ಲವ್ ಮ್ಯಾರೇಜ್ ಆಗಲು ಯೋಚ್ನೆ ಮಾಡ್ತಿದ್ದೀರಾ? ಹಾಗಿದ್ರೆ ಈ ವಿಷ್ಯ ನೆನಪಲ್ಲಿರಲಿ

ಈಗ, ಸಮಯದಲ್ಲಿ ಸಾಕಷ್ಟು ಬದಲಾಗಿದೆ. ಈ ಮೊದಲು ಮಕ್ಕಳ ಮದುವೆಯನ್ನು ಪೋಷಕರು ಮತ್ತು ಕುಟುಂಬ ಸದಸ್ಯರು ನಿರ್ಧರಿಸಿದ್ದರು, ಯಾರೋ ಸಂಬಂಧಿಕರಿಂದ, ಮೂರನೆಯವರಿಂದ ಹುಡುಗ/ ಹುಡುಗಿಯ ಬಗ್ಗೆ ತಿಳಿದು,  ಮದುವೆ (arranged marriage) ಮಾಡಿಸುತ್ತಿದ್ದರು. ಆದರೆ ಈಗ ಯುವಕರು ಸ್ವತಃ ತಮ್ಮ ಸ್ವಂತ ಇಚ್ಛೆಯ ಜಾತಿ ಮತ್ತು ಧರ್ಮದ ಬಂಧಗಳನ್ನು ಮುರಿದು, ಪ್ರೀತಿಸಿ ಮದುವೆಯಾಗುತ್ತಿದ್ದಾರೆ.  

ಕಾಲೇಜು ಮತ್ತು ವಿಶ್ವವಿದ್ಯಾಲಯದಲ್ಲಿ (university) ಓದುತ್ತಿರುವಾಗ, ಯುವಕರಲ್ಲಿ ಪ್ರೀತಿ, ಪ್ರೇಮ (love) ಇದೆಲ್ಲಾ ನಡೆಯೋದು ಸಾಮಾನ್ಯ. ಸಂಬಂಧವು ಉತ್ತಮವಾಗಿದ್ದರೆ, ಅವರು ಮದುವೆಯಾಗುತ್ತಾರೆ. ಕೆಲವೊಮ್ಮೆ ಬೇರೆ ಬೇರೆ ರಾಜ್ಯಗಳ ಜನರೂ ಮದುವೆಯಾಗುತ್ತಾರೆ.

ಸಾಂಸ್ಕೃತಿಕ ಭಿನ್ನತೆಗಳು (Cultural Differences) ಮತ್ತು ವಿಭಿನ್ನ ಸಂಪ್ರದಾಯಗಳು ಅಂತಹ ವಿವಾಹಗಳಲ್ಲಿ ಸ್ವಲ್ಪ ತೊಂದರೆಯನ್ನು ಉಂಟು ಮಾಡಬಹುದು. ಕೆಲವೊಮ್ಮೆ ಭಾಷೆಯ ಸಮಸ್ಯೆಯೂ ಬರುತ್ತದೆ. ಇದು ದಂಪತಿ ಮೇಲೆ ಮಾನಸಿಕ ಒತ್ತಡವನ್ನು ಹೇರುತ್ತದೆ. ಕೆಲವು ಕ್ರಮಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಈ ಸಮಸ್ಯೆಗಳನ್ನು ನಿವಾರಿಸಬಹುದು. 

 ವಿಭಿನ್ನ ಸಂಪ್ರದಾಯಗಳು ಮತ್ತು ಸಂಸ್ಕೃತಿಯನ್ನು ಒಪ್ಪಿಕೊಳ್ಳಿ
ಬೇರೆ ಜಾತಿಯಲ್ಲಿ ಮತ್ತು ಬೇರೆ ರಾಜ್ಯದ ಹುಡುಗ ಅಥವಾ ಹುಡುಗಿಯೊಂದಿಗೆ ಮದುವೆ ನಡೆಯುತ್ತಿದ್ದರೆ, ಅಲ್ಲಿ ಭಾಷೆ ಮತ್ತು ಸಂಪ್ರದಾಯಗಳು ವಿಭಿನ್ನವಾಗಿವೆ, ಅವರು ಯಾವಾಗಲೂ ಕುಟುಂಬವನ್ನು ಸ್ವೀಕರಿಸಲು ಸಿದ್ಧರಾಗಿರಬೇಕು. ಇದು ನಿಮಗೆ ಹೊಸ ಜಗತ್ತನ್ನು ತೆರೆಯುತ್ತದೆ, ಇಬ್ಬರೂ ತಮ್ಮ ಸಂಪ್ರದಾಯದ ಜೊತೆಗೆ ಸಂಗಾತಿಯ ಸಂಪ್ರದಾಯ (tradition) ಆಚರಣೆಯನ್ನು ಸ್ವೀಕರಿಸಬೇಕು. 

