Sleeping village: ಈ ಹಳ್ಳಿಯವರು ಕುಂಭಕರ್ಣನಿಗೇ ಸೆಡ್ಡು ಹೊಡೀತಾರೆ; ತಿಂಗಳುಗಟ್ಟೆ ನಿದ್ರಿಸುತ್ತಾರೆ

ನಿಮಗೆ ತುಂಬಾ ನಿದ್ದೆ ಬಂದ್ರೆ ಎಷ್ಟೊತ್ತು ಮಲಗ್ತೀರಾ? ಜಾಸ್ತಿ ಅಂದ್ರೆ ಹನ್ನೆರಡು ಗಂಟೆ, ಇಲ್ಲಾಂದ್ರೆ ಒಂದು ದಿನ ಪೂರ್ತಿ ನಿದ್ದೆ ಮಾಡ್ತೀರಿ ಅಲ್ವಾ? ಒಂದು ದಿನ ಪೂರ್ತಿ ಅಂದ್ರೆ 24 ಗಂಟೆ ನಿದ್ರೆ ಮಾಡೋದು ಕಷ್ಟಾನೆ, ಆದ್ರೂ ತುಂಬಾ ಸುಸ್ತಾದ್ರೆ, ಒಂದು ದಿನ ಹಾಗೆ ಹೀಗೆ ನಿದ್ದೆ ಮಾಡೋದ್ರಲ್ಲೇ ಹೋಗತ್ತೆ ಅಲ್ವಾ? ಆದ್ರೆ ಕಜಕಿಸ್ತಾನದಲ್ಲಿ ಕಳಚಿ ವಿಲೇಜ್ ಎಂಬ ವಿಚಿತ್ರ ಹಳ್ಳಿಯಿದೆ. ಈ ಗ್ರಾಮದ ಜನರು ಹಲವಾರು ತಿಂಗಳುಗಳ ಕಾಲ ನಿರಂತರವಾಗಿ ನಿದ್ರಿಸುತ್ತಾರೆ. ಈ ಗ್ರಾಮದಲ್ಲಿ ಒಂದು ವಿಚಿತ್ರ ರೀತಿಯ ನಿದ್ರೆಯ ಅಸ್ವಸ್ಥತೆ ಇದೆ, ಇದರಿಂದಾಗಿ ಇಲ್ಲಿನ ಜನರನ್ನು ಕುಂಭಕರ್ಣನಿಗೆ ಹೋಲಿಸಲಾಗುತ್ತದೆ. ಬನ್ನಿ ಈ ಗ್ರಾಮದ ಬಗ್ಗೆ ಡಿಟೈಲ್ ಆಗಿ ತಿಳಿದುಕೊಳ್ಳೋಣ.   

ಕುಂಭಕರ್ಣನ ಬಗ್ಗೆ ನೀವು ಕೇಳಿರಬಹುದು. ಹೌದು, ನಾವು ಲಂಕಾಪತಿ ರಾವಣನ ಸಹೋದರ ಕುಂಭಕರ್ಣನ ಬಗ್ಗೆ ಮಾತನಾಡುತ್ತಿದ್ದೇವೆ. ಕುಂಭಕರ್ಣನು ನಿದ್ರೆಗೆ ಹೆಸರುವಾಸಿಯಾಗಿದ್ದನು. ಅವರು ವರ್ಷದಲ್ಲಿ ೬ ತಿಂಗಳು ಮಲಗಿರುತ್ತಿದ್ದರು ಮತ್ತು 6 ತಿಂಗಳು ಎಚ್ಚರವಾಗಿರುತ್ತಿದ್ದರು ಅನ್ನೋದನ್ನು ನಾವು ಕೇಳಿದ್ದೇವೆ ಅಲ್ವಆ?. ಇಂದಿಗೂ, ಯಾರಾದರೂ ಹೆಚ್ಚು ನಿದ್ರೆ ಮಾಡಿದರೆ, ಅವನಿಗೆ ಕುಂಭಕರ್ಣ ಎಂದೇ ನಾವು ಸಾಮಾನ್ಯವಾಗಿ ಕರೆಯುತ್ತೇವೆ. ಆದ್ರೆ ನಿಮಗೆ ಗೊತ್ತಾ? ಜಗತ್ತಿನಲ್ಲಿ ಒಂದು ಹಳ್ಳಿಯಿದೆ, ಅಲ್ಲಿ ಜನರು ಸಹ ಕುಂಭಕರ್ಣರಂತೆ ತಿಂಗಳುಗಳ ಕಾಲ ಮಲಗುತ್ತಾರೆ.

