Asianet Suvarna News Asianet Suvarna News

ಹೊಸ ಲಸಿಕೆಗಳಿಂದ ಕೊವಿಡ್‌19 ನಿಂದ ಮುಕ್ತಿ ಪಡೆಯಬಹುದೇ?

ಜೆನೋಮ್‌ ಸೀಕ್ವೆನ್ಸಿಂಗ್‌ ಅನ್ನುವುದೊಂದು ವಿಸ್ಮಯಕಾರಿ ಅವಿಷ್ಕಾರ. ಪ್ರತಿಯೊಂದು ಜೀವಿಯಲ್ಲಿಯೂ ಡಿಎನ್‌ಎ ಎಂಬ ರಾಸಾಯನಿಕ ವಿಭಿನ್ನ ರೀತಿಯಲ್ಲಿ ರೂಪಗೊಂಡಿರುತ್ತದೆ. ಪ್ರತಿಯೊಬ್ಬ ಮನುಷ್ಯನ ಬೆರಳಚ್ಚಿನ ರೀತಿಯಲ್ಲೇ. ಅಂದರೆ ಯಾವುದಾದರೂ ವೈರಸ್‌ ತಗುಲಿದಾಗಲೂ ಕೂಡ ಅದು ತನ್ನದೇ ಆದ ರೂಪವೊಂದನ್ನು ತಳೆಯುತ್ತದೆ. ಈಗ ಈ ಡಿಎನ್‌ಎ ರಾಸಾಯನಿಕ ಒಂದು ಹೆಲಿಕಾಲ್‌ ಸ್ಟ್ರಿಂಗ್‌ ಮಾದರಿಯಲ್ಲಿ ತನ್ನ ರೂಪವನ್ನ ಪಡೆದಿರುತ್ತದೆ.

Clues to covid-19 treatment from DNA of Patients
Author
Bangalore, First Published Apr 12, 2020, 9:17 AM IST

ಕೃಷ್ಣಮೂರ್ತಿ ಶ್ರೀನಾಥ್‌

ಪ್ರತಿಯೊಂದು ಜೀವಕೋಶಗಳಲ್ಲಿ ಇಪ್ಪತ್ತಮೂರು ಕ್ರೋಮೊಜೋಮ್‌ ಜೋಡಿಗಳು ಅಡಕವಾಗಿರುತ್ತದೆ. ಈ ಕ್ರೋಮೊಜೋಮ್‌ ರಚನೆಯೊಳಗೇ ಡಿಎನ್‌ಎ ರಾಸಾಯನಿಕ ಅಡಕವಾಗಿರುವುದು. ಸೀಕ್ವೆನ್ಸಿಂಗ್‌ ಅಂದರೆ ಅನುಕ್ರಮವಾಗಿ ಪರಿವರ್ತಿಸಿದ ನಂತರವೇ ಅದರಲ್ಲಿ ಸೇರಿರುವ ರೋಗದ ಮಾದರಿಯನ್ನರಿತು, ಅದರ ಮಾದರಿಯನ್ನು ಹೆಚ್ಚಿನ ಪ್ರಮಾಣದಲ್ಲಿ ಉತ್ಪಾದಿಸಿ ಲಸಿಕೆಯನ್ನು ತಯಾರಿಸಲು ಸಾಧ್ಯ.

ಈಗಾಗಲೇ ಕೊವಿಡ್‌19 ಸೋಂಕಿಗೆ ತುತ್ತಾಗಿ ನಲವತ್ತು ಸಾವಿರಕ್ಕೂ ಹೆಚ್ಚು ಜನರು ಪ್ರಪಂಚದಾದ್ಯಂತ ಸಾವನ್ನಪ್ಪಿದ್ದಾರೆ. ಇದೇ ಕಾರಣಕ್ಕೆ ಇದರ ಲಸಿಕೆಯನ್ನ ಕಂಡು ಹಿಡಿದು ತಯಾರಿಸುವ ಕಾರ್ಯ ಭರದಿಂದ ಸಾಗಿದೆ.

