ಹಿಂದೂ ವಿವಾಹದಲ್ಲಿ ವಧು, ವರನ ಎಡಭಾಗದಲ್ಲಿ ಏಕೆ ಕುಳಿತುಕೊಳ್ಳುತ್ತಾಳೆ?

ಹಿಂದೂ ವಿವಾಹದ (Hindu Wedding) ಸಮಯದಲ್ಲಿ ವಿವಿಧ ರೀತಿಯ ಪದ್ಧತಿಗಳಿವೆ, ಅವುಗಳನ್ನು ಬಹಳ ಶ್ರದ್ಧೆಯಿಂದ ಆಚರಣೆಗಳೊಂದಿಗೆ ಮಾಡಲಾಗುತ್ತದೆ. ಅರಿಶಿನ ಶಾಸ್ತ್ರ, ಮೆಹಂದಿ ಶಾಸ್ತ್ರದಿಂದ ಹಿಡಿದು ಏಳು ಸುತ್ತುಗಳನ್ನು ಸುತ್ತುವವರೆಗೆ, ಸಪ್ತಪದಿ ತುಳಿಯುವವರೆಗೆ ಅನೇಕ ರೀತಿಯ ಆಚರಣೆಗಳಿವೆ, ಇದು 4-5 ದಿನಗಳವರೆಗೆ ಇರುತ್ತದೆ. ಆದರೆ ಈ ಆಚರಣೆಗಳಲ್ಲಿ ಒಂದು ಹೇಗಿದೆಯೆಂದರೆ, ಅದನ್ನು ಹೆಂಡತಿಯಾದವಳು ತನ್ನ ಜೀವನದುದ್ದಕ್ಕೂ ನಿರ್ವಹಿಸಬೇಕಾಗುತ್ತದೆ. ವಧು ವರನ ಎಡಭಾಗದಲ್ಲಿ ಕುಳಿತುಕೊಳ್ಳುವುದು ಸಹ ಒಂದು ಸಂಪ್ರದಾಯವಾಗಿದೆ. ಇದನ್ನು ಯಾಕೆ ಮಾಡಲಾಗುತ್ತದೆ ನೋಡೋಣ. 

ಧರ್ಮಗ್ರಂಥಗಳ ಪ್ರಕಾರ, ಮದುವೆಯಿಂದ ಹಿಡಿದು ಪ್ರತಿಯೊಂದು ಶುಭ ಮತ್ತು ಮಂಗಳ ಕಾರ್ಯಗಳಲ್ಲಿ, ಹೆಂಡತಿ ತನ್ನ ಗಂಡನ ಎಡಭಾಗದಲ್ಲಿ ಕುಳಿತುಕೊಳ್ಳಬೇಕು. ಆದರೆ ಹೆಂಡತಿ ಯಾವಾಗಲೂ ತನ್ನ ಗಂಡನ ಎಡಭಾಗದಲ್ಲಿ (wife sits left side of husband) ಏಕೆ ಕುಳಿತುಕೊಳ್ಳುತ್ತಾಳೆ ಎಂದು ನಿಮಗೆ ತಿಳಿದಿದೆಯೇ? ಹೆಂಡತಿಯ ಸ್ಥಾನವು ಗಂಡನ ಎಡಭಾಗದಲ್ಲಿದೆ ಎಂದು ಏಕೆ ಪರಿಗಣಿಸಲಾಗುತ್ತದೆ? ಅದರ ಮಹತ್ವ ಮತ್ತು ಕಾರಣವನ್ನು ತಿಳಿದುಕೊಳ್ಳಿ.
 

ಇದು ಶಿವನಿಗೆ ಸಂಬಂಧಿಸಿದೆ
ಹಿಂದೂ ಧರ್ಮದಲ್ಲಿ, ಯಾವುದೇ ಪೂಜೆ, ಧಾರ್ಮಿಕ ಕಾರ್ಯಕ್ರಮ, ಮದುವೆಯ ವಿಧಿವಿಧಾನಗಳಲ್ಲಿ, ಹೆಂಡತಿ ಗಂಡನ ಎಡಭಾಗದಲ್ಲಿ ಕುಳಿತು ಪ್ರತಿಯೊಂದು ಸಂಪ್ರದಾಯವನ್ನು ಮಾಡಬೇಕು. ಈ ಕಾರಣದಿಂದಾಗಿ, ಹೆಂಡತಿಯನ್ನು 'ವಾಮಾಂಗಿ' ಎಂದು ಕರೆಯಲಾಗುತ್ತದೆ. ಇದರರ್ಥ ಎಡ ಅಂಗದ ಅಧಿಕಾರಿ. ಮಹಿಳೆ ಶಿವನ ಎಡ ಅಂಗದಿಂದ ಹುಟ್ಟಿಕೊಂಡಿದ್ದಾಳೆ ಎಂದು ನಂಬಲಾಗಿದೆ. ಅದರ ಸಂಕೇತಗಳಲ್ಲಿ ಒಂದು ಶಿವನ ಅರ್ಧನಾರೀಶ್ವರ ರೂಪ.

