Subhash Ghai Birthday: ಒಬ್ಬ ಹಿರೋಯಿನ್‌ಗಾಗಿ 3,000 ಯುವತಿಯರ ಅಡಿಷನ್ ಮಾಡಿದ ನಿರ್ದೇಶಕ
ಬಾಲಿವುಡ್ ಶೋಮ್ಯಾನ್ ಸುಭಾಷ್ ಘಾಯ್ (Subhash Ghai ) ಜನವರಿ 24 ರಂದು ತಮ್ಮ 76 ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ನಟನಾಗಬೇಕೆಂಬ ಹಂಬಲದಿಂದ ಬಾಲಿವುಡ್ ಪ್ರವೇಶಿಸಿದ ಸುಭಾಷ್ ಘಾಯ್ ನಿರ್ದೇಶಕರಾಗಿ ಹಲವು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದರು. ಅವರ ತಂದೆ ವೃತ್ತಿಯಲ್ಲಿ ದೆಹಲಿಯಲ್ಲಿ ದಂತವೈದ್ಯರಾಗಿದ್ದರು. ಸುಭಾಷ್ ಘಾಯ್ ಅವರ ಆರಂಭಿಕ ಅಧ್ಯಯನವನ್ನು ದೆಹಲಿಯಲ್ಲೇ ಪೂರ್ಣಗೊಳಿಸಲಾಯಿತು. ಆದರೆ ಅವರು ತಮ್ಮ ಪದವಿಯನ್ನು ರೋಹ್ಟಕ್‌ನಲ್ಲಿ ಮಾಡಿದರು. 1963 ರಲ್ಲಿ ಫಿಲ್ಮ್ ಅಂಡ್ ಟೆಲಿವಿಷನ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದಲ್ಲಿ ಪ್ರವೇಶ ಪಡೆದರು. ಸುಭಾಷ್ ಘಾಯ್ ಅವರ ಜೀವನದ ಕೆಲವು ಇಂಟರೆಸ್ಟಿಂಗ್‌ ಸಂಗತಿಗಳು ಇಲ್ಲಿವೆ.
Followಸುಭಾಷ್ ಘಾಯ್ ಅವರು ನಟನಾಗಲು ಬಯಸಿದ್ದರು. ಮೊದಲು ಅವರು ನಟನಾಗಿಯೇ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಉಮಂಗ್ ಮತ್ತು ಗುಮ್ರಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡರು. ಆದರೆ ಹೆಚ್ಚು ಯಶಸ್ಸು ಗಳಿಸಲಿಲ್ಲ. ಅವರು ಅನೇಕ ಕಡಿಮೆ ಬಜೆಟ್ ಚಿತ್ರಗಳನ್ನು ಮಾಡಿದ್ದಾರೆ. ಆದರೆ ನಟನಾಗಿ ಯಶಸ್ವಿಯಾಗಲಿಲ್ಲ.
ಇದಾದ ನಂತರ ಸುಭಾಷ್ ಘಾಯ್ ನಿರ್ದೇಶಕರಾಗುವ ಹಾದಿ ಹಿಡಿದರು. ಅವರ ಇಚ್ಛೆಯಂತೆ ಬಾಕ್ಸ್ ಆಫೀಸ್‌ ಮೇಲೆ ತಮ್ಮ ಹಿಡಿತ ಸ್ಥಾಪಿಸಿದ್ದರು. ಅವರು ಒಂದಕ್ಕಿಂತ ಹೆಚ್ಚು ಹಿಟ್ ಚಿತ್ರಗಳನ್ನು ಗಲ್ಲಾಪೆಟ್ಟಿಗೆಗೆ ನೀಡಿದರು.
ಸುಭಾಷ್ ಘಾಯ್ ಅವರ ಪ್ರಸಿದ್ಧ ಚಲನಚಿತ್ರಗಳು ಕಾಳಿಚರಣ್, ವಿಶ್ವನಾಥ್, ಕರ್ಜ್, ಹೀರೋ, ಮೇರಿ ಜಂಗ್, ಕರ್ಮ, ರಾಮ್ ಲಖನ್, ಸೌದಾಗರ್, ಖಲ್ನಾಯಕ್, ಪರ್ದೇಸ್ ಮತ್ತು ತಾಲ್. ಅನೇಕ ಹಿಟ್‌ಗಳನ್ನು ನೀಡಿದ ಕಾರಣ ಅವರಿಗೆ ಶೋಮ್ಯಾನ್ ಎಂದು ಹೆಸರಿಸಲಾಯಿತು.
ಸುಭಾಷ್ ಘಾಯ್ ಅವರು ತಮ್ಮ ಚಿತ್ರಗಳ ಮೂಲಕ ಅನೇಕ ನಟ-ನಟಿಯರಿಗೆ ಅವಕಾಶಗಳನ್ನು ನೀಡಿದ್ದಾರೆ. ಇದರಲ್ಲಿ ಜಾಕಿ ಶ್ರಾಫ್, ರೀನಾ ರಾಯ್, ಮೀನಾಕ್ಷಿ, ಮಾಧುರಿ ದೀಕ್ಷಿತ್, ಮನಿಶಾ ಕೊಯಿರಾಲಾ ಹೆಸರು ಸೇರಿದೆ.
