ಈ ದೇಶಗಳಲ್ಲಿ ಕ್ರಿಸ್ಮಸ್ ನಂತರ ಡಿವೋರ್ಸ್ ಸಂಖ್ಯೆ ಹೆಚ್ಚಾಗುತ್ತಂತೆ…. ಅದ್ಯಾಕೆ ಹೀಗೆ?

ಕ್ರಿಸ್ಮಸ್ (Christmas) ಯುರೋಪ್ ಮತ್ತು ಅಮೆರಿಕದ ಅತಿದೊಡ್ಡ ಹಬ್ಬವಾಗಿದೆ. ಈ ಸಮಯದಲ್ಲಿ, ಕುಟುಂಬ ಸದಸ್ಯರು ಒಟ್ಟಿಗೆ ಸೇರಿ ಹಬ್ಬ ಆಚರಿಸುತ್ತಾರೆ ಮತ್ತು ಒಟ್ಟಿಗೆ ಆಚರಿಸುತ್ತಾರೆ. ಆದರೆ ಕ್ರಿಸ್ ಮಸ್ ನ ಈ ಆಚರಣೆಯು ಅವರ ಸಂಬಂಧಗಳಿಗೆ ಅಪಾಯಕಾರಿ ಅನ್ನೋದು ತಿಳಿದು ಬಂದಿದೆ. ಯಾಕಂದ್ರೆ  ಕ್ರಿಸ್ಮಸ್ ನಂತರ ಬರುವ ಜನವರಿಯಲ್ಲಿ ವಿಚ್ಛೇದನದ ಪ್ರಮಾಣವು ಅತ್ಯಧಿಕವಾಗೋದು ಅಧ್ಯಯನದಲ್ಲಿ ತಿಳಿದು ಬಂದಿದೆ. 

ಕ್ರಿಸ್ಮಸ್ ಸೆಲೆಬ್ರೇಶನ್ ಮತ್ತು ಜನವರಿಯಲ್ಲಿ ಉಂಟಾಗುವ ವಿಚ್ಛೇದನದ (divorce) ನಡುವೆ ಸಂಬಂಧ ಇದೆ ಎಂದು ಸಂಶೋಧನೆಯಲ್ಲಿ ತಿಳಿದು ಬಂದಿದೆ. ಈ ಸಂಬಂಧವು ಎಷ್ಟು ಆಳವಾಗಿದೆಯೆಂದರೆ ಜನವರಿಗೆ 'ವಿಚ್ಛೇದನದ ತಿಂಗಳು' ಎಂಬ ಟೈಟಲ್ ಬೇರೆ ಸಿಕ್ಕಿದೆ. ಈ ವಿಚ್ಛೇದನಗಳಿಗೆ ಕಾರಣವೆಂದರೆ ಹಬ್ಬದ ಸೀಸನ್ ನಲ್ಲಿ ಸಂಬಂಧವು 'ಟಿನ್ಸೆಲ್ಲಿಂಗ್' ಆಗುತ್ತೆ.  ಕ್ರಿಸ್ ಮಸ್ ಬರುತ್ತಿದೆ. ಅಂತಹ ಪರಿಸ್ಥಿತಿಯಲ್ಲಿ, ಹಬ್ಬಗಳ ಆಚರಣೆಯು ಸಂಬಂಧವನ್ನು ಹೇಗೆ ದೂರ ಮಾಡುತ್ತದೆ, ಇದನ್ನು ತಪ್ಪಿಸಲು, 'ಟಿನ್ಸೆಲ್ಲಿಂಗ್' ಮತ್ತು ಅದರ ಅನುಕೂಲಗಳು ಮತ್ತು ಅನಾನುಕೂಲಗಳನ್ನು ತಿಳಿದುಕೊಳ್ಳುವುದು ಮುಖ್ಯ. ಮೊದಲಿಗೆ ಟೆನ್ಸೆಲಿಂಗ್ ಅಂದ್ರೆ ಏನು ಅನ್ನೋದನ್ನು ತಿಳಿಯೋಣ. 