ಮೊದಲನೆಯ ಹಂತದ ವೈದ್ಯಕೀಯ ಪ್ರಯೋಗವನ್ನು ಸ್ವಯಂ ಇಚ್ಛೆಯಿಂದ ಮುಂದೆ ಬಂದಿರುವ ಆರೊಗ್ಯವಂತ 18 ರಿಂದ 55 ವರ್ಷಗಳ ಒಳಗಿರುವ ವ್ಯಕ್ತಿಗಳ ಮೇಲೆ ಪ್ರಯೋಗಿಸಲಾಗುತ್ತದೆ. ಅಮೇರಿಕಾದ ಸಿಯಾಟಲ್‌ನಲ್ಲಿ ಈ ವೈದ್ಯಕೀಯ ಪ್ರಯೋಗವನ್ನು ನಡೆಸಲಾಗುತ್ತಿದೆ. ಚೀನ ದೇಶ, ಆಗಲೇ ಸಿದ್ಧಪಡಿಸಿದ ಕೊವಿಡ್‌19 ಜೆನೊಮ್‌ ಸೀಕ್ವೆನ್ಸಿಂಗ್‌ಅನ್ನು ಅಮೇರಿಕಾ ದೇಶದ ಜತೆ ಹಂಚಿಕೊಂಡಿದೆ. ಕೊವಿಡ್‌19 ಲಸಿಕೆಯನ್ನು ತಯಾರಿಸಲು ಬೇರೆ ಬೇರೆ ವಿಧಾನಗಳನ್ನು ಬಳಸಲಾಗುತ್ತಿದೆ. ಈಗ ಅಮೇರಿಕಾದಲ್ಲಿ ಪರೀಕ್ಷೆಗೆ ಒಳಪಟ್ಟಿರುವ ಲಸಿಕೆಯನ್ನುಘ್ಕಿ mNRA1273  ಖಅಂತ ಹೆಸರಿಸಲಾಗಿದೆ. ಮತ್ತು ಇದನ್ನು ವ್ಯಾಕ್ಸಿನ್‌ ರಿಸಚ್‌ರ್‍ ಸೆಂಟರ್‌ ನ್ಯಾಶನಲ್‌ ಇನ್ಸ್‌ಟಿಟ್ಯೂಟ್‌ ಆಫ್‌ ಹೆಲ್ತ್‌ ಮತ್ತು ಬಯೋಟೆಕ್ನಾಲಜಿ ಸಂಸ್ಥೆ ಮೆಸಚಸೆಟ್‌ನ ಕೇಂಬ್ರಿಡ್ಜಿನಲ್ಲಿರುವ ಮಡೇನ ಜತೆಯ ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ.

ಲಸಿಕೆ ಅಂದರೆ ಅತ್ಯಂತ ಪರಿಣಾಮಕಾರಿಯಾದ ರೋಗ ನಿರೋಧಕ ಸಾಧನ. ಈ ಲಸಿಕೆಗಳು ರೋಗಕಾರಕ ವೈರಾಣುಗಳನ್ನು ಹೋಲುತ್ತವೆ. ಇವು ರೋಗ ನಿರೋಧಕ ಶಕ್ತಿಯನ್ನು ಭವಿಷ್ಯದ ದಿನಗಳಿಗೋಸ್ಕರ ದೇಹದಲ್ಲಿ ತಯಾರು ಮಾಡುತ್ತವೆ. ಈಗಲೂ ಮೆನಂಜೈಟಿಸ್‌, ಟೈಫಾಯ್ಡ್‌, ಟೆಟಾನಸ್‌, ಡಿಫ್ತೀರಿಯ ಮತ್ತು ಕೆಲವು ರೀತಿಯ ಕ್ಯಾನ್ಸರ್‌ಗಳು ಇವುಗಳಿಗೆಲ್ಲಾ ಲಸಿಕೆಗಳ ಲಭ್ಯವಿದೆ. ಈ ಲಸಿಕೆಗಳಿಂದಲೇ ಪೋಲಿಯೊ ಮತ್ತು ಸಿಡುಬು ರೋಗಗಳನ್ನು ಅತಿ ಹೆಚ್ಚಿನ ಅಂಶದಲ್ಲಿ ನಿರ್ಮೂಲನ ಮಾಡಲು ಸಾಧ್ಯವಾಗಿದ್ದು.

