Miss World 2023: ಕನ್ನಡತಿ, ಮಿಸ್‌ ಇಂಡಿಯಾ ಸಿನಿ ಶೆಟ್ಟಿ ಸ್ವಾತಂತ್ರ್ಯ ಹೋರಾಟಗಾರರ ಕುಟುಂಬದ ಕುಡಿ

2023ನೇ ಸಾಲಿನ 71ನೇ ಮಿಸ್‌ ವಲ್ಡ್ ಸ್ಪರ್ಧೆಯನ್ನು ಕಾಶ್ಮೀರದಲ್ಲಿ ಆಯೋಜನೆಯಾಗಿದ್ದು. ಡಿ.8ರಂದು ಕಾಶ್ಮೀರದಲ್ಲಿರುವ ಕಾಶ್ಮೀರ ಇಂಟರ್‌ನ್ಯಾಷನಲ್‌ ಕನ್ವೆನ್ಷನ್ ಸೆಂಟರ್‌ನಲ್ಲಿ ಅಂತಿಮ ಸುತ್ತಿನ ಸ್ಪರ್ಧೆ ನಡೆಯಲಿದೆ. 27 ವರ್ಷಗಳ ಬಳಿಕ ಭಾರತದಲ್ಲಿ ಈ ಪ್ರತಿಷ್ಠಿತ ಸೌಂದರ್ಯ ಸ್ಪರ್ಧೆ ನಡೆಯುತ್ತಿದ್ದು, ಕನ್ನಡತಿ ಸಿನಿ ಶೆಟ್ಟಿ ಭಾರತ ದೇಶವನ್ನು  ಪ್ರತಿನಿಧಿಸಲಿದ್ದಾರೆ. 

ಭಾರತದಲ್ಲಿ ಎರಡನೇ ಬಾರಿಗೆ ಸ್ಪರ್ಧೆ ನಡೆಯುತ್ತಿದೆ. 130 ದೇಶಗಳ ರೂಪದರ್ಶಿಯರು ಇದರಲ್ಲಿ ಭಾಗಿಯಾಗಲಿದ್ದಾರೆ. ಸಿನಿ ಶೆಟ್ಟಿ 2 ಆಗಸ್ಟ್ 2001 ರಂದು ಮಹಾರಾಷ್ಟ್ರದ ಮುಂಬೈನಲ್ಲಿ ಜನಿಸಿದರು. ಆದರೂ ಈಕೆ ಕನ್ನಡತಿ, ಕರಾವಳಿ ಬೆಡಗಿ, ಉಡುಪಿಯ ಜಿಲ್ಲೆಯ ಇನ್ನಂಜೆಯವರು. ವಿಶೇಷ ಸಂದರ್ಶನವೊಂದರಲ್ಲಿ, ಸಿನಿ ಶೆಟ್ಟಿ ತನ್ನ ಸಿದ್ಧತೆಗಳು ಮತ್ತು ಮಿಸ್ ವರ್ಲ್ಡ್ 2023 ರ ಪ್ರಯಾಣದ ಬಗ್ಗೆ ಮಾತನಾಡಿದ್ದಾರೆ.
 

'ನಮ್ಮದು 6 ಜನರ ಕುಟುಂಬ. ಜೀವನದಲ್ಲಿ ಉತ್ತಮ ಸಾಧನೆ ಮಾಡಲು ಎಲ್ಲರೂ ಸ್ಫೂರ್ತಿ ನೀಡುತ್ತಿದ್ದಾರೆ. ನನ್ನ ಹೆತ್ತವರು ಮಂಗಳೂರಿನ ಸಣ್ಣ ಪಟ್ಟಣದಿಂದ ಬಂದವರು. ನಂತರ ಮುಂಬೈಗೆ ಸ್ಥಳಾಂತರಗೊಂಡು ಹೊಟೇಲ್‌ ಉದ್ಯಮದಲ್ಲಿ ತೊಡಗಿದರು. ನನ್ನ ಸಹೋದರ, ಕ್ಯಾಲಿಫೋರ್ನಿಯಾದಲ್ಲಿ ಇಂಜಿನಿಯರ್ ಆಗಿದ್ದಾರೆ' ಎಂದು ಸಿನಿಶೆಟ್ಟಿ ತಿಳಿಸಿದ್ದಾರೆ.

ಹೋಟೆಲ್‌ ಉದ್ಯಮಿ ಸದಾನಂದ್‌ ಶೆಟ್ಟಿ ಮತ್ತು ಹೇಮಾ ಶೆಟ್ಟಿ ದಂಪತಿಯ ಪುತ್ರಿಯಾಗಿರುವ ಸಿನಿ ಶೆಟ್ಟಿ ನಟಿ, ಮಾಡೆಲ್ ಮತ್ತು ಕಂಟೆಂಟ್ ಕ್ರಿಯೇಟರ್ ಕೂಡ ಹೌದು.
 

ಸಿನಿ ಸದಾನಂದ ಶೆಟ್ಟಿ ಭಾರತೀಯ ಸೌಂದರ್ಯ ಸ್ಪರ್ಧೆಯ ಟೈಟಲ್ ಹೋಲ್ಡರ್, ಇವರು ಫೆಮಿನಾ ಮಿಸ್ ಇಂಡಿಯಾ ವರ್ಲ್ಡ್ 2022 ಕಿರೀಟ ಗೆದ್ದಿದ್ದಾರೆ. 2022ರಲ್ಲಿ ಫೆಮಿನಾ ಮಿಸ್ ಕರ್ನಾಟಕ ಕೂಡ ಗೆದ್ದಿದ್ದಾರೆ.