'ಟಿನ್ಸೆಲ್ಲಿಂಗ್' ಎಂದರೇನು?: 'ಟಿನ್ಸೆಲ್ಲಿಂಗ್' ಬಗ್ಗೆ ಮಾತನಾಡುವುದಾದರೆ, ಇದರರ್ಥ ಕ್ರಿಸ್ಮಸ್ ಅಲಂಕಾರಗಳಲ್ಲಿ ಬಳಸುವ ಹೊಳೆಯುವ ವಸ್ತುಗಳು. ಆದರೆ ಸಂಬಂಧದಲ್ಲಿ 'ಟಿನ್ಸೆಲ್ಲಿಂಗ್' ಎಂಬ ಅರ್ಥವು ಇದಕ್ಕಿಂತ ಸ್ವಲ್ಪ ಭಿನ್ನವಾಗಿದೆ. ಹಬ್ಬದ ಸೀಸನ್ ನಲ್ಲಿ ಕುಟುಂಬದ ಒತ್ತಡದಿಂದಾಗಿ, ದಂಪತಿಗಳು ತಮ್ಮಿಬ್ಬರ ನಡುವೆ ಎಲ್ಲವೂ ಸರಿಯಾಗಿದೆ ಎಂದು ನಟಿಸೋದನ್ನು ಸಂಬಂಧದ 'ಟಿನ್ಸೆಲ್ಲಿಂಗ್' ಎಂದು ಕರೆಯಲಾಗುತ್ತದೆ. ಈ ಕಾರಣದಿಂದಾಗಿ, ಹಬ್ಬದ ಸೀಸನ್ ನ (festive season) ಕೊನೆಯಲ್ಲಿ ಕುಟುಂಬದ ಒತ್ತಡವನ್ನು ತೆಗೆದುಹಾಕಿದ ತಕ್ಷಣ ಸಂಬಂಧವು ಮಿತಿಗಿಂತ ಹೆಚ್ಚು ಹದಗೆಡುತ್ತದೆ. ಕ್ರಿಸ್ಮಸ್ ಹಬ್ಬದ ಬಳಿಕ ಸಂಬಂಧದಲ್ಲಿ ಏಳು ಬೀಳು ಹೆಚ್ಚಾಗಿ , ಈ ಸಂಬಂಧದಿಂದ ದೂರ ಹೋಗಲು ಪ್ರಯತ್ನಿಸೋದರಿಂದ ಜನವರಿಯಲ್ಲಿ ಡೀವೋರ್ಸ್ ಗಳು ಸಹ ಹೆಚ್ಚಾಗುತ್ತದೆ. ಅದೇ ಕಾರಣಕ್ಕೆ ಜನವರಿ ತಿಂಗಳನ್ನು 'ವಿಚ್ಛೇದನ ತಿಂಗಳು' ಎಂದು ಕರೆಯಲಾಗುವುದು. 

'ಹಬ್ಬಗಳ ದಿನದಂದು ಗಲಾಟೆ ಮಾಡಬೇಡಿ' ಅನ್ನೋದನ್ನು ಎಲ್ಲಾ ಮನೆಗಳಲ್ಲೂ ಸಹ ಹಿರಿಯರು ಹೇಳುತ್ತಾರೆ. ಹಬ್ಬ ಎಂದರೆ ಸಂತಸದ ವಾತಾವರಣ ಎಲ್ಲರನ್ನೂ ಒಂದಾಗಿಸುವ, ಒಂದಾಗಿರುವ ಸಮಯ ಎಂದು ಹಿರಿಯರು ನಂಬುತ್ತಾರೆ. ಅದಕ್ಕಾಗಿಯೇ ಕಪಲ್ಸ್ ತಮ್ಮ ಮಧ್ಯೆ ವೈಮನಸ್ಸು ಇದ್ದರೂ ತಮ್ಮ ಕುಟುಂಬಕ್ಕಾಗಿ ಸಂಗಾತಿಗಳು ಸಂಬಂಧದಲ್ಲಿ ಎಲ್ಲವೂ ಸರಿಯಾಗಿದೆ ಎಂದು ಎಲ್ಲರೆದುರು ನಟಿಸುತ್ತಾರೆ. ಕೆಲವು ದಿನಗಳ ನಂತರ, ಈ 'ಟಿನ್ಸೆಲ್ಲಿಂಗ್' ಸಂಬಂಧದ ಕುಸಿತಕ್ಕೆ ಕಾರಣವಾಗುತ್ತದೆ. ಕೆಲವು ದಿನಗಳ ನಾಟಕವು ಸಂಬಂಧವನ್ನು ಶಾಶ್ವತವಾಗಿ ಹಾಳುಮಾಡುತ್ತದೆ ಮತ್ತು ವಿಚ್ಛೇದನದತ್ತ ಜೋಡಿಗಳು ಮುನ್ನುಗ್ಗುತ್ತಾರೆ..
 

