Urvashi Rautela ಸೌಂದರ್ಯದಲ್ಲಿ ಮಾತ್ರವಲ್ಲ ಬ್ಯಾಸ್ಕೆಟ್‌ಬಾಲ್‌ ಆಟದಲ್ಲೂ ಫೇಮಸ್‌ ಊರ್ವಶಿ ರೌಟೇಲಾ!

ಊರ್ವಶಿ ರೌಟೇಲಾ ( Urvashi Rautela ) ಬಾಲಿವುಡ್‌ನಲ್ಲಿ ತನ್ನ ನಟನಾ ಕೌಶಲ್ಯದಿಂದ ಅಷ್ಟು ಪ್ರಭಾವ ಬೀರಲು ಸಾಧ್ಯವಾಗದಿದ್ದರೂ,  ಅವರು ಅಂತರರಾಷ್ಟ್ರೀಯ ಮಟ್ಟದಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ. ಅವರು ಇಂದು ತಮ್ಮ 27 ನೇಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ.   ಉತ್ತರಾಖಂಡದ ನೈನಿತಾಲ್‌ನಲ್ಲಿ 25 ಫೆಬ್ರವರಿ 1994 ರಂದು ದೊಡ್ಡ ಉದ್ಯಮಿಯೊಬ್ಬರ ಮನೆಯಲ್ಲಿ ಜನಿಸಿದ  ಊರ್ವಶಿ ಬಾಲ್ಯದಿಂದಲೂ ತನ್ನನ್ನು ತಾನು ಸ್ಪೆಷಲ್‌ ಎಂದು ಪರಿಗಣಿಸುತ್ತಿದ್ದರು. ಕೇವಲ 15 ವರ್ಷ ವಯಸ್ಸಿನಲ್ಲೇ ತನ್ನ ಸೌಂದರ್ಯವನ್ನು ಗುರುತಿಸಿ ಸೌಂದರ್ಯ ಸ್ಪರ್ಧೆಗಳಲ್ಲಿ ಭಾಗವಹಿಸಲು ಪ್ರಾರಂಭಿಸಿದರು.

ಊರ್ವಶಿ ರೌಟೇಲಾ ಅವರು ತಮ್ಮ ಶಾಲಾ ಶಿಕ್ಷಣವನ್ನು ದೆಹಲಿಯ ಹಿಂದೂ ಮತ್ತು ಗಾರ್ಗಿ ಕಾಲೇಜಿನಲ್ಲಿ ಮಾಡಿದರು. ಬಾಲ್ಯದಿಂದಲೂ ಮಾಡೆಲಿಂಗ್ ಮತ್ತು ನಟನೆ ಕ್ಷೇತ್ರದಲ್ಲಿ ವೃತ್ತಿಜೀವನವನ್ನು ಮಾಡಲು ಬಯಸಿದ್ದರು. 

ಕೇವಲ 17 ನೇ ವಯಸ್ಸಿನಲ್ಲಿ, ಅವರು ತಮ್ಮ ಹೆಸರಿನಲ್ಲಿ ಮಿಸ್ ಯೂನಿವರ್ಸ್ ಇಂಡಿಯಾ ಕಿರೀಟ  ಪಡೆದ ಕೀರ್ತಿ ಇವರಿಗೆ ಸಲ್ಲುತ್ತದೆ. 2011 ರಲ್ಲಿ, ಊರ್ವಶಿ ರೌಟೇಲಾ ಅವರು ಮಿಸ್ ಟೂರಿಸಂ ಕ್ವೀನ್ ಆಫ್ ದಿ ಇಯರ್ ಪ್ರಶಸ್ತಿಯನ್ನು ಗೆದ್ದರು ಮತ್ತು ನಂತರ ಅವರು ಮಿಸ್ ಏಷ್ಯನ್ ಸೂಪರ್ ಮಾಡೆಲ್ ಕಿರೀಟವನ್ನು ಗೆದ್ದರು.

ಊರ್ವಶಿ ರೌಟೇಲಾ 2013 ರಲ್ಲಿ 'ಸಿಂಗ್ ಸಾಬ್ ದಿ ಗ್ರೇಟ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಇದರ ನಂತರ ಅವರು ಸನಮ್ ರೇ, ಗ್ರೇಟ್ ಗ್ರ್ಯಾಂಡ್ ಮಸ್ತಿ, ಹೇಟ್ ಸ್ಟೋರಿ 4 ಮತ್ತು ಪಗಲ್ಪಂತಿ ಸೇರಿದಂತೆ ಕೆಲವು ಚಿತ್ರಗಳಲ್ಲಿ ಕಾಣಿಸಿಕೊಂಡರು. 

