ಅಥಿಯಾ- ರಾಹುಲ್ ಮದುವೆ ಕಾರ್ಯಕ್ರಮ ಶುರು; ಗೆಸ್ಟ್‌ಗೆ ಷರತ್ತುಗಳು ಅನ್ವಯ
ಇಂದಿನಿಂದ ಸುನೀಲ್ ಶೆಟ್ಟಿ ಪುತ್ರಿ ಅಥಿಯಾ ಶೆಟ್ಟಿ ಮದುವೆ ಕಾರ್ಯಕ್ರಮ ಆರಂಭವಾಗಿದ್ದು, ಮದುವೆಗೆ ಆಗಮಿಸುವ ಅತಿಥಿಗಳಿಗೆ ಕೆಲವು ಷರತ್ತುಗಳನ್ನು ಹಾಕಲಾಗಿದೆ .ಬಾಲಿವುಡ್‌ನಲ್ಲಿ ಅಣ್ಣ ಎಂದೇ ಖ್ಯಾತರಾಗಿರುವ ಸುನೀಲ್ ಶೆಟ್ಟಿ ಪುತ್ರಿ ಅಥಿಯಾ ಶೆಟ್ಟಿ (Athiya Shetty) ಹಾಗೂ ಕ್ರಿಕೆಟಿಗ ಕೆ.ಎಲ್. ರಾಹುಲ್ (KL Rahul) ಜನವರಿ 23 ರಂದು ಸಪ್ತಪದಿ ತುಳಿಯಲಿದ್ದಾರೆ. ಈ ಮದುವೆ ಕಾರ್ಯಕ್ರಮಗಳು 3 ದಿನಗಳ ಕಾಲ ನಡೆಯಲಿದ್ದು, ಜನವರಿ 21 ರಿಂದ ಪ್ರಾರಂಭವಾಗಲಿದೆ ಮದುವೆಗೆ ಸಂಬಂಧಿಸಿದ ಕೆಲವು ಪ್ರಮುಖ ಮಾಹಿತಿಗಳು ಹೊರ ಬಂದಿವೆ. ಸುನೀಲ್ ಶೆಟ್ಟಿ ತಮ್ಮ ಮಗಳ ಮದುವೆಗೆ ಆಗಮಿಸುವ ಗೆಸ್ಟ್‌ಗಳಿಗೆ ಕೆಲವು ಷರತ್ತುಗಳನ್ನು ವಿಧಿಸಿದ್ದಾರೆ ಎಂದು ವರದಿಗಳು ಹೇಳುತ್ತಿವೆ.
ಈ ಮದುವೆಯಲ್ಲಿ ಮೊಬೈಲ್ ಫೋನ್‌ಗಳಿಗೆ ನಿಷೇಧಿಸಲಾಗಿದೆ. ಅದೇ ಸಮಯದಲ್ಲಿ, ಮದುವೆಗೆ 100 ಅತಿಥಿಗಳನ್ನು ಮಾತ್ರ ಆಹ್ವಾನಿಸಲಾಗುತ್ತಿದೆ.
ಇಂಗ್ಲಿಷ್ ಮನರಂಜನಾ ಸುದ್ದಿ ವೆಬ್‌ಸೈಟ್‌ನ ಸುದ್ದಿ ಪ್ರಕಾರ, ಅಥಿಯಾ ಅವರ ವಿವಾಹ ಕಾರ್ಯಕ್ರಮಗಳು ಜನವರಿ 21 ರಿಂದ ಪ್ರಾರಂಭವಾಗುತ್ತವೆ. ಅವರ ಮೆಹಂದಿ ಸಮಾರಂಭ ಜನವರಿ 22 ರಂದು ನಡೆಯಲಿದೆ.
ಸುನೀಲ್ ಶೆಟ್ಟಿ ಅವರ ಖಂಡಾಲ ಫಾರ್ಮ್‌ಹೌಸ್‌ನ ಬಂಗಲೆಯಲ್ಲಿ ನಡೆಯಲಿರುವ ಎಲ್ಲಾ ವಿಧಿವಿಧಾನಗಳು ನಡೆಯಲಿದೆ. ಅದರಲ್ಲಿ ಹೆಚ್ಚಿನ ಕಾರ್ಯಕ್ರಮಗಳನ್ನು ಇರಿಸಲಾಗಿಲ್ಲ ಎಂದು ಸುದ್ದಿಯಿದೆ.
