ಬ್ಯೂಟಿ ವಿತ್ ಬ್ರೈನ್ ಎಂದೇ ಕರೆಸಿಕೊಳ್ಳೋ ಐಎಎಸ್ ಆಫೀಸರ್ ಟೀನಾ ಡಾಬಿ ಲೈಫ್‌ಸ್ಟೈಲ್‌ ಇಷ್ಟೊಂದು ಲಕ್ಸುರಿನಾ?
ದೇಶದ ಅತ್ಯಂತ ಪ್ರಸಿದ್ಧ ಐಎಎಸ್ ಅಧಿಕಾರಿಗಳಲ್ಲಿ ಒಬ್ಬರು ಟೀನಾ ಡಾಬಿ. ಸದ್ಯ ಜೈಸಲ್ಮೇರ್ ನ ಜಿಲ್ಲಾಧಿಕಾರಿಯಾಗಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ, ಅವರನ್ನು ಬ್ಯೂಟಿ ವಿತ್ ಬ್ರೈನ್ ಎಂದು ಕರೆಯಲಾಗುತ್ತದೆ. ಆದ್ರೆ ಇವರ ಸ್ಯಾಲರಿ ಎಷ್ಟು ನಿಮ್ಗೆ ಗೊತ್ತಿದ್ಯಾ?
ಟೀನಾ ಡಾಬಿ ದೇಶದ ಅತ್ಯಂತ ಪ್ರಸಿದ್ಧ ಐಎಎಸ್ ಅಧಿಕಾರಿಗಳಲ್ಲಿ ಒಬ್ಬರು. ತಮ್ಮ ಮೊದಲ ಪ್ರಯತ್ನದಲ್ಲಿ 2015 ಲ್ಲಿ UPSC ಪರೀಕ್ಷೆಯಲ್ಲಿ ತೇರ್ಗಡೆಯಾದವರು. ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಫಸ್ಟ್ ರ್ಯಾಂಕ್ ಬಂದ ಬಳಿಕ ಕರಿಯರ್‌ಗಿಂತ ಹೆಚ್ಚಾಗಿ ತಮ್ಮ ವೈಯಕ್ತಿಕ ಜೀವನದಿಂದಲೇ ಸುದ್ದಿಯಾಗಿದ್ದ ಐಎಎಸ್ ಆಫೀಸರ್ ಟೀನಾ ಡಾಬಿ.
ಡಾಬಿ ಅವರು ಐಎಎಸ್ ಪ್ರದೀಪ್ ಗವಾಂಡೆ ಅವರನ್ನು ವಿವಾಹವಾಗಿದ್ದಾರೆ. ಪ್ರದೀಪ್ ವೈದ್ಯಕೀಯ ವೈದ್ಯರಾಗಿ ಐಎಎಸ್ ಅಧಿಕಾರಿಯಾಗಿದ್ದಾರೆ. ಡಾಬಿ ಮತ್ತು ಆಕೆಯ ಪತಿ ಇಬ್ಬರೂ ರಾಜಸ್ಥಾನದಲ್ಲಿ ನೇಮಕಗೊಂಡಿದ್ದಾರೆ. ಐಎಎಸ್ ಟೀನಾ ದಾಡಾಬಿ ಪ್ರಸ್ತುತ ಹೆರಿಗೆ ರಜೆಯಲ್ಲಿದ್ದಾರೆ.
ಟೀನಾ ಡಾಬಿ ಸದ್ಯ ಜೈಸಲ್ಮೇರ್ ನ ಜಿಲ್ಲಾಧಿಕಾರಿಯಾಗಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ, ಅವರನ್ನು ಬ್ಯೂಟಿ ವಿತ್ ಬ್ರೈನ್ ಎಂದು ಕರೆಯಲಾಗುತ್ತದೆ. ಟೀನಾ ದಾಬಿ ಸಾಮಾಜಿಕ ಮಾಧ್ಯಮದಲ್ಲಿ ಲಕ್ಷಾಂತರ ಫಾಲೋವರ್ ಗಳನ್ನು ಸಹ ಹೊಂದಿದ್ದಾರೆ.
ಎಲ್ಲೆಡೆ ಹೆಚ್ಚು ಪ್ರಸಿದ್ಧಿಯಾಗಿರುವ ಟೀನಾ ಡಾಬಿಯ ಸಂಬಳದ ಬಗ್ಗೆ ಜನರಲ್ಲಿ ಸಾಕಷ್ಟು ಆಸಕ್ತಿ ಇದೆ. ಹಾಗಾದರೆ ಐಎಎಸ್ ಅಧಿಕಾರಿ ಎಷ್ಟು ಸಂಪಾದಿಸುತ್ತಾರೆ ಎಂಬುದನ್ನು ತಿಳಿಯೋಣ.