ಆದರೆ, ಅಭಿನಯದಲ್ಲಿ  ಹೆಚ್ಚಿನ ಯಶಸ್ಸು ಗಳಿಸಲು ಇವರಿಗೆ  ಇನ್ನೂ ಸಾಧ್ಯವಾಗಿಲ್ಲ.ಚಲನಚಿತ್ರವನ್ನು ಹೊರತುಪಡಿಸಿ, ನಟಿ ಅನೇಕ ಸಂಗೀತ ವೀಡಿಯೊಗಳಲ್ಲಿ ಕೆಲಸ ಮಾಡಿದ್ದಾರೆ. ‘ಲವ್ ಡೋಜ್‌’, ‘ಲಾಲ್ ದುಪಟ್ಟಾ’, ‘ಗಲ್ ಬನ್ ಗಯಿ’, ‘ಬಿಜ್ಲಿ ಕಿ ತಾರ್’ ಚಿತ್ರಗಳಲ್ಲಿ ಡ್ಯಾನ್ಸ್   ಮೂಲಕ ಜನಮನ ಗೆದ್ದಿದ್ದಾರೆ.

ಊರ್ವಶಿ ಭಾರತದಲ್ಲಿ ಮಾತ್ರವಲ್ಲದೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಮಾಡೆಲಿಂಗ್ ಮಾಡುತ್ತಿದ್ದಾರೆ. ಇತ್ತೀಚೆಗಷ್ಟೇ ದುಬೈನಲ್ಲಿ ರ‍್ಯಾಂಪ್ ವಾಕ್ ಮಾಡುವ ಮೂಲಕ ಎಲ್ಲರ ಗಮನ ಸೆಳದಿದ್ದಾರೆ. ಊರ್ವಶಿ ಸೌಂದರ್ಯವಷ್ಟೇ ಅಲ್ಲ ಇನ್ನೂ ಒಂದು ವಿಷಯವನ್ನು ಎಕ್ಸಪರ್ಟ್‌ ಆಗಿದ್ದಾರೆ. ಅವರು ಉತ್ತಮ ಬ್ಯಾಸ್ಕೆಟ್‌ಬಾಲ್ ಪಟು ಆಗಿದ್ದಾರೆ. ಊರ್ವಶಿ ರಾಷ್ಟ್ರ ಮಟ್ಟದ ಬ್ಯಾಸ್ಕೆಟ್‌ಬಾಲ್ ಆಟಗಾರ್ತಿ.

ಊರ್ವಶಿಯ ತಂದೆ ಮಾನವ್ ಸಿಂಗ್ ಮತ್ತು ತಾಯಿ ಮೀರಾ ರೌಟೇಲಾ ಇಬ್ಬರೂ ಬ್ಯುಸಿನೆಸ್‌ ಕ್ಷೇತ್ರದಲ್ಲಿದ್ದಾರೆ. ಇನ್ನೂ ನಟಿಯ ಪ್ರೀತಿಯ ಜೀವನದ ಬಗ್ಗೆ ಹೇಳುವುದಾದರೆ  ಕ್ರಿಕೆಟಿಗ ರಿಷಬ್ ಪಂತ್ ಜೊತೆ ಸಂಬಂಧ ಹೊಂದಿದ್ದರು. ಆದರೆ ಇತ್ತೀಚೆಗೆ ನಟಿ ತನಗೆ ಬಾಯ್ ಫ್ರೆಂಡ್ ಇಲ್ಲ ಎಂದು ಹೇಳಿದ್ದಾರೆ.

ಕೆಲಸದ ಮುಂಭಾಗದಲ್ಲಿ,  ಊರ್ವಶಿ ರೌಟೇಲಾ ಅವರು ಶೀಘ್ರದಲ್ಲೇ ಜಿಯೋ ಸ್ಟುಡಿಯೋದ ವೆಬ್‌ಸೈಟ್‌ ಇನ್ಸ್‌ಪೆಕ್ಟರ್ ಅಭಿನಾಶ್‌ನಲ್ಲಿ ರಣದೀಪ್ ಹೂಡಾ ಎದುರು ಕಾಣಿಸಿಕೊಳ್ಳಲಿದ್ದಾರೆ.