ನಾನು ಆರ್ಥಿಕವಾಗಿ ಸ್ವತಂತ್ರಳಲ್ಲ, ತನ್ನ ಮಕ್ಕಳಿಗೆ ಹೀಗಾಗಬಾರದು ಎಂದ ಬಿಗ್‌ ಬಿ ಪುತ್ರಿ

ಮಾಡೆಲ್, ಅಂಕಣಕಾರತಿ, ಲೇಖಕಿ ಜೊತೆಗೆ ಉದ್ಯಮಿಯಾಗಿಯೂ ಕೆಲಸ ಮಾಡಿರುವ ಶ್ವೇತಾ ಬಚ್ಚನ್ (Shweta Bachchan)  ಅವರು ತಮ್ಮ ವೃತ್ತಿ ಜೀವನದಲ್ಲಿ ಆರ್ಥಿಕವಾಗಿ ಸ್ವತಂತ್ರವಾಗಿಲ್ಲ ಎಂದು ಹೇಳಿದ್ದಾರೆ. ಅಮಿತಾಭ್ ಬಚ್ಚನ್ ಅವರ ಪುತ್ರಿ ಶ್ವೇತಾ ಅವರು ಮಹತ್ವಾಕಾಂಕ್ಷೆಯ ವ್ಯಕ್ತಿಯಲ್ಲ ಮತ್ತು ನಾನು ಎಲ್ಲಿದ್ದೇನೆ ಎಂಬುದಕ್ಕೆ ತೃಪ್ತಿ ಹೊಂದಿದ್ದೇನೆ ಎಂದು ಹೇಳಿದ್ದಾರೆ. ಆದರೆ ತನ್ನ ಮಕ್ಕಳಾದ ನವ್ಯಾ ನವೇಲಿ ನಂದಾ ಮತ್ತು ಅಗಸ್ತ್ಯ ನಂದಾ ಬೇರೆ ದಾರಿ ಹಿಡಿದು ಆರ್ಥಿಕ ಭದ್ರತೆಯನ್ನು ಭದ್ರಪಡಿಸಿಕೊಳ್ಳಬೇಕೆಂದು ಬಯಸುತ್ತಾರೆ. 

ಶ್ವೇತಾ ಇತ್ತೀಚೆಗೆ ಮಗಳ ಚೊಚ್ಚಲ ಪಾಡ್‌ಕಾಸ್ಟ್ ವಾಟ್ ದಿ ಹೆಲ್ ನವ್ಯದಲ್ಲಿ ತಮ್ಮ ಈ ಅಭಿಪ್ರಾಯವವನ್ನು ಹೇಳಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಅವರು ತಮ್ಮ ಆರ್ಥಿಕ ಪರಿಸ್ಥಿತಿಯ ಬಗ್ಗೆ ಮಾತನಾಡಿದರು. 

ಇದೇ ವೇಳೆ ETimes ಜೊತೆ ಮಾತನಾಡುತ್ತಾ ತಮ್ಮ ಆರ್ಥಿಕ ಪರಿಸ್ಥಿತಿಯ ಬಗ್ಗೆ ಮಾತನಾಡುತ್ತಾ, ದುರದೃಷ್ಟವಶಾತ್ ನಾನು ಆರ್ಥಿಕವಾಗಿ ಸ್ವತಂತ್ರವಾಗಿಲ್ಲ. ಆದರೆ ತನ್ನ ಮಕ್ಕಳು  ಹೀಗೆ ಆಗಬಾರದು ಮಕ್ಕಳು ತಮ್ಮ ಆರ್ಥಿಕ ಸ್ಥಿತಿಯನ್ನು ಸದೃಢಗೊಳಿಸಿಕೊಳ್ಳಬೇಕು ಎಂದಿದ್ದಾರೆ ಶ್ವೇತಾ ಬಚ್ಚನ್. 

