ಭಾರತದ ಈ ರಾಜ್ಯಗಳಲ್ಲಿ ಹುಡುಗಿ ಮೊದಲ ಬಾರಿ ಋತುಮತಿಯಾದಾಗ ಹಬ್ಬ ಆಚರಿಸ್ತಾರೆ

ಮಹಿಳೆಯರಲ್ಲಿ ಋತುಚಕ್ರವು (periods) ನೈಸರ್ಗಿಕ ಪ್ರಕ್ರಿಯೆಯಾಗಿದೆ. ಈ ಸಮಯದಲ್ಲಿ ಅವರ ದೇಹದಲ್ಲಿ ಅನೇಕ ಹಾರ್ಮೋನುಗಳ ಬದಲಾವಣೆಗಳು ಉಂಟಾಗುತ್ತವೆ. ಆದರೆ ಅನೇಕ ಸ್ಥಳಗಳಲ್ಲಿ, ಇಂದಿಗೂ ಜನರು ಈ ವಿಷಯದ ಬಗ್ಗೆ ಬಹಿರಂಗವಾಗಿ ಮಾತನಾಡುವುದಿಲ್ಲ. ಕೆಲವು ಕಡೆ ಮಹಿಳೆಯರನ್ನು ಆ ಸಮಯದಲ್ಲಿ ಎಲ್ಲಾ ಕೆಲಸಗಳಿಂದ ದೂರ ಇಡುತ್ತಾರೆ. 
 

ಇಷ್ಟೇ ಅಲ್ಲದೇ ಋತುಚಕ್ರದ ಸಮಯದಲ್ಲಿ ಮಹಿಳೆಯರು ಇಂದಿಗೂ ಅಸ್ಪಶ್ಯತೆಯತೆಯಂತಹ ಭಾವನೆ ಎದುರಿಸಬೇಕಾಗುತ್ತದೆ. ಆದರೆ ದೇಶದ ಅನೇಕ ರಾಜ್ಯಗಳಲ್ಲಿ ಹುಡುಗಿ ಋತುಮತಿಯಾದ್ರೆ, ಅದನ್ನು ಹಬ್ಬವಾಗಿ ಆಚರಿಸಲಾಗುತ್ತದೆ. ದೇಶದ ಯಾವ ಸ್ಥಳಗಳಲ್ಲಿ ಮೊದಲ ಋತುಸ್ರಾವವನ್ನು (first periods) ಹಬ್ಬವಾಗಿ ಆಚರಿಸಲಾಗುತ್ತದೆ ಎಂದು ತಿಳಿದುಕೊಳ್ಳೋಣ.
 

ಕರ್ನಾಟಕ: ಕರ್ನಾಟಕದಲ್ಲೂ, ಹುಡುಗಿಯ ಮೊದಲ ಋತುಚಕ್ರವನ್ನು ಬಹಳ ಅದ್ದೂರಿಯಾಗಿ ಆಚರಿಸಲಾಗುತ್ತದೆ. ಈ ಸಮಯದಲ್ಲಿ, ಮಹಿಳೆಯರು ಒಟ್ಟಿಗೆ ಆಚರಿಸುತ್ತಾರೆ. ಇದನ್ನು ಋತು ಶುದ್ಧೀಕರಣ ಎಂದೂ ಕರೆಯಲಾಗುತ್ತದೆ. ಈ ಸಮಯದಲ್ಲಿ ಹುಡುಗಿ ಸೀರೆ ಉಡುತ್ತಾಳೆ. ವಾಸ್ತವವಾಗಿ, ಇಲ್ಲಿನ ಈ ಸಂಪ್ರದಾಯದ ಪ್ರಕಾರ, ಹುಡುಗಿ ಬೆಳೆಯುತ್ತಿದ್ದಾಳೆ, ಆದ್ದರಿಂದ, ಸೀರೆಯನ್ನು ಧರಿಸುವುದು ಅಗತ್ಯವೆಂದು ಪರಿಗಣಿಸಲಾಗಿದೆ. ಈ ಸಂದರ್ಭದಲ್ಲಿ ಲಂಗ ದಾವಣಿ (half saree) ಕೂಡ ಉಡುವ ಸಂಪ್ರದಾಯವಿದೆ. ನಗರೀಕರಣ ಹೆಚ್ಚಾದಂತೆ ಈ ಸಂಪ್ರದಾಯ ಕಡಿಮೆಯಾಗುತ್ತಿದೆ.
 

