ವಾಷಿಂಗ್ ಮೆಷಿನ್ ಇಲ್ಲದೆ ಹತ್ತೇ ನಿಮಿಷದಲ್ಲಿ ಬಟ್ಟೆ ಒಗೆಯುವುದು ಹೇಗೆ?

ಕಚೇರಿ, ಆಫೀಸ್ ಎಂದು ಗಡಿಬಿಡಿಯಲ್ಲಿರುವವರು ಮನೆ ಕೆಲಸವನ್ನು ಸುಲಭವಾಗಿಸಲು ಸಾಧ್ಯವಾದಷ್ಟು ಮೆಷಿನ್‌ಗಳ ಬಳಕೆ ಮಾಡಿಕೊಳ್ಳುತ್ತಾರೆ. ಅದರಲ್ಲೊಂದು ವಾಷಿಂಗ್‌ ಮೆಷಿನ್‌. ಇತ್ತೀಚಿನ ವರ್ಷಗಳಲ್ಲಿ ಬಹುತೇಕ ಜನರು ಬಟ್ಟೆ ಒಗೆಯಲು ಹೆಚ್ಚಾಗಿ ವಾಷಿಂಗ್‌ ಮೆಷಿನ್‌ನ್ನು ಬಳಸುತ್ತಾರೆ.
ಆದ್ರೆ ಎಲ್ಲರೂ ಇದನ್ನು ಖರೀದಿಸಿಲು ಸಾಧ್ಯವಾಗುವುದಿಲ್ಲ.

ರಾಶಿ ಬಟ್ಟೆಗಳನ್ನು ನೀರಿನಲ್ಲಿ ನೆನೆಸಿಟ್ಟು, ಮತ್ತೆ ಸೋಪ್ ಹಾಕಿ ತೊಳೆಯುವುದು ಕಷ್ಟದ ಕೆಲಸವೇ ಸರಿ. ಹೀಗಾಗಿ ಹೆಚ್ಚಿನವರು ಬಟ್ಟೆ ತೊಳೆಯೋದು ಅಂದ್ರೆ ಹಿಂಜರಿಯುತ್ತಾರ. ಆದರೆ ವಾಷಿಂಗ್‌ ಮೆಷಿನ್‌ನ ಸಹಾಯವಿಲ್ಲದೆ ನೀವು ಕೇವಲ ಹತ್ತೇ ನಿಮಿಷದಲ್ಲಿ ಬಟ್ಟೆ ಒಗೆಯಬಹುದು ಅನ್ನೋದು ನಿಮ್ಗೆ ಗೊತ್ತಿದ್ಯಾ?

ವಾಷಿಂಗ್ ಮೆಷಿನ್ ಇಲ್ಲದವರು ಬಟ್ಟೆ ಒಗೆಯೋಕೆ ಒಂದು ಅಥವಾ ಎರಡು ಗಂಟೆ ಬೇಕಾಗುತ್ತದೆ. ಆದರೆ ನೀವು ಕೆಲವು ಸರಳ ಸಲಹೆಗಳನ್ನು ಅನುಸರಿಸಿದರೆ ನೀವು ಕೇವಲ 10 ನಿಮಿಷಗಳಲ್ಲಿ ಬಟ್ಟೆಗಳನ್ನು ತೊಳೆಯಬಹುದು. ಆ ಬಗ್ಗೆ ಇಲ್ಲಿದೆ ಮಾಹಿತಿ.

ಬಿಳಿ ಬಣ್ಣದ ಬಟ್ಟೆ ಸಪರೇಟ್ ಮಾಡಿ
ಮುಖ್ಯವಾಗಿ, ಬಟ್ಟೆ ಒಗೆಯುವ ಮುನ್ನ ಬಿಳಿ ಬಣ್ಣದ ಬಟ್ಟೆಗಳನ್ನು ಪ್ರತ್ಯೇಕಿಸಿ. ಇದು ಬಿಳಿ ಬಟ್ಟೆಗೆ ಹಾನಿಯಾಗದಂತೆ ಮತ್ತು ಇತರ ಬಟ್ಟೆಗಳಿಗೆ ಕಲೆಯಾಗದಂತೆ ತಡೆಯುತ್ತದೆ. ನಂತರ 2 ಬಕೆಟ್‌ಗಳಲ್ಲಿ ಬಿಸಿ ನೀರನ್ನು ಸುರಿಯಿರಿ. 

