. ನಿಮಗೂ ಬರುವ ಸಾಧ್ಯತೆ ಇದೆ. ಸಂಯೋಜಕ ಅಂಗಾಂಶ ಅಸ್ವಸ್ಥತೆಯಿಂದ ಬಳಲುತ್ತಿರುವ ಜನರು ಸಹ ಈ ಕಾಯಿಲೆಯಿಂದ ಬಳಲುತ್ತಾರೆ.
ಯಾವಾಗ ವೈದ್ಯರ ಬಳಿ ಹೋಗಬೇಕು ?
ಪೆರೋನಿ ಕಾಯಿಲೆಯ ಲಕ್ಷಣಗಳು ಕಂಡುಬಂದರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸಿ. ಅಲ್ಲದೆ, ನೀವು ಲೈಂಗಿಕತೆಯಲ್ಲಿ ಭಾಗವಹಿಸದಿರುವುದು, ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆ, ಲೈಂಗಿಕ ಕಾರ್ಯಕ್ಷಮತೆಯ ಬಗ್ಗೆ ಆತಂಕ, ಒತ್ತಡ, ಫಲವತ್ತತೆಯ ಸಮಸ್ಯೆಗಳು ಅಥವಾ ಶಿಶ್ನ ನೋವಿನಂತಹ ಸಮಸ್ಯೆಗಳನ್ನು ಅನುಭವಿಸಿದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ ಸಲಹೆ ಪಡೆದುಕೊಳ್ಳುವುದು ಒಳ್ಳೆಯದು.
