ಯಾವಾಗಲೂ ಸುಸ್ತಾದಂತೆ, ತಲೆ ತಿರುಗುವಂತಾಗುತ್ತಾ? ಮಹಿಳೆಯರೇ ನಿಮಗ್ಯಾಕೆ ಹೀಗಾಗುತ್ತೆ ಗೊತ್ತಾ?

ನೀವು ಯಾವಾಗಲೂ ದಣಿದಿದ್ದರೆ ಮತ್ತು ಯಾವುದೇ ಕೆಲಸವನ್ನು ಮಾಡಲು ಬಯಸದಿದ್ದರೆ, ಅದು ನಿಮ್ಮ ದೇಹದಲ್ಲಿ ಸಂಭವಿಸುವ ರೋಗಗಳಿಂದಾಗಿಯೂ ಇರಬಹುದು. ಇಂದು ನಾವು ಅವರ ಬಗ್ಗೆ ನಿಮಗೆ ಹೇಳಲಿದ್ದೇವೆ. 

ಆಯಾಸವು (fatigue) ನಾವು ಯಾವಾಗಲೂ ಸರಿಯಾಗಿ ಕೆಲಸ ಮಾಡಲು ಸಾಧ್ಯವಾಗದ ಸ್ಥಿತಿಯಾಗಿದೆ. ದಣಿದ, ಶಕ್ತಿಯ ಕೊರತೆ, ಹಾಸಿಗೆಯಿಂದ ಎದ್ದೇಳಲು ಕಷ್ಟಪಡುವುದು, ಈ ಎಲ್ಲಾ ರೋಗಲಕ್ಷಣಗಳು ನಿಮ್ಮಲ್ಲೂ ಸಹ ಕಂಡುಬರುತ್ತಿದೆಯೆ?? ಕೆಲವು ಕಾರಣಗಳಿಗಾಗಿ ದಣಿದಿರುವುದು ಮತ್ತು ಪ್ರತಿದಿನ ಆಯಾಸದಂತಹ ರೋಗಲಕ್ಷಣಗಳನ್ನು ಹೊಂದಿರುವುದು ಎರಡು ವಿಭಿನ್ನ ವಿಷಯಗಳು. ಒಬ್ಬ ವ್ಯಕ್ತಿಯು ಹೆಚ್ಚು ಕೆಲಸ ಮಾಡುವ ಮೂಲಕ ಅಥವಾ ಸರಿಯಾಗಿ ವಿಶ್ರಾಂತಿ ಪಡೆಯದಿರುವ ಮೂಲಕ ಆಯಾಸಗೊಳ್ಳಬಹುದು, ಆದರೆ ಆಯಾಸದಂತಹ ರೋಗಲಕ್ಷಣಗಳು ಪ್ರತಿದಿನ ಕಂಡು ಬರುತ್ತಿದ್ದರೆ ಮತ್ತು ಸ್ಥಳದಿಂದ ಎದ್ದೇಳಲು ಕಷ್ಟವಾಗುತ್ತಿದ್ದರೆ, ಅದು ಆರೋಗ್ಯ ಸಮಸ್ಯೆಯಾಗಿದೆ. 

ನಿಮಗೆ ಹೀಗೆ ಆಗ್ತಾ ಇದ್ರೆ, ಔಷಧಿ ತೆಗೆದುಕೊಳ್ಳುವ ಅಗತ್ಯವಿಲ್ಲ. ಕೆಲವು ಜೀವನಶೈಲಿ ಬದಲಾವಣೆಗಳು ನಿಮ್ಮ ಆರೋಗ್ಯ ಉತ್ತಮವಾಗಿರುವಂತೆ ಮಾಡುತ್ತೆ ಮತ್ತು ಆಯಾಸದ ಸಮಸ್ಯೆ ಸಹ ದೂರವಾಗುವ ಸಾಧ್ಯತೆಯಿದೆ. ಹೌದು, ಇನ್ನೂ ಕೆಲವು ತೊಂದರೆಗಳು ಕಾಣಿಸಿಕೊಂಡರೆ, ನೀವು ವೈದ್ಯಕೀಯ ಸಹಾಯವನ್ನು ಪಡೆಯಬೇಕಾಗುತ್ತದೆ. 

