ಭಾರತೀಯ ಶೈಲಿಯಲ್ಲಿ ಮದ್ವೆಯಾದ ಅಮೆರಿಕನ್ ಫ್ರೆಂಡ್ಸ್ ಸಿರೀಸ್ ಪಾತ್ರಧಾರಿಗಳು..!
ಕೃತಕ ಬುದ್ಧಿಮತ್ತೆ ಅಥವಾ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸಿ ವಿಶುವಲ್ಸ್ ಫೋಟೋ, ವೀಡಿಯೋ ಮುಂತಾದ ಕ್ಷೇತ್ರಗಳಲ್ಲಿ ಕ್ರಾಂತಿಕಾರಿ ಬದಲಾವಣೆಗೆ ಕಾರಣವಾಗಿದೆ. ಕೃತಕ ಬುದ್ಧಿಮತ್ತೆ ಸೃಷ್ಟಿಸಿದ ಚಿತ್ರಗಳು ಅದ್ಭುತವಾದ ನೈಜತೆಯೊಂದಿಗೆ ಕ್ರಾಂತಿಗೆ ಕಾರಣವಾಗಿದೆ. ಈ ಹಿಂದೆ ವಿಶ್ವದ ಶ್ರೀಮಂತ ವ್ಯಕ್ತಿಗಳು ಬಡವರಾಗಿದ್ದರೆ ಹೇಗಿರುತ್ತಿತ್ತು ಎಂದು ತೋರಿಸುವ ಎಐ ಫೋಟೋಗಳು ಸಾಕಷ್ಟು ವೈರಲ್ ಆಗಿದ್ದವು. ಈಗ ಅಮೆರಿಕಾದ ಖ್ಯಾತ ಸಿರೀಸ್ ಫ್ರೆಂಡ್ಸ್ನ ಪಾತ್ರಧಾರಿಗಳು ಭಾರತೀಯ ಧಿರಿಸಿನಲ್ಲಿ ಹೇಗಿರುತ್ತಾರೆ ಎಂದು ತೋರಿಸುತ್ತಿದೆ ಈ ಎಐ ಫೋಟೋಗಳು.
Monica and Chandler
ಆರ್ಟಿಫಿಶಿಯಲ್ ಇಂಟೆಲಿಜೆನ್ಸಿ ಸೃಜನಶೀಲ ಅಭಿವ್ಯಕ್ತಿ ಮತ್ತು ಅನುಭವಗಳ ಭವಿಷ್ಯವನ್ನು ರೂಪಿಸುತ್ತಿದ್ದು, ಕಲಾತ್ಮಕ ದೃಷ್ಟಿಯ ಅದರ ಆಕರ್ಷಕ ಮಿಶ್ರಣವು ಟ್ರೆಂಡಿಂಗ್ ಲ್ಯಾಂಡ್ಸ್ಕೇಪ್ನಲ್ಲಿ ಪ್ರಾಬಲ್ಯ ಸಾಧಿಸುತ್ತಿದೆ. ಪ್ರಪಂಚದಾದ್ಯಂತದ ವಿವಿಧ ಕಲಾವಿದರು ಎಐ ಮಾಡಿದ ಚಿತ್ರಗಳನ್ನು ಆಗಾಗ ಪೋಸ್ಟ್ ಮಾಡುವ ಮೂಲಕ ಸಾಮಾಜಿಕ ಮಾಧ್ಯಮದಲ್ಲಿ ಸಂಚಲನ ಸೃಷ್ಟಿ ಮಾಡುತ್ತಿದ್ದಾರೆ. ತಮ್ಮ ಕಲ್ಪನೆಗೆ ತಕ್ಕಂತೆ ವಿಶ್ವದ ಪ್ರಸಿದ್ಧ ವ್ಯಕ್ತಿಗಳು ಆರ್ಟಿಸ್ಟ್ಗಳನ್ನು ಬೇರೆ ಬೇರೆ ಪಾತ್ರದಲ್ಲಿ ಏಐ ಆರ್ಟಿಸ್ಟ್ಗಳು ಚಿತ್ರಿಸುತ್ತಿದ್ದಾರೆ.
