ನೀವು ವೆಜಿಟೇರಿಯನ್ ಎಂದು ತಿನ್ನುತ್ತಿರೋ ಈ ಆಹಾರಗಳು ನಾನ್ ವೆಜ್!

ನೀವು ವೆಜಿಟೇರಿಯನ್ ಎಂದು ತಿನ್ನುವಂತಹ ಎಲ್ಲಾ ಆಹಾರಗಳು ಸಸ್ಯಹಾರ ಆಗಿರೋದಿಲ್ಲ, ಅವುಗಳಲ್ಲಿ ನಾನ್ ವೆಜ್ ಕೂಡ ಇರುತ್ತೆ. ಅಂತಹ ಆಹಾರಗಳು ಯಾವುವು ನೋಡೋಣ.   

ಲೋಕದಲ್ಲಿ ಎಲ್ಲಾ ರೀತಿಯ ಜನರಿದ್ದಾರೆ. ಕೆಲವರು ಸಸ್ಯಾಹಾರಿ ಆಹಾರವನ್ನು (vehetarian food) ಇಷ್ಟಪಡುತ್ತಾರೆ ಮತ್ತು ಕೆಲವರು ಮಾಂಸಾಹಾರಿ ಆಹಾರವನ್ನು ಇಷ್ಟಪಡುತ್ತಾರೆ. ಇದರಿಂದಾಗಿ ಮಾರುಕಟ್ಟೆಯಲ್ಲಿ ವಿವಿಧ ರೀತಿಯ ಆಹಾರ ಪದಾರ್ಥಗಳು ಲಭ್ಯವಿದೆ.

ಆದರೆ ಸಸ್ಯಾಹಾರಿಗಳು ವೆಜ್ ಎಂದು ಭಾವಿಸಿ ತಿನ್ನುವ ಕೆಲವು ಆಹಾರ ಪದಾರ್ಥಗಳಿವೆ, ಆದರೆ ವಾಸ್ತವದಲ್ಲಿ ಅವು ಮಾಂಸಾಹಾರಿಗಳಾಗಿವೆ (Nonveg food). ಆ ಆಹಾರಗಳು ಯಾವುವು ಅನ್ನೋದನ್ನು ಇಲ್ಲಿ ನೀಡಿದ್ದೀವಿ. 

ನಾವು ತಿನ್ನುವ ಎಲ್ಲಾ ಆಹಾರಗಳಲ್ಲಿ ಬಹಳಷ್ಟು ಎಣ್ಣೆಯನ್ನು ಬಳಸಲಾಗುತ್ತದೆ. ನೀವು ಶುದ್ಧ ಸಸ್ಯಾಹಾರಿಗಳಾಗಿದ್ದರೆ ಅದರಲ್ಲಿ ಒಮೆಗಾ 3 ಕೊಬ್ಬಿನಾಮ್ಲವಿದೆಯೇ (Omega 3 fatty acid) ಅಥವಾ ಇಲ್ಲವೇ ಎಂಬುದನ್ನು ಚೆಕ್ ಮಾಡಿ. ದೇಹದಲ್ಲಿ ವಿಟಮಿನ್ ಡಿ ಕೊರತೆಯನ್ನು ನೀಗಿಸಲು, ಮೀನಿನಿಂದ ಹೊರತೆಗೆಯಲಾದ ಒಮೆಗಾ 3 ಅನ್ನು ಕೆಲವು ಎಣ್ಣೆಗಳಿಗೆ ಸೇರಿಸಲಾಗುತ್ತದೆ.

ಮೊಸರನ್ನು ಹಾಲಿನಿಂದ ತಯಾರಿಸಲಾಗುತ್ತದೆ, ಆದರೆ ಜನರು ಅದನ್ನು ಸಸ್ಯಾಹಾರಿ ಎಂದು ಪರಿಗಣಿಸುತ್ತಾರೆ. ಮಾರುಕಟ್ಟೆಯಿಂದ ಖರೀದಿಸಿದ ಮೊಸರಿನಲ್ಲಿ ಜೆಲಾಟಿನ್ ಇದ್ದರೆ, ಅದು ಸಸ್ಯಾಹಾರಿ ಅಲ್ಲ ಅನ್ನೋದು ನಿಮಗೆ ತಿಳಿದಿರಲಿ.

ಬಿಳಿ ಸಕ್ಕರೆಯಲ್ಲಿ ನೈಸರ್ಗಿಕ ಕಾರ್ಬನ್ (natural carbon) ಬಳಸಲಾಗುತ್ತದೆ. ನ್ಯಾಚುರಲ್ ಕಾರ್ಬನ್ ಪ್ರಾಣಿಗಳ ಮೂಳೆಗಳಿಂದ ತಯಾರಿಸಲ್ಪಟ್ಟ ಮೂಳೆ ಇದ್ದಿಲು ಎಂದು ತಿಳಿದರೆ ನಿಮಗೆ ಶಾಕ್ ಆಗೋದು ಖಚಿತ.

ಫ್ರುಟ್ ಜಾಮ್ (fruit jam) ಹೆಸರಿನಲ್ಲಿ ಹೊರಗೆ ಮಾರಾಟವಾಗುವ ಪ್ರತಿಯೊಂದು ಜಾಮ್ ಶುದ್ಧ ಸಸ್ಯಾಹಾರಿಯಲ್ಲ. ಪ್ರಾಣಿಗಳ ದೇಹದಲ್ಲಿ ಇರುವ ಜೆಲಾಟಿನ್ ಅನ್ನು ಜಾಮ್ ಮಾಡಲು ಬಳಸಲಾಗುತ್ತದೆ.

ಬೇಕರಿಗಳಲ್ಲಿ ಲಭ್ಯವಿರುವ ಕೇಕ್, ಪೇಸ್ಟ್ರಿ ಅಥವಾ ಫ್ರುಟ್ ಕೇಕ್‌ಗಳನ್ನು (fruit cake) ಶುದ್ಧ ಸಸ್ಯಾಹಾರಿ ಎಂದು ಪರಿಗಣಿಸುವ ತಪ್ಪನ್ನು ಮಾಡಬೇಡಿ. ಯಾಕಂದ್ರೆ, ಕೇಕ್ ತಯಾರಿಸುವಾಗ, ಮೊಟ್ಟೆಯನ್ನು ಅದಕ್ಕೆ ಸೇರಿಸಲಾಗುತ್ತದೆ.

ಮಾರುಕಟ್ಟೆಯಲ್ಲಿ ಲಭ್ಯವಿರುವ ಡೋನಟ್‌ಗಳನ್ನು ಮಕ್ಕಳು ಬಹಳ ಇಷ್ಟಪಟ್ಟು ತಿನ್ನುತ್ತಾರೆ ಆದರೆ ಈ ಡೋನಟ್‌ಗಳು ಹಲವು ವಿಧಗಳು ಬಾತುಕೋಳಿ ಗರಿಗಳಲ್ಲಿ ಕಂಡುಬರುವ ಅಮೈನೋ ಆಮ್ಲದ ಎಲ್-ಸಿಸ್ಟೀನ್ ಅನ್ನು ಹೊಂದಿರುತ್ತವೆ.