Sussanne Khan ಮಗನ ಬರ್ತ್‌ಡೇ ಪೋಸ್ಟ್‌ಗೆ ಬಾಯ್‌ಫ್ರೆಂಡ್‌ Arslan Goniಯಿಂದ ಪ್ರತಿಕ್ರಿಯೆ

ಹೃತಿಕ್ ರೋಷನ್ (Hrithik Roshan) ಅವರ ಪತ್ನಿ ಸುಸ್ಸೇನ್‌ ಖಾನ್ (Sussanne Khan) ಅವರಿಂದ ಬೇರ್ಪಟ್ಟು ವರ್ಷಗಳೇ ಕಳೆದಿವೆ, ಆದರೆ ಮಕ್ಕಳ  ಸಂತೋಷ ಮತ್ತು ಅವರೊಂದಿಗೆ ಸೆಲೆಬ್ರೆಟ್‌ ಮಾಡುವ  ಅವಕಾಶ ಬಂದಾಗ ಇಬ್ಬರೂ ಒಟ್ಟಿಗೆ ನಿಲ್ಲುತ್ತಾರೆ. ಭಾನುವಾರವೂ ಅದೇ ಘಟನೆ ನಡೆದಿದೆ. ವಾಸ್ತವವಾಗಿ, ಹೃತಿಕ್ ಅವರ ಮಗ ಹೃದನ್ ರೋಷನ್ 14 ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಅವರ ಮಗನ ಹುಟ್ಟುಹಬ್ಬದ ಸಂದರ್ಭದಲ್ಲಿ, ಸುಸ್ಸಾನ್‌ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹೃದನ್‌ನ ಹಲವಾರು ಬಾಲ್ಯದ ಫೋಟೋಗಳ ವೀಡಿಯೊವನ್ನು ಹಂಚಿಕೊಳ್ಳುವ ಮೂಲಕ ಅವರಿಗೆ ಶುಭ ಹಾರೈಸಿದ್ದರು. 

ಸುಸ್ಸೇನ್‌ ಅವರ ಪೋಸ್ಟ್‌ನಲ್ಲಿ, ಫ್ಯಾನ್ಸ್‌ ಮತ್ತು ಫಾಲೋವರ್ಸ್‌  ಹೃದಯಾನ್‌ಗೆ ಶುಭ ಹಾರೈಸಿದ್ದಾರೆ. ಅದೇ ಸಮಯದಲ್ಲಿ, ಸುಸ್ಸೇನ್‌ ಅವರ ಬಾಯ್ ಫ್ರೆಂಡ್ ಅರ್ಸಾನ್ ಗೋನಿ ಕೂಡ ಕಾಮೆಂಟ್ ಮಾಡಿದ್ದಾರೆ. ಹ್ಯಾಪಿ ಬರ್ತ್‌ಡೇ ರಿಜು ಎಂದು ಹೃದನ್‌ಗೆ ಶುಭ ಹಾರೈಸಿದ್ದಾರೆ. 

ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳ ಹೊರತಾಗಿ, ಹೃದನ್ ಅವರ ಅಜ್ಜ ಚಿತ್ರನಿರ್ಮಾಪಕ ರಾಕೇಶ್ ರೋಷನ್ ಕೂಡ ಮೊಮ್ಮಗನ ಜನ್ಮದಿನದಂದು ಶುಭ ಹಾರೈಸಿದ್ದಾರೆ. Instagram ನಲ್ಲಿ ಫೋಟೋವನ್ನು ಹಂಚಿಕೊಂಡ ಅವರು ಬರೆದಿದ್ದಾರೆ - ಜನ್ಮದಿನದ ಶುಭಾಶಯಗಳು ನನ್ನ ಪ್ರೀತಿಯ ರಿಡ್ಜ್, ಆಶೀರ್ವಾದ ಮತ್ತು ಬಹಳಷ್ಟು ಪ್ರೀತಿ. 

ಮಗನ ಹುಟ್ಟುಹಬ್ಬದ ಸಂದರ್ಭದಲ್ಲಿ, ಹೃತಿಕ್ - ಸುಸ್ಸೇನ್‌ ಭಾನುವಾರದ  ಲಂಚ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇಬ್ಬರು ಪುತ್ರರೊಂದಿಗೆ ಹೃತಿಕ್-ಸುಸ್ಸೇನ್‌ ಇರುವ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ಬಹಳ ವೈರಲ್ ಆಗಿವೆ. 

ಹೃತಿಕ್‌ ರೋಷನ್‌ ಮತ್ತು ಸುಸ್ಸೇನ್‌ ಖಾನ್‌ ದಂಪತಿಗಳು ಬೇರೆಯಾದರೂ ಇಬ್ಬರೂ ಒಟ್ಟಿಗೆ ಮಕ್ಕಳನ್ನು ಬೆಳೆಸುತ್ತಿದ್ದಾರೆ. ಹೃತಿಕ್ ರೋಷನ್ ಮತ್ತು ಸುಸ್ಸೇನ್‌ ಖಾನ್ 2000 ರಲ್ಲಿ ಪ್ರೇಮ ವಿವಾಹವಾಗಿದ್ದರು. ಇಬ್ಬರ ಮನೆಯವರ ಒಪ್ಪಿಗೆ ಮೇರೆಗೆ ಮದುವೆ ನಡೆದಿತ್ತು.

ಹೃತಿಕ್ ತನ್ನ ಚೊಚ್ಚಲ ಕಹೋ ನಾ ಪ್ಯಾರ್ ಹೈ ಮೂಲಕ ಉದ್ಯಮದಲ್ಲಿ ಪ್ರಾಬಲ್ಯ ಸಾಧಿಸಿದ ಸಮಯ. ಚಿತ್ರ ಬಿಡುಗಡೆಯಾದ ನಂತರ ಅವರಿಗೆ ಸುಮಾರು 30  ಸಾವಿರ ಮದುವೆ ಪ್ರಸ್ತಾಪಗಳು ಬಂದವು ಆದರೆ ಅವರುತಮ್ಮ ಗೆಳತಿ ಸುಸ್ಸಾನ್ನೆ ಖಾನ್ ಅವರನ್ನು ವಿವಾಹವಾದರು.

ಮದುವೆಯಾದ 13 ವರ್ಷಗಳ ನಂತರ ಇಬ್ಬರೂ ವಿಚ್ಛೇದನ ಪಡೆದರು. ಇವರಿಬ್ಬರೂ ಏಕೆ ವಿಚ್ಛೇದನ ಪಡೆದರು ಎಂಬ ಮಾಹಿತಿ ಇನ್ನೂ ಬಹಿರಂಗವಾಗಿಲ್ಲ. ಈಗ ಇಬ್ಬರೂ ಹೊಸ ಸಂಗಾತಿಯನ್ನು ಕಂಡುಕೊಂಡಿದ್ದಾರೆ.

ವರದಿಗಳ ಪ್ರಕಾರ ಹೃತಿಕ್ ಸಬಾ ಆಜಾದ್ ಅವರನ್ನು ಮದುವೆಯಾಗಲಿದ್ದಾರಂತೆ, ಅದೇ ಸಮಯದಲ್ಲಿ, ಸುಸ್ಸೇನ್‌ ಅಲ್ಸನ್ ಗೋನಿಯೊಂದಿಗೆ ಸಂಬಂಧವನ್ನು ಹೊಂದಿದ್ದಾರೆ. ಇವರಿಬ್ಬರು ಹಲವು ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.