ನಿಮಗೆ ತಿಳಿಯದೇ ಇರುವ ಮುಲ್ತಾನಿ ಮಿಟ್ಟಿಯ ಪ್ರಯೋಜನಗಳು

ಮುಲ್ತಾನಿ ಮಿಟ್ಟಿಯನ್ನು ಅನಾದಿ ಕಾಲದಿಂದಲೂ ಸೌಂದರ್ಯ ವರ್ಧನೆಗೆ ಬಳಕೆ ಮಾಡಿಕೊಂಡು ಬರುತ್ತಿದ್ದಾರೆ. ಮುಲ್ತಾನಿ ಮಿಟ್ಟಿಯನ್ನು ಜೀವನದಲ್ಲಿ ಒಮ್ಮೆಯಾದರೂ ಫೇಸ್ ಪ್ಯಾಕ್ ಆಗಿ ಬಳಸಿದ್ದೇವೆ. ಆದರೆ ಇದರಿಂದ ಇನ್ನೂ ಅನೇಕ ಪ್ರಯೋಜನಗಳಿವೆ. ಇದರಿಂದ ಏನೆಲ್ಲಾ ಪ್ರಯೋಜನಗಳಿವೆ ನೊಡೋಣ...     

ಮುಲ್ತಾನಿ ಮಿಟ್ಟಿ ಅಥವಾ ಫುಲ್ಲರ್ಸ್ ಅರ್ಥ್ ನಮ್ಮ ಮುಖಕ್ಕೆ ಹೆಚ್ಚು ಲಾಭದಾಯಕ ಪದಾರ್ಥಗಳಲ್ಲಿ ಒಂದಾಗಿದೆ. ಪ್ರತಿ ದಿನ, ನಾವು ಹೊರಗೆ ಹೋಗುತ್ತೇವೆ, ಕೆಲಸ ಮಾಡುತ್ತೇವೆ, ಜೊತೆಗೆ ಜಂಕ್ ಫೂಡ್ ಗಳನ್ನು ಸೇವಿಸುತ್ತೇವೆ. ಅದು ನಮ್ಮ ಮುಖದ ರಂಧ್ರಗಳಲ್ಲಿ ಸಂಗ್ರಹವಾಗುತ್ತದೆ. ಮುಲ್ತಾನಿ ಮಿಟ್ಟಿಯನ್ನು ದಿನಕ್ಕೆ ಒಮ್ಮೆ ನಮ್ಮ ಫೇಸ್ ಪ್ಯಾಕ್ ಆಗಿ ಬಳಸಬಹುದು, ಇದರಿಂದ ಮುಖದ ಹಲವು ಸಮಸ್ಯೆಗಳು ನಿವಾರಣೆಯಾಗುತ್ತದೆ. 

ಹವಾಮಾನ ಬದಲಾವಣೆಯಿಂದ ಪಿಗ್ಮೆಂಟೇಷನ್ ಸಂಭವಿಸಬಹುದು. ಮುಲ್ತಾನಿ ಮಿಟ್ಟಿ, ಸಕ್ಕರೆ ಮತ್ತು ತೆಂಗಿನಕಾಯಿ ನೀರನ್ನು ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚಿ. ವ್ಯತ್ಯಾಸವನ್ನು ನೀವೇ ನೋಡಬಹುದು.

ರಕ್ತ ಪರಿಚಲನೆ ಸುಧಾರಿಸುತ್ತದೆ 
ನೀವು ಫೇಸ್ ಪ್ಯಾಕ್ ನ್ನು ಹಚ್ಚುವಾಗ ಮತ್ತು ಅದನ್ನು ನಿಮ್ಮ ಕೆನ್ನೆ ಸುತ್ತಲೂ ಉಜ್ಜಿದಾಗ, ಅದು ನಿಮ್ಮ ರಕ್ತ ಪರಿಚಲನೆ ಸುಧಾರಿಸುತ್ತದೆ ಮತ್ತು ಸತ್ತ ಜೀವಕೋಶಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. 

ಸಂವೇದನೆಯನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ ...
ಮುಲ್ತಾನಿ ಮಿಟ್ಟಿ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ಸುಡುವ ಸಂವೇದನೆಯನ್ನು ಶಾಂತಗೊಳಿಸುತ್ತದೆ. ಇದು ನಿಮ್ಮ ಚರ್ಮದ ಸಮಸ್ಯೆಯನ್ನು ದೂರ ಮಾಡಲು ಸಹಾಯ ಮಾಡುತ್ತದೆ. 

ಅಲರ್ಜಿಗೆ ಗುಡ್ ಬೈ ಹೇಳಿ
ಅಲರ್ಜಿಯನ್ನು ತೊಡೆದುಹಾಕಲು, ಮುಲ್ತಾನಿ ಮಿಟ್ಟಿಗೆ ಕೆಲವು ಹನಿ ಗುಲಾಬಿ ನೀರು ಬೆರೆಸಿ ಮಿಕ್ಸ್ ಮಾಡಿ ಮತ್ತು ಅದನ್ನು ನಿಮ್ಮ ಮುಖದ ಮೇಲೆ ಹಚ್ಚಿ. ಆ ಮೂಲಕ ಅಲರ್ಜಿಗಳಿಗೆ ವಿದಾಯ ಹೇಳಿ. ಸುಂದರ ತ್ವಚೆಯನ್ನು ಪಡೆಯಿರಿ. 

ನಂಜುನಿರೋಧಕ ಪ್ಯಾಕ್ 
ಅರಿಶಿನದಂತೆ, ಮುಲ್ತಾನಿ ಮಿಟ್ಟಿ ಕೂಡ ನಂಜುನಿರೋಧಕ ಅಂಶಗಳನ್ನು ಹೊಂದಿದೆ. ಆದ್ದರಿಂದ ನೋವನ್ನು ಕಡಿಮೆ ಮಾಡಲು ನೀವು ಕಡಿತ ಮತ್ತು ಗಾಯಗಳ ಮೇಲೆ ಪೂರ್ಣ ಪ್ರಮಾಣದ ಮುಲ್ತಾನಿ ಮಿಟ್ಟಿ  ಮತ್ತು ರೋಸ್ ವಾಟರ್ ಹಚ್ಚಿ. 

ಕೂದಲಿನ ಪ್ಯಾಕ್ : 
ಕೂದಲಿನ ಸಮಸ್ಯೆ ನಿವಾರಣೆ ಮಾಡಲು ಸಹ ಮುಲ್ತಾನಿ ಮಿಟ್ಟಿ ಬಳಕೆ ಮಾಡಲಾಗುತ್ತದೆ. ಇದರಿಂದ ಕೂದಲು ಸ್ಟ್ರೈ ಕೂಡ ಆಗುತ್ತದೆ. ಜೊತೆಗೆ ಕೂದಲಿನ ಸಮಸ್ಯೆ ನಿವಾರಣೆಯಾಗಿ ಚೆನ್ನಾಗಿ ಬೆಳೆಯುತ್ತದೆ.