- Home
- Entertainment
- TV Talk
- Bigg Bossಗೆ ಹೋಗಿದ್ದೇ ನನ್ನ ಜೀವನದ ದೊಡ್ಡ ಫೆಲ್ಯೂರ್: ರಿಷಾ ಗೌಡ ಶಾಕಿಂಗ್ ಸ್ಟೇಟ್ಮೆಂಟ್
Bigg Bossಗೆ ಹೋಗಿದ್ದೇ ನನ್ನ ಜೀವನದ ದೊಡ್ಡ ಫೆಲ್ಯೂರ್: ರಿಷಾ ಗೌಡ ಶಾಕಿಂಗ್ ಸ್ಟೇಟ್ಮೆಂಟ್
ಬಿಗ್ಬಾಸ್ 12ರ ಸ್ಪರ್ಧಿ ರಿಷಾ ಗೌಡ, ದೊಡ್ಮನೆಗೆ ಹೋಗಿದ್ದು ತಮ್ಮ ಜೀವನದ ಅತಿದೊಡ್ಡ ಫೇಲ್ಯೂರ್ ಎಂದು ಹೇಳಿದ್ದಾರೆ. ಬಿಗ್ಬಾಸ್ನಿಂದ ಜನಪ್ರಿಯತೆ ಸಿಕ್ಕರೂ, ಅದು ತಾನು ಮಾಡಿದ ದೊಡ್ಡ ತಪ್ಪು ಎನಿಸುತ್ತಿದೆ ಎಂದು ಸಂದರ್ಶನವೊಂದರಲ್ಲಿ ಅಚ್ಚರಿಯ ಹೇಳಿಕೆ ನೀಡಿದ್ದಾರೆ.
ಬಿಗ್ಬಾಸ್ 12 ಟಫೆಸ್ಟ್ ಸ್ಪರ್ಧಿ
ಬಿಗ್ಬಾಸ್ 12 (Bigg Boss 12)ರ ಟಫೆಸ್ಟ್ ಸ್ಪರ್ಧಿ ಎನ್ನಿಸಿಕೊಂಡಿದ್ದ ರಿಷಾ ಗೌಡ ಅವರು, 'ಬಿಗ್ ಬಾಸ್'ಗೆ ಎಂಟ್ರಿ ಕೊಟ್ಟ 5ನೇ ವಾರದಲ್ಲಿ ದೊಡ್ಮನೆಯಿಂದ ಔಟ್ ಆಗಿ ಹೊರ ಬಂದವರು. ನಟಿ, ಮಾಡೆಲ್, ರಂಗಭೂಮಿ ಕಲಾವಿದೆ, ರಾಷ್ಟ್ರೀಯ ಕ್ರೀಡಾಸ್ಪರ್ಧಿಯಾಗಿದ್ದಾರೆ.
ನನ್ನ ಜೀವನದ ಫೆಲ್ಯೂರ್
ಬಿಗ್ಬಾಸ್ನಿಂದ ಸಾಕಷ್ಟು ಹೆಸರು ಮಾಡಿರುವ ನಟಿ, ಇದೀಗ ಶಾಕಿಂಗ್ ಸ್ಟೇಟ್ಮೆಂಟ್ ಕೊಟ್ಟಿದ್ದಾರೆ. ಬಿಗ್ಬಾಸ್ಗೆ ಹೋಗಿದ್ದು ನನ್ನ ಜೀವನದ ಅತ್ಯಂತ ದೊಡ್ಡ ಫೇಲ್ಯೂರ್. ಇದನ್ನು ನಾನು ಈಗ ಹೇಳುತ್ತಿದ್ದೇನೆ ಎಂದಿದ್ದಾರೆ. ಬಿಗ್ಬಾಸ್ಗೂ ಮುನ್ನ ಎರಡು ವರ್ಷ ಆ್ಯಕ್ಟಿಂಗ್ ಮಾಡಿದ್ದೆ. ಆದರೆ ಜನರು ಗುರುತಿಸಲಿಲ್ಲ, ಬಿಗ್ಬಾಸ್ ನನ್ನನ್ನು ಗುರುತಿಸುವಂತೆ ಮಾಡಿದ್ದು ನಿಜವಾದರೂ, ಅದು ನನ್ನ ಜೀವನದ ಜೊತೆ ಫೆಲ್ಯೂರ್ ಎಂದಿದ್ದಾರೆ.
ನಾನು ಮಾಡಿದ ದೊಡ್ಡ ತಪ್ಪು
ಬಿಫೋರ್ ಬಿಗ್ಬಾಸೇ ನನಗೆ ಚೆನ್ನಾಗಿತ್ತು. ಬಿಗ್ಬಾಸ್ಗೆ ಹೋಗುವುದು ನಾನು ಮ್ಯಾನಿಫೆಸ್ಟೇಷನ್ ಮಾಡಿಕೊಂಡಿದ್ದೆ. ನಾನು ಯಾರು ಎಂದು ಕರ್ನಾಟಕಕ್ಕೆ ಗೊತ್ತಾಗಲಿ ಎಂದುಕೊಂಡೆ. ಆದರೆ ಅದೇ ನಾನು ಮಾಡಿದ ದೊಡ್ಡ ಮಿಸ್ಟೇಕ್ ಎಂದು ಎನ್ನಿಸುತ್ತಿದೆ. ನಾನು ಈಗ ಕರ್ನಾಟಕದ ಜನತೆ ನನಗೆ ಪ್ರೀತಿ ಕೊಡಲಿ ಎಂದು ಮ್ಯಾನಿಫೆಸ್ಟೇಷನ್ ಮಾಡಿಕೊಳ್ಳುತ್ತಿದ್ದೇನೆ. ಇದು ಕೂಡ ಈಡೇರುವ ಭರವಸೆ ಇದೆ ಎಂದು nammakannadadm ಚಾನೆಲ್ಗೆ ವರ ಮಹಾಲಕ್ಷ್ಮಿ ಹಬ್ಬದ ದಿನದಂದು ನೀಡಿರುವ ಸಂದರ್ಶನದಲ್ಲಿ ರಿವೀಲ್ ಮಾಡಿದ್ದಾರೆ ನಟಿ.
