ಹತ್ತು ಮತ್ತೊಂದು ಬಗೆಯ ಮುತ್ತು... ಮುತ್ತಿನ ಮತ್ತೇ ಗಮ್ಮತ್ತು

ಮುತ್ತು ಕೊಡುವುದೂ, ಕೊಡಿಸಿಕೊಳ್ಳುವುದು ಎರಡೂ ವಿಶಿಷ್ಠ ಅನುಭವವೇ. ಮುತ್ತು ಪ್ರೀತಿಯನ್ನು ವ್ಯಕ್ತಪಡಿಸುವುದರಲ್ಲಿ ಎತ್ತಿದ ಕೈ. ಮತ್ತೇರಿಸುವುದಕ್ಕೂ ಜೈ. ರೊಮ್ಯಾನ್ಸ್‌ನ ಪಲ್ಲವಿಯಾದರೆ, ಕಾಳಜಿ, ಸಂತೋಷ, ಸಮಾಧಾನ ಪಡಿಸುವಲ್ಲೂ ಪಾತ್ರ ಬದಲಿಸುತ್ತಾ ಹೋಗುತ್ತದೆ. ಹೀಗೆ ಪಾತ್ರದಲ್ಲಿ ಮಾತ್ರವಲ್ಲ, ಮುತ್ತಿನಲ್ಲೂ ಹತ್ತಾರು ವಿಧಗಳಿವೆ.  ಪ್ರತಿಯೊಂದಕ್ಕೂ ಅದರದೇ ಎಮೋಶನ್ ಇದೆ, ಪ್ರತ್ಯೇಕ ಅರ್ಥವಿದೆ. ಮುದ್ದಾದ ಮುತ್ತುಗಳ ಲೋಕದಲ್ಲಿ ಒಂದು ಸುತ್ತು ಹಾಕುತ್ತಾ ಅದರ ಬದಲಾಗುವ ಅರ್ಥಗಳನ್ನು ನೋಡೋಣ. 

ಹಣೆಗೆ ಹೂ ಮುತ್ತು
ನಿಮ್ಮ ಸಂಗಾತಿಯ ಹಣೆಗೆ ತುಟಿಗಳನ್ನು ತಾಕಿಸಿದರೆ ಅದು ನೀವು ಅವರ ಮೇಲಿಟ್ಟು ಗೌರವ ಅಭಿಮಾನವನ್ನು ಹೇಳುತ್ತದೆ. ಜೊತೆಗೆ, ಕಂಫರ್ಟ್ ಕೊಡುವ, ಅವರಲ್ಲಿ ನಂಬಿಕೆ ಹುಟ್ಟಿಸುವ ಕೆಲಸ ಈ ಮುತ್ತು ಮಾಡುತ್ತದೆ. 

ಎಸ್ಕಿಮೋ ಕಿಸ್
ಎರಡೂ ಮೂಗುಗಳನ್ನು ತಿಕ್ಕುತ್ತಾ ಕೊಡುವ ಕಿಸ್ ಇದು. ಪ್ರೀತಿಯನ್ನು ವ್ಯಕ್ತಪಡಿಸಲು ಎಸ್ಕಿಮೋಗಳು ಈ ವಿಧಾನವನ್ನು ಮೊದಲು ಕಂಡುಕೊಂಡಿದ್ದರಿಂದ ಇದಕ್ಕೆ ಈ ಹೆಸರು ಬಂದಿದೆ. 

ಬಟರ್‌ಫ್ಲೈ ಕಿಸ್
ನೀವು ಹಾಗೂ ನಿಮ್ಮ ಪಾರ್ಟ್ನರ್ ಉಸಿರಾಟದ ಬಿಸಿ ತಾಕುವಷ್ಟು ಹತ್ತಿರ ನಿಂತು, ಇಬ್ಬರ ಕಣ್ರೆಪ್ಪೆಯನ್ನೂ ತಾಕಿಸಿ ಮಿರುಕಿಸಿದರೆ, ಇಬ್ಬರೂ ಒಬ್ಬರು ಮತ್ತೊಬ್ಬರ ಕೆನ್ನೆಗೆ ಕಣ್ರೆಪ್ಪೆ ತಾಕಿಸುತ್ತಾ ಕಚಗುಳಿ ಇಡುವುದೇ ಬಟರ್‌ಫ್ಲೈ ಕಿಸ್. ಚಿಟ್ಟೆಯ ರೆಕ್ಕೆಯಂತೆ ರೆಪ್ಪೆಗಳನ್ನು ಬಡಿಯುವುದರಿಂದ ಈ ಹೆಸರು ಬಂದಿದೆ. ಈ ರೆಪ್ಪೆಗಳ ಮಿಸುಕಾಟ ಹೃದಯ ಬಡಿತಕ್ಕೆ ಆ ಕ್ಷಣದಲ್ಲಿ ಮ್ಯಾಚ್ ಮಾಡುತ್ತಿರುತ್ತದೆ. 

ಕೆನ್ನೆಗೆ ಮುತ್ತು
ಭುಜದ ಮೇಲೆ ಕೈಯಿಟ್ಟು ಕೆನ್ನೆ ಮೇಲೊಂದು ಚೆಂದದ ಮುತ್ತು ಕೊಡುವುದರಿಂದ ಪಾಸಿಟಿವ್ ಫೀಲಿಂಗ್ಸ್ ವ್ಯಕ್ತಪಡಿಸಿದಂತಾಗುತ್ತದೆ. ಇದರಿಂದ ಮುತ್ತು ಪಡೆದ ವ್ಯಕ್ತಿ ಕಂಫರ್ಟ್ ಅನುಭವಿಸುವ ಜೊತೆಗೆ ಫ್ರೆಂಡ್ಲಿ ಕಿಸ್‌ನ ಖುಷಿಯನ್ನೂ ಪಡೆಯುತ್ತಾರೆ. 