ತಮಿಳುನಾಡು: ತಮಿಳುನಾಡಿನಲ್ಲಿ ಮೊದಲ ಪಿರಿಯಡ್ಸ್ ನ ಆಚರಣೆಯನ್ನು ಮಂಜಲ್ ನಿರಾತು ವೀಸಾ ಎಂದೂ ಕರೆಯಲಾಗುತ್ತದೆ. ಈ ಆಚರಣೆಯ ಸಮಯದಲ್ಲಿ ಅತಿಥಿಗಳನ್ನು ಆಹ್ವಾನಿಸಲಾಗುತ್ತದೆ. ಅನೇಕ ಮಹಿಳೆಯರು ಒಟ್ಟಿಗೆ ಹುಡುಗಿಗೆ ಸ್ನಾನ ಮಾಡುತ್ತಾರೆ. ಇದಲ್ಲದೆ, ಹುಡುಗಿ ಆ ದಿನ ರೇಷ್ಮೆ ಸೀರೆ ಮತ್ತು ಆಭರಣಗಳನ್ನು ಧರಿಸಿದ್ದಾಳೆ. ವಿವಿಧ ರುಚಿಕರವಾದ ಭಕ್ಷ್ಯಗಳನ್ನು ಸಹ ತಯಾರಿಸಲಾಗುತ್ತದೆ.

ಅಸ್ಸಾಂ: ಈ ರಾಜ್ಯದ ಹಲವೆಡೆ, ಹುಡುಗಿಯರಿಗೆ ಮೊದಲ ಬಾರಿಗೆ ಋತುಚಕ್ರವಾದ್ರೆ ಇದನ್ನು ಹಬ್ಬವಾಗಿ ಆಚರಿಸಲಾಗುತ್ತದೆ. ಇದನ್ನು ತುಲೋನಿಯಾ ಬಿಯಾ ಎಂದು ಕರೆಯಲಾಗುತ್ತದೆ. ಇದನ್ನು ಮದುವೆಯಂತೆ ಆಚರಿಸಲಾಗುತ್ತದೆ. ಈ ಸಮಯದಲ್ಲಿ ಅನೇಕ ಮಹಿಳೆಯರು ಹುಡುಗಿಗೆ ಅರಿಶಿನ ನೀರಿನಿಂದ ಸ್ನಾನ ಮಾಡಿಸಿ, ನಂತರ ಅವಳನ್ನು ಸಿದ್ಧಪಡಿಸುತ್ತಾರೆ. ಹುಡುಗಿಗೆ ಯಾವುದೇ ಕೆಲಸ ಮಾಡಲು ಅವಕಾಶವಿಲ್ಲ. ಈ ಸಮಯದಲ್ಲಿ ಹೊರಗೆ ಹೋಗುವುದನ್ನು ಸಹ ನಿಷೇಧಿಸಲಾಗಿದೆ.

ಒಡಿಶಾ: ಒಡಿಶಾದಲ್ಲಿ ಹುಡುಗಿ ಋತುಮತಿಯಾದ ಮೊದಲ ಮೂರು ದಿನಗಳ ಕಾಲ ಹಬ್ಬವನ್ನಾಗಿ ಆಚರಿಸಲಾಗುತ್ತದೆ. ಈ ಆಚರಣೆಯನ್ನು ರಾಜಾ ಪ್ರಭಾ ಎಂದು ಕರೆಯಲಾಗುತ್ತದೆ.  ಈ ಸಮಯದಲ್ಲಿ, ನಾಲ್ಕನೇ ದಿನದಂದು ಹುಡುಗಿಗೆ ಸ್ನಾನ ಮಾಡಿಸಲಾಗುತ್ತದೆ. ಅವಳು ಹೊಸ ಬಟ್ಟೆಗಳನ್ನು ಧರಿಸುತ್ತಾಳೆ ಮತ್ತು ಯಾವುದೇ ಮನೆಕೆಲಸಗಳನ್ನು ಮಾಡಲು ಅನುಮತಿಸಲಾಗುವುದಿಲ್ಲ. ಹುಡುಗಿಗೆ ವಿವಿಧ ಆಹಾರ ಪದಾರ್ಥಗಳನ್ನು ನೀಡಲಾಗುತ್ತದೆ.  

ಆಂಧ್ರ ಪ್ರದೇಶ: ಆಂಧ್ರಪ್ರದೇಶವು ಮೊದಲ ಪಿರಿಯಡ್ಸ್ ನ್ನು ಆಚರಿಸುವ ವಿಶಿಷ್ಟ ಸಂಪ್ರದಾಯವನ್ನು ಹೊಂದಿದೆ. ಈ ರಾಜ್ಯದಲ್ಲಿ, ಹುಡುಗಿಗೆ ಮೊದಲ ಬಾರಿಗೆ ಋತುಚಕ್ರ ಬಂದಾಗ, ಸಮಾರಂಭವನ್ನು ಆಯೋಜಿಸಲಾಗುತ್ತದೆ. ಈ ಆಚರಣೆಯನ್ನು ಪೆದಮ್ನಿಶಿ ಪಂಡಗ ಎಂದು ಕರೆಯಲಾಗುತ್ತದೆ. ಈ ಸಮಾರಂಭವನ್ನು ಪಿರಿಯಡ್ಸ್ ನ ಮೊದಲ ಮತ್ತು ಐದನೇ ದಿನದಂದು ನಡೆಸಲಾಗುತ್ತದೆ.