ಇಡ್ಲಿ ಮೆದುವಾಗಿ ಮಲ್ಲಿಗೆಯಂತಾಗಬೇಕಾ ಅಕ್ಕಿ ನೆನೆಸಿದ ನೀರು ಬಳಸಿ ನೋಡಿ

ಅಕ್ಕಿ ತೊಳೆದ ನೀರಿನಲ್ಲಿರುವ ವಿಟಮಿನ್, ಮಿನರಲ್ಸ್ ಮತ್ತು ಸ್ಟಾರ್ಚ್ ಆರೋಗ್ಯಕ್ಕೆ ಮಾತ್ರವಲ್ಲ, ಸೌಂದರ್ಯ ಹೆಚ್ಚಿಸಿಕೊಳ್ಳುವುದರಿಂದ ಹಿಡಿದು ಅಡುಗೆ ಮನೆ ಸ್ವಚ್ಛಗೊಳಿಸುವವರೆಗೂ ಉಪಯುಕ್ತ.

ಅಕ್ಕಿ ನೀರು

ಅನ್ನ ಮಾಡುವ ಮುನ್ನ ಅಕ್ಕಿಯನ್ನು ನೀರಿನಲ್ಲಿ ತೊಳೆಯುತ್ತೇವೆ. ಆದ್ರೆ  ಅಕ್ಕಿ ತೊಳೆದ ನೀರನ್ನ ಚೆಲ್ಲುತ್ತೇವೆ. ಆ ನೀರಿನಲ್ಲಿ ಎಷ್ಟೊಂದು ಉಪಯುಕ್ತ ಪೋಷಕಾಂಶಗಳಿವೆ ಅಂತ ಗೊತ್ತಾ? ವಿಟಮಿನ್, ಮಿನರಲ್ಸ್, ಸ್ಟಾರ್ಚ್ ಆರೋಗ್ಯಕ್ಕೆ, ಸೌಂದರ್ಯಕ್ಕೆ, ಅಡುಗೆ ಮನೆ ಸ್ವಚ್ಛತೆಗೆ ಬಹಳ ಉಪಯುಕ್ತ. ಹಾಗಾದ್ರೆ ಈ ನೀರನ್ನ ಹೇಗೆಲ್ಲಾ ಉಪಯೋಗಿಸ್ಬಹುದು ನೋಡೋಣ.

ಸೂಪ್ ಅಥವಾ ಗ್ರೇವಿ ತೆಳುವಾಗಿದ್ರೆ, ರುಚಿ ಇಲ್ದಿದ್ರೆ ಈ ನೀರು ಹಾಕಿ. ಇದು ಸ್ಟಾರ್ಚ್ ದ್ರವವನ್ನು ದಪ್ಪವಾಗಿಸುತ್ತೆ, ರುಚಿ ಹೆಚ್ಚಿಸುತ್ತೆ.

ಮೃದುವಾದ, ರುಚಿಯಾದ ರೊಟ್ಟಿಗೆ ಅಕ್ಕಿ ನೆನೆಸಿದ/ಬೇಯಿಸಿದ ನೀರು ಬಳಸಿ. ಸ್ಟಾರ್ಚ್, ವಿಟಮಿನ್, ಮಿನರಲ್ಸ್ ಹಿಟ್ಟನ್ನು ಮೃದುಗೊಳಿಸುತ್ತವೆ.

ಇಡ್ಲಿ, ದೋಸೆ ಹಿಟ್ಟು ಬೇಗ ಹುದುಗಬೇಕೆಂದರೆ ಅಕ್ಕಿ ನೆನೆಸಿದ/ಬೇಯಿಸಿದ ನೀರು ಬಳಸಿ. ಇದು ನೈಸರ್ಗಿಕ ಹುದುಗುವಿಕೆಗೆ ಸಹಾಯ ಮಾಡುತ್ತದೆ. ಇಡ್ಲಿ-ದೋಸೆ ಮೃದುವಾಗುತ್ತವೆ.

ಪಕೋಡಗಳನ್ನು ಗರಿಗರಿಯಾಗಿ, ರುಚಿಯಾಗಿ ಮಾಡಲು ನೀರಿನ ಬದಲು ಅಕ್ಕಿ ನೆನೆಸಿದ/ಬೇಯಿಸಿದ ನೀರು ಬಳಸಿ. ಪಾತ್ರೆ ತೊಳೆಯಲು ಕೂಡ ಈ ನೀರು ಉಪಯುಕ್ತ.