ಮೋದಿ ಸವಿದ ಜಲ್ಮುರಿಗೆ ಈಗ ಸಿಕ್ಕಾಪಟ್ಟೆ ಡಿಮಾಂಡ್​: ಮನೆಯಲ್ಲೇ ತಯಾರಿಸೋದು ಹೇಗೆ? ಹಂತ ಹಂತದ ಮಾಹಿತಿ ಇಲ್ಲಿದೆ

ಪಶ್ಚಿಮ ಬಂಗಾಳದ ಚುನಾವಣಾ ಪ್ರಚಾರದ ವೇಳೆ ಪ್ರಧಾನಿ ಮೋದಿ 10 ರೂಪಾಯಿಯ ಜಲ್ಮುರಿ ಸವಿದಿದ್ದು, ಈ ತಿನಿಸು ಭಾರೀ ಜನಪ್ರಿಯವಾಗಿದೆ. ಸಾಮಾನ್ಯ ಮಂಡಕ್ಕಿಗಿಂತ ಭಿನ್ನವಾದ, ಸಾಸಿವೆ ಎಣ್ಣೆಯ ವಿಶೇಷ ಸ್ಪರ್ಶವಿರುವ ಈ ಜಲ್ಮುರಿಯನ್ನು ತಯಾರಿಸುವ ಸಂಪೂರ್ಣ ವಿಧಾನವನ್ನು ಇಲ್ಲಿ ವಿವರಿಸಲಾಗಿದೆ.

Image Credit : Asianet News

ಮೋದಿ ಸವಿದ ಜಲ್ಮುರಿ

ಪಶ್ಚಿಮ ಬಂಗಾಳದ ಚುನಾವಣೆ ಇನ್ನೇನು ಸಮೀಪ ಆಗ್ತಿದೆ. 23 ಮತ್ತು 29ರಂದು ಎರಡು ಹಂತಗಳಲ್ಲಿ ಈ ಚುನಾವಣೆ ನಡೆಯಲಿದೆ. ಇದೇ ವೇಳೆ ಎಲ್ಲಾ ರಾಜಕೀಯ ಪಕ್ಷಗಳು ಬಿರುಸಿನಿಂದ ಪ್ರಚಾರ ಕಾರ್ಯದಲ್ಲಿ ತೊಡಗಿದೆ. ಪ್ರಧಾನಿ ನರೇಂದ್ರ ಮೋದಿ ಅವರೂ ಪ್ರಚಾರದಲ್ಲಿ ತೊಡಗಿದ್ದಾರೆ. ಹೇಗಾದರೂ ಮಾಡಿ ಈ ಬಾರಿ ದೀದೀ ಆಡಳಿತಕ್ಕೆ ತಿಲಾಂಜಲಿ ಇತ್ತು, ಮೋದಿ ಆಡಳಿತ ತರಬೇಕು ಎನ್ನುವ ಲೆಕ್ಕಾಚಾರ ಶುರುವಾಗಿದೆ. ಇದರ ನಡುವೆಯೇ, ನಿನ್ನೆ ಪ್ರಧಾನಿ ಅಲ್ಲಿಯ ಚಿಕ್ಕ ಅಂಗಡಿಯೊಂದಕ್ಕೆ ಭೇಟಿ ಕೊಟ್ಟು 10 ರೂಪಾಯಿಗಳ ಜಲ್ಮುರಿ ಖರೀದಿ ಮಾಡಿದರು, ಅಲ್ಲಿದ್ದವರಿಗೆ ಹಂಚಿದರು. ಇದಕ್ಕಾಗಿ ಈ ಜಲ್ಮುರಿಗೆ ಈಗ ಸಿಕ್ಕಾಪಟ್ಟೆ ಡಿಮಾಂಡ್​ ಬಂದಿದೆ. ಹಾಗಿದ್ದರೆ ಏನಿದು ಜಲ್ಮುರಿ, ಇದನ್ನು ಮಾಡೋದು ಹೇಗೆ ಎನ್ನೋದನ್ನು ಇಲ್ಲಿ ತಿಳಿಸಲಾಗಿದೆ.

Image Credit : X@Narendramodi

ಬೇಲ್​ಪುರಿ, ಕಡ್ಲೆ ಪುರಿಗಿಂತ ತುಸು ಭಿನ್ನ

ಸಾಮಾನ್ಯವಾಗಿ ಮಸಾಲೆ ಮಂಡಕ್ಕಿ, ಬೇಲ್​ಪುರಿ, ಕಡ್ಲೆ ಪುರಿ ಎಂದೆಲ್ಲಾ ನಮ್ಮಲ್ಲಿ ಕರೆಯೋದು ಮಾಮೂಲು. ನೋಡಲು ಅದೇ ರೀತಿ ಇರುತ್ತೆ ಜಲ್ಮುರಿ. ಆದರೆ ಇದನ್ನು ಮಾಡುವ ವಿಧಾನ ಸ್ವಲ್ಪ ವ್ಯತ್ಯಾಸ ಇರುವ ಕಾರಣ, ಟೇಸ್ಟ್​ನಲ್ಲಿಯೂ ತುಂಬಾ ವ್ಯತ್ಯಾಸ ಇರುತ್ತದೆ. ಜಲ್ಮುರಿಯಲ್ಲಿ ಅಗತ್ಯವಾಗಿ ಬೇಕಾದದ್ದು ಸಾಸಿವೆ ಎಣ್ಣೆ ಒಂದೆರಡು ಚಮಚ. ಇದನ್ನು ತಯಾರಿಸಲು ಬೇಕಾಗಿರುವ ಸಾಮಗ್ರಿ ಮಾಡುವ ವಿಧಾನ ಎಲ್ಲವುಗಳ ಬಗ್ಗೆ ಇಲ್ಲಿ ಡಿಟೇಲ್ಸ್​ ನೀಡಲಾಗಿದೆ.