ಕೈಯ ಮೇಲೆ ಮುತ್ತು
ಮೇಗೈ ಮೇಲೆ ಮುತ್ತು ನೀಡುವುದು ಪ್ರೀತಿ ಹಾಗೂ ಗೌರವವನ್ನು ವ್ಯಕ್ತಪಡಿಸಿದಂತಾಗುತ್ತದೆ.

ಏಂಜೆಲ್ ಕಿಸ್
ಸಿಹಿಮುತ್ತನ್ನು ಕಣ್ಗಳ ಮೇಲೆ ಪ್ರೀತಿಯಿಂದ ನೀಡಿದರೆ ಅದಕ್ಕೆ ಏಂಜೆಲ್ ಕಿಸ್ ಎನ್ನುತ್ತಾರೆ. ಪ್ರಾಮಾಣಿಕ ಪ್ರೀತಿ, ಕಾಳಜಿಯ ವ್ಯಕ್ತಪಡಿಸುವಿಕೆ ಇದು. ತಾಯಿ ಮಕ್ಕಳಿಗೆ, ಪತಿ ಪತ್ನಿಗೆ ಈ ರೀತಿ ಕಿಸ್ ಮಾಡುವುದು ಸಾಮಾನ್ಯ.  

ಕಿವಿಗೆ ಕಿಸ್
ಇದೊಂದು ರೊಮ್ಯಾಂಟಿಕ್ ಹಾಗೂ ಉನ್ಮಾದಕರ ಕಿಸ್ ಆಗಿದ್ದು, ಪಾರ್ಟ್ನರ್ ಕಿವಿಯನ್ನು ನೋವಾಗದಂತೆ ಕಚ್ಚುತ್ತಾ ಕೊಡುವುದಾಗಿದೆ. 

ಸಿಂಗಲ್ ಲಿಪ್ ಕಿಸ್
ಫೋರ್‌ಪ್ಲೇಯ ಭಾಗವಾಗಿ ಈ ಕಿಸ್ ನೀಡಲಾಗುತ್ತದೆ. ಒಬ್ಬರು ಮತ್ತೊಬ್ಬರ ತುಟಿಯನ್ನು ಚುಂಬಿಸಿ ಒಳಗೆಳೆಯುತ್ತಾ ಈ ಮುತ್ತು ಮತ್ತೇರಿಸುತ್ತದೆ. 

ಹಿಕಿ ಕಿಸ್
ಇದೊಂದು ಉನ್ಮತ್ತ ಫೋರ್‌ಪ್ಲೇಯ ಭಾಗವಾಗಿದ್ದು, ಮುತ್ತು ಕೊಟ್ಟ ನಂತರ ಅದರ ಮಾರ್ಕ್ ಉಳಿಸುತ್ತದೆ. ಸಾಮಾನ್ಯವಾಗಿ ಸಂಗಾತಿಯ ಕತ್ತನ್ನು ಕಚ್ಚುತ್ತಾ, ಕೆಲ ಕಾಲ ಒಳಗೆಳೆದುಕೊಳ್ಳುತ್ತಾ ಹೋಗುವುದು. ನಂತರ ಅಲ್ಲೊಂದು ಲವ್ ಬೈಟ್ ಕುರುಹು ಉಳಿಯುತ್ತದೆ. 

ಫ್ರೆಂಚ್ ಕಿಸ್
ಇದು ತುಟಿಗಿಂತ ಹೆಚ್ಚು ನಾಲಿಗೆಗಳ ನಲಿದಾಟಗಳಲ್ಲೇ ಮತ್ತೇರಿಸಿ ಉನ್ಮತ್ತಗೊಳಿಸುತ್ತದೆ. ಇದರಲ್ಲಿ ಪ್ಯಾಷನ್, ರೊಮ್ಯಾನ್ಸ್ ಹಾಗೂ ಸಂಗಾತಿಯನ್ನು ಹೆಚ್ಚು ಹೆಚ್ಚು ಅನುಭವಿಸುವ ಉತ್ಕಟತೆ ಒತ್ತಾಗಿರುತ್ತದೆ. 

ಸ್ಪೈಡರ್‌ಮ್ಯಾನ್ ಕಿಸ್
ಸ್ಪೈಡರ್‌ಮ್ಯಾನ್ ಚಿತ್ರದಿಂದ ಪ್ರೇರಿತವಾಗಿರುವ ಈ ಕಿಸ್‌ನಲ್ಲಿ ಒಬ್ಬರಿಗೊಬ್ಬರು ತಲೆಕೆಳಗಾಗಿ ತುಟಿಗೆ ತುಟಿಯೊತ್ತಲಾಗುತ್ತದೆ. ಸಾಮಾನ್ಯ ಜನರು ಹಾಸಿಗೆಯ ಮೇಲೆ ಒಬ್ಬರಿಗೊಬ್ಬರು ಉಲ್ಟಾ ಮಲಗಿ ಟ್ರೈ ಮಾಡಬಹುದು. 

ಸೆಡಕ್ಟಿವ್ ಕಿಸ್
ಇದರಲ್ಲಿ ಒಬ್ಬರನ್ನೊಬ್ಬರು ಸುಲಭವಾಗಿ ಸೆಡ್ಯೂಸ್ ಮಾಡಬಹುದು. ಇದರಲ್ಲಿ ತೆರೆದ ಬಾಯಿಯಲ್ಲಿ ಇಬ್ಬರೂ ಕಿಸ್ ಮಾಡಿಕೊಳ್ಳುತ್ತಾರೆ. ಆದರೆ, ನಾಲಿಗೆಯ ಬಳಕೆ ಇರುವುದಿಲ್ಲ.