ಬಿಗ್ಬಾಸ್ಗೆ ಹೋಗಿದ್ದೇಕೆ?
ಈ ಹಿಂದೆ ನಟಿ, ತಾವು ಬಿಗ್ಬಾಸ್ಗೆ ಹೋಗಿದ್ದೇಕೆ ಎನ್ನುವ ಗುಟ್ಟನ್ನು ಇದೀಗ ರಿವೀಲ್ ಮಾಡಿದ್ದರು. ಮಾಧ್ಯಮವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ರಿಷಾ ಅವರು, ಈ ವಿಷಯವನ್ನು ತಿಳಿಸಿದ್ದಾರೆ. ನನಗೆ 11ನೇ ಸೀಸನ್ನಲ್ಲಿಯೇ ಕರೆ ಬಂದಿತ್ತು. ಆದರೆ ತುಂಬಾ ಬಿಜಿಯಾಗಿದ್ದ ಕಾರಣ, ಹೋಗಲು ಆಗಿರಲಿಲ್ಲ ಎಂದಿದ್ದರು. ಈ ಸಲವೂ ಕರೆಬಂದಿತ್ತು. ನೀವು ಬರಲೇಬೇಕು ಎಂದು ಕರೆ ಮಾಡಿದ್ದರು. ಪದೇ ಪದೇ ಇಲ್ಲ ಎನ್ನಲು ಚೆನ್ನಾಗಿರಲ್ಲ ಎನ್ನುವ ಕಾರಣಕ್ಕೆ ಒಪ್ಪಿಕೊಂಡೆ. ಈ ಸಲವೂ ಬಿಜಿ ಇದ್ದೆ. ಅವುಗಳ ನಡುವೆಯೇ ಸಮಯ ಹೊಂದಾಣಿಕೆ ಮಾಡಿಕೊಂಡು ಬಂದೆ. ಕಳೆದ ಬಾರಿ ಹೋಗದೇ ಇದ್ದುದಕ್ಕೆ ಈ ಸಲ ಕರೆ ಬರಬಹುದು ಎಂದು ಗೊತ್ತಿತ್ತು. ಅದಕ್ಕಾಗಿಯೇ ಸಿದ್ಧವಾಗಿದ್ದೆ ಎಂದಿದ್ದರು ನಟಿ.
ನಟಿಯ ಕುರಿತು
ಅಷ್ಟಕ್ಕೂ ರಿಷಾ ಗೌಡ ಕುರಿತು ಹೇಳುವುದಾದರೆ, ಇವರು ಮೈಸೂರಿನವರು. 2019ರಲ್ಲಿ ಮಿಸ್ ಮೈಸೂರು, 2020ರಲ್ಲಿ ಮಿಸ್ ಕರ್ನಾಟಕ ಪಟ್ಟ ಗೆದ್ದಿದ್ದಾರೆ. 2021ರಲ್ಲಿ 'ಕ್ರೇಜಿ ಕೀರ್ತಿ' ಸಿನಿಮಾದಲ್ಲಿ ನಟಿಸಿದ್ದು, ಇದು SIIMAಯಲ್ಲಿ ಅತ್ಯುತ್ತಮ ಚೊಚ್ಚಲ ನಟಿ ವಿಭಾಗಕ್ಕೆ ನಾಮನಿರ್ದೇಶನಗೊಂಡಿತು.
ಹಲವು ಭಾಷೆಗಳಲ್ಲಿ ನಟನೆ
ನಂತರ 'ಜೂನಿಯರ್' (ತೆಲುಗು) ಮತ್ತು 'ಆಸ್ಟಿನ್ ನ ಮಹಾನ್ ಮೌನ', ಭಗೀರಥ ಸಿನಿಮಾಗಳಲ್ಲಿ ನಟಿಸಿದರು. 'ಬೆಂಗಳೂರು ಇನ್' (ಧರ್ಮ ಕೀರ್ತಿ ನಿರ್ದೇಶನ), 'ಪ್ರರಕಾಮಿ' (ಪ್ರಮೋದ್ ಶೆಟ್ಟಿ ನಟಿಸಿದ್ದು), 'ಪಿಂಗಕ್ಷ' ಸಿನಿಮಾದಲ್ಲಿ ನಟಿಸಿದ್ದಾರೆ. ತೆಲುಗು ಸಿನಿಮಾಗಳಾದ 'ಮಿಸ್ ಕರೋನಲ್', 'ಡಿಯರ್ ಲವ್'ಗಳಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ರಿಷಾ ಗೌಡಗೆ ರಂಗಭೂಮಿ ನಂಟು ಕೂಡ ಇದೆ. ರಿಷಾ "ಬಿಗ್ ಬಾಸ್ ಮೂಲಕ ಜನರ ಪ್ರೀತಿಯನ್ನು ಸಂಪಾದಿಸಬಹುದು. ಅದಕ್ಕಾಗಿ ನಾನು ಈ ಮನೆಗೆ ಬಂದಿದ್ದೇನೆ" ಎಂದು ಹೇಳಿದ್ದರು.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್‌ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್‌ಡೇಟ್ಸ್‌, ತೆರೆಮರೆಯ ಕಥೆಗಳು, OTT ರಿಲೀಸ್‌ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
