Ponniyin Selvan 2: ನೀಲಿ ಬಣ್ಣದ ಸೀರೆಯಲ್ಲಿ ಅಪ್ಸರೆಯಂತೆ ಮಿಂಚಿದ ತ್ರಿಷಾ ಕೃಷ್ಣನ್
ದಕ್ಷಿಣ ಭಾರತದ ಖ್ಯಾತ ನಟಿ, ತಮಿಳು ಸುಂದರಿ ತ್ರಿಷಾ ಕೃಷ್ಣನ್ ಬಹುತೇಕರ ಫೇವರಿಟ್. ಕೋಟ್ಯಾಂತರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಸಿನಿಮಾರಂಗದಲ್ಲಿ ಇಂದಿಗೂ ಅದೇ ಬೇಡಿಕೆ ಇಟ್ಟುಕೊಂಡಿರುವ ತ್ರಿಷಾ ಸ್ಟಾರ್ ಆಗಿ ಮೆರೆಯುತ್ತಿದ್ದಾರೆ. ಪೊನ್ನಿಯಿನ್ ಸೆಲ್ವನ್ 2ರ ಗ್ರ್ಯಾಂಡ್ ಟ್ರೇಲರ್ ಬಿಡುಗಡೆ ಸಮಾರಂಭದಲ್ಲಿ ತ್ರಿಷಾ ಸಖತ್ತಾಗಿ ಮಿಂಚಿದರು. ಆ ಫೋಟೋಸ್ ಇಲ್ಲಿವೆ.
ನಿರ್ದೇಶಕ ಮಣಿರತ್ನಂ ಅವರ ಚಿತ್ರ ಪೊನ್ನಿಯಿನ್ ಸೆಲ್ವನ್ ಈಗಾಗಲೇ ಎಲ್ಲೆಡೆ ಸಂಚಲನ ಮೂಡಿಸಿದೆ. ಪೊನ್ನಿಯಿನ್ ಸೆಲ್ವನ್ 2ರ ಗ್ರ್ಯಾಂಡ್ ಟ್ರೇಲರ್ ಬಿಡುಗಡೆ ಸಮಾರಂಭ ಇತ್ತೀಚಿಗೆ ನಡೆಯಿತು. ಟ್ರೇಲರ್ ಲಾಂಚ್ ಕಾರ್ಯಕ್ರಮದಲ್ಲಿ ಬಾಲಿವುಡ್ ಬೆಡಗಿ ಐಶ್ವರ್ಯಾ ರೈ ಜೊತೆ ಸೌತ್ ನಟಿ ತ್ರಿಷಾ ಕೃಷ್ಣನ್ ಸೇರಿ ಹಲವು ನಟ-ನಟಿಯರು ಭಾಗವಹಿಸಿದ್ದರು.
ಹಲವು ತೆಲುಗು, ತಮಿಳು, ಕನ್ನಡ ಚಿತ್ರಗಳಲ್ಲಿ ನಟಿಸಿರುವ ತ್ರಿಷಾ ಕೃಷ್ಣನ್ ಪೊನ್ನಿಯಿನ್ ಸೆಲ್ವನ್-1 ಚಿತ್ರದ ಪ್ರಮೋಷನ್ನಲ್ಲಿ ಅತ್ಯಾಕರ್ಷಕ ಸ್ಯಾರಿಗಳಲ್ಲಿ ಮಿಂಚಿದ್ದರು. ಹಾಗೆಯೇ ಪೊನ್ನಿಯಿನ್ ಸೆಲ್ವನ್-2 ಟ್ರೇಲರ್ ಲಾಂಚ್ನಲ್ಲಿಯೂ ಎಲ್ಲರ ಗಮನ ಸೆಳೆದಿದ್ದಾರೆ. ಚಿತ್ರದಲ್ಲಿ ಕುಂದವಯಿ ಪಾತ್ರವನ್ನು ನಿರ್ವಹಿಸುತ್ತಿರುವ ನಟಿ, ಈವೆಂಟ್ಗಾಗಿ ನೀಲಿ ಬಣ್ಣದ ಸೀರೆಯನ್ನು ಧರಿಸಿ ಮಿಂಚಿದರು.
ತ್ರಿಷಾ ಅವರ ಉಡುಗೆಯು ಟ್ರೇಲರ್ನ ಭವ್ಯತೆಯನ್ನು ಪ್ರತಿಬಿಂಬಿಸುತ್ತದೆ. ಟೀಲ್ ಬ್ಲೂ ಕಲರ್ ನ ಸೀರೆಯು ಬೆಳ್ಳಿಯ ಹೊಳೆಯುವ ಮೋಟಿಫ್ಗಳು ಮತ್ತು ಹೆಚ್ಚು ಕಸೂತಿಯಿಂದ ತುಂಬಿತ್ತು. ಗಾಢ-ನೀಲಿ ಪರದೆಯ ಅಂಚು ಬೆಳ್ಳಿಯಲ್ಲೂ ಹೂವಿನ ಡಿಸೈನ್ ಮಾಡಲಾಗಿತ್ತು.