ಈ ಗ್ರಾಮದ ಜನರು ತಿಂಗಳುಗಳ ಕಾಲ ನಿದ್ರಿಸುತ್ತಾರೆ.
ಜನರು ಹಲವಾರು ತಿಂಗಳುಗಳ ಕಾಲ ನಿರಂತರವಾಗಿ ಮಲಗುವ ಒಂದು ಗ್ರಾಮವಿದೆ. ನಮ್ಮ ಮಾತನ್ನು ಕೇಳಿ ನಿಮಗೆ ಆಶ್ಚರ್ಯವಾಗಿರಬಹುದು, ಆದರೆ ಇದು ಅಕ್ಷರಶಃ ನಿಜ. ಈ ವಿಚಿತ್ರ ಹಳ್ಳಿಯ ಹೆಸರು ಕಲಚಿ. ಈ ಹಳ್ಳಿಗೆ ಸಂಬಂಧಿಸಿದ ಬಹಳ ವಿಚಿತ್ರವಾದ ವಿಷಯವನ್ನು ತಿಳಿದುಕೊಳ್ಳಿ.

ಕಜಕಿಸ್ತಾನದಲ್ಲಿರುವ ವಿಚಿತ್ರ ಹಳ್ಳಿ
ಕಜಕಿಸ್ತಾನದ ಕಳಚಿ ಗ್ರಾಮದಲ್ಲಿ, ಜನರು ಹಲವಾರು ತಿಂಗಳುಗಳ ಕಾಲ ಮಲಗುತ್ತಾರೆ. ಈ ಕಾರಣದಿಂದಾಗಿ, ಈ ಗ್ರಾಮವನ್ನು ಸ್ಲೀಪಿ ಹಾಲೋ ವಿಲೇಜ್ (sleepy hollow village) ಎಂದೂ ಕರೆಯಲಾಗುತ್ತೆ. ಇಲ್ಲಿನ ಜನರು ಹೆಚ್ಚಾಗಿ ಮಲಗುವುದನ್ನು ಕಾಣಬಹುದು. ಈ ಕಾರಣಕ್ಕಾಗಿ, ಈ ಜನರ ಮೇಲೆ ಅನೇಕ ಸಂಶೋಧನೆಗಳು ಸಹ ನಡೆದಿವೆ. 

ಇದನ್ನು 2010 ರಲ್ಲಿ ಕಂಡುಹಿಡಿಯಲಾಯಿತು.
ಈ ಗ್ರಾಮದಲ್ಲಿ ಹಠಾತ್ ನಿದ್ರೆ ಮೊದಲ ಪ್ರಕರಣವು 2010 ರಲ್ಲಿ ವರದಿಯಾಗಿದೆ. ಶಾಲೆಯಲ್ಲಿ, ಕೆಲವು ಮಕ್ಕಳು ಇದ್ದಕ್ಕಿದ್ದಂತೆ ಬಿದ್ದು ಮಲಗಲು ಪ್ರಾರಂಭಿಸಿದರು. ಕ್ರಮೇಣ, ಇದು ಇಡೀ ಹಳ್ಳಿಗೆ ಇದು ರೋಗದಂತೆ ಹರಡಿತು. ಗ್ರಾಮದ ಪ್ರತಿಯೊಬ್ಬ ವ್ಯಕ್ತಿಯೂ ನಿದ್ರಿಸಲು ಪ್ರಾರಂಭಿಸಿದರು.

