ಬೆಲೆಬಾಳುವ ಸಿಲ್ಕ್ ಸೀರೆಗಳ ಮೇಲೆ ಕಲೆಗಳಿವೆಯಾ, ಈಜಿಯಾಗಿ ತೆಗೆಯೋದು ಹೇಗೆ?
ಬೆಲೆಬಾಳುವ ಸಿಲ್ಕ್ ಸೀರೆಗಳ ಮೇಲೆ ಕಲೆಯಾದ್ರೆ ಬೇಸರ ಆಗುತ್ತೆ ಅಲ್ಲವೇ, ಆದರೆ ಅದಕ್ಕೆಲ್ಲಾ ಹೆಚ್ಚು ಚಿಂತಿಸುವ ಅಗತ್ಯವಿಲ್ಲ. ಈಗ ಕಲೆ ತೆಗೆಯೋದು ಬಹಳ ಸುಲಭ. ಹೇಗಂತೀರಾ?. ಮುಂದೆ ಓದಿ..
ಸಿಲ್ಕ್ ಸೀರೆಯ ಮೇಲೆ ಕಲೆಗಳಾ?
ಟ್ರೆಂಡಿ ಡ್ರೆಸ್ಸುಗಳು ಬಂದ್ರೂ ಸೀರೆಗೆ ಮಾತ್ರ ಒಂದು ಸ್ಪೆಷಲ್ ಅಟ್ರಾಕ್ಷನ್ ಇದ್ದೇ ಇರುತ್ತೆ. ಫೆಸ್ಟಿವಲ್ ಅಥವಾ ಮದುವೆಗೆ ಸೀರೆ ಉಟ್ಟರೆ ಚೆನ್ನಾಗಿ ಕಾಣ್ತಿವಿ. ಸಾಮಾನ್ಯ ಸೀರೆಗಿಂತ ಸಿಲ್ಕ್ ಸೀರೆಗೆ ಡಿಮ್ಯಾಂಡ್ ಜಾಸ್ತಿ. ಮನೆಯಲ್ಲಿ ಯಾವುದೇ ಶುಭ ಕಾರ್ಯ ಇದ್ದರೂ ಸಿಲ್ಕ್ ಸೀರೆ ಉಡಲೇಬೇಕು. ಆದರೆ ಸಿಲ್ಕ್ ಸೀರೆಯ ಮೇಲೆ ಕಲೆ ಬಿದ್ರೆ ಏನು ಮಾಡೋದು? ಬೆಲೆಬಾಳುವ ಸಿಲ್ಕ್ ಸೀರೆಯ ಮೇಲೆ ಕಲೆ ಬಿದ್ರೆ ಬೇಸರ ಆಗುತ್ತೆ. ಕಲೆ ತೆಗೆಯೋದು ಕಷ್ಟ. ಸಾಮಾನ್ಯ ಡ್ರೆಸ್ ಗಳ ಹಾಗೆ ಸೋಪಿನಿಂದ ತೊಳೆಯೋಕೆ ಆಗಲ್ಲ. ಹಾಗಾದ್ರೆ ಕಲೆ ತೆಗೆಯೋದು ಹೇಗೆ ಅಂತ ಯೋಚಿಸ್ತಿದ್ದೀರಾ? ಸಿಂಪಲ್ ಟಿಪ್ಸ್ ಇಲ್ಲಿವೆ.
ಹೇಗೆ ತೊಳೆಯಬೇಕು?
ತಣ್ಣೀರು ಬಳಸಿ: ಬಿಸಿ ನೀರಿನ ಬದಲು ತಣ್ಣೀರಿನಲ್ಲಿ ಸಿಲ್ಕ್ ಸೀರೆಗಳನ್ನು ತೊಳೆಯುವುದು ಮುಖ್ಯ. ಬಿಸಿ ನೀರಿನಲ್ಲಿ ತೊಳೆದರೆ ಸೀರೆ ಹಾಳಾಗುತ್ತದೆ. ಸೀರೆಯ ಹೊಳಪು ಕಡಿಮೆಯಾಗುವ ಸಾಧ್ಯತೆ ಇದೆ. ತಣ್ಣೀರು ಮೃದುವಾಗಿರುತ್ತದೆ. ಸೀರೆಯ ಬಣ್ಣ ಹೋಗುವುದು, ಹೊಳಪು ಕಡಿಮೆಯಾಗುವುದು ಮುಂತಾದ ಸಮಸ್ಯೆ ಇರುವುದಿಲ್ಲ.
ಮೈಲ್ಡ್ ಸೋಪ್: ಸಿಲ್ಕ್ ಸೀರೆಗಳನ್ನು ಯಾವುದೇ ಸೋಪಿನಿಂದ ತೊಳೆಯಬಾರದು. ಸಿಲ್ಕ್ ಸೀರೆಗಳಿಗೆಂದೇ ತಯಾರಿಸಿದ ಸೋಪುಗಳು ಮಾರ್ಕೆಟ್ ನಲ್ಲಿ ಸಿಗುತ್ತವೆ. ರಫ್ ಸೋಪು ಬಳಸಿದರೆ ಸೀರೆಯ ಸಿಲ್ಕ್ ಹಾಳಾಗುತ್ತದೆ. ಸೀರೆಯ ಬಣ್ಣ ಹೋಗಿ ಕಳೆ ಕಡಿಮೆಯಾಗುತ್ತದೆ. ಸೋಪಿನ ಲೇಬಲ್ ಮೇಲೆ ಯಾವ ಬಟ್ಟೆಗಳಿಗೆ ಬಳಸಬೇಕು ಎಂದು ಬರೆದಿರುತ್ತದೆ. ಅದನ್ನು ಓದಿ ಬಳಸಿ.