ಸಿನಿ ಶೆಟ್ಟಿ ತನ್ನ ಕುಟುಂಬ ಮತ್ತು ಮಿಸ್ ವರ್ಲ್ಡ್ 2023 ಗಾಗಿ ತನ್ನ ಸಿದ್ಧತೆಗಳ ಬಗ್ಗೆ ಮಾತನಾಡಿದ್ದಾರೆ, ತನ್ನ ಅಜ್ಜರಲ್ಲಿ ಒಬ್ಬರು ಸ್ವಾತಂತ್ರ್ಯ ಹೋರಾಟಗಾರರಾಗಿದ್ದ ಕುಟುಂಬದ ವಂಶಕ್ಕೆ ಸೇರಿದವರು ಮತ್ತು ಇನ್ನೊಬ್ಬರು ರಾಜಮನೆತನಕ್ಕೆ ಸೇರಿದವರು ಎಂದು ಬಹಿರಂಗಪಡಿಸಿದರು. ಸಿನಿ ಶೆಟ್ಟಿ ಖಾಸಗಿ ಕಂಪೆನಿಯೊಂದರಲ್ಲಿ ಪ್ರಾಡಕ್ಟ್ ಎಕ್ಸಿಕ್ಯೂಟಿವ್‌ ಆಗಿಯೂ ಕೆಲಸ ಮಾಡಿದ್ದಾರೆ.
 

'ನನಗೆ ಮಾರ್ಕೆಟಿಂಗ್‌ನಲ್ಲಿ ಹೆಚ್ಚಿನ ಆಸಕ್ತಿ ಇತ್ತು, ಅದಕ್ಕಾಗಿಯೇ ನಾನು ವೈರಲ್ ಫಿಶನ್ ಎಂಬ ಯೂತ್ ಮಾರ್ಕೆಟಿಂಗ್ ಸಂಸ್ಥೆಯಲ್ಲಿ ಇಂಟರ್‌ನಿಂಗ್ ಮಾಡಲು ಪ್ರಾರಂಭಿಸಿದೆ. ಇದು ಈಗ ಸರಿಸುಮಾರು 40000 ವಿದ್ಯಾರ್ಥಿಗಳ ಸಾಮರ್ಥ್ಯವನ್ನು ಹೊಂದಿದೆ ಮತ್ತು ನಾನು ಅಲ್ಲಿ ಉತ್ಪನ್ನ ಕಾರ್ಯನಿರ್ವಾಹಕನಾಗಿದ್ದೆ.' ಎಂದು ಅವರು ಹೇಳಿದರು.

ಸಿನಿ ಶೆಟ್ಟಿಗೆ ನೃತ್ಯ ಅಂದರೆ ತುಂಬಾ ಇಷ್ಟ. 4ನೇ ವಯಸ್ಸಿನಲ್ಲಿಯೇ ನೃತ್ಯ ಕಲಿಯಲು ಆರಂಭಿಸಿದ ಅವರು ಪ್ರತಿಭಾನ್ವಿತ ಭರತನಾಟ್ಯ ನೃತ್ಯಗಾರ್ತಿ, ಗುರು ಪದ್ಮಿನಿ ರಾಧಾಕೃಷ್ಣನ್‌ ಬಳಿ ಭರತನಾಟ್ಯ ಶಿಕ್ಷಣ ಪಡೆದಿದ್ದಾರೆ. 14ನೇ ವರ್ಷದಲ್ಲಿ ರಂಗಪ್ರವೇಶ ಮಾಡಿದ ಸಿನಿ ಶೆಟ್ಟಿಗೆ ಈಗಲೂ ನೃತ್ಯ ಪ್ಯಾಷನ್‌ ಆಗಿದೆ. ಕೋವಿಡ್ ಸಮಯದಲ್ಲಿ ಡ್ಯಾನ್ಸ್ ತರಬೇತಿಯನ್ನು ಸಹ ನೀಡಿದ್ದರು.
 

ಸಿನಿ ಶೆಟ್ಟಿ ಅವರು ಸೌಂದರ್ಯ ಸ್ಪರ್ಧೆಯ ತಮ್ಮ ಪ್ರಯಾಣದಲ್ಲಿ ಎದುರಿಸಿದ ತೊಂದರೆಗಳ ಬಗ್ಗೆ ಮಾತನಾಡುತ್ತಾ, 'ನಾನು ಯಾವುದೇ ಅಡೆತಡೆಗಳನ್ನು ಸವಾಲಾಗಿ ಪರಿಗಣಿಸುವುದಿಲ್ಲ ಏಕೆಂದರೆ ಅವು ನಿಮಗೆ ಉತ್ತಮ ವ್ಯಕ್ತಿಯಾಗಲು ಸಹಾಯ ಮಾಡುತ್ತವೆ. ನಾನು ಸಂಪ್ರದಾಯವಾದಿ ಕುಟುಂಬದಿಂದ ಬಂರುವ ಕಾರಣ ನನಗೆ ಫ್ಯಾಷನ್ ಕ್ಷೇತ್ರಕ್ಕೆ ಪ್ರವೇಸಿಸುವುದು ಕಷ್ಟಕರವಾಗಿತ್ತು' ಎಂದು ಸಿನಿ ಶೆಟ್ಟಿ ತಿಳಿಸಿದ್ದಾರೆ.