ಅಂದಿನಿಂದ, ಅನೇಕ ವಿಜ್ಞಾನಿಗಳು ಇಲ್ಲಿ ಸಂಶೋಧನೆ ಮಾಡಲು ಪ್ರಾರಂಭಿಸಿದರು. ಆದರೆ ಎಲ್ಲಾ ಪ್ರಯತ್ನಗಳ ಹೊರತಾಗಿಯೂ, ವಿಜ್ಞಾನಿಗಳು ಈ ರಹಸ್ಯವನ್ನು ಸಂಪೂರ್ಣವಾಗಿ ಪರಿಹರಿಸಲು ಸಾಧ್ಯವಾಗಲಿಲ್ಲ. ಡೈಲಿ ಮೇಲ್ನ ವರದಿಯ ಪ್ರಕಾರ, ಈ ರೋಗವು 2015 ರಲ್ಲಿ ಇದ್ದಕ್ಕಿದ್ದಂತೆ ಕೊನೆಗೊಂಡಿತು.

ಜನರು ತಿಂಗಳುಗಟ್ಟಲೆ ಏಕೆ ಮಲಗುತ್ತಾರೆ?
ಈ ಗ್ರಾಮದ ಜನರ ಅತಿಯಾದ ನಿದ್ರೆ ಬಗ್ಗೆ ಕಂಡು ಹಿಡಿಯಲು ಸಂಶೋಧನೆಗಳನ್ನು ಮಾಡಲಾಯಿತು, ಅದರಲ್ಲಿ ಕಂಡುಕೊಂಡಂತೆ, ಯುರೇನಿಯಂನ ಸಾಕಷ್ಟು ವಿಷಕಾರಿ ಅನಿಲವನ್ನು ಇಲ್ಲಿ ಬಿಡುಗಡೆ ಮಾಡಲಾಗುತ್ತದೆ, ಇದರಿಂದಾಗಿ ಇಲ್ಲಿನ ಜನರು ನಿದ್ರೆ ಮಾಡುತ್ತಲೇ ಇರುತ್ತಾರೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.

ಯುರೇನಿಯಂನ ವಿಷಕಾರಿ ಅನಿಲದಿಂದಾಗಿ, ಈ ಗ್ರಾಮದ ನೀರು ಸಹ ತುಂಬಾ ಕಲುಷಿತಗೊಂಡಿದೆ. ಇಲ್ಲಿನ ನೀರಿನಲ್ಲಿ ಕಾರ್ಬನ್ ಮಾನಾಕ್ಸೈಡ್ (carbon monoxide) ಅನಿಲವಿದೆ ಎಂದು ವಿಜ್ಞಾನಿಗಳು ತಮ್ಮ ಅಧ್ಯಯನದಲ್ಲಿ ಕಂಡುಕೊಂಡಿದ್ದಾರೆ, ಇಲ್ಲಿನ ಗಾಳಿ ಮತ್ತು ನೀರನ್ನು ಸೇವಿಸೋದ್ರಿಂದ ಇಲ್ಲಿನ ಜನರು ತಿಂಗಳುಗಟ್ಟಲೆ ತಮಗೆ ಅರಿವೇ ಆಗದಂತೆ ನಿದ್ರೆ ಮಾಡುತ್ತಾರೆ.

