ಸರಾಸರಿ ಮಾಸಿಕ ವೇತನ: ದೇಶದಲ್ಲಿಯೇ 2ನೇ ಸ್ಥಾನದಲ್ಲಿ ಕರ್ನಾಟಕ, ಸಿಗೋ ಸ್ಯಾಲರಿ ಎಷ್ಟು?

ಫೋರ್ಬ್ಸ್ ಅಡ್ವೈಸರ್‌ ಇಂಡಿಯಾ ವರದಿಯ ಪ್ರಕಾರ, ಭಾರತದ ಸರಾಸರಿ ಮಾಸಿಕ ವೇತನ ₹28,000 ಆಗಿದೆ. ದೆಹಲಿ ₹35,000 ದೊಂದಿಗೆ ಮೊದಲ ಸ್ಥಾನದಲ್ಲಿದ್ದರೆ, ಕರ್ನಾಟಕ ₹33,000 ದೊಂದಿಗೆ ಎರಡನೇ ಸ್ಥಾನದಲ್ಲಿದೆ. ಬಿಹಾರ, ಅರುಣಾಚಲ ಪ್ರದೇಶದಂತಹ ರಾಜ್ಯಗಳು ಅತಿ ಕಡಿಮೆ ವೇತನ ಹೊಂದಿರುವ ರಾಜ್ಯಗಳ ಪಟ್ಟಿಯಲ್ಲಿವೆ.

Image Credit : Getty

ಫೋರ್ಬ್ಸ್ ಅಡ್ವೈಸರ್‌ ಇಂಡಿಯಾ ನೀಡಿರುವ ವರದಿಯಲ್ಲಿ ಇಡೀ ದೇಶದ ಜನರ ಸರಾಸರಿ ಮಾಸಿಕ ವೇತನ 28 ಸಾವಿರ ರೂಪಾಯಿ ಆಗಿದೆ. ಲಡಾಕ್‌, ದಾದ್ರಾ ಹಾಗೂ ಲಕ್ಷದ್ವೀಪದ ಜನರ ಮಾಸಿಕ ಆದಾಯದ ಸಮೀಕ್ಷೆಯನ್ನು ಮಾಡಲಾಗಿಲ್ಲ.

Image Credit : Getty

ದೇಶದಲ್ಲಿ ಗರಿಷ್ಠ ಮಾಸಿಕ ಸರಾಸರಿ ವೇತನ ಹೊಂದಿರುವ ರಾಜ್ಯಗಳ ಪೈಕಿ ದೆಹಲಿ ಅಗ್ರಸ್ಥಾನದಲ್ಲಿದೆ. ರಾಷ್ಟ್ರ ರಾಜಧಾನಿ ದೆಹಲಿಯ ಮಾಸಿಕ ಸರಾಸರಿ ವೇತನ 35 ಸಾವಿರ ರೂಪಾಯಿ ಆಗಿದೆ.

Image Credit : Getty

2ನೇ ಸ್ಥಾನದಲ್ಲಿ ದಕ್ಷಿಣದ ಕರ್ನಾಟಕವಿದ್ದು, ಕರ್ನಾಟಕದಲ್ಲಿ ಮಾಸಿಕ ಸರಾಸರಿ ವೇತನ 33 ಸಾವಿರ ರೂಪಾಯಿ ಆಗಿದೆ.

Image Credit : Gemini

ದೇಶದಲ್ಲಿಯೇ ಅತ್ಯಂತ ಶ್ರೀಮಂತ ರಾಜ್ಯವೆನಿಸಿರುವ ಮಹಾರಾಷ್ಟ್ರದ ಜನರ ಮಾಸಿಕ ಸರಾಸರಿ ವೇತನ 32 ಸಾವಿರ ರೂಪಾಯಿ ಆಗಿದ್ದು ಮೂರನೇ ಸ್ಥಾನದಲ್ಲಿದೆ. ನಂತರದ ಸ್ಥಾನದಲ್ಲಿ ತೆಲಂಗಾಣ (31 ಸಾವಿರ), ಹರಿಯಾಣ (30 ಸಾವಿರ) ರಾಜ್ಯಗಳಿದ್ದು ಟಾಪ್‌-5 ಸಂಪೂರ್ಣವಾಗಿದೆ.

Image Credit : Social media

ನಂತರದ ಐದು ಸ್ಥಾನಗಳಲ್ಲಿ ತಮಿಳುನಾಡು (29 ಸಾವಿರ), ಗುಜರಾತ್‌ (28 ಸಾವಿರ), ಉತ್ತರ ಪ್ರದೇಶ (27 ಸಾವಿರ), ಪಂಜಾಬ್‌ (25 ಸಾವಿರ) ಹಾಗೂ ಕೇರಳ (24,500) ರಾಜ್ಯಗಳಿವೆ.

Image Credit : AI generated

ಬಿಹಾರ (13,500), ಅರುಣಾಚಲ ಪ್ರದೇಶ (16 ಸಾವಿರ), ಜಮ್ಮು ಮತ್ತು ಕಾಶ್ಮೀರ (18 ಸಾವಿರ) ಜಾರ್ಖಂಡ್‌(19,500) ಹಾಗೂ ಛತ್ತೀಸ್‌ಗಢ (20 ಸಾವಿರ) ದೊಡ್ಡ ರಾಜ್ಯಗಳ ಪೈಕಿ ಅತೀ ಕಡಿಮೆ ಮಾಸಿಕ ಸರಾಸರಿ ವೇತನ ಹೊಂದಿರುವ ರಾಜ್ಯಗಳೆನಿಸಿವೆ.