ಬಟ್ಟೆಗಳನ್ನು ಬಿಸಿ ನೀರಿನಲ್ಲಿ ನೆನೆಸಿ
ಈಗ ನೀವು ತೊಳೆಯಬೇಕಾದ ಬಟ್ಟೆಗೆ ಅನುಗುಣವಾಗಿ ಕುದಿಯುವ ನೀರಿನ ಬಕೆಟ್‌ಗಳಲ್ಲಿ ಡಿಟರ್ಜೆಂಟ್ ಪೌಡರ್ ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ. ಈಗ ಒಂದು ಬಕೆಟ್‌ನಲ್ಲಿ ಎಲ್ಲಾ ಬಣ್ಣದ ಬಟ್ಟೆಗಳನ್ನು ಹಾಕಿ ಮತ್ತು ಇನ್ನೊಂದು ಬಕೆಟ್‌ನಲ್ಲಿ ಬಿಳಿ ಬಣ್ಣದ ಬಟ್ಟೆಗಳನ್ನು ನೆನೆಸಿ. 

ಬ್ರಷ್‌ನಿಂದ ಸ್ವಚ್ಛಗೊಳಿಸಿ 
ತೊಳೆಯಬೇಕಾದ ಎಲ್ಲಾ ಬಟ್ಟೆಗಳನ್ನು 5ರಿಂದ 7 ನಿಮಿಷಗಳ ಕಾಲ ಬಿಸಿ ನೀರಿನಲ್ಲಿ ನೆನೆಸಿಡಿ. ನಂತರ ಪ್ರತಿಯೊಂದನ್ನು ತೆಗೆದುಕೊಂಡು ಬ್ರಷ್‌ನಿಂದ ಸ್ವಚ್ಛಗೊಳಿಸಿ. 

ಶುದ್ಧ ನೀರಿನಲ್ಲಿ ತೊಳೆಯಿರಿ
ಸ್ವಚ್ಛಗೊಳಿಸಿದ ಬಟ್ಟೆಗಳನ್ನು ಬ್ರಷ್‌ನಿಂದ ತೊಳೆಯಿರಿ. ತಣ್ಣೀರಿನ ಬಕೆಟ್‌ನಲ್ಲಿ ಮುಳುಗಿಸಿ. ಎಲ್ಲಾ ಬಟ್ಟೆಗಳನ್ನು ಶುದ್ಧ ನೀರಿನಲ್ಲಿ 3-4 ಬಾರಿ ಅದ್ದಿ ಮತ್ತು ಅವುಗಳನ್ನು ಹೊರತೆಗೆಯಿರಿ.

ನೀರನ್ನು ಸ್ಕ್ವೀಝ್ ಮಾಡಿ
ತೊಳೆದ ಬಟ್ಟೆಗಳನ್ನು ಶುದ್ಧ ನೀರಿನಲ್ಲಿ ಎರಡು ಅಥವಾ ಮೂರು ಬಾರಿ ಒಳ್ಳೆಯ ನೀರಿನಲ್ಲಿ ತೊಳೆಯಿರಿ. ನಂತರ ಬಟ್ಟೆಗಳನ್ನು ನೀರಿಲ್ಲದೆ ಚೆನ್ನಾಗಿ ಹಿಂಡಿ. ಹೀಗೆ ಮಾಡುವುದರಿಂದ ಬಟ್ಟೆಯ ಮೇಲಿರುವ ಡಿಟರ್ಜೆಂಟ್ ಮತ್ತು ಕೊಳೆ ಸಂಪೂರ್ಣವಾಗಿ ನಿವಾರಣೆಯಾಗುತ್ತದೆ. ನಂತರ ಈ ಬಟ್ಟೆಗಳನ್ನು ಖಾಲಿ ಬಕೆಟ್‌ನಲ್ಲಿ ಹಾಕಿ. 

ಬಿಸಿಲಿನಲ್ಲಿ ಬಟ್ಟೆ ಒಣಗಿಸಿ
ಈಗ ತೊಳೆದ ಬಟ್ಟೆಗಳನ್ನೆಲ್ಲ ಬಿಸಿಲಿನಲ್ಲಿ ಒಣಗಿಸಿ. ಈ ರೀತಿಯಾಗಿ ನೀವು ಕೇವಲ 10 ನಿಮಿಷಗಳಲ್ಲಿ ಸುಲಭವಾಗಿ ಕೈಯಿಂದ ಬಟ್ಟೆಗಳನ್ನು ತೊಳೆಯಬಹುದು. ಈ ಪ್ರಕ್ರಿಯೆ ಸುಲಭ ಅಲ್ಲವೇ.. ನೀವು ಕೂಡಾ ಪ್ರಯತ್ನಿಸಿ.