ಜನರು ಮಲಗಿದ ನಂತರ ಎಲ್ಲವನ್ನೂ ಮರೆತುಬಿಡುತ್ತಾರೆ.
ಕಜಕಿಸ್ತಾನದ ಕಾಲಾಚಿ ಗ್ರಾಮದಲ್ಲಿ ಸುಮಾರು 600 ಜನರು ವಾಸಿಸುತ್ತಿದ್ದಾರೆ. ಮಲಗಿದ ನಂತರ, ಈ ಜನರು ಏನನ್ನೂ ನೆನಪಿಟ್ಟುಕೊಳ್ಳುವುದಿಲ್ಲ (sleeping disorder). ಈ ಗ್ರಾಮದ ಹೆಚ್ಚಿನ ಜನರು ಈ ರೋಗದಿಂದ ನರಳಿದ್ದಾರೆ ಎಂದು ತಿಳಿದು ಬಂದಿದೆ. ಆದ್ರೆ ಈ ಬಗ್ಗೆ ಅವರಿಗೆ ನೆನಪೇ ಇರೋದಿಲ್ಲ, ಈ ಬಗ್ಗೆ ಇತರ ಜನರು ಹೇಳಿದಾಗ ಮಾತ್ರ ವಿಷಯಗಳನ್ನು ನೆನಪಿಸಿಕೊಳ್ಳುತ್ತಾರೆ.

ಇಲ್ಲಿನ ಜನರಿಗೆ ನಿದ್ರೆ ಬರೋದಿಲ್ಲ 
ಈ ಹಳ್ಳಿಯ ಬಗ್ಗೆ ಮತ್ತೊಂದು ವಿಷಯವನ್ನು ಕೇಳಿದರೆ ನೀವು ಅಚ್ಚರಿಗೊಳ್ಳುವಿರಿ. ಯಾಕಂದ್ರೆ ಇಲ್ಲಿನ ಜನರು ಯಾವಾಗ ಬೇಕಾದರೂ ಮತ್ತು ಎಲ್ಲಿಯಾದರೂ ಮಲಗಲು ಪ್ರಾರಂಭಿಸುತ್ತಾರೆ. ವಿಚಿತ್ರವಾದ ನಿದ್ರೆಯ ಅಸ್ವಸ್ಥತೆಗಳಿಂದ ಬಳಲುತ್ತಿರುವ ಜನರು ನಡೆಯುವಾಗ, ತಿನ್ನುವಾಗ, ಸ್ನಾನ ಮಾಡುವಾಗ ಯಾವುದೇ ಸಮಯದಲ್ಲಿ ನಿದ್ರೆಗೆ ಜಾರುತ್ತಾರೆ. ಆದರೆ ಈ ವಿಚಿತ್ರ ಹಳ್ಳಿಯ ಜನರು ಮಾತ್ರ ತಮಗೆ ನಿದ್ರೆ ಬರೋದಿಲ್ಲ ಅಂತಾರೆ.

ವಿಜ್ಞಾನಿಗಳು ಈ ಕಾರಣವನ್ನು ವಿವರಿಸುತ್ತಾರೆ.
ಕಳಾಚಿ ಗ್ರಾಮದ ಜನರ ಹಠಾತ್ ನಿದ್ರೆಗೆ ಮುಖ್ಯ ಕಾರಣ, ಯುರೇನಿಯಂನ ವಿಷಕಾರಿ ಅನಿಲವು (poisonous gas)  ಇಲ್ಲಿ ಬಿಡುಗಡೆಯಾಗುತ್ತಿರುವುದು ಎಂದು ತಿಳಿದು ಬಂದಿದೆ. ಈ ಕಾರಣದಿಂದಾಗಿ, ಇಲ್ಲಿನ ಜನರಲ್ಲಿ ತಿಂಗಳುಗಟ್ಟಲೆ ಮಲಗುವ ವಿಶಿಷ್ಟ ರೋಗವಿದೆ. ಆದರೆ ಈ ರೋಗ ಈಗ ಕಂಡು ಬರುತ್ತಿಲ್ಲ, 2015 ರಲ್ಲೇ ಎಲ್ಲಾ ಕೊನೆಗೊಂಡಿದೆ ಎಂದು ಹೇಳಲಾಗುತ್ತದೆ.