ದೇಶದ ಈ ಮಂದಿರಗಳಲ್ಲಿ ನೈವೇದ್ಯವಾಗಿ ದೇವರಿಗೆ ಅರ್ಪಿಸಲಾಗುತ್ತೆ ಮಧು, ಮಾಂಸ!
ದೇವಾಲಯ ಎಂದರೆ ಅಲ್ಲಿಗೆ ಮೀನು, ಮಾಂಸ ತಿಂದು ಜನ ಹೋಗೋದು ಇಲ್ಲ. ಆದರೆ ದೇಶದಲ್ಲಿರುವ ಕೆಲವು ದೇವಾಲಯಗಳಲ್ಲಿ ಮಧು ಮಾಂಸವನ್ನೇ ದೇವರಿಗೆ ಪ್ರಸಾದವಾಗಿ ನೀಡುತ್ತಾರೆ. ಆ ದೇವಾಲಗಳು ಯಾವುವು ನೋಡೋಣ.
ದೇಶದ ವಿಶಿಷ್ಟ ದೇವಾಲಯಗಳು
ದೇವಾಲಯಗಳಲ್ಲಿ ಪೂಜೆಯ ಸಮಯದಲ್ಲಿ ಅನೇಕ ನಿಯಮಗಳನ್ನು ವಿಶೇಷವಾಗಿ ಪಾಲಿಸುತ್ತದೆ. ಇದರಲ್ಲಿ ಸಾತ್ವಿಕತೆಯು ಅತ್ಯಂತ ಮುಖ್ಯವಾಗಿದೆ. ದೇವರಿಗೆ ಅರ್ಪಿಸುವ ಆಹಾರವು ಸಾತ್ವಿಕವಾಗಿರಬೇಕು ಮತ್ತು ಅದನ್ನೇ ಪ್ರಸಾದವಾಗಿ ನೀಡಲಾಗುತ್ತದೆ. ಆದರೆ ದೇಶದ ಅನೇಕ ದೇವಾಲಯಗಳಲ್ಲಿ, ಬಹಳ ವಿಚಿತ್ರವಾದ ಸಂಪ್ರದಾಯಗಳನ್ನು ಅನುಸರಿಸಲಾಗುತ್ತದೆ, ಅಲ್ಲಿ ದೇವರಿಗೆ ಮಾಂಸ, ಮೀನು ಮತ್ತು ಮದ್ಯವನ್ನು ಅರ್ಪಿಸಿ ನಂತರ ಅದನ್ನು ಪ್ರಸಾದವಾಗಿ ವಿತರಿಸಲಾಗುತ್ತದೆ.
ಪರಶಿನಕಡವು
ಕೇರಳದ ಪರಶಿನಕಡವು (Parassinakadavu) ಮುತ್ತಪ್ಪ ದೇವಾಲಯದಲ್ಲಿ ದೇವರಿಗೆ ಒಣಗಿದ ಮೀನನ್ನು ಹಾಗೂ ಕಳ್ಳು ನೈವೇದ್ಯವಾಗಿ ನೀಡುತ್ತಾರೆ. ಅದನ್ನೇ ಜನರಿಗೆ ಪ್ರಸಾದವಾಗಿ ನೀಡುತ್ತಾರೆ.
ತಾರಾಪೀಠ
ಪಶ್ಚಿಮ ಬಂಗಾಳದ ಬಿರ್ಭುಮ್ನಲ್ಲಿರುವ ದುರ್ಗಾ ಮಾತೆಯ ತಾರಾಪೀಠ ದೇವಾಲಯವು (Tarapeeth Temple)ಸಹ ಬಹಳ ಜನಪ್ರಿಯವಾಗಿದೆ. ಈ ದೇವಾಲಯದಲ್ಲಿಯೂ ಸಹ ದುರ್ಗಾ ದೇವಿಗೆ ಮಾಂಸವನ್ನು ನೈವೇದ್ಯವಾಗಿ ಅರ್ಪಿಸಲಾಗುತ್ತದೆ.
