KGF Chapter 2 ಇನ್ನೊಂದು ರೆಕಾರ್ಡ್, Baahubali 2 ಹಿಂದಿಕ್ಕಿದ ಯಶ್ ಸಿನಿಮಾ
ಪ್ರಶಾಂತ್ ನೀಲ್ (Prashanth Neel) ನಿರ್ದೇಶನದ ಯಶ್ (Yash) ಅವರ ಕೆಜಿಎಫ್ ಚಾಪ್ಟರ್ 2 (KGF Chapter 2 ) ಬಿಡುಗೆಡೆಯಾಗಿ ಹಲವು ವಾರಗಳ ನಂತರವೂ ಅಬ್ಬರಿಸುತ್ತಿದೆ. ಪ್ರತಿದಿನ, ಯಶ್ (Yash) ಅಭಿನಯದ ಕೆಜಿಎಫ್ 2 ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿಯುತ್ತಿದೆ. ಈಗ ಈ ಸೂಪರ್ ಹಿಟ್ (Super HIt) ಚಿತ್ರವು ಮತ್ತೊಂದು ಹೊಸ ದಾಖಲೆ ನಿರ್ಮಿಸಿದೆ. ಬಾಹುಬಲಿ 2ಯ (Baahubali 2) ರೆಕಾರ್ಡ್ ಸಹ ಮುರಿದಿದೆ.
ಈ ಸಿನಿಮಾ ಕಳೆದ ತಿಂಗಳು, ಏಪ್ರಿಲ್ 14 ರಂದು, ಚಿತ್ರವು ಥಿಯೇಟರ್ಗಳಲ್ಲಿ ಬಿಡುಗಡೆಯಾಯಿತು ಮತ್ತು ನಂತರ ಇದು ನಿರಂತರವಾಗಿ ಉತ್ತಮ ಪ್ರದರ್ಶನ ನೀಡಿದೆ. ಪ್ರಶಾಂತ್ ನೀಲ್ ಅವರ ಚಿತ್ರವು ಮಾಸ್ ಎಂಟರ್ಟೈನರ್ನ ಶಕ್ತಿ ಪ್ರದರ್ಶಿಸಿದೆ.
ಈಗ, ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 2 (KGF-2) ಸಿನಿಮಾವು ಅತ್ಯಂತ ದೊಡ್ಡ ಹಿಟ್ ಸಿನಿಮಾ ಬಾಹುಬಲಿ 2: ದಿ ಕನ್ಕ್ಲೂಷನ್ಸ್, ಟಿಕೆಟ್ ಮಾರಾಟದ ದಾಖಲೆಯನ್ನು ಮೀರಿಸಿದೆ.
ಭಾರತದ ಅತಿದೊಡ್ಡ ಆನ್ಲೈನ್ ಸಿನಿಮಾ ಟಿಕೆಟ್ ಖರೀದಿ ಪೋರ್ಟಲ್ BookMyShow ನಿಂದ ಇತ್ತೀಚಿನ ಸುದ್ದಿಗಳ ಪ್ರಕಾರ, ರಾಕಿ ಭಾಯ್ ಅವರ ಮ್ಯಾಜಿಕ್ ನಂಬಲಾಗದ ಮೈಲಿಗಲ್ಲನ್ನು ಸಾಧಿಸಿದೆ.
ಟಿಕೆಟ್ ಮಾರಾಟದ ವಿಷಯದಲ್ಲಿ ಯಶ್ (Yash) ಅಭಿನಯದ ಚಿತ್ರವು ಈಗಾಗಲೇ ಬಿಗ್ ಹಿಟ್ ಬಾಹುಬಲಿ 2: ದಿ ಕನ್ಕ್ಲೂಷನ್ ಅನ್ನು ಮೀರಿಸಿದೆ. ಕೆಜಿಎಫ್ 2 ಪ್ರೊಡಕ್ಷನ್ ಸ್ಟುಡಿಯೋ ಹೊಂಬಾಳೆ ಫಿಲ್ಮ್ಸ್ (Homable Films) ಮತ್ತು ಎಪಿಐ ಬಿಲ್ಡಿಂಗ್ ಬ್ಯುಸಿನೆಸ್ ಲಿಸ್ಟೊ ಸಹಯೋಗದೊಂದಿಗೆ ಆನ್ಲೈನ್ ಟಿಕೆಟಿಂಗ್ ಸೇವೆಯು ಇತ್ತೀಚೆಗೆ ' 'KGFverse' ಅನ್ನು ಬಹಿರಂಗಪಡಿಸಿದೆ.
ಕೆಜಿಎಫ್ವರ್ಸ್ ಫ್ಯಾನ್-ರಚಿಸಿದ ಡಿಜಿಟಲ್ ಅವತಾರ್ ಆಧಾರಿತ ಪರಿಸರವಾಗಿದೆ. ಇದರಲ್ಲಿ ಫ್ಯಾನ್ಸ್ ಕಮ್ಯೂನಿಟಿಯು ರಿಯಲ್ ಲೈಫ್ (Real Life) ಇವೆಂಟ್ ಮತ್ತು KGF ತಂಡದೊಂದಿಗೆ ಸಂವಾದ ಮತ್ತು KGFverse ಗೇಮ್ಗಳಂಥ ಒಂದು-ರೀತಿಯ ವರ್ಚುವಲ್ ಈವೆಂಟ್ಗಳನ್ನು ಆಯೋಜಿಸಬಹುದು.
ಯಶ್ ನಟಿಸಿದ ಸರಣಿಯ ಈ ಸಿನಿಮಾವು ನಿಸ್ಸಂದೇಹವಾಗಿ 2022ರ ಅತ್ಯಂತ ನಿರೀಕ್ಷಿತ ಚಲನಚಿತ್ರವಾಗಿದೆ ಮತ್ತು ಗಲ್ಲಾಪೆಟ್ಟಿಗೆಯ ಆದಾಯವು ಎಲ್ಲರ ನಿರೀಕ್ಷೆಗಳನ್ನು ಮೀರಿದೆ. ಈ ಚಿತ್ರ ಇದುವರೆಗೆ ವಿಶ್ವಾದ್ಯಂತ 1230 ಕೋಟಿ ರೂ ಗಳಿಕೆ ಮಾಡಿದೆ.
ಇದು ಒಂದು ತಿಂಗಳ ನಂತರವೂ ಅಪಾರ ಜನರನ್ನು ಸೆಳೆಯುತ್ತಲೇ ಇದೆ. ಪ್ರಶಾಂತ್ ನೀಲ್ ನಿರ್ದೇಶನದ ಈ ಚಿತ್ರದಲ್ಲಿ ಯಶ್ ಜೊತೆಗೆ, ಸಂಜಯ್ ದತ್ (Sanjay Dutt), ಶ್ರೀನಿಧಿ ಶೆಟ್ಟಿ (Srinidhi Shetty), ರವೀನಾ ಟಂಡನ್ (Raveen Tandon), ಪ್ರಕಾಶ್ ರಾಜ್ (Prakash Raj) ಮತ್ತು ಇತರರು ನಟಿಸಿದ್ದಾರೆ.