ಈ ವಿಷ್ಯವನ್ನು ಗಂಡನ ಹತ್ರ ಮುಚ್ಚಿಟ್ಟರೆ, ಸಂಸಾರ ಸುಸೂತ್ರ: ಚಾಣಕ್ಯ ಹೇಳುವುದೇನು?
ಈ ದಾಂಪತ್ಯ ಎನ್ನುವುದು ಯಾವಾಗ ಕುಸಿದು ಬೀಳುತ್ತೋ ಗೊತ್ತಾಗೋಲ್ಲ. ಎಲ್ಲವೂ ಚೆನ್ನಾಗಿದೆ ಎಂದು ಕೊಳ್ಳುತ್ತಿರುವಾಗಲೇ ಸಂಸಾರ ಪೂರ್ತಿ ನೆಗೆದು ಬಿದ್ದಿರುತ್ತದೆ. ನಗ್ ನಗ್ತಾ ಖುಷಿಯಾಗಿರೋ ಗಂಡ-ಹೆಂಡ್ತಿ ಅದ್ಯಾವಾಗ ರೊಚ್ಚಿಗೆದ್ದು ಫೈಟ್ ಮಾಡ್ತಾರೋ ಗೊತ್ತಾಗೋಲ್ಲ. ಸಣ್ಣದೊಂದು ಸುಳ್ಳು ಸಂಸಾರವನ್ನು ಘಾಸಿಗೊಳಿಸಬಹುದು. ಚಾಣಕ್ಯ ನೀತಿ ಪ್ರಕಾರ, ವೈವಾಹಿಕ ಜೀವನದಲ್ಲಿ ಸಂತೋಷವಾಗಿರಲು ಹಲವು ವಿಷಯಗಳನ್ನು ಒಬ್ಬರಿಗೊಬ್ಬರು ಶೇರ್ ಮಾಡಿಕೊಳ್ಳಲೇಬಾರದಂತೆ. ಏನವು?
ಗಂಡ-ಹೆಂಡತಿ ಸಂಸಾರದ ನೌಕೆ ಎಳೆಯುವಾಗ ಪ್ರತಿಯೊಂದೂ ವಿಷಯದಲ್ಲೂ ಒಬ್ಬರಿಗೊಬ್ಬರು ಜೊತೆಯಾದರೆ, ಅವರಿಬ್ಬರನ್ನು ಯಾರೂ ಬೇರೆ ಮಾಡಲಾಗುವುದಿಲ್ಲ. ಅದಕ್ಕೆ ಸಂಬಂಧದಲ್ಲಿ ಓಪನ್ ಆಗಿರಬೇಕು, ಪರಸ್ಪರ ಯಾವುದೇ ಸುಳ್ಳು ಹೇಳಬಾರದು ಅಥವಾ ಏನನ್ನೂ ಮಚ್ಚಿಟ್ಟುಕೊಳ್ಳಬಾರದು. ಆದರೆ ವಿವಾಹ ದೀರ್ಘಕಾಲ (long term marriage) ಉಳಿಯಲು, ಕೆಲವು ವಿಷಯಗಳ ಹೊಣೆಯನ್ನು ಗಂಡ ಮತ್ತು ಹೆಂಡತಿ ಮಾತ್ರ ಹೊರಬೇಕು. ಅಲ್ಲದೇ, ಕೆಲವು ವಿಷಯಗಳನ್ನು ನಿಮ್ಮಲ್ಲೇ ರಹಸ್ಯವಾಗಿಡಬೇಕು.
ಚಾಣಕ್ಯ ನೀತಿಯಲ್ಲಿ (Chanakya Niti) ಆಚಾರ್ಯ ಚಾಣಕ್ಯ ಹೇಳಿದ ಕೆಲವು ವಿಷಯಗಳನ್ನು ಯಾವುದೇ ಪತಿ ತನ್ನ ಹೆಂಡತಿಯೊಂದಿಗೆ ಹಂಚಿಕೊಳ್ಳಬಾರದು. ಅಕಸ್ಮಾತ್ ಶೇರ್ ಮಾಡಿ ಕೊಂಡರೆ ಸಂಬಂಧ ದುರ್ಬಲಗೊಳ್ಳುವುದಲ್ಲದೇ, ಭಿನ್ನಾಭಿಪ್ರಾಯಕ್ಕೂ ಕಾರಣವಾಗಬಹುದು. ಆದುದರಿಂದ ಈ ವಿಷಯಗಳನ್ನು ಪತ್ನಿಗೆ ಹೇಳಲೇ ಕೂಡದು.