Ross and Rachel
ಎಐ ತಂತ್ರಜ್ಞಾನದಿಂದಾಗಿ ಕಲ್ಪನಾಲೋಕ ಧರೆಗಿಳಿದಿದ್ದು, ಕೆಲ ಕಲಾವಿದರು ತಮ್ಮ ಕಲ್ಪನೆಗೆ ಎಐ ಸಹಾಯ ಪಡೆದು ಚಿತ್ರ ವೈಭವವನ್ನು ಧರೆಗಿಳಿಸುತ್ತಿದ್ದಾರೆ. ಅದೇ ರೀತಿ ಈಗ ಎಐ ತಂತ್ರಜ್ಞಾನ ಬಳಸಿ ಅಮೆರಿಕಾದ ಜನಪ್ರಿಯ ಶೋ ಫ್ರೆಂಡ್ಸ್ನ ಪಾತ್ರಧಾರಿಗಳು ಭಾರತೀಯ ಧಿರಿಸಿನಲ್ಲಿ ಹೇಗೆ ಕಾಣಿಸುತ್ತಾರೆ ಎಂಬುದನ್ನು ಕಲಾವಿದರೊಬ್ಬರು ಚಿತ್ರಿಸಿದ್ದು ಆ ಫೋಟೋಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
Phoebe and Mike
ಅಭಿನವ್ ಕುಮಾರ್ ಎಂಬುವವರ ಟ್ವಿಟ್ಟರ್ನಲ್ಲಿ ಹಾಗೂ 𝗜𝗺𝗮𝗴𝗶𝗻-𝗔𝗜-𝘁𝗶𝗼𝗻 ಎಂಬ ಇನ್ಸ್ಟಾಗ್ರಾಮ್ ಪೇಜ್ನಿಂದ ಈ ಫೋಟೋಗಳು ಪೋಸ್ಟ್ ಆಗಿದ್ದು ಎಲ್ಲರ ಗಮನ ಸೆಳೆಯುತ್ತಿವೆ. ಈ ಪೋಸ್ಟ್ನ್ನು ಐದು ಲಕ್ಷಕ್ಕೂ ಅಧಿಕ ಜನ ವೀಕ್ಷಿಸಿದ್ದಾರೆ. ಫ್ರೆಂಡ್ಸ್ ಸೀರಿಸ್ನ ಎಲ್ಲಾ ಜನಪ್ರಿಯ ಪಾತ್ರಧಾರಿಗಳ ಫೋಟೋಗಳು ಇದರಲ್ಲಿವೆ, ಮೋನಿಕಾ ಮತ್ತು ಚಾಂಡ್ಲರ್, ರಾಸ್ ಮತ್ತು ರಾಚೆಲ್, ಫೋಬೆ ಮತ್ತು ಮೈಕ್. ಹಾಗೂ ರಾಚೆಲ್, ಮೋನಿಕಾ ಮತ್ತು ರಾಸ್ ಅವರ ಸಿಂಗಲ್ ಫೋಟೋಗಳು ಇದರಲ್ಲಿವೆ.
Friends characters
ಈ ಫೋಟೋಗಳನ್ನು ನೋಡಿ ಅನೇಕರು ಕಾಮೆಂಟ್ ಮಾಡಿದ್ದಾರೆ. ಅಂದಹಾಗೆ ಈ ಫ್ರೆಂಡ್ಸ್ ಸಿರೀಸ್ ಅಮೆರಿಕಾದ ಜನಪ್ರಿಯ ಶೋ, ಮೂವರು ಹುಡುಗಿಯರು ಹಾಗೂ ಮೂವರು ಹುಡುಗರು ಬೆಸ್ಟ್ ಫ್ರಂಡ್ಗಳಾಗಿ ಜೀವನಪೂರ್ತಿ ಒಟ್ಟಿಗೆ ಒಂದೆಡೆ ಜೀವನ ನಡೆಸಲು ಬಯಸಿ ಒಂದೇ ಮನೆಯಲ್ಲಿ ವಾಸ ಮಾಡಲು ಶುರು ಮಾಡುವ ಕಥಾ ಹಂದರ ಹೊಂದಿರುವ ಸೀರಿಸ್ ಇದು.
