ಗರಡಿಯಲ್ಲಿ ಗಂಡ್ಮಕ್ಕಳೇ ಅರೆಬಟ್ಟೆಯಲ್ಲಿ: ಸೋನಲ್ ಮೊಂತೆರೋ
ನವೆಂಬರ್ 10ರಂದು ಗರಡಿ ಸಿನಿಮಾ ರಿಲೀಸ್. ಯೋಗರಾಜ್ ಭಟ್ ಸಿನಿಮಾದಲ್ಲಿ ಸೋನಲ್ ಮೊಂತೆರೋ....
ಯೋಗರಾಜ್ ಭಟ್ ನಿರ್ದೇಶನದ, ಬಿ.ಸಿ. ಪಾಟೀಲ್ ನಿರ್ಮಿಸಿ, ಪ್ರಧಾನ ಪಾತ್ರದಲ್ಲಿ ನಟಿಸಿರುವ ‘ಗರಡಿ’ ಚಿತ್ರದಲ್ಲಿ ಸೋನಲ್ ಮೊಂತೆರೋ ನಾಯಕಿಯಾಗಿ ನಟಿಸಿದ್ದಾರೆ.
ಚಂದ ಮತ್ತು ಪ್ರತಿಭೆ ಎರಡೂ ಹೊಂದಿರುವ ಸೋನಲ್ ‘ಗರಡಿ’ ಸಿನಿಮಾ ಮೇಲೆ ಬಹು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ‘ಇದು ನಟನೆಗೆ ತುಂಬಾ ಅವಕಾಶ ನೀಡಿರುವ ಸಿನಿಮಾ’ ಎನ್ನುವ ಸೋನಲ್.
‘ಭಟ್ಟರು ವಿಶಿಷ್ಟವಾಗಿ ಕಥೆ ಹೆಣೆದಿದ್ದಾರೆ. ಸಿನಿಮಾದ ಪ್ರತೀ ತಿರುವುಗಳಲ್ಲೂ ನನ್ನ ಪಾತ್ರ ಮಹತ್ವ ವಹಿಸುತ್ತದೆ. ವಿಶೇಷ ಇಂದರೆ ಈ ಚಿತ್ರದಲ್ಲಿ ಗಂಡ್ಮಕ್ಕಳೇ ಅರೆಬಟ್ಟೆಯಲ್ಲಿದ್ದಾರೆ’ ಎಂದು ನಗುತ್ತಾರೆ.
‘ನನ್ನ ಪಾತ್ರಕ್ಕೆ ಎರಡು ಶೇಡ್ ಇದೆ. ಒಂದು ಕಡೆಯಲ್ಲಿ ಆಕೆ ತುಂಬಾ ತಮಾಷೆಯ ಹುಡುಗಿ. ಆ ಹಂತ ದಾಟಿದರೆ ಆಕೆ ಘನಗಂಭೀರೆ. ಅದೆಲ್ಲಕ್ಕೂ ಕಾರಣಗಳಿವೆ. ಆ ಕಾರಣಗಳು ಕತೆಯಲ್ಲಿ ಸಿಗುತ್ತದೆ’ ಎನ್ನುವ ಸೋನಲ್
ಅವರಿಗೆ ಭಟ್ಟರ ಮೇಲೆ ಅಪಾರ ಗೌರವ. ‘ಅವರೇ ನನ್ನ ಗಾಡ್ಫಾದರ್. ಅವರ ಪಂಚತಂತ್ರ ಸಿನಿಮಾದಿಂದಲೇ ನನಗೆ ಹೆಚ್ಚು ಹೆಚ್ಚು ಪಾತ್ರಗಳು ಸಿಕ್ಕವು’ ಎನ್ನುತ್ತಾರೆ.
ಯಶಸ್ ಸೂರ್ಯ ನಾಯಕನಾಗಿ ನಟಿಸಿರುವ ‘ಗರಡಿ’ ನ.10ರಂದು ಬಿಡುಗಡೆಯಾಗುತ್ತಿದೆ. ಈಗಾಗಲೇ ಎರಡು ಹಾಡುಗಳು ಬಿಡುಗಡೆಯಾಗಿ, ಜನಮೆಚ್ಚುಗೆ ಗಳಿಸಿವೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.