ಕಾಲ ಭೈರವ ದೇವಾಲಯ
ಉಜ್ಜಯಿನಿಯ ಮಹಾಕಾಲ್ ನಗರದಲ್ಲಿ ನೆಲೆಗೊಂಡಿರುವ ಕಾಲ ಭೈರವ ದೇವಾಲಯವು ಬಹಳ ಪುರಾತನವಾಗಿದೆ ಮತ್ತು ಈ ದೇವಾಲಯದಲ್ಲಿ ಕಾಲಭೈರವನಿಗೆ ಮದ್ಯವನ್ನು ನೈವೇದ್ಯವಾಗಿ ನೀಡಲಾಗುತ್ತದೆ
ಮುನಿಯಾಂಡಿ ಸ್ವಾಮಿ ದೇವಸ್ಥಾನ
ಮುನಿಯಾಂಡಿ ಸ್ವಾಮಿ ದೇವಸ್ಥಾನವು (Muniyandiswamy Temple)ತಮಿಳುನಾಡಿನ ಮಧುರೈನಲ್ಲಿದೆ ಮತ್ತು ಮುನಿಯಾಂಡಿ ಶಿವನ ಅವತಾರ ಎಂದು ಹೇಳಲಾಗುತ್ತದೆ. ಈ ದೇವಸ್ಥಾನದಲ್ಲಿ ಕೋಳಿ ಮತ್ತು ಮಟನ್ ಬಿರಿಯಾನಿಯನ್ನು ನೈವೇದ್ಯವಾಗಿ ನೀಡಲಾಗುತ್ತದೆ.
ಕಾಮಾಕ್ಯ ದೇವಾಲಯ
ಅಸ್ಸಾಂನಲ್ಲಿರುವ ಕಾಮಾಕ್ಯ ದೇವಿ ದೇವಾಲಯವು 51 ಶಕ್ತಿ ಪೀಠಗಳಲ್ಲಿ ಅತ್ಯಂತ ಶಕ್ತಿಶಾಲಿ ಶಕ್ತಿ ಪೀಠವೆಂದು ಪರಿಗಣಿಸಲಾಗಿದೆ. ಈ ದೇವಾಲಯವನ್ನು ತಂತ್ರ ವಿದ್ಯೆಯ ಭದ್ರಕೋಟೆ ಎಂದು ಹೇಳಲಾಗುತ್ತದೆ ಮತ್ತು ಧರ್ಮಗ್ರಂಥಗಳ ಪ್ರಕಾರ, ಸತಿ ದೇವಿಯ ಯೋನಿಯು ಇಲ್ಲಿ ಬಿದ್ದಿದೆ. ಈ ದೇವಾಲಯದಲ್ಲಿ ಮಾಂಸ ಮತ್ತು ಮೀನುಗಳನ್ನು ಪ್ರಸಾದವಾಗಿ ನೀಡಲಾಗುತ್ತದೆ.
ಕಾಳಿಘಾಟ್ ದೇವಾಲಯ
ಪಶ್ಚಿಮ ಬಂಗಾಳದ ರಾಜಧಾನಿ ಕೋಲ್ಕತ್ತಾದಲ್ಲಿರುವ ಕಾಳಿಘಾಟ್ ದೇವಾಲಯವು (Kalighat Temple) ಬಹಳ ಜನಪ್ರಿಯವಾಗಿದ್ದು, 51 ಶಕ್ತಿಪೀಠಗಳಲ್ಲಿ ಒಂದಾಗಿದೆ. ಈ ದೇವಾಲಯದಲ್ಲಿ ಭಕ್ತರು ಮೇಕೆಗಳನ್ನು ಬಲಿ ನೀಡುತ್ತಾರೆ ಮತ್ತು ಈ ಸಂಪ್ರದಾಯವು ಬಹಳ ಹಳೆಯದು. ನಂತರ ಇದನ್ನು ಭಕ್ತರಿಗೆ ಪ್ರಸಾದವಾಗಿ ವಿತರಿಸಲಾಗುತ್ತದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