ಒಬ್ಬ ವ್ಯಕ್ತಿಯ ಹೃದಯಕ್ಕೆ ಸಂಬಂಧಿಸಿದೆ
ವಧು ಗಂಡನ ಎಡಭಾಗದಲ್ಲಿ ಕುಳಿತರೆ, ಅವಳು ಯಾವಾಗಲೂ ಅವನ ಹೃದಯದಲ್ಲಿ (wife stays in husbands heart) ವಾಸಿಸುತ್ತಾಳೆ ಎಂದು ನಂಬಲಾಗಿದೆ. ಏಕೆಂದರೆ ಮನುಷ್ಯರಿಗೆ ಹೃದಯಗಳು ಇರುವುದು ಎಡಭಾಗದಲ್ಲಿ. ಹೆಂಡತಿ ಎಡಭಾಗದಲ್ಲಿರೋದರಿಂದ ವೈವಾಹಿಕ ಜೀವನದಲ್ಲಿ ಸಂತೋಷವು ಜೀವನದುದ್ದಕ್ಕೂ ಮುಂದುವರಿಯುತ್ತದೆ ಎಂಬ ನಂಬಿಕೆ ಇದೆ.

ಎಡಗೈ ಪ್ರೀತಿಯನ್ನು ಸಂಕೇತಿಸುತ್ತದೆ
ಎರಡನೆಯ ನಂಬಿಕೆಯ ಪ್ರಕಾರ, ಎಡಗೈಯನ್ನು ಪ್ರೀತಿ ಮತ್ತು ಸಾಮರಸ್ಯದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಈ ಕಾರಣದಿಂದಾಗಿ, ವಧುವನ್ನು ಎಡಭಾಗದಲ್ಲಿ ಕೂರಿಸಲಾಗುತ್ತದೆ, ಇದರಿಂದಾಗಿ ವಧು ಮತ್ತು ವರನ ನಡುವಿನ ಪ್ರೀತಿ ಯಾವಾಗಲೂ ಉಳಿಯುತ್ತದೆ.
 

ಭಗವಾನ್ ವಿಷ್ಣು ಮತ್ತು ತಾಯಿ ಲಕ್ಷ್ಮಿಗೆ ಸಂಬಂಧಿಸಿದೆ
ಧರ್ಮಗ್ರಂಥಗಳ ಪ್ರಕಾರ, ಲಕ್ಷ್ಮಿ ದೇವಿಯು ಯಾವಾಗಲೂ ವಿಷ್ಣುವಿನ ಎಡಭಾಗದಲ್ಲಿ ಕುಳಿತುಕೊಳ್ಳುತ್ತಾಳೆ. ಅಂತೆಯೇ, ವಧುವನ್ನು ತಾಯಿ ಲಕ್ಷ್ಮಿಯ ರೂಪವೆಂದು ಪರಿಗಣಿಸಲಾಗುತ್ತದೆ ಮತ್ತು ವರನನ್ನು ವಿಷ್ಣುವಿನ ರೂಪವೆಂದು ಪರಿಗಣಿಸಲಾಗುತ್ತದೆ. ಈ ಕಾರಣದಿಂದಾಗಿ, ವಧುವು ಮದುವೆಯಲ್ಲಿ ವರನ ಎಡಭಾಗದಲ್ಲಿ ಕುಳಿತುಕೊಳ್ಳುತ್ತಾಳೆ, ಇದರಿಂದ ತಾಯಿ ಲಕ್ಷ್ಮಿಯ ಕೃಪೆಯಿಂದ ಸಂತೋಷ, ಸಮೃದ್ಧಿ ಮತ್ತು ಸಂತೋಷ ಸದಾ ನಿಮ್ಮ ಮೇಲಿರುತ್ತೆ.