ಎಳ್ನೀರು ಆರೋಗ್ಯಕ್ಕೆ ಒಳ್ಳೇದು ಗೊತ್ತು, ಹಾಗಂಥ ಕೆಲವರಿಗಿದು ಆಗಿ ಬರೋಲ್ಲ, ಯಾರಿಗದು?

ಎಳನೀರು (tender coconut water) ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಇದನ್ನು ಕುಡಿಯುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳಿವೆ. ಎಳನೀರಿನಲ್ಲಿ ಅನೇಕ ಜೀವಸತ್ವಗಳು ಮತ್ತು ಖನಿಜಗಳು ಕಂಡುಬರುತ್ತವೆ. ಎಳನೀರು ಕಾರ್ಬೋಹೈಡ್ರೇಟ್ಸ್ ಮತ್ತು ಪೊಟ್ಯಾಷಿಯಮ್, ಸೋಡಿಯಂ ಮತ್ತು ಮೆಗ್ನೀಷಿಯಮ್‌ನಂಥ ಎಲೆಕ್ಟ್ರೋಲೈಟ್ಗಳಿಂದ ಸಮೃದ್ಧವಾಗಿದೆ, ಇದು ದೇಹವನ್ನು ಹೈಡ್ರೇಟ್ ಮಾಡಲು ಮತ್ತು ಎಲೆಕ್ಟ್ರೋಲೈಟ್ ಸಂಯೋಜನೆಯನ್ನು ಸುಧಾರಿಸಲು ಉಪಯುಕ್ತವಾಗಿದೆ. ಆದರೆ ಕೆಲವೊಮ್ಮೆ ಎಳನೀರು ಪ್ರಯೋಜನದ ಬದಲು ಆರೋಗ್ಯಕ್ಕೆ ಹಾನಿ ಮಾಡುತ್ತದೆ ಎಂದು ನಿಮಗೆ ತಿಳಿದಿದೆಯೇ. 

ವೆಬ್ಎಂಡಿಯಲ್ಲಿ ಪ್ರಕಟವಾದ ಸುದ್ದಿಯ ಪ್ರಕಾರ, ರಕ್ತದೊತ್ತಡ (Blood Pressure) ಅಥವಾ ಪೊಟ್ಯಾಸಿಯಮ್ ಸಮಸ್ಯೆ ಇರುವವರು ವೈದ್ಯರ ಸಲಹೆ ಮೇರೆಗೆ ಮಾತ್ರ ಇದನ್ನು ಸೇವಿಸಬೇಕು. ಎಳನೀರಿನ ಪ್ರಯೋಜನ ಎಷ್ಟಿದೆಯೋ? ಅದರಿಂದ ಉಂಟಾಗುವ ಅನಾನುಕೂಲತೆಗಳು ಸಹ ಅಷ್ಟೇ ಇವೆ. ಇದನ್ನು ಕುಡಿಯೋದ್ರಿಂದ ಏನೆಲ್ಲಾ ಸಮಸ್ಯೆಗಳು ಉಂಟಾಗುತ್ತವೆ ಅನ್ನೋದನ್ನು ತಿಳಿಯೋಣ..

ರಕ್ತದೊತ್ತಡ (Blood Pressure) ಕಡಿಮೆ ಮಾಡುತ್ತೆ: 
ಕಡಿಮೆ ರಕ್ತದೊತ್ತಡದ ಸಮಸ್ಯೆ  (blood pressure) ಇರುವವರು ಎಳನೀರು ಸೇವಿಸುವುದನ್ನು ತಪ್ಪಿಸಬೇಕು. ಇದನ್ನು ಕುಡಿಯುವುದರಿಂದ ರಕ್ತದೊತ್ತಡ ಕಡಿಮೆ ಮಾಡಬಹುದು. ಅಂತಹ ಪರಿಸ್ಥಿತಿಯಲ್ಲಿ, ಕಡಿಮೆ ರಕ್ತದೊತ್ತಡದ ಸಮಸ್ಯೆ ಇರುವವರು ವೈದ್ಯರ ಸಲಹೆಯ ನಂತರವೇ ಎಳನೀರನ್ನು ಸೇವಿಸಬೇಕು.