Friends characters
ನ್ಯೂಯಾರ್ಕ್ನ ಒಂದೇ ಕಟ್ಟಡದ ಒಂದೇ ಅಪಾರ್ಟ್ಮೆಂಟ್ನಲ್ಲಿ ಈ ಆರೂ ಜನ ಜೊತೆಯಾಗಿ ಸ್ನೇಹಿತರಂತೆ ಬದುಕುತ್ತಾರೆ. ಒಬ್ಬರ ವ್ಯವಹಾರದಲ್ಲಿ ಮತ್ತೊಬ್ಬರು ಮೂಗು ತೂರಿಸುತ್ತಾ ಪರಸ್ಪರ ಒಬ್ಬರನ್ನೊಬ್ಬರು ಕಾಲೆಳೆಯುತ್ತಾ, ಮತ್ತೋಬ್ಬಳ ರೋಮ್ಯಾಂಟಿಕ್ ಗೆಳೆಯನನ್ನು ಸೆಳೆಯಲು ಯತ್ನಿಸುತ್ತಾ ಜಾಲಿಯಾಗಿ ಬದುಕುತ್ತಾರೆ.
Ross
ಆಗಿನ ಕಾಲಕ್ಕೆ ಇದು ಸಾಮಾನ್ಯ ಜನರು ಅನುಭವಿಸದ ಕಲ್ಪನೆಯನ್ನು ಮಾಡದ ಈ ಪಾತ್ರಗಳು ಆಗ ಜನರನ್ನು ಬಹಳವಾಗಿ ಸೆಳೆದಿದ್ದವರು. ಈ ಸೀರಿಸ್ ನೋಡಿದ ಪ್ರಪಂಚದೆಲ್ಲೆಡೆಯ ಯುವ ಸಮೂಹ ಈ ಫ್ರೆಂಡ್ಸ್ ಸಿರೀಸ್ನಿಂದ ಪ್ರಭಾವಿತರಾಗಿದ್ದರು.
monica
ನಟರಾದ ಜೆನ್ನಿಫರ್ ಅನಿಸ್ಟನ್, ಕೋರ್ಟೆನಿ ಕಾಕ್ಸ್, ಲಿಸಾ ಕುಡ್ರೋ, ಮ್ಯಾಟ್ ಲೆಬ್ಲಾಂಕ್, ಮ್ಯಾಥ್ಯೂ ಪೆರ್ರಿ ಈ ಸಿರೀಸ್ನಲ್ಲಿ ಪಾತ್ರಧಾರಿಗಳಾಗಿದ್ದರು,
rachel
1994ರಲ್ಲಿ ಆರಂಭವಾದ ಕಾಮಿಡಿ ಮಿಶ್ರಿತ ಶೋ 2004ರವರೆಗೆ ಪ್ರಸಾರವಾಗಿತ್ತು. ಕೆವಿನ್ ಬ್ರೈಟ್, ಡೇವಿಡ್ ಕ್ರೇನ್, ಗ್ರೆಗ್ ಮಾಲಿನ್ಸ್, ವಿಲ್ ಕ್ಯಾಲ್ಹೌನ್ ಜೊತೆಯಾಗಿ ಈ ಜನಪ್ರಿಯ ಫ್ರೆಂಡ್ಸ್ ಸಿರೀಸ್ನ ನಿರ್ಮಾಣ ಮಾಡಿದ್ದರು.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.