ಆ ಕಾಲದಲ್ಲೇ ಮಾಧುರಿ ದೀಕ್ಷಿತ್ ಅವರನ್ನು 'ನೋ ಪ್ರೆಗ್ನೆಂಸಿ ಎಂಬ ಷರತ್ತಿಗೆ ಸಹಿ ಹಾಕುವಂತೆ ಮಾಡಿದ ಮೊದಲ ನಿರ್ದೇಶಕ ಸುಭಾಷ್ ಘಾಯ್. ವಾಸ್ತವವಾಗಿ, ಆ ದಿನಗಳಲ್ಲಿ ಸಂಜಯ್ ಮತ್ತು ಮಾಧುರಿ ಕೂಡ ಸಂಬಂಧದಲ್ಲಿದ್ದರು, ಆದ್ದರಿಂದ ಘಾಯ್ ಈ ಬಾಂಡ್‌ಗೆ ಸಹಿ ಹಾಕಿದರು.
ಸುಭಾಷ್ ಘಾಯ್ ಇನ್ನೊಂದು ಕಾರಣಕ್ಕಾಗಿ ಸುದ್ದಿಯಾಗಿದ್ದರು. ಅವರು ತಮ್ಮ ಸೂಪರ್‌ಹಿಟ್ ಚಿತ್ರ ಪರದೇಸ್‌ಗಾಗಿ ತಾಜಾ ಮುಖವನ್ನು ಹುಡುಕುತ್ತಿದ್ದರು. ಇದರಿಂದಾಗಿ ಅವರು ಒಂದಲ್ಲ ಎರಡಲ್ಲ ಇಡೀ 3000 ಹುಡುಗಿಯರನ್ನು ಆಡಿಷನ್ ಮಾಡಿದ್ದರು. ಅದರ ನಂತರ ಅವರು ಮಹಿಮಾ ಚೌಧರಿಯನ್ನು ಪರ್ದೇಸ್ ಚಿತ್ರಕ್ಕೆ ಸಹಿ ಹಾಕಿದರು. ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಅದರಲ್ಲಿ ಶಾರುಖ್ ಖಾನ್ ಸಹ ಇದ್ದಾರೆ.
ಸುಭಾಷ್ ಘಾಯ್ ಅವರು ತಮ್ಮ ಕುಟುಂಬದ ಸಹಾಯವಿಲ್ಲದೆ ತಮ್ಮ ವೃತ್ತಿಜೀವನವನ್ನು ಶುರು ಮಾಡಿದರು. ಮಾಧ್ಯಮ ವರದಿಗಳ ಪ್ರಕಾರ, ಅವರು 144 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ. ಈಗ ನಿರ್ದೇಶನದ ಪ್ರಪಂಚದಿಂದ ದೂರವಾಗಿ ನಟನಾ ಶಾಲೆ ನಡೆಸುತ್ತಿದ್ದಾರೆ.
ವಿಸ್ಲಿಂಗ್ ವುಡ್ಸ್ ಹೆಸರಿನ ಸುಭಾಷ್ ಘಾಯ್ ಅವರ ನಟನಾ ಸಂಸ್ಥೆ ಮುಂಬೈನಲ್ಲಿದೆ. ಈ ಶಾಲೆಯನ್ನು ವಿಶ್ವದ ಅಗ್ರ 10 ಚಲನಚಿತ್ರ ಶಾಲೆಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಈ ನಟನಾ ಶಾಲೆಯಲ್ಲಿ ಸುಭಾಷ್ ಅವರು ಹೊಸಬರಿಗೆ ನಟನೆ ಮತ್ತು ಚಿತ್ರ ನಿರ್ಮಾಣದ ತರಬೇತಿ ನೀಡುತ್ತಿದ್ದಾರೆ.
ಸುಭಾಷ್ ಘಾಯ್ ರಿಹಾನ್ನಾ ಅಕಾ ಮುಕ್ತಾ ಅವರನ್ನು ವಿವಾಹವಾದರು. ಅವರಿಗೆ ಮೇಘನಾ ಘಾಯ್ ಪುರಿ ಮತ್ತು ಮುಸ್ಕಾನ್ ಘಾಯ್ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಸುಭಾಷ್ ಘಾಯ್ ತಮ್ಮ ಹಿಂದಿ ಸಿನಿಮಾ ವೃತ್ತಿಜೀವನದಲ್ಲಿ ಸುಮಾರು 16 ಚಿತ್ರಗಳನ್ನು ಬರೆದು ನಿರ್ದೇಶಿಸಿದ್ದಾರೆ. ಅದರಲ್ಲಿ 13 ಚಿತ್ರಗಳು ಬಾಕ್ಸ್ ಆಫೀಸ್‌ನಲ್ಲಿ ಬ್ಲಾಕ್-ಬಸ್ಟರ್ ಹಿಟ್ ಎಂದು ಸಾಬೀತಾಗಿದೆ.