ಉದ್ದನೆಯ ತೋಳಿನ ಬ್ಲೌಸ್ ಹೆವಿ ಕಸೂತಿಯನ್ನು ಒಳಗೊಂಡಿತ್ತು. ಇದಕ್ಕೆ ತಕ್ಕುದಾದ ಚೋಕರ್, ಜುಮ್ಕಾ ಒಟ್ಟಾರೆ ಲುಕ್ನ್ನು ಇನ್ನಷ್ಟು ಅಟ್ರ್ಯಾಕ್ಟಿವ್ ಮಾಡಿತ್ತು.
ಪಿಂಕ್ ಅನಾರ್ಕಲಿ ಸೆಟ್ನಲ್ಲಿ ಆಗಮಿಸಿದ ಐಶ್ವರ್ಯಾ ರೈ ಬಚ್ಚನ್, ಕ್ರೀಮ್ ಕಲರ್ ಡ್ರೆಸ್ನಲ್ಲಿ ಐಶ್ವರ್ಯಾಲಕ್ಷಿ, ಬ್ಲ್ಯಾಕ್ ಸೂಟ್ನಲ್ಲಿ ಆಗಮಿಸಿದ ಜಯಂರವಿ, ಚಿಯಾನ್ ವಿಕ್ರಮ್, ಕಾರ್ತಿ ಕೂಡ ಈ ಸಮಾರಂಭದಲ್ಲಿ ಭಾಗವಹಿಸಿದ್ದರು.
ಪೊನ್ನಿಯಿನ್ ಸೆಲ್ವನ್ 1 ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮ ನಿಜಕ್ಕೂ ಅದ್ಧೂರಿಯಾಗಿಯೇ ನಡೆದಿತ್ತು. ಚೆನ್ನೈನಲ್ಲಿ ನಡೆದ ಸಮಾರಂಭದಲ್ಲಿ ರಜನಿಕಾಂತ್, ಕಮಲ್ ಹಾಸನ್ನಿಂದ ಸೇರಿದಂತೆ ಹಲವಾರು ಸೆಲೆಬ್ರಿಟಿಗಳು ಭಾಗವಹಿಸಿದ್ದರು.
ಚಿತ್ರಕ್ಕೆ ಎಆರ್ ರೆಹಮಾನ್ ಸಂಗೀತವಿದೆ. ಪೊನ್ನಿಯನ್ ಸೆಲ್ವನ್-2 ಮುಂದಿನ ತಿಂಗಳು ಏಪ್ರಿಲ್ 28 ರಂದು ತೆರೆಗೆ ಬರಲಿದೆ. 'ಲಿಯೋ' ಚಿತ್ರದಲ್ಲಿ ತಮಿಳಿನ ಸ್ಟಾರ್ ವಿಜಯ್ ದಳಪತಿ ಜೊತೆ ತ್ರಿಷಾ ಕೂಡ ನಟಿಸುತ್ತಿರುವುದು ಗೊತ್ತೇ ಇದೆ. ಕಾಶ್ಮೀರ ಶೆಡ್ಯೂಲ್ ನಂತರ ಮತ್ತೊಂದು ಶೆಡ್ಯೂಲ್ ಕೂಡ ಇತ್ತೀಚೆಗೆ ಚೆನ್ನೈನಲ್ಲಿ ಶುರುವಾಗಿದೆ.
ಪೊನ್ನಿಯಿನ್ ಸೆಲ್ವನ್ ಚಿತ್ರದ ಪ್ರಮೋಷನ್ಗೆ ಸಾಂಪ್ರದಾಯಿಕ ದಿರಿಸನ್ನು ಆರಿಸುವ ಮೂಲಕ ತ್ರಿಷಾ ಸೀರೆಗಳ ಮೇಲಿನ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ. ತ್ರಿಷಾ ಕೃಷ್ಣನ್ ತಮ್ಮ ಚಲನಚಿತ್ರ ಪ್ರಚಾರದ ನೋಟಕ್ಕಾಗಿ ಡಿಸೈನರ್ ಸೀರೆಗಳನ್ನು ಧರಿಸಿದ್ದರು. ಭಾರೀ ರೇಷ್ಮೆ ಸೀರೆ ಮತ್ತು ಸಿಂಪಲ್ ನೆಟೆಡ್ ಸೀರೆಯನ್ನು ಸಹ ಉಟ್ಟಿದ್ದರು.