ವರುಣ್ ಧವನ್ ನತಾಶಾ Wedding Anniversary, ಮದುವೆಯ ಅಪರೂಪದ ಫೋಟೋ ಶೇರ್ ಮಾಡಿದ ನಟ
ವರುಣ್ ಧವನ್ (Varun Dhawan) ಮದುವೆಗೆ ಒಂದು ವರ್ಷ ಪೂರೈಸಿದೆ. ಕಳೆದ ವರ್ಷ ಜನವರಿ 24 ರಂದು ಅವರು ತಮ್ಮ ದೀರ್ಘ ಕಾಲದ ಗೆಳತಿ ನತಾಶಾ ದಲಾಲ್ (Natasha Dalal) ಅವರನ್ನು ವಿವಾಹವಾದರು. ಇವರಿಬ್ಬರ ಮದುವೆ ತುಂಬಾ ಗೌಪ್ಯವಾಗಿತ್ತು. ಈ ಮದುವೆಗೆ ಇಂಡಸ್ಟ್ರಿಯ ಕೆಲವೇ ಮಂದಿಗೆ ಆಹ್ವಾನ ನೀಡಲಾಗಿತ್ತು. ದಂಪತಿ ಅಲಿಬಾಗ್‌ನ ಐಷಾರಾಮಿ ಅರಮನೆ 'ದಿ ಮ್ಯಾನ್ಷನ್ ಹೌಸ್'ನಲ್ಲಿ ವಿವಾಹವಾದರು. ವರುಣ್ ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವದಂದು Instagram ನಲ್ಲಿ ಸಾಕಷ್ಟು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಉದ್ಯಮಕ್ಕೆ ಸಂಬಂಧಿಸಿದ ವರುಣ್ ಅವರ ಸ್ನೇಹಿತರು ಕೂಡ ಅವರಿಗೆ ಶುಭಾಶಯಗಳನ್ನು ಕೋರುತ್ತಿದ್ದಾರೆ. ವರುಣ್ ಧವನ್ ಮತ್ತು ನತಾಶಾ ದಲಾಲ್ ಮದುವೆಯ ಫೋಟೋಗಳು ಇಲ್ಲಿವೆ
Followವರುಣ್ ಧವನ್ ಮತ್ತು ನತಾಶಾ ದಲಾಲ್ ಅವರ ಮದುವೆಗೆ ಕೇವಲ 50 ಅತಿಥಿಗಳನ್ನು ಆಹ್ವಾನಿಸಲಾಗಿತ್ತು. ಆದರೆ, ಇಂಡಸ್ಟ್ರಿಯ ಯಾವ ದೊಡ್ಡ ತಾರೆಯರೂ ಇವರ ಮದುವೆಗೆ ಆಗಮಿಸಿರಲಿಲ್ಲ. ಅಷ್ಟೇ ಅಲ್ಲ, ಕೊರೋನಾದಿಂದಾಗಿ ಇವರಿಬ್ಬರ ಮದುವೆಯ ಆರತಕ್ಷತೆಯನ್ನೂ ಆಯೋಜಿಸಿರಲಿಲ್ಲ.
ಅನೇಕ ವರ್ಷಗಳಿಂದ ಇಬ್ಬರೂ ತಮ್ಮ ಪ್ರೀತಿಯನ್ನು ಮರೆ ಮಾಡಿದ್ದರು. ನಂತರ ಇಬ್ಬರೂ ಹೆಚ್ಚು ಹೆಚ್ಚು ಒಟ್ಟಿಗೆ ಕಾಣಿಸಿಕೊಳ್ಳಲು ಪ್ರಾರಂಭಿಸಿದರು. ಅವರು ಸಂದರ್ಶನಗಳಲ್ಲಿ ಪರಸ್ಪರ ತಮ್ಮ ಭಾವನೆಗಳನ್ನು ಒಪ್ಪಿಕೊಂಡರು ಮತ್ತು ಅವರ ಸಂಬಂಧವನ್ನು ಅಧಿಕೃತಗೊಳಿಸಿದರು.
ವರುಣ್ ಮತ್ತು ನತಾಶಾ ಬಾಲ್ಯದ ಸ್ನೇಹಿತರು. ಡೇಟಿಂಗ್ (Dating) ಪ್ರಾರಂಭಿಸುವ ಮೊದಲು ಅವರು ಹಲವಾರು ವರ್ಷಗಳ ಕಾಲ ಸ್ನೇಹಿತರಾಗಿದ್ದರು. ವರುಣ್ ಮತ್ತು ನಾನು ಒಟ್ಟಿಗೆ ಶಾಲೆಯಲ್ಲಿದ್ದೆವು. ನಾವು 20 ವರ್ಷ ವಯಸ್ಸಿನವರೆಗೂ ಸ್ನೇಹಿತರಾಗಿದ್ದೇವೆ ಮತ್ತು ನಂತರವೇ ನಾವು ಡೇಟಿಂಗ್ ಮಾಡಲು ಪ್ರಾರಂಭಿಸಿದ್ದೇವೆ. ನಾವು ಕೇವಲ ಉತ್ತಮ ಸ್ನೇಹಿತರಿಗಿಂತ ಹೆಚ್ಚು ಎಂದು ನಾವು ಅರಿತುಕೊಂಡಿದ್ದೇವೆ ಎಂದು ಸಂದರ್ಶನವೊಂದರಲ್ಲಿ ನತಾಶಾ ಹೇಳಿದ್ದರು.