ಅದು ಸಾಮಾಜಿಕ ಮಾಧ್ಯಮವಾಗಿರಲಿ (social media) ಅಥವಾ ದೈನಂದಿನ ಜೀವನವಾಗಿರಲಿ, ದಂಪತಿಗಳು ಯಾವಾಗಲೂ ತಮ್ಮ ಸಂಬಂಧವನ್ನು ಉತ್ತಮವಾಗಿ ಕಾಣುವಂತೆ ಮಾಡಲು ಪ್ರಯತ್ನಿಸುತ್ತಾರೆ. ಇಬ್ಬರ ಮಧ್ಯೆ ಏನೂ ಸರಿಯಾಗಿ ಇರದೇ ಇದ್ದರೂ ಸಹ, ಅವರು ವರ್ಷಗಳ ಕಾಲ ಜನರ ನಡುವೆ ತಮ್ಮ ಸಂಬಂಧವನ್ನು ವೈಭವೀಕರಿಸುತ್ತಲೇ ಇರುತ್ತಾರೆ. ಈ ಕಾರಣದಿಂದಾಗಿ, ಸ್ವಲ್ಪ ಸಮಯದ ನಂತರ, ಅವರ ಸಂಬಂಧದಲ್ಲಿ ಉಸಿರುಗಟ್ಟಲು ಪ್ರಾರಂಭಿಸುತ್ತಾರೆ. ಇದರಿಂದ ಮಾನಸಿಕ ಆರೋಗ್ಯದ ಮೇಲೂ ಪರಿಣಾಮ ಬೀರಲು ಪ್ರಾರಂಭವಾಗುತ್ತದೆ. 
 

ಕ್ರಿಸ್ಮಸ್ ನಂತರ ಸಂಬಂಧ ಮುರಿಯಲು ಕಾರಣಗಳೇನು? 
ಹಬ್ಬದ ಋತುವಿನಲ್ಲಿ ಹೆಚ್ಚುತ್ತಿರುವ ವೆಚ್ಚಗಳ ಒತ್ತಡ.
ಕೆಲಸದ ಒತ್ತಡ (work stress) ಮತ್ತು ಸಂಭ್ರಮಾಚರಣೆಯಲ್ಲಿ ಹೆಚ್ಚುವರಿ ಕಠಿಣ ಪರಿಶ್ರಮ.
ಕುಟುಂಬದ ಒತ್ತಡ.
ಪರಸ್ಪರ ಸಮಯ ನೀಡಲು ಸಾಧ್ಯವಾಗುವುದಿಲ್ಲ.
ಇವೆಲ್ಲವೂ ಒಟ್ಟಿಗೆ ಸೇರಿ, ಹಬ್ಬ ಮುಗಿಯುತ್ತಿದ್ದಂತೆ, ಒತ್ತಡ ಹೆಚ್ಚಾಗಿ ಈ ಸಂಬಂಧದ ಸಹವಾಸವೇ ಸಾಕು ಎನ್ನುವಂತೆ ಅನಿಸಿ, ಸಂಬಂಧಕ್ಕೆ ಇತಿಶ್ರೀ ಹಾಡಲು ಡಿವೋರ್ಸ್ ಮೊರೆ ಹೋಗುತ್ತಾರೆ. 

ಹಬ್ಬದ ಸಮಯದಲ್ಲಿ ತಮ್ಮನ್ನು ನಿರ್ಲಕ್ಷಿಸೋದು ಸರಿಯಲ್ಲ: ಸಂಬಂಧಗಳ ತಜ್ಞೆ ಟೀನಾ ವಿಲ್ಸನ್ ಅವರ ಪ್ರಕಾರ ಕ್ರಿಸ್ಮಸ್ ಆಚರಣೆಯ ಸಮಯದಲ್ಲಿ, ಕಪಲ್ಸ್ ಸಂಬಂಧದಲ್ಲಿನ ಸಮಸ್ಯೆಗಳನ್ನು ನಿರ್ಲಕ್ಷಿಸುತ್ತಾರೆ ಅನ್ನೋದನ್ನು ಸಂಶೋಶನೆ ತೋರಿಸಿದೆ. ತಮ್ಮ ಸಂಬಂಧವು ಕ್ರಿಸ್ ಮಸ್ ನಂತೆ ಬ್ರೈಟ್ ಆಗಿದೆ ಎಂದು ತೋರಿಸೋಕೆ ಪ್ರಯತ್ನಿಸುತ್ತಾರೆ. ಆದರೆ ಈ ಆಲೋಚನೆಯು ಸಂಬಂಧಕ್ಕೆ ಹಾನಿಕಾರಕವಾಗಿದೆ. ಸಣ್ಣ ವಿಷಯಗಳು ಒಟ್ಟಿಗೆ ಸೇರಿ ದೊಡ್ಡ ರೂಪವನ್ನು ತೆಗೆದುಕೊಳ್ಳುತ್ತವೆ. ಹೀಗಿರೋವಾಗ ಸಂಬಂಧವನ್ನು ಉಳಿಸಿಕೊಳ್ಳಲು ಸಾಧ್ಯವಾಗದೆ ವಿಚ್ಚೇದನ ನೀಡುತ್ತಾರೆ. 

