Monalisa New Look: ಗುರುತೇ ಸಿಗದಷ್ಟು ಬದಲಾದ್ರು ಮಹಾಕುಂಭದ ವೈರಲ್ ಬೆಡಗಿ…. ಯಾರು ಗೊತ್ತಾಯ್ತಾ?

ಮಹಾ ಕುಂಭ ಮೇಳದಲ್ಲಿ ವೈರಲ್ ಆದ ಮೊನಾಲಿಸಾಳನ್ನು ಎಲ್ಲರೂ ನೆನಪಿಸಿಕೊಳ್ಳಲೇಬೇಕು. ಈಗ ನೋಡಿ ಮದುವೆ ಉಡುಪಿನಲ್ಲಿ ಹೇಂಗೆ ಮಿಂಚುತ್ತಿದ್ದಾರೆ. ಇದು ಅವರೇನಾ ಅನ್ನುವಷ್ಟು ಬದಲಾಗಿದ್ದಾರೆ. 

2025 ರ ಮಹಾಕುಂಭದಲ್ಲಿ ತನ್ನ ಸೌಂದರ್ಯದಿಂದಲೇ ವೈರಲ್ ಆದ ಮೊನಾಲಿಸಾ (Monalisa)ಎಲ್ಲರಿಗೂ ಗೊತ್ತು. ಮಹಾಕುಂಭದಲ್ಲಿ ರುದ್ರಾಕ್ಷಿ ಮಾಲೆಗಳನ್ನು ಮಾರಾಟ ಮಾಡುತ್ತಿದ್ದ ಮೊನಾಲಿಸಾ ಇಂಟರ್ನೆಟ್‌ನಲ್ಲಿ ಇದ್ದಕ್ಕಿದ್ದಂತೆ ಫೇಮಸ್ ಆಗಿದ್ದರು. ವೈರಲ್ ಆದ ನಂತರ, ಮೊನಾಲಿಸಾ ಕೂಡ ಅನೇಕ ವಿವಾದಗಳಿಂದಾಗಿ ಸುದ್ದಿಯಲ್ಲಿದ್ದರು. ಆದರೆ ಈಗ ಆಕೆ ಗುರುತೇ ಸಿಗದಷ್ಟು ಬದಲಾಗಿದ್ದಾರೆ. 

ಇಂದೋರ್‌ನ ಮಹೇಶ್ವರದ ಸಿಂಪಲ್ ಹುಡುಗಿ ಮೊನಾಲಿಸಾ ಭೋಸಲೆ ಅವರ ಹೊಸ ಲುಕ್ ನೋಡಿ ಶಾಕ್ ಆಗಿದ್ದಾರೆ. ಮೊದಲ ಲುಕ್ ನಲ್ಲಿ ಮೊನಾಲಿಸಾಳನ್ನು ಗುರುತಿಸುವುದು ಕಷ್ಟವಾಗುತ್ತದೆ. ಅಷ್ಟೊಂದು ಬದಲಾಗಿದ್ದಾರೆ ಮೋನಲಿಸಾ. ಆದರೆ ಆಕೆಯ ಸುಂದರ ಕಣ್ಣುಗಳು ಮತ್ತು ಸುಂದರ ಮುಖ ನಿಮ್ಮ ಹೃದಯವನ್ನು ಗೆಲ್ಲೋದು ಗ್ಯಾರಂಟಿ. ಮೊನಾಲಿಸಾ ವಧುವಿನ ಲುಕ್‌ನಲ್ಲಿ ಹೇಗೆ ಕಾಣುತ್ತಾರೆ ನೀವೇ ನೋಡಿ. 

ಮೊನಾಲಿಸಾ ಮದುವೆಯಾಗುತ್ತಿದ್ದಾರೆಯೇ?
ಮೊನಾಲಿಸಾ ಅವರ ವೀಡಿಯೊವನ್ನು ಕಾವ್ಯ ಮೇಕ್ಓವರ್  (Kavya Makeover)ಎಂಬ ಇನ್‌ಸ್ಟಾಗ್ರಾಮ್ ಖಾತೆಯಿಂದ ಹಂಚಿಕೊಳ್ಳಲಾಗಿದೆ. ಇದರಲ್ಲಿ ಮೇಕಪ್ ಕಲಾವಿದೆ ಬಬ್ಲಿ ಅಹಿರ್ವಾರ್ ಮೊನಾಲಿಸಾಳನ್ನು ವಧುವಿನಂತೆ ಅಲಂಕರಿಸುತ್ತಿರುವುದು ಕಂಡುಬರುತ್ತದೆ. ಆದಾಗ್ಯೂ, ಈ ವಧುವಿನ ಮೇಕಪ್ ಕೇವಲ ಚಿತ್ರೀಕರಣಕ್ಕಾಗಿಯೇ ಅಥವಾ ಮದುವೆಗೆ ಸಂಬಂಧಿಸಿದ ಯಾವುದಾದರೂ ವಿಷಯಕ್ಕೆ ಸಂಬಂಧಿಸಿದೆಯೋ ಎಂಬುದು ತಿಳಿದಿಲ್ಲ. ಆದರೆ ಕೆಂಪು ಉಡುಪನ್ನು ಧರಿಸಿದ ನಂತರ, ಮೊನಾಲಿಸಾ ತುಂಬಾ ಸುಂದರವಾಗಿ ಕಾಣುತ್ತಿದ್ದಾಳೆ.

ಆಭರಣಗಳು ಅತ್ಯಂತ ಸುಂದರವಾಗಿ ಕಾಣುತ್ತವೆ
ಮೊನಾಲಿಸಾಳ ಲುಕ್‌ನಲ್ಲಿ, ಆಕೆಯ ಆಭರಣಗಳು ಹೆಚ್ಚು ಹೈಲೈಟ್ ಆಗುತ್ತಿವೆ. ಹಸಿರು ಮಣಿಗಳು ಮತ್ತು ಬೆಳ್ಳಿಯ ಕಲ್ಲುಗಳಿಂದ ಮಾಡಿದ ದಪ್ಪ ಚೋಕರ್ ಬ್ಲೌಸ್‌ನ ನೆಕ್ ಲೈನ್ ಸಂಪೂರ್ಣವಾಗಿ ಹೊಂದಿಕೆಯಾಗುತ್ತಿದೆ. ಈ ಸುಂದರಿ ಸ್ಟೇಟ್‌ಮೆಂಟ್ ರಿಂಗ್, ಮಾಂಗ್ಟಿಕಾ, ಮೂಗುತಿ, ಬಳೆಗಳು ಮತ್ತು ಮ್ಯಾಚಿಂಗ್ ಕಿವಿಯೋಲೆಗಳೊಂದಿಗೆ ಬಳೆಗಳನ್ನು ಧರಿಸಿದ್ದಾಳೆ. ಆದರೆ ಬ್ರೈಡಲ್ ಮೇಕಪ್‌ನಲ್ಲಿ ನ್ಯೂಡ್ ಲಿಪ್‌ಸ್ಟಿಕ್ ಮತ್ತು ಬಿಂದಿ ಧರಿಸಿ ಮೋನಾಲಿಸಾ ಸುಂದರಿಯಾಗಿ ಕಾಣಿಸ್ತಿದ್ದಾರೆ.