ತಮ್ಮ ಹಳೆಯ ದಿನಗಳನ್ನು ನೆನಪಿಸಿಕೊಳ್ಳುತ್ತಾ, ನತಾಶಾಳನ್ನು ಮೊದಲ ಬಾರಿಗೆ ನೋಡಿದ್ದು, ಅವರನ್ನು ಪ್ರೀತಿಸುತ್ತಿದ್ದನೆಂದು ಭಾವಿಸಿದ್ದು ಮತ್ತು ಅದು ಎಲ್ಲಿಂದ ಪ್ರಾರಂಭವಾಯಿತು ಎಂದು ಹೇಳಿದರು. ವರುಣ್ ಮತ್ತು ನತಾಶಾ ನಿಶ್ಚಿತಾರ್ಥ(Engagement) ಮಾಡಿಕೊಂಡಿದ್ದಾರೆ ಎಂದು ಕರೀನಾ ಅವರ ಶೋನಲ್ಲಿ ಬಹಿರಂಗಪಡಿಸಲಾಯಿತು.
ನಟ ವರುಣ್ ಧವನ್ (Varun Dhawan) ದಾಂಪತ್ಯಕ್ಕೆ ಕಾಲಿಟ್ಟು, ವರ್ಷ ಪೂರೈಸಿದ ಈ ಸಂದರ್ಭದಲ್ಲಿ ಮದುವೆಯ ಹೊಸ ಹೊಸ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಸೇರ್ ಮಾಡಿಕೊಂಡಿರುವ ಈ ಫೋಟೋಗಳಿಂಗ ಫ್ರೆಂಡ್ಸ್, ಫ್ಯಾನ್ಸ್ ಶುಭ ಹಾರೈಸಿದ್ದಾರೆ.
ನತಾಶಾ ನನ್ನ ಪ್ರಪೋಸಲ್‌ ಅನ್ನು ಸ್ವೀಕರಿಸುವ ಮೊದಲು ಅನೇಕ ಬಾರಿ ತಿರಸ್ಕರಿಸಿದ್ದಳು, ಆದರೆ ನಾನು ಎಂದಿಗೂ ಭರವಸೆ ಕಳೆದು ಕೊಳ್ಳಲಿಲ್ಲ. ನಾವು 11 ನೇ ಅಥವಾ 12 ನೇ ತರಗತಿಯವರೆಗೆ ಕೇವಲ ಆತ್ಮೀಯ ಸ್ನೇಹಿತರಾಗಿದ್ದೇವೆ. ಆದರೆ ಇದ್ದಕ್ಕಿದ್ದಂತೆ ಒಂದು ದಿನ ನತಾಶಾಳನ್ನು ಪ್ರೀತಿಸುತ್ತಿದ್ದೇನೆ ಎಂದು ಅರಿತುಕೊಂಡೆ. ಮೊದಲ ಬಾರಿಗೆ ಬಾಸ್ಕೆಟ್‌ ಬಾಲ್ ಕೋರ್ಟ್‌ನಲ್ಲಿ ಪ್ರೀತಿಯ ಅನುಭವವಾಯಿತು ಎಂದು ವರುಣ್ ಹೇಳಿದ್ದಾರೆ.
ನತಾಶಾ ಮತ್ತು ವರುಣ್ ಒಟ್ಟಿಗೆ ಬಾಸ್ಕೆಟ್‌ಬಾಲ್ ಆಡುತ್ತಿದ್ದರು. ಆ ಸಮಯದಲ್ಲಿ, ನತಾಶಾ ಹಳದಿ ಟೀಮ್‌ನದಲ್ಲಿದ್ದರು ಮತ್ತು ವರುಣ್ ಕೆಂಪು ಟೀಮ್‌ನಲ್ಲಿದ್ದರು. ಊಟದ ವಿರಾಮದ ವೇಳೆ ಬಾಸ್ಕೆಟ್‌ಬಾಲ್ ಕೋರ್ಟ್‌ನಿಂದ ನತಾಶಾ ನಡೆದುಕೊಂಡು ಹೋಗುವುದನ್ನು ನೋಡಿದ ವರುಣ್ ಅದೇ ಸಮಯದಲ್ಲಿ ನತಾಶಾರನ್ನು ನೋಡಿದ್ದರಂತೆ. ಆಗಲೇ ಪ್ರೀತಿಯೂ ಹುಟ್ಟಿ ಕೊಂಡಿತಂತೆ.
ವರುಣ್ ಧವನ್ ತಮ್ಮ ವೃತ್ತಿ ಜೀವನವನ್ನು ಕರಣ್ ಜೋಹರ್ ಅವರ ಸ್ಟೂಡೆಂಟ್ ಆಫ್ ದಿ ಇಯರ್‌ ಸಿನಿಮಾದ ಮೂಲಕ ಪ್ರಾರಂಭಿಸಿದರು. ಇದರ ನಂತರ ಅವರು ಮೇನ್ ತೇರಾ ಹೀರೋ, ಕಲಾಂಕ್, ಕೂಲಿ ನಂ.ಓನ್‌, ಎಬಿಸಿಡಿ 3, ದಿಲ್ವಾಲೆ, ಜುಡ್ವಾ 2, ಬದರಿನಾಥ್ ಕಿ ದುಲ್ಹನಿಯಾ, ಬದ್ಲಾಪುರ್, ಹಂಪ್ಟಿ ಶರ್ಮಾ ಕಿ ದುಲ್ಹನಿಯಾ, ಎಬಿಸಿಡಿ 2 ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಮುಂಬರುವ ಸಿನಿಮಾ ಜುಗ್ ಜುಗ್ ಜಿಯೋ.