Image Credit : X@Narendramodi

ಬೇಕಾಗುವ ಸಾಮಗ್ರಿಗಳು:

• 1-2 ಚಮಚ ಸಾಸಿವೆ ಎಣ್ಣೆ (ಇದೇ ಈ ತಿನಿಸಿನ ಹೈಲೈಟ್​- ಇದು ಅತ್ಯಗತ್ಯ)
• ಮಂಡಕ್ಕಿ (ಕಡ್ಲೆಪುರಿ- puffed rice) 2-3 ಕಪ್
• 1 ಮಧ್ಯಮ ಗಾತ್ರದ ಈರುಳ್ಳಿ,
• 1 ಟೊಮೆಟೊ,
• 1 ಸೌತೆಕಾಯಿ
• 1 ಚಿಕ್ಕ ಬೇಯಿಸಿದ ಆಲೂಗಡ್ಡೆ

ಇವೆಲ್ಲವನ್ನೂ ಚಿಕ್ಕದಾಗಿ ಕತ್ತರಿಸಿ ಇಟ್ಟುಕೊಳ್ಳಬೇಕು.

Image Credit : X@Narendramodi

ಇನ್ನಷ್ಟು ಸಾಮಗ್ರಿಗಳು

• 1/2 ಕಪ್ : ಯಾವುದಾದರೂ mixture (ಸೇವ್​, ಬಾಂಬೆ ಮಿಕ್ಸ್​ ಇತ್ಯಾದಿ)
• 2-3 ಚಮಚ: ಹುರಿದ ಕಡಲೆಕಾಯಿ
• 1/2 ಚಮಚ: ಹುರಿದ ಜೀರಿಗೆ ಪುಡಿ
• ರುಚಿಗೆ ತಕ್ಕಷ್ಟು: ಉಪ್ಪು,
• (ಸಾಮಾನ್ಯ ಉಪ್ಪಿನ ಜೊತೆ ಬ್ಲ್ಯಾಕ್​ ಸಾಲ್ಟ್​ ಸೇರಿಸಿದರೆ ಇನ್ನಷ್ಟು ಟೇಸ್ಟ್​ ಬರುತ್ತದೆ)
• 1-2: ಹಸಿರು ಮೆಣಸಿನಕಾಯಿ
• ನಿಂಬೆ ರಸ: 1 ಚಮಚ
• ಕೊತ್ತಂಬರಿ ಸೊಪ್ಪು: ಚಿಕ್ಕದ್ದಾಗಿ ಕತ್ತರಿಸಿದ್ದು

Image Credit : X@Narendramodi

ಮಾಡುವ ವಿಧಾನ

• ಮಂಡಕ್ಕಿ ಅಥವಾ ಪುರಿ ಗರಿಗರಿ ಇಲ್ಲದಿದ್ದರೆ ಮೊದಲು ಅದನ್ನು 1 ನಿಮಿಷ ಡ್ರೈ ಫ್ರೈ ಮಾಡಿಕೊಳ್ಳಿ
• ಇದಕ್ಕೆ ಕತ್ತರಿಸಿದ ಈರುಳ್ಳಿ, ಟೊಮೆಟೊ, ಸೌತೆಕಾಯಿ, ಬೇಯಿಸಿದ ಆಲೂಗಡ್ಡೆ, ಕಡಲೆಕಾಯಿ ಮತ್ತು ಮಿಕ್ಸರ್​ ಸೇರಿಸಿ.
• ಬಳಿಕ ಬ್ಲ್ಯಾಕ್​ ಸಾಲ್ಟ್​, ಮಾಮೂಲು ಉಪ್ಪು, ಹುರಿದ ಜೀರಿಗೆ ಪುಡಿ, ಹಸಿರು ಮೆಣಸಿನಕಾಯಿ ಸೇರಿಸಿ.
• ಕೊನೆಯಲ್ಲಿ 1-2 ಟೀ ಚಮಚ ಖಾರದ ಸಾಸಿವೆ ಎಣ್ಣೆಯನ್ನು ಸೇರಿಸಿ.
• ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ, ನಂತರ ನಿಂಬೆ ರಸ ಮತ್ತು ಕೊತ್ತಂಬರಿ ಸೊಪ್ಪನ್ನು ಮೇಲಕ್ಕೆ ಹಾಕಿ. ತಕ್ಷಣ ಸೇವಿಸಬೇಕು. ಇಲ್ಲದಿದ್ದರೆ ಅವು ಪಿಚಿಪಿಚಿಯಾಗಿ ತಿನ್ನಲು ಚೆನ್ನಾಗಿರುವುದಿಲ್ಲ.

Image Credit : ANI

ಸಲಹೆಗಳು:

ಉಪ್ಪಿನಕಾಯಿ ಎಣ್ಣೆ: ನಿಜವಾದ ಸುವಾಸನೆಗಾಗಿ ಸಾಸಿವೆ ಎಣ್ಣೆಯ ಬದಲಿಗೆ ಮಾವಿನ ಉಪ್ಪಿನಕಾಯಿ ಎಣ್ಣೆಯನ್ನು ಬಳಸಬಹುದು.

ಗರಿಗರಿಯಾದ ಸೇವ್ ಅಥವಾ ಭುಜಿಯಾ ಬಳಸಿದರೆ ಸಕತ್​ ಟೇಸ್ಟ್​ ಸಿಗುತ್ತದೆ.