ಈ ರೀತಿ ಮದುವೆಯಾದರೆ  ಹೊಸ ಭಾಷೆ ಮತ್ತು ಸಂಸ್ಕೃತಿಯ (culture) ಜ್ಞಾನವನ್ನು ಸಹ ಪಡೆಯಬಹುದು. ದಂಪತಿ ಮೇಲೆ ಒತ್ತಡ ಹಾಕಲು ಎಂದಿಗೂ ಪ್ರಯತ್ನಿಸಬೇಡಿ. ಬದಲಾಗುತ್ತಿರುವ ಪ್ರಪಂಚದೊಂದಿಗೆ ಬದಲಾಗುವುದು ಮುಖ್ಯ. ಜಾತಿ, ಧರ್ಮ, ಊರು, ಸಂಸ್ಕೃತಿ ಏನೇ ಇರಲಿ, ಅದನ್ನು ಮೊದಲು ಸ್ವೀಕರಿಸಿ ಮಕ್ಕಳ ವೈವಾಹಿಕ ಜೀವನ ಉತ್ತಮವಾಗಿರುವಂತೆ ನೋಡಿ. 

ದಂಪತಿ ತಾಳ್ಮೆಯಿಂದಿರಬೇಕು
ದಂಪತಿಗಳು (couples) ವಿವಿಧ ಜಾತಿ ಮತ್ತು ಸಂಸ್ಕೃತಿಗಳಲ್ಲಿ ಮದುವೆಯಾದಾಗ ವಿವಿಧ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಪ್ರೇಮ ಜೀವನ ಮತ್ತು ಮದುವೆ ನಡುವೆ ಸಾಕಷ್ಟು ವ್ಯತ್ಯಾಸವಿದೆ. ಇಲ್ಲಿ ನೀವು ಹಂತ ಹಂತವಾಗಿ ಸಾಕಷ್ಟು ತೊಂದರೆಗಳನ್ನು ಎದುರಿಸಬೇಕಾಗಬಹುದು. ಆದ್ದರಿಂದ ಯಾವಾಗಲೂ ತಾಳ್ಮೆಯಿಂದಿರಬೇಕು. 

ಆರಂಭದಲ್ಲಿ ಹಲವಾರು ಸಮಸ್ಯೆಗಳನ್ನು ಎದುರಿಸಬೇಕಾಗಿ ಬರುತ್ತದೆ. ಯಾಕೆಂದರೆ ಪ್ರೀತಿ ಮಾಡುವಾಗ ಯಾವುದೂ ಅಷ್ಟೊಂದು ಕಷ್ಟ ಎಂದು ಅನಿಸುವುದಿಲ್ಲ. ಆದರೆ ಮದುವೆಯಾದ ಬಳಿಕ ಜೊತೆಯಾಗಿ ಇದ್ದಾಗ, ಒಬ್ಬರ ಬಗ್ಗೆ ಒಬ್ಬರು ತಿಳಿದುಕೊಂಡಾಗ ಸಮಸ್ಯೆಗಳು ಸಾಮಾನ್ಯ. ಅವುಗಳನ್ನು ತಾಳ್ಮೆಯಿಂದ ಎದುರಿಸಬೇಕು. ಎಲ್ಲವೂ ಸಮಯಕ್ಕೆ ಸರಿಯಾಗಿ ಸಂಘಟಿತವಾಗುತ್ತದೆ.

