Love Life: ಕಾಮಿಡಿಯನ್‌ ಭಾರ್ತಿ ಸಿಂಗ್ ಮತ್ತು ಹರ್ಷ್ ಲಿಂಬಾಚಿಯಾ ಲವ್ ಸ್ಟೋರಿ!
ಪ್ರಸಿದ್ಧ ಕಾಮಿಡಿಯನ್‌ ಭಾರ್ತಿ ಸಿಂಗ್ (Bharti Singh) ಮತ್ತು ಹರ್ಷ್ ಲಿಂಬಾಚಿಯಾ (Harsh Limbachiya) ಅವರ ನಾಲ್ಕನೇ ವಿವಾಹ ವಾರ್ಷಿಕೋತ್ಸವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಈ ಜೋಡಿ ಡಿಸೆಂಬರ್ 3 ರಂದು 2017 ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಮದುವೆಯ ವಾರ್ಷಿಕೋತ್ಸವದಂದು, ಭಾರ್ತಿ ತಮ್ಮ ಪತಿಯೊಂದಿಗೆ ಕೆಲವು ಫೋಟೋಗಳನ್ನು Instagramನಲ್ಲಿ ಹಂಚಿಕೊಂಡಿದ್ದಾರೆ. ಫೋಟೋಗಳನ್ನು ಹಂಚಿಕೊಳ್ಳುತ್ತಾ 'ನನ್ನ ಪ್ರೀತಿಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು. ನನ್ನ ಜೀವನದಲ್ಲಿ ಬಂದಿದ್ದಕ್ಕಾಗಿ ಧನ್ಯವಾದಗಳು,' ಎಂದು ಬರೆದಿದ್ದಾರೆ. ಅವರ ಪೋಸ್ಟ್‌ಗೆ ಅಭಿಮಾನಿಗಳೊಂದಿಗೆ ಸೆಲೆಬ್ರಿಟಿಗಳು ಸಹ ಕಾಮೆಂಟ್ ಮಾಡುತ್ತಿದ್ದಾರೆ. ಭಾರ್ತಿ ಸಿಂಗ್ ಮತ್ತು ಹರ್ಷ ಲಿಂಬಾಚಿಯಾ ಅವರ ಪ್ರೇಮಕಥೆ ಹೇಗೆ ಪ್ರಾರಂಭವಾಯಿತು ಗೊತ್ತಾ? ಮುಂದೆ ಓದಿ.
ಮದುವೆಗೆ ಮೊದಲು, ಇಬ್ಬರೂ ಸುಮಾರು 7 ವರ್ಷಗಳ ಕಾಲ ಪರಸ್ಪರ ಡೇಟ್‌ ಮಾಡುತ್ತಿದ್ದರು. ಮೊದಲು ಸ್ನೇಹಿತರಾದ ಇವರು ಸಂಬಂಧ ನಂತರ ಅದು ಪ್ರೀತಿಗೆ ತಿರುಗಿತು. ರಿಯಾಲಿಟಿ ಶೋ ಕಾಮಿಡಿ ಸರ್ಕಸ್‌ನಲ್ಲಿ ಇಬ್ಬರೂ ಮೊದಲು ಭೇಟಿಯಾದರು. ಭಾರ್ತಿ ಕಾರ್ಯಕ್ರಮಕ್ಕೆ ಸ್ಪರ್ಧಿಯಾಗಿ ಸೇರಿದರು, ಹರ್ಷ ಚಿತ್ರಕಥೆಗಾರರಾಗಿದ್ದರು. ಈ ಕಾರ್ಯಕ್ರಮದ ವೇಳೆ ಇಬ್ಬರೂ ಸ್ನೇಹಿತರಾದರು.
ಒಂದು ವರ್ಷದ ಗೆಳೆತನದ ನಂತರ ಹರ್ಷ್ ಭಾರತಿಯನ್ನು ಇಷ್ಟಪಡಲಾರಂಭಿಸಿದರು. ಒಂದು ದಿನ ಹರ್ಷ ಭಾರತಿಗೆ ಪ್ರಪೋಸ್ ಮಾಡಿದರು. ಆದರೆ, ಅದು ನಿಜವೋ ಅಥವಾ ತಮಾಷೆಯೋ ಎಂದು ಭಾರತಿಗೆ ಅರ್ಥವಾಗಲಿಲ್ಲ.