ಈ ಲಸಿಕೆಗಳನ್ನು ತಯಾರಿಸಲು ಅನೇಕ ವಿಧಾನಗಳಿವೆ. ಒಂದು ನಾಶ ಮಾಡಲ್ಪಟ್ಟವೈರಾಣುವನ್ನು ತಯಾರಿಸಲು ಅದನ್ನು ದೇಹದ ಹೊರಗಡೆ ಬೆಳೆಸಬಹುದು, ಅದನ್ನು ರಾಸಾಯನಿಕಗಳಿಂದ ನಿಸ್ತೇಜಗೊಳಿಸಿ ಶುದ್ಧೀಕರಿಸಬಹುದು. ಇದಕ್ಕೆ ಉದಾಹರಣೆ ದೇಹಕ್ಕೆ ಚುಚ್ಚಬಹುದಾದ ಪೋಲಿಯೊ ಲಸಿಕೆ.

ಇದಕ್ಕೆ ಬದಲಾಗಿ ವೈರಾಣುವಿನ ನಮೂನೆಯನ್ನು ನಿರ್ಮಿಸಿ ಅದನ್ನು ಕಲ್ಚರ್‌ ಮಾಡಿ, ಇಲ್ಲ ಜೆನೆಟಿಕ್‌ ಮಾರ್ಗವಾಗಿ ನಿಸ್ತೇಜಗೊಳಿಸಬಹುದು. ಇದರ ಉದಾಹರಣೆ ಪೋಲಿಯೊ ಡ್ರಾಫ್ಸ್‌ಅನ್ನು ಬಾಯಿಯ ಮೂಲಕ ಮಕ್ಕಳಿಗೆ ಕೊಡುವ ಪಲ್ಸ್‌ ಪೋಲಿಯೊ ಪ್ರೋಗ್ರಾಮ್‌.

ಕೊರೋನಾ ಗೆಲ್ಲುವುದು ಹೇಗಣ್ಣಾ? ಡಾಕ್ಟರ್ ಕೊಡ್ತಾರೆ ಉತ್ತರ ಅಣ್ಣಾ!

ವೈರಾಣುವಿನ ಮೇಲ್ಪದರದಲ್ಲಿರುವ ಒಂದು ಪ್ರೋಟೀನನ್ನು ಕೂಡ ಕೃತಕವಾಗಿ ತಯಾರಿಸಬಹುದು ಮತ್ತು ಅದನ್ನು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲುಉಪಯೋಗಿಸಬಹುದು. ಇದಕ್ಕಿರುವ ಉದಾಹರಣೆ ಹೆಪಟೈಟಿಸ್‌ ಬಿ ಲಸಿಕೆ.