ಹೇಗೆ ಒಣಗಿಸಬೇಕು?
ಕೈಯಿಂದ ಮೃದುವಾಗಿ ತೊಳೆಯಿರಿ: ಸಿಲ್ಕ್ ಸೀರೆಗಳನ್ನು ವಾಷಿಂಗ್ ಮಷೀನ್ ನಲ್ಲಿ ತೊಳೆಯಬೇಡಿ. ಬಕೆಟ್ ನಲ್ಲಿ ತಣ್ಣೀರು ತುಂಬಿ ಸಿಲ್ಕ್ ಸೀರೆಗಳಿಗೆ ಬಳಸುವ ಲಿಕ್ವಿಡ್ ಹಾಕಿ. ಸೀರೆಯನ್ನು ಸ್ವಲ್ಪ ಹೊತ್ತು ನೆನೆಯಲು ಬಿಡಿ. ನಂತರ ತಣ್ಣೀರಿನಿಂದ ತೊಳೆಯಿರಿ. ಇತರೆ ಬಟ್ಟೆಗಳ ಹಾಗೆ ಸಿಲ್ಕ್ ಸೀರೆಗಳನ್ನು ಒಗೆಯಬಾರದು. ಸುಕ್ಕು ಬೀಳುತ್ತದೆ.
ಗಾಳಿಯಲ್ಲಿ ಒಣಗಿಸಿ: ಸಿಲ್ಕ್ ಸೀರೆಗಳನ್ನು ಯಾವಾಗಲೂ ಗಾಳಿಯಲ್ಲಿ ಒಣಗಿಸಬೇಕು. ಹೀಟರ್ ಅಥವಾ ಸ್ಟೀಮರ್ ಬಳಸಬೇಡಿ. ನೇರ ಸೂರ್ಯನ ಬೆಳಕು ಬೀಳದ ಸ್ಥಳದಲ್ಲಿ ಸೀರೆಯನ್ನು ಒಣಗಿಸಿ. ಸೀರೆ ಒಣಗಿದ ಮೇಲೆ ಕಡಿಮೆ ಉಷ್ಣತೆಯಲ್ಲಿ ಇಸ್ತ್ರಿ ಮಾಡಿ.
ಕಲೆ ತೆಗೆಯುವುದು ಹೇಗೆ?
ಸಿಲ್ಕ್ ಸೀರೆಯ ಮೇಲೆ ಎಣ್ಣೆ ಕಲೆ ಬಿದ್ದರೆ ತಕ್ಷಣ ತಣ್ಣೀರಿನಲ್ಲಿ ನೆನೆಸಿದ ಹತ್ತಿ ಬಟ್ಟೆಯಿಂದ ಒರೆಸಿ. ಹತ್ತಿ ಬಟ್ಟೆ ಇಲ್ಲದಿದ್ದರೆ ಟಿಶ್ಯೂ ಪೇಪರ್ ನಿಂದ ಒರೆಸಿ. ಒತ್ತಿ ಉಜ್ಜಬೇಡಿ. ಕಲೆ ಹರಡುತ್ತದೆ.
ನಂತರ ಟಾಲ್ಕಮ್ ಪೌಡರ್ ಹಾಕಿ ತಣ್ಣೀರಿನಿಂದ ತೊಳೆಯಿರಿ. ಎಣ್ಣೆ, ಮಣ್ಣು ತೆಗೆಯುತ್ತದೆ. ಬಿಸಿ ನೀರಿನಲ್ಲಿ ತೊಳೆಯಬೇಡಿ. ತಣ್ಣೀರಿನಿಂದಲೇ ತೊಳೆಯಿರಿ.
ಲಿಕ್ವಿಡ್ ಸೋಪಿನಿಂದ...
ಎಣ್ಣೆಯಿಂದ ಆಗದ ಕಲೆಗಳನ್ನು ಸೋಪಿನ ದ್ರಾವಣದಿಂದ ತೆಗೆಯಬಹುದು. ಮೈಲ್ಡ್ ಲಿಕ್ವಿಡ್ ಸೋಪನ್ನು ತಣ್ಣೀರಿನಲ್ಲಿ ಕರಗಿಸಿ ಶುಭ್ರವಾದ ಹತ್ತಿ ಬಟ್ಟೆಯನ್ನು ಅದರಲ್ಲಿ ಮುಳುಗಿಸಿ. ಕಲೆ ಇರುವ ಜಾಗದಲ್ಲಿ ಮೃದುವಾಗಿ ಉಜ್ಜಿ. ನಂತರ ತಣ್ಣೀರಿನಿಂದ ತೊಳೆಯಿರಿ. ಸೋಪಿನ ನೊರೆ ತೆಗೆಯುತ್ತದೆ. ಸೀರೆ ಹಾಳಾಗದೆ ಕಲೆಗಳು ತೆಗೆಯುತ್ತವೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