ನನ್ನ ಮಗಳನ್ನು ಶಾಲೆಗೆ ಕಳುಹಿಸುವಾಗ, ಅವಳು ತನ್ನನ್ನು ತಾನು ಸಪೋರ್ಟ್‌ ಮಾಡಿಕೊಳ್ಳುವ ದಾರಿಯಲ್ಲಿ ಅವಳನ್ನು ನಿಲ್ಲಿಸಲು ನಾನು ಬಯಸಿದ್ದೆ. ನನ್ನ ಇಬ್ಬರು ಮಕ್ಕಳಾದ ನವ್ಯಾ-ಅಗಸ್ತ್ಯಾ ಇಬ್ಬರಿಗೂ ನಾನು ಇದ್ದನೇ ಬಯಸುತ್ತೇನೆ. ಅವರಿಬ್ಬರೂ ಅವರ ಬ್ಯಾಂಕಿನಲ್ಲಿ ಸಾಕಷ್ಟು ಹಣ ಇರುವವರೆಗೆ ಅಥವಾ ತಮ್ಮದೇ ಆದ ಸ್ಥಾನ ಗಳಿಸುವ ವರೆಗೆ  ಅವರ ಕುಟುಂಬ ಅಥವಾ ಮದುವೆಯ ಬಗ್ಗೆ ಯೋಚಿಸಬಾರದು ಎಂದು ನಾನು ಬಯಸುತ್ತೇನೆ ಎಂದು ಶ್ವೇತಾ ಸಂದರ್ಶನದಲ್ಲಿ ಹೇಳಿದ್ದಾರೆ.

ನನ್ನ ಮಗಳು ವಿಶೇಷವಾಗಿ ಆರ್ಥಿಕವಾಗಿ ಬಲಶಾಲಿಯಾಗಬೇಕೆಂದು ನಾನು ಬಯಸುತ್ತೇನೆ, ಅದು ಅವಳ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ. ಅವಳು ತನ್ನ ತಂದೆಯ ಹಣವನ್ನು ಬಳಸದೆ ಸ್ವಂತವಾಗಿ ಕೆಲಸ ಮಾಡಬೇಕೆಂದು ನಾನು ಬಯಸುತ್ತೇನೆ ಎಂದು ಇನ್ನಷ್ಷೂ ಹೇಳಿದ್ದಾರೆ ಬಿಗ್‌ ಬಿ ಪುತ್ರಿ.

ತನ್ನ ಪಾಡ್‌ಕ್ಯಾಸ್ಟ್‌ನಲ್ಲಿ, ನವ್ಯಾ ನವೇಲಿ ನಂದಾ ತನ್ನ ತಾಯಿ ಶ್ವೇತಾ ಮತ್ತು ತಾಯಿಯ ಅಜ್ಜಿ ಜಯಾ ಬಚ್ಚನ್ ಅವರೊಂದಿಗೆ ಹಣಕಾಸು, ಖ್ಯಾತಿಯಿಂದ ಹಿಡಿದು ಸ್ನೇಹ ಮತ್ತು ಕುಟುಂಬದ ಎಲ್ಲದರ ಬಗ್ಗೆ ಮಾತನಾಡಿದ್ದಾರೆ.

ಕಾರ್ಯಕ್ರಮದ ಹೊಸ ಸಂಚಿಕೆಯು ಸೆಪ್ಟೆಂಬರ್ 24 ರಿಂದ ಪ್ರಾರಂಭವಾಗಿದೆ ಪ್ರತಿ ಶನಿವಾರದಂದು IVM ಪಾಡ್‌ಕ್ಯಾಸ್ಟ್ ಮತ್ತು ಇತರ ಆಡಿಯೊ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಿಡುಗಡೆಯಾಗುತ್ತದೆ. ನವ್ಯಾ ಅವರು ವ್ಯಾಪಾರ ಮಹಿಳೆ ಮತ್ತು ಮಹಿಳೆಯರ ಆರೋಗ್ಯಕ್ಕೆ ಸಂಬಂಧಿಸಿದ ವಿಷಯಗಳಲ್ಲಿ ಕೆಲಸ ಮಾಡುತ್ತಾರೆ