ಈಗ ಕೋವಿಡ್‌19 ನ ವಿರುದ್ಧ ಅಭಿವೃದ್ಧಿ ಪಡಿಸುತ್ತಿರುವ ಲಸಿಕೆಗಳ ತಯಾರಿಕಾ ವಿಧಾನಗಳು ನಲವತ್ತರಷ್ಟಿದೆ. ಇವುಗಳ ವ್ಯಾಪ್ತಿಗೆ ಬರುವುದು ಚೀನಾದಲ್ಲಿ ಅಭಿವೃದ್ಧಿ ಪಡಿಸುತ್ತಿರುವ ನಿಷ್ಕಯಗೊಳಿಸಿದ ಮತ್ತು ಶುದ್ಧಿಗೊಳಿಸಿದ ಲಸಿಕೆ(Sinova). ಘಿಖಈ ವೈರಾಣುವನ್ನು ಫಾರ್ಮಾಲ್ಡಿಹೈಡ್‌ ರಾಸಾಯನಿಕವನ್ನ ಉಪಯೋಗಿಸಿ ಕೊಲ್ಲಲ್ಪಟ್ಟನಂತರ ವೈರಾಣುವನ್ನು ಲಸಿಕೆಯನ್ನು ತಯಾರಿಸಲು ಉಪಯೋಗಿಸಲಾಗುತ್ತದೆ. ಇದಲ್ಲದೇ ಅಮೇರಿಕಾದ ಚೊಡಜೆನಿಕ್ಸ್‌ ಎಂಬ ಸಂಸ್ಥೆ, ಪುಣೆಯ ಸೆರಮ್‌ ಇನ್ಸಿಟ್ಯೂಟ್‌ ಆಫ್‌ ಇಂಡಿಯದ ಸಹಭಾಗಿತ್ವದಲ್ಲಿ ವೈರಾಣುವನ್ನು ಜೀವಂತವಾಗಿ ಕೃಶಗೊಳಿಸಿ ಲಸಿಕೆಯೊಂದನ್ನು ಸಿದ್ಧಪಡಿಸುತ್ತಿದೆ. ಮತ್ತು ಇಲ್ಲಿ ಉಪಯೋಗಿಸುತ್ತಿರುವುದು ಅನುವಂಶಿಕ ವಿಧಾನದಲ್ಲಿ ನಿಸ್ತೇಜಿಸಿದ ಕೊವಿಡ್‌19 ವೈರಾಣುವನ್ನು ಮತ್ತು ಅದು ಕೊವಿಡ್‌ 19 ವೈರಾಣುವಿನ ಪ್ರತಿರೂಪದಂತೇ ಇರುತ್ತದೆ. ಆರ್‌ಎನ್‌ಎ, ಡಿಎನ್‌ಎಗಳನ್ನು ಅಳವಡಿಸಿಕೊಂಡು ಇನ್ನೂ ಅನೇಕ ಲಸಿಕೆಗಳ ಅಭಿವೃದ್ಧಿ ಅನೇಕ ಹಂತಗಳನ್ನಾಗಲೇ ತಲುಪಿದೆ. ಈಗಾಗಲೇ ಒಂದು ಮಾದರಿಯ ಲಸಿಕೆ ಪ್ರಾಯೋಗಿಕವಾಗಿ ಉಪಯೋಗಿಸಬಹುದಾದಂತಹ ಹಂತವನ್ನು ತಲುಪಿದೆ. ಅದನ್ನು ಸಿದ್ಧಪಡಿಸಿದವರು ಅಮೇರಿಕಾದ ಮೆಸಚಸಟ್‌ನ ಕೇಂಬ್ರಿಡ್ಜ್‌ನಲ್ಲಿನ ಬಯೊ ಟೆಕ್ನಾಲಜಿ ಸಂಸ್ಥೆ. ಅದರ ಹೆಸರು mRNA 1273. ಇದನ್ನು ವ್ಯಾಕ್ಸಿನ್‌ ರಿಸಚ್‌ರ್‍ ಸೆಂಟರ್‌ ನ್ಯಾಷನಲ್‌ ಇನ್ಸಿ$್ಟಟ್ಯೂಟ್‌ ಆಫ್‌ ಹೆಲ್ತ್‌ ನ ಸಹಯೋಗದೊಂದಿಗೆ ಸಿದ್ಧ ಪಡಿಸಲಾಗಿದೆ. ಅದರ ಮೊದಲನೇ ಹಂತದ ರೋಗ ನಿರೋಧಕ ಶಕ್ತಿ ಮತ್ತು ಸುರಕ್ಷತೆಯ ಬಗೆಗಿನ ಅಧ್ಯಯನ ಸಂಪೂರ್ಣಗೊಂಡಿದೆ.

ಚೀನಾದ ವೂಹನ್‌ನಲ್ಲಿ ನ್ಯುಮೊನಿಯಾಗೆ ಕಾರಣವಾಗುತ್ತಿರುವ ಈ ಕೊರೊನ ವೈರಾಣುವನ್ನು ಗುರುತಿಸಿದ್ದು ಜನವರಿ ಏಳನೇ ತಾರೀಖು. ಜನವರಿ 12ರಂದು ಈ ವೈರಾಣುವಿನ ಜೆನೆಟಿಕ್ಸ್‌ ಸೀಕ್ವೆನ್ಸನ್ನು ಚೀನಾ ಹಂಚಿಕೊಂಡಿತು. ಫೆಬ್ರವರಿ 24 ನೇ ತಾರೀಖಿನಂದು nRNA 1273 ಲಸಿಕೆಯನ್ನು ಅಮೇರಿಕಾದ ನ್ಯಾಷನಲ್‌ ಇನ್ಸ್‌ಟಿಟ್ಯೂಟ್‌ ಆಫ್‌ ಹೆಲ್ತ್‌ ಗೆ ಪರೀಕ್ಷೆಗಾಗಿ ಕಳುಹಿಸಲಾಯಿತು. ಮಾಚ್‌ರ್‍ 16 ರಂದು ಇದನ್ನು ಸ್ವ ಇಚ್ಛೆಯಿಂದ ಮುಂದೆ ಬಂದ ತಂಡವೊಂದರ ಮೇಲೆ ಪ್ರಯೋಗಿಸಲಾಯಿತು. ಹಿಂದೆಂದೂ ಲಸಿಕೆಯೊಂದನ್ನು ಇಷ್ಟೊಂದು ಶೀಘ್ರಗತಿಯಲ್ಲಿ ಅಭಿವೃದ್ಧಿಪಡಿಸಿರಲಿಲ್ಲ. ಜೆನೋಮ್‌ ಸೀಕ್ವೆನ್ಸಿನಿಂದ ಹಿಡಿದು ನಲವತ್ತೆರಡೇ ದಿನಗಳಲ್ಲಿ ತಯಾರಿಕಾ ಮಟ್ಟವನ್ನು ತಲುಪಿರಲಿಲ್ಲ. ಇದನ್ನು ಬರೀ 63 ದಿನಗಳಲ್ಲಿ ಪ್ರಯೋಗಕ್ಕೆ ಒಳಪಡಿಸಲಾಯಿತು.

