ಆಪರೇಷನ್ ಸಿಂದೂರ್‌ನಿಂದ ಪಾಕಿಸ್ತಾನ ಕ್ರಿಕೆಟ್‌ ಬೋರ್ಡ್‌ಗೆ 5 ಬಿಗ್ ಶಾಕ್!

ಆಪರೇಷನ್ ಸಿಂದೂರ್ ಮೂಲಕ ಭಾರತ ಪಾಕಿಸ್ತಾನಕ್ಕೆ ಮರೆಯಲಾಗದ ಪಾಠ ಕಲಿಸಿದೆ. ಭಾರತೀಯ ಸೇನೆ ಭಯೋತ್ಪಾದಕರನ್ನಷ್ಟೇ ಅಲ್ಲ, ಅವರ ಹಿಂದಿರುವವರನ್ನೂ ಗುರಿಯಾಗಿಸಿಕೊಂಡಿದೆ. ಇದರಲ್ಲಿ ಪಾಕಿಸ್ತಾನ ಪ್ರಮುಖವಾಗಿದೆ.

ಈ ದಾಳಿಯಿಂದ ಪಾಕಿಸ್ತಾನದ ಕ್ರಿಕೆಟಿಗರಿಗೂ ಹೊಡೆತ ಬಿದ್ದಿದೆ. ಉಭಯ ದೇಶಗಳ ನಡುವಿನ ಉದ್ವಿಗ್ನತೆ ಹೆಚ್ಚಾಗಿದೆ. ಪಿಸಿಬಿಗೆ ಇದರಿಂದ ಭಾರೀ ನಷ್ಟವಾಗಿದೆ. ಭಾರತದ ಮುಂದೆ ಪಾಕಿಸ್ತಾನ ಬಿಕ್ಷೆ ಬೇಡುವಂತಾಗಿದೆ.

ರಾವಲ್ಪಿಂಡಿ ಕ್ರೀಡಾಂಗಣದ ಮೇಲೆ ಭಾರತ ಡ್ರೋನ್ ದಾಳಿ ನಡೆಸಿ ಹಾನಿ ಮಾಡಿದೆ. ಪಿಎಸ್‌ಎಲ್ ಪಂದ್ಯ ರದ್ದಾಗಿದೆ. 400 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಿದ್ದ ಕ್ರೀಡಾಂಗಣ ಈಗ ಹಾನಿಗೊಳಗಾಗಿದೆ.

ಭಾರತ-ಪಾಕ್ ಕ್ರಿಕೆಟ್ ಪಂದ್ಯಗಳು ಯಾವಾಗಲೂ ಜನಪ್ರಿಯ. ಆದರೆ ಈಗ ಅದಕ್ಕೂ ಕುತ್ತು ಬಂದಿದೆ. ಪಾಕಿಸ್ತಾನದ ವರ್ತನೆಯಿಂದಾಗಿ ಬಿಸಿಸಿಐ ಪಾಕ್ ತಂಡದ ಜೊತೆ ಪಂದ್ಯ ಆಡುವುದಿಲ್ಲ ಎನ್ನುವುದು ಬಹುತೇಕ ಖಚಿತ ಎನಿಸಿದೆ.

ಭಾರತದ ದಾಳಿಯಿಂದ ಪಾಕಿಸ್ತಾನಿ ಮತ್ತು ವಿದೇಶಿ ಕ್ರಿಕೆಟಿಗರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಪಿಎಸ್‌ಎಲ್ ಆಡಲು ಬಂದ ವಿದೇಶಿ ಆಟಗಾರರು ಹೊರ ಹೋಗಲು ಯತ್ನಿಸುತ್ತಿದ್ದಾರೆ.

ಪಾಕಿಸ್ತಾನದಲ್ಲಿ ಭದ್ರತಾ ಕೊರತೆಯಿಂದಾಗಿ ಪಿಎಸ್‌ಎಲ್ ದುಬೈಗೆ ಸ್ಥಳಾಂತರಗೊಂಡಿದೆ. ದುಬೈನಲ್ಲಿ ಪಂದ್ಯ ಆಯೋಜಿಸುವುದು ಪಿಸಿಬಿಗೆ ದುಬಾರಿಯಾಗಲಿದೆ.

ಈಗಾಗಲೇ ಆರ್ಥಿಕ ಸಂಕಷ್ಟದಲ್ಲಿರುವ ಪಿಸಿಬಿಗೆ ಈಗ ಮತ್ತಷ್ಟು ಸಂಕಷ್ಟ ಎದುರಾಗಿದೆ. ಕ್ರೀಡಾಂಗಣಗಳಲ್ಲಿ ಪ್ರೇಕ್ಷಕರಿಲ್ಲ. ಪಂದ್ಯಗಳೂ ರದ್ದಾಗಿವೆ.