ಉಪೇಂದ್ರ ಚಿತ್ರ ನೋಡಿ, ಒಂದು ಕೋಟಿ ಗೆಲ್ಲಿ: ವೀಕ್ಷಕರಿಗೆ ಭರ್ಜರಿ ಆಫರ್​- ಯಾವಾಗ, ಹೇಗೆ?

ನಟ ಉಪೇಂದ್ರ ಅವರ 1999ರ 'ಉಪೇಂದ್ರ'  ಸಿನಿಮಾವು ಜೂನ್ 4 ರಂದು ಮರು-ಬಿಡುಗಡೆಯಾಗುತ್ತಿದೆ. ಈ ವಿಶೇಷ ಪ್ರದರ್ಶನದ ಅಂಗವಾಗಿ, ಸಿನಿಮಾ ವೀಕ್ಷಿಸಿ ಪ್ರಶ್ನೆಗಳಿಗೆ ಸರಿಯಾಗಿ ಉತ್ತರಿಸುವ ಅದೃಷ್ಟಶಾಲಿ ಪ್ರೇಕ್ಷಕರಿಗೆ ಒಂದು ಕೋಟಿ ರೂಪಾಯಿ ಗೆಲ್ಲುವ ಅವಕಾಶವನ್ನು ಕಲ್ಪಿಸಲಾಗಿದೆ. ಡಿಟೇಲ್ಸ್​ ​ ಇಲ್ಲಿದೆ.

Image Credit : Social Media

ಉಪೇಂದ್ರ ಅವರ ಉಪೇಂದ್ರ ಸಿನಿಮಾ

ನಟ ಉಪೇಂದ್ರ ಅವರ ಸಿನಿಮಾ ಅಂದ್ರೆ ಅದರಲ್ಲಿ ಹೆಚ್ಚಿನವು ವೀಕ್ಷಕರ ತಲೆಗೆ ಹುಳು ಬಿಡುವುದೇ ಆಗಿದೆ. ರಾಜಕೀಯ ಪಕ್ಷ ಕಟ್ಟಿದ್ರೂ ಅಲ್ಲಿನ್ನೂ ಸಕ್ಸಸ್​ ಕಾಣದ ಉಪೇಂದ್ರ ಅವರು, ನಟನಾಗಿ ಮಾತ್ರ ಜನಮನದಲ್ಲಿ ಸದಾ ನೆಲೆಸಿರುತ್ತಾರೆ. ಇದಕ್ಕೆ ಒಂದು ಕಾರಣ ಎಂದರೆ ಇವರ ಕ್ರಿಯೇಟಿವಿಟಿ. ಕೆಲವೊಮ್ಮೆ ಒಮ್ಮೆ ನೋಡಿದ್ರೆ ಅರ್ಥವಾಗಲ್ಲ, ಇದು ಬುದ್ಧಿವಂತರಿಗೆ ಮಾತ್ರ. ಬೇರೆಯವರು ಅನೇಕ ಬಾರಿ ಸಿನಿಮಾ ನೋಡಬೇಕು ಎಂದು ಮೆಸೇಜ್​ ಕೊಟ್ಟು, ಕೆಲವು ವೀಕ್ಷಕರು ಅರ್ಥ ಆಗದಿದ್ದರೂ ಆಗಿದೆ ಎಂದು ಹೇಳುವುದೂ ಉಂಟು. ಅಂಥ ಒಂದು ಕುತೂಹಲ ಕೆರಳಿಸುವ ನಟ ಉಪೇಂದ್ರ.

Image Credit : X

ವೀಕ್ಷಕರಿಗೆ ಭರ್ಜರಿ ಆಫರ್​

ಇದೀಗ ನಟ ಉಪೇಂದ್ರ ಅವರ ಎರಡನೆಯ ಸಿನಿಮಾ ಉಪೇಂದ್ರ ನೋಡುಗರಿಗೆ ಭರ್ಜರಿ ಆಫರ್​ ನೀಡಿದೆ ನಿರ್ಮಾಣ ಸಂಸ್ಥೆ. 1999ರಲ್ಲಿ ರಿಲೀಸ್​ ಆಗಿದ್ದ ಉಪೇಂದ್ರ ಚಿತ್ರವು ಸೈಕಲಾಜಿಕಲ್ ಡ್ರಾಮಾ ಥ್ರಿಲ್ಲರ್ ಆಗಿರುವ ಉಪೇಂದ್ರ ಚಿತ್ರವು ನಟ ಉಪೇಂದ್ರ ಅವರ ಅಭಿನಯ ಹಾಗೂ ನಿರ್ದೇಶನದ ಎರಡನೇ ಸಿ‌ನಿಮಾ ಆಗಿದೆ.