ಕೊರೋನಾ ತಡೆಗಟ್ಟಲು ಥಟ್ಟಂತ ಹೇಳಬಲ್ಲ ಉಪಾಯಗಳು!

ಈ mRNA1273 ಲಸಿಕೆ ಅಂದರೇನು? ಅನುವಂಶಿಕತೆಯ ನೀಲ ನಕ್ಷೆ , ಎರಡು ಎಳೆಗಳ ಡಿಎನ್‌ಎ ಅನ್ನುವ ರಾಸಾಯನಿಕ ಜೀವಿಗಳ ಜೀವಕೋಶಗಳಲ್ಲಿ ಸಂಗ್ರಹಿತವಾಗಿರುತ್ತದೆ ಮತ್ತು ಇವುಗಳು ದೇಹದ ಪ್ರತಿಯೊಂದು ಕ್ರಿಯೆಗೂ ಪ್ರೋಟೀನ್‌ ಎಂಬ ಪೌಷ್ಟಿಕಾಂಶವನ್ನು ಸರಬರಾಜು ಮಾಡುತ್ತಿರುತ್ತದೆ. ಈ ಡಿಎನ್‌ಎ ಪ್ರೊಟೀನ್‌ ಆಗಿ ಪರಿವರ್ತನೆಗೊಳ್ಳಲು ಒಂದು ಎಳೆಯ ಮಾಲಿಕ್ಯುಲ್‌ mRNAಯ ಅವಶ್ಯಕತೆ ಇರುತ್ತದೆ. ಈ ಪ್ರಕ್ರಿಯೆ ಕಂಪ್ಯೂಟರ್‌ ಪರಿಭಾಷೆಯ ಜತೆ ಸಾಮ್ಯತೆಯನ್ನು ಹೊಂದಿದೆ. ಅಂದರೆ ಡಿಎನ್‌ಎಯನ್ನು ಹಾರ್ಡ್‌ ವೇರ್‌ ಎಂದೂ, mRNA ಅನ್ನು ಸಾಫ್ಟ್‌ವೇರ್‌ ಎಂದೂ ಮತ್ತು ಪ್ರೊಟೀನನ್ನು ಅಪ್ಲಿಕೇಶನ್‌ ಎಂದೂ ಪರಿಗಣಿಸಬಹುದು.

ಈ mRNA 1273 ಒಂದು ಡಿಎನ್‌ಎಯ ತುಕುಡಿ ಮತ್ತು ಅದು ಸಂಕೇತಗಳನ್ನು ಜತೆಯಲ್ಲಿಯೇ ಒಯ್ದು ಅದನ್ನು ಜೀವಕೋಶದ ಒಳಗೆ ಸೇರಿಸಿದಾಗ, ಅದು ಕೊವಿಡ್‌19 ವೈರಾಣುವಿನ ಒಳಗಿನಿಂದ ಪ್ರೊಟೀನ್‌ ಪೌಷ್ಟಿಕಾಂಶವನ್ನು ಮೇಲ್ಪದರಕ್ಕೆ ಹೊರ ಬರುವಂತೆ ಮಾಡುತ್ತದೆ. ಈ ಮೇಲ್ಪದರಕ್ಕೆ ಬಂದ ಪ್ರೊಟೀನ್‌ ಕೊವಿಡ್‌19 ರೋಗ ನಿರೋಧಕ