ಆಯಾಸ ಅಥವಾ ಫಾಟಿಗ್ ಅನ್ನೋದು ವಯಸ್ಸಾದವರಿಗೆ ಮಾತ್ರ ಕಂಡು ಬರಬೇಕಾದ ಅಗತ್ಯವಿಲ್ಲ. ಈ ರೋಗವು ಯಾವುದೇ ವಯಸ್ಸಿನ ಮತ್ತು ಲಿಂಗದ ಜನರಿಗೆ ಸಂಭವಿಸಬಹುದು. ಅದರಲ್ಲೂ ಆಯಾಸವು ಮಹಿಳೆಯರನ್ನು ಹೆಚ್ಚು ಕಾಡುತ್ತದೆ ಎಂದು ಸಂಶೋಧನೆ ನಂಬುತ್ತದೆ. ಸಂಶೋಧನೆಯ ಪ್ರಕಾರ, ಮಹಿಳೆಯರು ಪುರುಷರಿಗಿಂತ ನಾಲ್ಕು ಪಟ್ಟು ಹೆಚ್ಚು ಸಮಸ್ಯೆಗಳನ್ನು ಹೊಂದಿರುವ ಸಾಧ್ಯತೆ ಇದೆಯಂತೆ.  

ಫಾಟಿಗ್ ಲಕ್ಷಣಗಳು ಯಾವುವು?
ಸಾಮಾನ್ಯ ದಿನಗಳಲ್ಲಿ ಅತಿಯಾದ ಕೆಲಸದಿಂದಾಗಿ ದಣಿದಿರುವುದು ಸಮಸ್ಯೆ ಅಲ್ಲ. ಇಲ್ಲಿ ಆಯಾಸವು ಪ್ರತಿದಿನ ಕಾಣಿಸಿಕೊಳ್ಳುವ ರೋಗದ ಲಕ್ಷಣಗಳನ್ನು ಸೂಚಿಸುತ್ತದೆ. ಇದರ ಲಕ್ಷಣಗಳು ಯಾವುವು ಅಂದ್ರೆ…
ಆಗಾಗ್ಗೆ ತಲೆತಿರುಗುವುದು ಮತ್ತು ತಲೆಯು ಹಗುರವಾಗಿ ಕಾಣುತ್ತದೆ.
ವಾಂತಿ ಮತ್ತು ಅತಿಸಾರದಂತಹ ಪರಿಸ್ಥಿತಿಗಳು ಆಗಾಗ್ಗೆ ಸಂಭವಿಸುತ್ತವೆ
ತಲೆನೋವು (headache)
ದೇಹದಲ್ಲಿ ಸೆಳೆತ ಮತ್ತು ನೋವು 
ಅತಿಯಾಗಿ ಬೆವರುವುದು 

ಮಹಿಳೆಯರಲ್ಲಿ ಆಯಾಸಕ್ಕೆ ಕಾರಣಗಳು ಯಾವುವು?: ಆಯಾಸಕ್ಕೆ ಮುಖ್ಯ ಕಾರಣ ಕಳಪೆ ಜೀವನಶೈಲಿ (poor lifestyle). ಇದರೊಂದಿಗೆ, ದೈಹಿಕ ಮತ್ತು ಮಾನಸಿಕ ಆರೋಗ್ಯ ಪರಿಸ್ಥಿತಿಗಳನ್ನು ಸಹ ಸೇರಿವೆ.  ಮಹಿಳೆಯರ ದೇಹದಲ್ಲಿ ವಿಟಮಿನ್-ಡಿ, ಕಬ್ಬಿಣ, ಪ್ರೋಟೀನ್ ಮತ್ತು ಕೊಬ್ಬಿನಂತಹ ಅನೇಕ ಅಗತ್ಯ ಪೋಷಕಾಂಶಗಳ ಕೊರತೆಯಿದೆ. ನಮ್ಮ ದೇಶದಲ್ಲಿ, ಮಹಿಳೆಯರು ಮಾಡಬೇಕಾದ ಕೆಲಸದ ಪ್ರಮಾಣ ಮತ್ತು ಅವರು ತಿನ್ನುವ ಆಹಾರದ ಪ್ರಕಾರ, ಅವರು ತುಂಬಾ ಕಷ್ಟಪಡುತ್ತಾರೆ. ಇದಕ್ಕೆ ಒಂದು ಕಾರಣವೆಂದರೆ ಕೆಟ್ಟ ನಿದ್ರೆ. ಅಷ್ಟೇ ಅಲ್ಲ ನೀವು ದೀರ್ಘಕಾಲದಿಂದ ನಿರ್ಜಲೀಕರಣದಿಂದ (dehydration) ಬಳಲುತ್ತಿದ್ದರೆ, ಸಮಸ್ಯೆ ಇನ್ನು ಹೆಚ್ಚಾಗುವ ಸಾಧ್ಯತೆ ಇದೆ.