ಹಬ್ಬದ ಸೀಸನ್ ನಲ್ಲಿ ಸಂಬಂಧವನ್ನು ಉಳಿಸುವುದು ಹೇಗೆ?: ಕ್ರಿಸ್ಮಸ್ ಆಗಿರಲಿ ಅಥವಾ ಇನ್ನಾವುದೇ ಹಬ್ಬವಾಗಿರಲಿ, ಈ ಸಮಯದಲ್ಲಿ ಸಂಬಂಧದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವ ಎಲ್ಲಾ ಸಾಧ್ಯತೆಗಳಿವೆ ಎಂದು ಅಧ್ಯಯನಗಳು ತೋರಿಸುತ್ತವೆ. ಈ ಆತಂಕವನ್ನು ತಪ್ಪಿಸಲು, ಹಬ್ಬಗಳ ಆಚರಣೆಯಿಂದ ದೂರವಿರುವುದು ಸೂಕ್ತವಲ್ಲ. ಹಬ್ಬಗಳು ನಮ್ಮ ಜೀವನದ ಒಂದು ಪ್ರಮುಖ ಭಾಗವಾಗಿದೆ, ಜೊತೆಗೆ ಎಲ್ಲರೊಂದಿಗೆ ಸಂತೋಷದಿಂದ ಬೆರೆಯುವ ಸಂದರ್ಭವೂ ಆಗಿದೆ. ಹೀಗಿರೋವಾಗ ಸಂಬಂಧವನ್ನು ನಿರ್ಲಕ್ಷಿಸುವ ಬದಲು ಜೊತೆಯಾಗಿ ಸೇರಿ ಕೆಲಸ ಮಾಡೋದನ್ನು ಕಲಿಯಿರಿ. 

ಸಣ್ಣ ವಿಷಯಗಳನ್ನು ನಿರ್ಲಕ್ಷಿಸಬೇಡಿ - ಹಬ್ಬದ ಸೀಸನ್ ಸಂತೋಷಕ್ಕಾಗಿ ಎಂಬುದನ್ನು ನೆನಪಿನಲ್ಲಿಡಿ. ಈ ಸಮಯದಲ್ಲಿ, ನಿಮ್ಮ ಮನಸ್ಸನ್ನು ನಿಗ್ರಹಿಸಬೇಡಿ, ಯಾವುದೇ ದುಃಖ ಮತ್ತು ಕೋಪವನ್ನು ಮರೆಮಾಚುವುದು ಮತ್ತು ಒಳಗೆ ನೋವು ಅನುಭವಿಸೋದು ಸರಿಯಲ್ಲ. ಸರಿಯಾದ ಅವಕಾಶಕ್ಕಾಗಿ ಕಾಯಬೇಡಿ, ಅದು ಎಂದಿಗೂ ಬರುವುದಿಲ್ಲ.  ಹಬ್ಬದ ದಿನಗಳಲ್ಲಿ ಸಂಬಂಧದಲ್ಲಿ ಸಮಸ್ಯೆ ಇದ್ದರೆ, ಕೂಡಲೇ ಕುಳಿತು ಮಾತನಾಡಿ, ಮನಸ್ಥಾಪ ಇದ್ದರೆ ಬಗೆಹರಿಸಿ. ಎಲ್ಲವೂ ಸರಿಯಾಗುತ್ತೆ. 

ನಿಮಗೆ ಸಾಧ್ಯವಾದಷ್ಟು ಮಾತ್ರ ಖರ್ಚು ಮಾಡಿ: ಹಬ್ಬಗಳ ಸಂದರ್ಭದಲ್ಲಿ ಅತಿಯಾದ ಖರ್ಚು ಮತ್ತು ಉದ್ವೇಗವನ್ನು ತೆಗೆದುಕೊಳ್ಳುವುದು ಸಹ ಸಂಬಂಧ ಮುರಿಯೋದಕ್ಕೆ ಕಾರಣವಾಗಿದೆ. ಸಂತೋಷದ ಸಂದರ್ಭಗಳಲ್ಲಿ ಎರಡನ್ನೂ ನಿಯಂತ್ರಿಸುವುದು ಉತ್ತಮ. ಹಾಗಾಗಿ ಅತಿಯಾಗಿ ಖರ್ಚು ಮಾಡಬೇಡಿ. ಒತ್ತಡ ಎಳೆದುಕೊಳ್ಳಬೇಡಿ. ಇದರಿಂದ ಸಂಬಂಧವೂ ಉತ್ತಮವಾಗಿರುತ್ತೆ.