ವಾಸ್ತವವಾಗಿ, ಭಾರ್ತಿ ಮೊದಲಿನಿಂದಲೂ ತನ್ನ ತೂಕದ ಬಗ್ಗೆ ಮುಕ್ತವಾಗಿ ಮಾತನಾಡುತ್ತಾರೆ. ಅವರ ಪ್ರಕಾರ ನಾನು ದಪ್ಪಗಿದ್ದೇನೆ, ಮನೆಯವರು ದಪ್ಪಗಿರುವ ಹುಡುಗನನ್ನು ಹುಡುಕಿ ಮದುವೆ ಮಾಡುತ್ತಾರೆ ಎಂದುಕೊಂಡಿದ್ದೆ. ಆದರೆ ಹರ್ಷ್ ಮೊದಲ ಬಾರಿಗೆ ಐ ಲವ್ ಯೂ ಎಂದು ಕಳುಹಿಸಿದಾಗ, ಅದು ಸ್ಕ್ರಿಪ್ಟ್‌ನ ಭಾಗವೇ ಅಥವಾ ನಿಜವೇ ಎಂದು ನನಗೆ ಅರ್ಥವಾಗಲಿಲ್ಲ ಎಂದು ಭಾರ್ತಿ ಹೇಳಿದರು.
ಹರ್ಷನಂತಹ ತೆಳ್ಳಗಿನ ವ್ಯಕ್ತಿಯ ಫೋಟೋ ಕೂಡ ನನ್ನ ಮನಸ್ಸಿನಲ್ಲಿ ಇರಲಿಲ್ಲ ಎನ್ನುತ್ತಾರೆ ಭಾರ್ತಿ. ಆದರೆ ಅವರು ನನಗೆ ಪ್ರೀತಿಸಲು ಕಲಿಸಿದರು. ಮತ್ತೊಂದೆಡೆ, ಭಾರತಿ ನನಗೆ ಪರಿಪೂರ್ಣ ದಪ್ಪ ಮತ್ತು ತೆಳುವಾದ ನಡುವೆ ಏನಿದೆ? ಭಾರತಿ ಹೃದಯವಂತಳು. ನಾನು ಅವಳ ಸ್ವಭಾವ ಮತ್ತು ವ್ಯಕ್ತಿತ್ವವನ್ನು ಪ್ರೀತಿಸುತ್ತೇನೆ ಎಂದು ಹರ್ಷ್ ಹೇಳುತ್ತಾರೆ.
ಭಾರ್ತಿ ಸಿಂಗ್ ಮತ್ತು ಹರ್ಷ ಲಿಂಬಾಚಿಯಾ ಗೋವಾದಲ್ಲಿ ಡೆಸ್ಟಿನೇಶನ್ ವೆಡ್ಡಿಂಗ್ ಮಾಡಿಕೊಂಡಿದ್ದರು. ಅವರು ಗೋವಾದಲ್ಲಿ 5 ದಿನಗಳ ಮದುವೆಯ ಕಾರ್ಯಕ್ರಮವನ್ನು ಮಾಡಿದರು, ಅನೇಕ ಸೆಲೆಬ್ರೆಟಿಗಳು ಇವರ ಮದುವೆಯಲ್ಲಿ ಭಾಗವಹಿಸಿದ್ದರು ಇಬ್ಬರನ್ನು ಅಭಿನಂದಿಸಲು ಬಂದಿದ್ದರು.