ಎಲೆಕ್ಟ್ರೋಲೈಟ್ ಅಸಮತೋಲನ: 
ಅಧಿಕ ಪೊಟ್ಯಾಷಿಯಮ್ (High potasium) ಸಮಸ್ಯೆ ಇರುವ ಜನರು ಎಳನೀರು ಕುಡಿಯುವ ಮೂಲಕ ಎಲೆಕ್ಟ್ರೋಲೈಟ್ ಅಸಮತೋಲನದ ಸಮಸ್ಯೆಗಳನ್ನು ಎದುರಿಸಬಹುದು. ವಾಸ್ತವವಾಗಿ, ಎಳನೀರಿನಲ್ಲಿ ಪೊಟ್ಯಾಷಿಯಮ್ ಪ್ರಮಾಣವು ಎಲೆಕ್ಟ್ರೋಲೈಟ್‌ಗಳಿಗಿಂತ ಹೆಚ್ಚಾಗಿದೆ, ಆದ್ದರಿಂದ ಅದನ್ನು ಹೆಚ್ಚು ಸೇವಿಸಿದರೆ, ಪೊಟ್ಯಾಷಿಯಮ್ ಮಟ್ಟವು ವೇಗವಾಗಿ ಹೆಚ್ಚಾಗುತ್ತದೆ ಮತ್ತು ಪಾರ್ಶ್ವವಾಯುವಿನ ಅಪಾಯ ಹೆಚ್ಚಾಗುತ್ತದೆ. ಅಂತಹ ಜನರು ಎಳನೀರು ಕುಡಿಯುವುದನ್ನು ತಪ್ಪಿಸಬೇಕು.

ತೂಕ ಹೆಚ್ಚಳ:
ಎಳನೀರು ಹೆಚ್ಚಿನ ಕ್ಯಾಲೊರಿಗಳನ್ನು ಹೊಂದಿರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಹೆಚ್ಚು ಎಳನೀರನ್ನು ಸೇವಿಸಿದರೆ, ಅದು ದೇಹದಲ್ಲಿ ಕ್ಯಾಲೊರಿಗಳನ್ನು ಹೆಚ್ಚಿಸುತ್ತದೆ ಮತ್ತು ನಿಮ್ಮ ತೂಕವೂ (weight gain) ಹೆಚ್ಚಾಗುತ್ತದೆ. ಆದ್ದರಿಂದ, ಇದನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಬಾರದು.

ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ
ನೀವು ಶಸ್ತ್ರಚಿಕಿತ್ಸೆಗೆ (Surgery) ಒಳಗಾಗಿದ್ದರೆ ಅಥವಾ ಶಸ್ತ್ರ ಚಿಕಿತ್ಸೆ ಮಾಡಲು ಹೊರಟಿದ್ದರೆ, ಮೊದಲು ಅಥವಾ ನಂತರ ರಕ್ತದೊತ್ತಡದ ಸಮತೋಲನವನ್ನು ಹೊಂದಿರುವುದು ಮುಖ್ಯ. ಎಳನೀರು ನಿಮ್ಮ ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ, ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಎಳನೀರನ್ನು ಸೇವಿಸಬೇಡಿ.

ಮೂತ್ರಪಿಂಡದ ಸಮಸ್ಯೆಗಳು (Kindney Issues) : 
ಎಳನೀರಿನಲ್ಲಿ ಸಾಕಷ್ಟು ಪೊಟ್ಯಾಸಿಯಮ್ ಇದೆ, ಇದು ಮೂತ್ರಪಿಂಡಗಳ (Kidney problem) ಮೇಲೆ ಪರಿಣಾಮ ಬೀರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಈಗಾಗಲೇ ಮೂತ್ರಪಿಂಡದ ಸಮಸ್ಯೆಗಳನ್ನು ಹೊಂದಿದ್ದರೆ, ನಿಮ್ಮ ವೈದ್ಯರಿಗೆ ತಿಳಿಸದೇ ಎಳನೀರನ್ನು ಕುಡಿಯಬೇಡಿ.

ಅತಿಸಾರ ಉಂಟಾಗಬಹುದು
ಎಳನೀರಿನಲ್ಲಿ ಮೊನೊಸ್ಯಾಕರೈಡ್ ಗಳು, ಫರ್ಮ್ಡೇಟ್ ಆಲಿಗೋಸ್ಯಾಕರೈಡ್ ಗಳು ಮತ್ತು ಪಾಲಿಯೋಲ್ ಗಳಿವೆ. ಇವು ಸಣ್ಣ-ಸರಪಳಿ ಕಾರ್ಬೋಹೈಡ್ರೇಟ್ ಗಳಾಗಿವೆ. ದೇಹದಲ್ಲಿ ಈ ಅಂಶಗಳ ಪ್ರಮಾಣವು ಹೆಚ್ಚಾಗಿದ್ದರೆ, ಅವು ದೇಹದಿಂದ ನೀರನ್ನು ಹೀರಿಕೊಳ್ಳಲು ಪ್ರಾರಂಭಿಸುತ್ತವೆ, ಇದು ಅತಿಸಾರ, ವಾಂತಿ-ಅತಿಸಾರ,ಗ್ಯಾಸ್ಟ್ರಿಕ್ ನಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಆದ್ದರಿಂದ ಪ್ರತಿದಿನ ಎಳನೀರು ಕುಡಿಯೋದರಿಂದ ತಪ್ಪಿಸಿ ಮತ್ತು ಯಾವಾಗಲಾದರು ಒಮ್ಮೆ ಮಾತ್ರ ಕುಡಿಯಿರಿ.