ರಾಜಿ ಮಾಡಿಕೊಳ್ಳಲು ಸಿದ್ಧರಾಗಿರಿ (compromise)
ಮದುವೆ ಎಂಬುದು ರಾಜಿ ಆಧರಿಸಿದ ಸಂಬಂಧ. ನಿಮ್ಮ ಜೀವನದುದ್ದಕ್ಕೂ ಒಟ್ಟಿಗೆ ಬದುಕಲು ನಿರ್ಧರಿಸುವುದು ದೊಡ್ಡ ಒಪ್ಪಂದ. ಇದನ್ನು ಪ್ರಶಂಸಿಸಿ ಮತ್ತು ಯಾವುದೇ ಪ್ರತಿಕೂಲ ಸಂದರ್ಭಗಳಲ್ಲಿ ಸಕಾರಾತ್ಮಕ ಒಪ್ಪಂದದಿಂದ ದೂರ ಸರಿಯಬೇಡಿ. ಇದರಿಂದ ವೈವಾಹಿಕ ಜೀವನ ಸುಖವಾಗಿ ಇರುತ್ತದೆ.

ಸಂಸ್ಕೃತಿಯನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿ
ಬೇರೆ ರಾಜ್ಯ ಮತ್ತು ವಿಭಿನ್ನ ಸಂಸ್ಕೃತಿಯಲ್ಲಿ ಬೆಳೆದ ಸಂಗಾತಿಯನ್ನು ಮದುವೆಯಾಗಿದ್ದರೆ, ಅವರ ಸಂಸ್ಕೃತಿಯನ್ನು ಅರ್ಥ ಮಾಡಿಕೊಳ್ಳಲು ಮತ್ತು ಅದಕ್ಕೆ ಹೊಂದಿಕೊಳ್ಳಲು ಪ್ರಯತ್ನಿಸಿ. ನನ್ನಿಂದ ನಿನ್ನ ಸಂಸ್ಕೃತಿಯನ್ನು ಪಾಲನೆ ಮಾಡಲು ಸಾಧ್ಯವೇ ಇಲ್ಲ, ಇದೆಲ್ಲಾ ನನಗೆ ಆಗೋದಿಲ್ಲ ಎಂದು ಯಾವತ್ತೂ ಹೇಳಬೇಡಿ. 

ಭಾರತವು ವೈವಿಧ್ಯಮಯ ಸಂಸ್ಕೃತಿಗಳನ್ನು (cultural diversity) ಹೊಂದಿರುವ ದೇಶ. ಆದರೆ ಅವು ಮೂಲಭೂತ ಐಕ್ಯತೆಯನ್ನು ಹೊಂದಿವೆ. ಹೊಸ ಸಂಸ್ಕೃತಿ ಮತ್ತು ಅದರ ವಿಭಿನ್ನ ಅಂಶಗಳನ್ನು ಅರ್ಥಮಾಡಿಕೊಳ್ಳಲು ನೀವು ಪ್ರಯತ್ನಿಸುವುದು ಉತ್ತಮ. ಇದರಿಂದ ವೈವಾಹಿಕ ಜೀವನ ಸುಖಕರವಾಗಿರುತ್ತದೆ. 

ನಿಮ್ಮ ಸಂಪ್ರದಾಯಗಳನ್ನು ಸಹ ಅನುಸರಿಸಿ
ಬೇರೆ ಜಾತಿ, ಸಂಸ್ಕೃತಿಯಲ್ಲಿ ಮದುವೆಯಾದ ನಂತರ ನಿಮ್ಮ ಸಂಪ್ರದಾಯ, ಆಚಾರ-ಸಂಪ್ರದಾಯಗಳನ್ನು ಬಿಟ್ಟು ಬಿಡಬೇಕು ಎಂದಲ್ಲ. ದಂಪತಿ ಪರಸ್ಪರರ ಸಂಪ್ರದಾಯಗಳಿಗೆ ಹೊಂದಿಕೊಳ್ಳಬೇಕು. ಇದರಿಂದ ಎರಡೂ ಕುಟುಂಬವೂ ಸಂತೋಷವಾಗುತ್ತದೆ. ಮದುವೆ ಕೇವಲ ಇಬ್ಬರು ವ್ಯಕ್ತಿಗಳ ಬಗ್ಗೆ ಮಾತ್ರವಲ್ಲ, ಇಡೀ ಕುಟುಂಬವು ಸಂಬಂಧದಲ್ಲಿದೆ ಎಂಬುದನ್ನು ಮರೆಯಬೇಡಿ.