ಮಹಿಳೆಯರು ಹೆಚ್ಚು ಗರ್ಭನಿರೋಧಕ ಮಾತ್ರೆಗಳು (contraceptive pills) ಅಥವಾ ಇತರ ವೈದ್ಯಕೀಯ ಔಷಧಿಗಳನ್ನು ತೆಗೆದುಕೊಂಡರೆ, ಅವರಿಗೆ ಆಯಾಸ ಸಮಸ್ಯೆಗಳೂ ಕಾಡಬಹುದು. ಅಷ್ಟೇ ಆಲ್ಲ ಇತ್ತೀಚೆಗೆ ದೈಹಿಕ ಅಥವಾ ವೈದ್ಯಕೀಯ ಸಮಸ್ಯೆ ಏನಾದರೂ ಹೊಂದಿದ್ದರೆ, ಅವರಿಗೆ ಆಯಾಸ ಸಮಸ್ಯೆಗಳು ಕಾಡಬಹುದು. ಇದು ಥೈರಾಯ್ಡ್, ರಕ್ತಹೀನತೆ, ಕ್ಯಾನ್ಸರ್, ಗರ್ಭಧಾರಣೆ ಮತ್ತು ಮಧುಮೇಹದ ಪರಿಣಾಮಗಳಿಂದಲೂ ಉಂಟಾಗಬಹುದು.  ಯಾವುದೇ ರೀತಿಯ ಮಾನಸಿಕ ಆರೋಗ್ಯ ಸಮಸ್ಯೆ ಇದ್ದರೆ, ಆಯಾಸವು ಹೆಚ್ಚು ತೊಂದರೆಯಾಗಬಹುದು.  

ಆಯಾಸವನ್ನು ತಪ್ಪಿಸಲು ಮಾರ್ಗಗಳು ಯಾವುವು? 
ಸಮತೋಲಿತ ಆಹಾರವನ್ನು (balanced food) ತೆಗೆದುಕೊಳ್ಳಬೇಕು.
ನೀವು ನಿಮ್ಮನ್ನು ಹೈಡ್ರೇಟ್ ಆಗಿರಿಸಿಕೊಳ್ಳಬೇಕು.
ಸರಿಯಾಗಿ ನೀರು ಕುಡಿಯಿರಿ.
ನಿಯಮಿತವಾಗಿ ವ್ಯಾಯಾಮ ಮಾಡುತ್ತಲೇ ಇರಿ.
ಧ್ಯಾನದಂತಹ ಚಟುವಟಿಕೆಯೊಂದಿಗೆ ಒತ್ತಡವನ್ನು ಕಡಿಮೆ ಮಾಡಲು ಪ್ರಯತ್ನಿಸಿ. 
8 ಗಂಟೆಗಳ ಸಂಪೂರ್ಣ ನಿದ್ರೆ ಪಡೆಯಿರಿ. 
ಸರಿಯಾದ ರೀತಿಯ ವೈದ್ಯಕೀಯ ಚಿಕಿತ್ಸೆಯನ್ನು ಪಡೆಯಿರಿ.