ಜನವರಿ 23 ರಂದು ಅಥಿಯಾ ಮತ್ತು ರಾಹುಲ್ ವಿವಾಹವಾಗಲಿದ್ದು, ಇದರಲ್ಲಿ ವಧು ಮತ್ತು ವರನ ಎರಡೂ ಕಡೆಯಿಂದ ಸೇರಿ ಕೇವಲ 100 ಅತಿಥಿಗಳು ಮಾತ್ರ ಇರುತ್ತಾರೆ.
ಅತಿಥಿಗಳು ತಮ್ಮ ಮೊಬೈಲ್ ಫೋನ್‌ಗಳನ್ನು ದೂರವಿಡುವಂತೆ ಮತ್ತು ಮದುವೆಯ ಯಾವುದೇ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡದಂತೆ ಸ್ಪಷ್ಟವಾಗಿ ಸೂಚಿಸಲಾಗಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿ ವರದಿ ಹೇಳಿದೆ.
ಈ ಮದುವೆಗೆ ಬಾಲಿವುಡ್‌ನ ದೊಡ್ಡ ತಾರೆಯರು ಆಗಮಿಸಲಿದ್ದಾರೆ . ಆದರೆ ಅವರ ಸಂಖ್ಯೆ ಕಡಿಮೆ ಇರುತ್ತದೆ, ಮದುವೆಯನ್ನು ಆಪ್ತರು ಮತ್ತು ಕುಟುಂಬದವರಿಗೆ ಮಾತ್ರ ಸೀಮಿತ ಮಾಡಲಾಗುತ್ತಿದೆ.
ಅಥಿಯಾ ಮತ್ತು ರಾಹುಲ್ ಮದುವೆಯ ಆರತಕ್ಷತೆ ಮದುವೆಯ ಕೆಲವು ವಾರಗಳ ನಂತರ ನಡೆಯಲಿದೆ. ಇದಕ್ಕೆ ಈ ಜೋಡಿಯ ಬ್ಯುಸಿ ಶೆಡ್ಯೂಲ್‌ ಕಾರಣ. ಅಥಿಯಾ ತಮ್ಮ ಕೆಲಸದ ಬದ್ಧತೆಗಳಲ್ಲಿ ನಿರತರಾಗಿದ್ದರೆ, ರಾಹುಲ್ ಮುಂದಿನ ತಿಂಗಳು ನಡೆಯಲಿರುವ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ ಬ್ಯುಸಿ ಇರುತ್ತಾರೆ
ಬಾರ್ಡರ್-ಗವಾಸ್ಕರ್ ಟ್ರೋಫಿ ಕಾರಣ ಪ್ರಾಕ್ಟೀಸ್‌ಗಾಗಿ ರಾಹುಲ್ ಮದುವೆಯ ನಂತರ ಶೀಘ್ರದಲ್ಲೇ ಹೊರಡಬೇಕು. ಇದರಿಂದ ಇವರಿಬ್ಬರ ಹನಿಮೂನ್ ಕೂಡ ತಡವಾಗಲಿದೆ.
ಅಥಿಯಾ ಶೆಟ್ಟಿ ಮತ್ತು ಕೆ. ಎಲ್. ರಾಹುಲ್ ಬಹಳ ದಿನಗಳಿಂದ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದಾರೆ. 2021 ರಲ್ಲಿ ಕೆ.ಎಲ್. ಅಥಿಯಾ ಅವರ ಸಹೋದರ ಅಹಾನ್ ಅವರ ಚೊಚ್ಚಲ ಚಿತ್ರ 'ತಡಪ್' ನ ಪ್ರಥಮ ಪ್ರದರ್ಶನದಲ್ಲಿ ಸುನೀಲ್ ಶೆಟ್ಟಿ ಕುಟುಂಬದೊಂದಿಗೆ ಕಾಣಿಸಿಕೊಂಡಾಗ ಇಬ್ಬರ ನಡುವಿನ ಸಂಬಂಧ ಅಧಿಕೃತವಾಯಿತು.