ಭಾರ್ತಿ ಪಂಜಾಬಿಯಾಗಿದ್ದರೆ, ಅವರ ಪತಿ ಹರ್ಷ ಲಿಂಬಾಚಿಯಾ ಗುಜರಾತ್‌ಗೆ ಸೇರಿದವರು. 'ಹರ್ಷ್ ಅವರು ಗುಜರಾತಿ ಆಗಿದ್ದರೂ ತುಂಬಾ ಧಾರಳ. ನಾವು ಪಂಜಾಬಿಗಳು ಎಲ್ಲಿ ದುಡ್ಡು ಉಳಿಸುತ್ತಿವೋ ಅಲ್ಲಿ ಅಲ್ಲಿ ಅವರು ಬಹಿರಂಗವಾಗಿ ಹಣವನ್ನು ಖರ್ಚು ಮಾಡುತ್ತಾರೆ. ಒಮ್ಮೆ ಎರಡು ಲಕ್ಷ ರೂಪಾಯಿಯ ಪರ್ಸ್ ಖರೀದಿಸದೆ ವಾಪಸ್ ಬಂದಿದ್ದೆ. ಮರುದಿನ ಹರ್ಷ ಅದೇ ಪರ್ಸ್ ಖರೀದಿಸಿದ.' ಎಂದು ಭಾರ್ತಿ ಒಮ್ಮೆ ಬಹಿರಂಗ ಪಡಿಸಿದ್ದರು.
ಹರ್ಷ್‌ನನ್ನು ಪಡೆಯಲು ನಾನು ಅದೃಷ್ಟಶಾಲಿ,ಅವನ ಆಲೋಚನೆ ತುಂಬಾ ಚೆನ್ನಾಗಿದೆ. ಕಾರ್ಯಕ್ರಮ ಚೆನ್ನಾಗಿ ನಡೆಯಲು ಅವರು ಸೆಟ್‌ಗಳಲ್ಲಿ ನನ್ನಿಂದ ಫ್ಲರ್ಟ್ ಮಾಡಿಸುತ್ತಾರೆ. ನನ್ನ ಕಿವಿಯಲ್ಲಿರುವ ಹೆಡ್‌ಫೋನ್‌ಗಳ ಮೂಲಕ ಅವನ ತೊಡೆಯ ಮೇಲೆ ಕುಳಿತುಕೊ, ಅವನಿಂದ ಕಿಸ್ ತೆಗೆದುಕೊ ಎಂದು ಬ್ಯಾಕ್‌ ಸ್ಟೇಜ್‌ನಿಂದ ಹೇಳುತ್ತಾನೆ.
ಭಾರ್ತಿ ಸಿಂಗ್ ದಿ ಗ್ರೇಟ್ ಇಂಡಿಯನ್ ಲಾಫ್ಟರ್ ಚಾಲೆಂಜ್ (2008) ಅಲ್ಲದೆ, ಅವರು ಕಾಮಿಡಿ ಸರ್ಕಸ್ ಕೆ ಸೂಪರ್‌ಸ್ಟಾರ್ (2010), ಕಾಮಿಡಿ ಸರ್ಕಸ್ ಕೆ ತಾನ್ಸೆನ್ (2011) ಮತ್ತು ಕಾಮಿಡಿ ಸರ್ಕಸ್ ಕೆ ಅಜೂಬೆ (2012) ನಂತಹ ಹಾಸ್ಯ ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರಸ್ತುತ ಅವರು ಕಪಿಲ್ ಶರ್ಮಾ ಶೋನಲ್ಲಿ ಕಾಣಿಸಿಕೊಂಡಿದ್ದಾರೆ.
Bharti singh
ಭಾರ್ತಿಸಿಂಗ್ ಅವರು ಪಂಜಾಬಿ ಚಿತ್ರಗಳಾದ ಏಕ್ ನೂರ್ (2011), ಯಮ್ಲೆ ಜಟ್ಟ್ ಯಾಮ್ಲೆ (2012) ಮತ್ತು ಜಟ್ & ಜೂಲಿಯೆಟ್-2 (2013) ನಲ್ಲಿ ಸಹ ನಟಿಸಿದ್ದಾರೆ. ಅವರು ಅಕ್ಷಯ್ ಕುಮಾರ್ ಅವರ ಖಿಲಾಡಿ 786 (2012) ಮತ್ತು ಪುಲ್ಕಿತ್ ಸಾಮ್ರಾಟ್‌ ಮತ್ತು ಯಾಮಿ ಗೌತಮ್ ಅವರ ಸನಮ್ ರೇ (2016) ಸಿನಿಮಾದಲ್ಲಿ ಕೂಡ ಕೆಲಸ ಮಾಡಿದ್ದಾರೆ.