ಶಕ್ತಿ ವೃದ್ಧಿಯಾಗುವಂತೆ ಮಾಡುತ್ತದೆ. ಇದೇ ಕಾರಣಕ್ಕೆ ರೋಗ ಹರಡುವಿಕೆ ನಿಯಂತ್ರಣಗೊಳ್ಳುತ್ತದೆ. ಇದನ್ನು ಅಭಿವೃದ್ಧಿ ಪಡಿಸಲು ವರ್ಷಗಳೇ ಹಿಡಿಯಬಹುದು. ಮೊದಲು ಪ್ರಯೋಗ ಶಾಲೆಗಳ ಹಂತಕ್ಕೆ ಬರಲು ಮತ್ತು ನಂತರ ತಯಾರಿಕಾ ಹಂತವನ್ನು ತಲುಪಿ ಮಾರುಕಟ್ಟೆಯನ್ನು ತಲುಪಲು.

ಈ ಲಸಿಕೆಯನ್ನು ಬೇರೆ ಲಸಿಕೆಗಳ ರೀತಿ ಪ್ರಾಣಿಗಳ ಮೇಲೆ ಮೊದಲು ಪ್ರಯೋಗಿಸದೇ ನೇರವಾಗಿ ಮನುಷ್ಯರ ಮೇಲೇ ಪ್ರಯೋಗಿಸಲಾಗುತ್ತಿದೆ. ಆದರೂ ಇದು ಸಾರ್ವಜನಿಕರನ್ನು ತಲುಪಲು ಒಂದರಿಂದ ಎರಡು ವರ್ಷ ಹಿಡಿಯಬಹುದು. ಈ mRNA ಘಿಖಮತ್ತು ಬೇರೆ ಲಸಿಕೆಗಳು ಪರಿಣಾಮಕಾರಿಯಾಗುತ್ತದೆ ಅನ್ನುವ ಯಾವುದೇ ಖಾತ್ರಿ ಇಲ್ಲದೇ ಇರುವುದರಿಂದ, ನಲವತ್ತು ಬೇರೆ ಬೇರೆ ವಿಧಾನಗಳ ಬಗ್ಗೆ ಸಂಶೋಧನೆಯನ್ನೂ ಮುಂದುವರಿಸುತ್ತಲೇ ಇರಬೇಕು.

ಕೀಟಾಣುಗಳನ್ನು ದೂರವಿಡುವ ನಿಮ್ಮ ಈ ಟ್ರಿಕ್ಸ್ ನಡೆಯೋಲ್ಲ

ಈ ಅವಿಷ್ಕಾರಗಳನ್ನು ಕಾರ್ಯ ರೂಪಕ್ಕೆ ತರಲು ಲಕ್ಷಾಂತರ ಡಾಲರ್‌ಗಳ ಹಣದ ಅಗತ್ಯವಿದೆ. ಈ ಖರ್ಚನ್ನು ಪೂರೈಸಲು ಅನೇಕ ಕಾರ್ಪೊರೇಟ್‌ ಸಂಸ್ಥೆಗಳು ಮತ್ತು ಸರ್ಕಾರಗಳ ಸಹಭಾಗಿತ್ವದ ಅಗತ್ಯವಿದೆ.  ಈಗಿನ ಹೊಸ ಸಾಧನಗಳು ಮತ್ತು ತಂತ್ರಜ್ಞಾನದ ಕಾರಣದಿಂದ ವೈರಾಣುವನ್ನು ಬೇರ್ಪಡಿಸಿ ಲಸಿಕೆ ತಯಾರಿಸುವ ಅಗತ್ಯವಿಲ್ಲ. ರೋಗಪೀಡಿತ ವ್ಯಕ್ತಿಗಳಿಂದ ನೇರವಾಗಿ ಈ ಜೆನೆಟಿಕ್‌ ಸೀಕ್ವೆನ್ಸ್‌ಅನ್ನು ಪಡೆಯಬಹುದು. ಇನ್ನೂ ಸೋಂಕಿತರಲ್ಲದವರಿಗೆ ಲಸಿಕೆಯನ್ನು ಕೊಡಲು ನೂರಾರು ವೈರಾಣುಗಳನ್ನು ಲಭ್ಯವಾಗುವಂತೆ ಸಂಗ್ರಹಿಸಿ ಇಟ್ಟಿರಬಹುದು.

Follow Us:
Download App:
  • android
  • ios