Image Credit : Social Media

ಒಂದು ಕೋಟಿ ಬಹುಮಾನ

ಇಶ್​ ಮೈರಾ ಪ್ರೊಡ್ಯೂಸರ್​ ಕಂಪೆನಿ ಅಡಿಯಲ್ಲಿ ಪರಮೇಶ್ವರ್ ಬಿ ಅವರು ಇದೀಗ ವೀಕ್ಷಕರಿಗೆ ಕೋಟಿ ರೂಪಾಯಿ ಗೆಲ್ಲುವ ಅವಕಾಶವನ್ನು ನೀಡಿದ್ದಾರೆ. ಈ ಬಗ್ಗೆ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾಹಿತಿ ನೀಡಿದ್ದಾರೆ. ಆಸಾಧ್ಯ ಅನ್ನೋದನ್ನು ಸಾಧ್ಯ ಮಾಡ್ತೀವಿ ಎಂದು ಹೇಳುವ ಮೂಲಕ ಇಂಥದ್ದೊಂದು ಆಫರ್​ ಕೊಟ್ಟಿದ್ದಾರೆ. ಉಪೇಂದ್ರ ಸಿನಿಮಾ ನಿರ್ಮಾಪಕರಾದ ಶಿಲ್ಪಾ ಶ್ರೀನಿವಾಸ್ ಅವರ ಅನುಮತಿ ಮೇರೆಗೆ ಇಂಥದ್ದೊಂದು ಸಾಹಸಕ್ಕೆ ಕೈಹಾಕಲಾಗಿದೆ.

Image Credit : others

ಉಪೇಂದ್ರ ರೀ ರಿಲೀಸ್​

ಅಷ್ಟಕ್ಕೂ ಈ ಸಿನಿಮಾವನ್ನು ಇದೀಗ ರೀ ರಿಲೀಸ್​ (Upendra Movie Re- Release) ಮಾಡಲಾಗುತ್ತಿದೆ. ಜೂನ್​ 4ರಂದು ಸದ್ಯ ಡೇಟ್​ ಫಿಕ್ಸ್​ ಆಗಿದೆ. ಈ ಸಿನಿಮಾ ರಾಜ್ಯಾದ್ಯಂತ ಸುಮಾರು 100 ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಸಿಂಗಲ್ ಸ್ಕ್ರೀನ್ ಗಳಲ್ಲಿ ಮಾತ್ರ ರಿಲೀಸ್​ ಮಾಡಲು ನಿರ್ಧರಿಸಲಾಗಿದೆ.

Image Credit : Asianet News

ಒಂದು ಕೋಟಿ ಗೆಲ್ಲುವ ಅವಕಾಶ

ಮುಂದಿನದ್ದೇ ಇರುವುದು ಕುತೂಹಲ. ಸಿನಿಮಾ ನೋಡಿ ಮುಗಿದ ಮೇಲೆ ಪ್ರತಿ ಥಿಯೇಟರ್ ನಲ್ಲಿ 10 ನಿಮಿಷ ಪ್ರಶ್ನೋತ್ತರ ಕಾರ್ಯಕ್ರಮ ಏರ್ಪಡಿಸಲಾಗುತ್ತದೆ. ‌ಸರಿಯಾದ ಉತ್ತರ ನೀಡಿದವರಿಗೆ ಆ ಶೋನ‌ ಸಂಪೂರ್ಣ ಕಲೆಕ್ಷನ್ ದುಡ್ಡನ್ನು ಬಹುಮಾನವಾಗಿ ನೀಡಲಾಗುತ್ತದೆ ಎನ್ನುವುದು ಯೋಜನೆ. ಇಷ್ಟ್ಏ ಅಲ್ಲದೇ, ಈ ಸಿನಿಮಾ ಪ್ರದರ್ಶನದ 25ನೇ ದಿನ ಅದೇ ರೀತಿ ಉತ್ತರ ನೀಡಿದ ಒಬ್ಬ ಪ್ರೇಕ್ಷಕನಿಗೆ ಒಂದು ಕೋಟಿ ರೂಪಾಯಿ ಬಹುಮಾನ ನೀಡಲಾಗುವುದು ಎಂದು ಆಯೋಜಕ ಪರಮೇಶ್ವರ್ ಬಿ ಹೇಳಿದ್ದಾರೆ.

Image Credit : Zee Kannada FB

ಏನಿದರ ಉದ್ದೇಶ?

ಇಂಥದ್ದೊಂದು ಯೋಜನೆ ಸ್ಯಾಂಡಲ್​ವುಡ್​ ಇತಿಹಾಸದಲ್ಲಿಯೇ ಹೊಸತು. ಸಿನಿಮಾ ಥಿಯೇಟರ್​ನಿಂದ ವಿಮುಖರಾಗ್ತಿರೋ ಜನರಿಗೆ ಕನ್ನಡ ಸಿನಿಮಾ ಇತಿಹಾಸ ಮತ್ತು ಸಾಧನೆಯನ್ನು ತಿಳಿಸುವುದು, ಹೊಸ ಅಲೆಯ ಸಿನಿಮಾ ಮೇಕರ್​ಗಳನ್ನು ಹಾಗೇ ಪ್ರೇಕ್ಷಕರನ್ನು ಪ್ರೋತ್ಸಾಹಿಸುವುದು ಹಾಗೂ ಚಿತ್ರಮಂದಿರಗಳಿಗೆ ಪ್ರೇಕ್ಷಕರನ್ನು ಕರೆತಂದು ಸಿಂಗಲ್ ಸ್ಕ್ರೀನ್ ಥಿಯೇಟರ್​ಗಳನ್ನು ಉಳಿಸಿಕೊಳ್ಳುವುದು. ಸಿನಿಮಾಗಳಿಲ್ಲದ ಬರಗಾಲದಲ್ಲಿ ಥಿಯೇಟರ್​ಗಳಿಗೆ ಸಿನಿಮಾಗಳನ್ನು ಪೂರೈಸುವುದಾಗಿದೆ ಎಂದು ಪರಮೇಶ್ವರ್​ ಹೇಳಿದ್ದಾರೆ.