ನಿಮಗಾದ ಅವಮಾನದ ಬಗ್ಗೆ ತಿಳಿಸಬೇಡಿ
ಯಾವುದೇ ಮಹಿಳೆ ತನ್ನ ಗಂಡನಿಗೆ ಆಗುವ ಸಣ್ಣ ಅವಮಾನವನ್ನು(insult) ಸಹ ಸಹಿಸುವುದಿಲ್ಲ. ಅವರು ಇದನ್ನು ಅರಿತ ತಕ್ಷಣ, ಸೇಡು ಮತ್ತು ಕೋಪದ ಭಾವನೆ ಉಂಟಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಅವಳು ಯಾವುದೇ ಸಂಬಂಧದ ಬಗ್ಗೆ ಕಾಳಜಿ ವಹಿಸುವುದಿಲ್ಲ. ಆದ್ದರಿಂದ, ಶಾಂತಿ ಕಾಪಾಡಿಕೊಳ್ಳಲು, ಪುರುಷ ತನ್ನ ಅವಮಾನದ ಬಗ್ಗೆ ಎಂದಿಗೂ ತನ್ನ ಹೆಂಡತಿ ಬಳಿ ಹೇಳಬಾರದು.
ನೈಜ ಸಂಪಾದನೆ
ಹೆಚ್ಚಿನ ಗಂಡಸರು ತನ್ನ ನಿಜವಾದ ಗಳಿಕೆಯನ್ನು (real income) ಹೆಂಡತಿಗೆ ಹೇಳುವ ತಪ್ಪನ್ನು ಎಂದಿಗೂ ಮಾಡುವುದಿಲ್ಲ. ಚಾಣಕ್ಯ ನೀತಿ ಪ್ರಕಾರ, ಹೆಂಡತಿ ಬುದ್ಧಿವಂತಳಲ್ಲದಿದ್ದರೆ, ಕಡಿಮೆ ಸಂಪಾದಿಸುವ ಗಂಡನನ್ನು ಆಕೆ ಗೌರವಿಸೋದಿಲ್ಲ. ಹಾಗೆಯೇ ಯಾವಾಗಲೂ ಅದನ್ನು ನಿಂದಿಸುತ್ತಾಳೆ. ಅಷ್ಟೇ ಅಲ್ಲ, ಗಂಡನ ಸಂಪಾದನೆ ಬಗ್ಗೆ ತಿಳಿದ್ರೆ ಆಕೆ ಅದನ್ನು ವ್ಯರ್ಥ ಮಾಡಬಹುದು.
ದಾನ ಕೊಟ್ಟ ವಿಷಯ
ನಿಜವಾದ ದಾನವೆಂದರೆ ನೀವು ಒಂದು ಕೈಯಿಂದ ನೀಡಿದ ದಾನ ಇನ್ನೊಂದು ಕೈಗೆ ಗೊತ್ತಾಗಬಾರದು. ನೀವು ದಾನ ನೀಡಿರುವ ಬಗ್ಗೆ ಸಂಗಾತಿಗೆ ಹೇಳಿದ್ರೆ ಅದರಿಂದ ಭಿನ್ನಾಭಿಪ್ರಾಯ ಉಂಟಾಗಬಹುದು. ಪತ್ನಿ ದನ ಪಿಶಾಚಿ ಆಗಿದ್ರೆ, ದಾನದ ಬಗ್ಗೆ ತಿಳಿದಾಗ ಜಗಳವಾಡಬಹುದು. ಆದ್ದರಿಂದ, ಗಂಡ ಮತ್ತು ಹೆಂಡತಿ ನೀಡಿದ ದೇಣಿಗೆ ಬಗ್ಗೆ ಎಂದಿಗೂ ಪರಸ್ಪರ ಹೇಳಿಕೊಳ್ಳಬಾರದು.
ದೌರ್ಬಲ್ಯವನ್ನು ಮುಚ್ಚಿಡಿ
ಗಂಡ ತನ್ನ ದೌರ್ಬಲ್ಯದ (weakness) ಅಂದ್ರೆ ವೀಕ್ ನೆಸ್ ಬಗ್ಗೆ ಎಂದಿಗೂ ಹೆಂಡತಿ ಜೊತೆ ಹಂಚಿಕೊಳ್ಳಬಾರದು. ಹಲವು ಸಲ ಮಹಿಳೆಯರು ತಿಳಿಯದೆ ಇತರರ ಮುಂದೆ ಅದನ್ನು ಹೇಳಿ ಬಿಡುತ್ತಾರೆ. ಇದಲ್ಲದೆ, ಹೆಂಡತಿ ದುಷ್ಟಳಾಗಿದ್ದರೆ, ಅವಳು ಅದರ ಲಾಭ ಪಡೆಯಲು ಸಂಚು ರೂಪಿಸುತ್ತಾಳೆ.