ರಾಜಸ್ಥಾನದಲ್ಲಿ ಜಿಲ್ಲಾಧಿಕಾರಿಗಳು 1.34 ಲಕ್ಷದಿಂದ 1.5 ಲಕ್ಷದವರೆಗೆ ವೇತನ ಪಡೆಯುತ್ತಾರೆ. ಡಾಬಿಯ ಸದ್ಯದ ವೇತನ ಈ ವ್ಯಾಪ್ತಿಯಲ್ಲಿ ಇರುವ ಸಾಧ್ಯತೆ ಇದೆ. ಸಂಬಳದ ಹೊರತಾಗಿ ಡಾಬಿಗೆ ಸರ್ಕಾರಿ ಮನೆ ಮತ್ತು ಕಾರು, ಚಾಲಕರ ವ್ಯವಸ್ಥೆಯೂ ಇರುತ್ತದೆ. ಐಎಎಸ್ ಅಧಿಕಾರಿಗಳು ಮನೆಯ ತೋಟವನ್ನು ನೋಡಿಕೊಳ್ಳಲು ತೋಟಗಾರನನ್ನು ಸಹ ಪಡೆಯುತ್ತಾರೆ.
ಟೀನಾ ಡಾಬಿಗೆ ನಾಲ್ಕು ವೇಟರ್‌ಗಳು ಮತ್ತು ಇಬ್ಬರು ಕಾನ್‌ಸ್ಟೆಬಲ್‌ಗಳು ಸಹ ಗೇಟ್‌ಕೀಪರ್‌ಗಳಾಗಿ ಕಾರ್ಯನಿರ್ವಹಿಸುತ್ತಾರೆ. ಟೀನಾ ಡಾಬಿ ತನ್ನೊಂದಿಗೆ ಕ್ಷೇತ್ರದಲ್ಲಿ ಉಳಿದಿರುವ ವೈಯಕ್ತಿಕ ಭದ್ರತಾ ಅಧಿಕಾರಿಯನ್ನು ಸಹ ಪಡೆಯುತ್ತಾರೆ.
ಜೈಸಲ್ಮೇರ್‌ನಲ್ಲಿಯೂ ಸಹ, ಕಲೆಕ್ಟರ್ ಆಗಿ ಸೇವೆ ಸಲ್ಲಿಸುತ್ತಿದ್ದ ವೇಳೆ ಟೀನಾ ಮೂರು ತಿಂಗಳ ಕಾಲ "ಜೈಸಲ್ಮೇರ್ ಶಕ್ತಿ ಲೇಡೀಸ್ ಫಸ್ಟ್" ಎಂಬ ವಿಶೇಷ ಅಭಿಯಾನವನ್ನು ಆಯೋಜಿಸುವಂತಹ ಹಲವಾರು ಗಮನಾರ್ಹ ಕಾರ್ಯಕ್ರಮ ಕೈಗೊಂಡಿದ್ದರು. ಮಹಿಳೆಯರ ಸಬಲೀಕರಣ ಮತ್ತು ವಿವಿಧ ಸಾಮಾಜಿಕ ಅಡೆತಡೆಗಳನ್ನು ಮುರಿಯುವ ಕೆಲಸವನ್ನು ಮಾಡುವುದರೊಂದಿಗೆ ಮಹಿಳೆಯರ ಶಿಕ್ಷಣಕ್ಕೆ ಹೆಚ್ಚಿನ ಒಲವು ತೋರಿದ್ದರು.
ಡಾಬಿ ಈ ಹಿಂದೆ ಐಎಎಸ್ ಅಥರ್ ಅಮೀರ್ ಖಾನ್ ಅವರನ್ನು ವಿವಾಹವಾಗಿದ್ದರು. ಕೆಲವು ಭಿನ್ನಾಭಿಪ್ರಾಯಗಳಿಂದಾಗಿ ಇಬ್ಬರೂ ವಿಚ್ಛೇದನ ಪಡೆದರು. ಈಗ, ಐಎಎಸ್ ಅಥರ್ ಜಮ್ಮುವಿಗೆ ನೇಮಕಗೊಂಡಿದ್ದು, ಡಾ.ಮೆಹ್ರೀನ್ ಖಾಜಿ ಅವರನ್ನು ವಿವಾಹವಾಗಿದ್ದಾರೆ.
ಹಳೆಯ ಸಂದರ್ಶನವೊಂದರಲ್ಲಿ, ಡಾಬಿ ವಿಚ್ಛೇದನದ ನೋವನ್ನು ಹಂಚಿಕೊಂಡಿದ್ದರು. ವಿಚ್ಛೇದನವು ಒಬ್ಬ ವ್ಯಕ್ತಿಯನ್ನು ಒಳಗಿನಿಂದ ಖಾಲಿ ಮಾಡುತ್ತದೆ ಎಂದು ಟೀನಾ ಹೇಳಿದ್ದರು. ವಿಇದೀಗ ಎಲ್ಲಾ ನೋವುಗಳಿಂದ ಹೊರ ಬಂದು, ಟೀನಾ ದಾಬಿ ಈಗ ಡಾ.ಗವಾಂಡೆ ಅವರನ್ನು ಮದ್ವೆಯಾಗಿ ಸಂತೋಷವಾಗಿದ್ದಾರೆ. ತಮ್ಮ ಪತಿ ಜೊತೆಗಿನ ಹಲವಾರು ಫೋಟೋಗಳನ್ನು ಟೀನಾ ಸೋಶಿಯಲ್ ಮೀಡಿಯಾದಲ್ಲೂ ಶೇರ್ ಮಾಡಿಕೊಳ್ಳುತ್ತಿರುತ್ತಾರೆ.
