ರಜನಿಕಾಂತ್ ಅಳಿಯನೊಟ್ಟಿಗೆ ಕಮಲ್ ಹಾಸನ್ ಮಗಳು ಶ್ರುತಿ ಹೆಸರು ಲಿಂಕ್ ಆಗಿತ್ತು!

ಸೌತ್ ಸೂಪರ್ ಸ್ಟಾರ್ (South Super star) ಕಮಲ್ ಹಾಸನ್(Kamal Hassan) ಅವರ ಪುತ್ರಿ ನಟಿ ಶ್ರುತಿ ಹಾಸನ್ (Shruti Haasan) ಅವರ ಹುಟ್ಟುಹಬ್ಬ. 28 ಜನವರಿ 1986 ರಂದು ಚೆನ್ನೈನಲ್ಲಿ ಜನಿಸಿದ ಶ್ರುತಿ ಕಮಲ್ ಮತ್ತು ಸಾರಿಕಾ ಮದುವೆಯಾಗುವ ಮೊದಲು ಜನಿಸಿದವರು. ಅವರು ಹುಟ್ಟಿದ ಎರಡು ವರ್ಷಗಳ ನಂತರ, ಅಂದರೆ 1988 ರಲ್ಲಿ, ಕಮಲ್ ಸಾರಿಕಾ ಅವರೊಂದಿಗೆ ಮದುವೆಯಾದರು. ನಟಿಯ ಲವ್‌ ಲೈಫ್‌ ಸಖತ್‌ ಸುದ್ದಿ ಮಾಡಿದೆ. ಬಾಲಿವುಡ್‌ ನಟ ರಣಬೀರ್‌ ಕಪೂರ್‌ ಜೊತೆ ಸಹ ಈಕೆ ಹೆಸರು ಲಿಂಕ್‌ ಆಗಿತ್ತು. ಅವರ ಜೀವನಕ್ಕೆ ಸಂಬಂಧಿಸಿದ ಕೆಲವು ಆಸಕ್ತಿದಾಯಕ ವಿಷಯಗಳ ಇಲ್ಲಿವೆ. 

ಶ್ರುತಿ ಹಾಸನ್ ಗಾಯಕಿಯಾಗಲು ಬಯಸಿದ್ದರು ಮತ್ತು ಸಂಗೀತ ತರಬೇತಿಯನ್ನೂ ಪಡೆದರು. ಕ್ಯಾಲಿಫೋರ್ನಿಯಾದಲ್ಲಿ ಸಂಗೀತ ಪಾಠಗಳನ್ನು ತೆಗೆದುಕೊಂಡರು. ಆರನೇ ವಯಸ್ಸಿನಲ್ಲಿ, ಅವರು ಚಾಚಿ 420 ರಲ್ಲಿ ತಮ್ಮದೇ ಆದ ಹಾಡನ್ನು ಹಾಡಿದರು. ಶ್ರುತಿಗೆ ನಟಿಯಾಗುವುದು ಇಷ್ಟವಿರಲಿಲ್ಲ. ಆದರೆ ಅದೃಷ್ಟದಲ್ಲಿ  ಅವರು ಉತ್ತಮ ಗಾಯಕಿ ಮಾತ್ರವಲ್ಲದೆ ಶ್ರೇಷ್ಠ ನಟಿ ಕೂಡ ಆಗುವುದು ಇತ್ತು.

‘ಲಕ್’ ಚಿತ್ರದ ಮೂಲಕ ಶೃತಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಅವರು ಅನೇಕ ಚಲನಚಿತ್ರಗಳನ್ನು ಮಾಡಿದ್ದಾರೆ. ನಟಿಗೆ ತಮಿಳು, ತೆಲುಗು, ಹಿಂದಿ ಮತ್ತು ಇಂಗ್ಲಿಷ್ ಭಾಷೆಯ ಮೇಲೆ ಹಿಡಿತವಿದೆ. ಅವರು ಈ ಭಾಷೆಗಳಲ್ಲಿ ಸಾಕಷ್ಟು ಸಿನಿಮಾಗಳನ್ನೂ ಮಾಡಿದ್ದಾರೆ. ಶ್ರುತಿ ಹಾಸನ್ ಮಾಡೆಲ್, ಸಂಗೀತ ಸಂಯೋಜಕಿ ಮತ್ತು ಬರಹಗಾರ್ತಿಯೂ ಹೌದು.

ಶ್ರುತಿ ತನ್ನ ಶಾಲಾ ದಿನಗಳಲ್ಲಿ ಸ್ಟಾರ್ ಕಿಡ್‌ನಂತೆ ವರ್ತಿಸಲು ಇಷ್ಟಪಡದ ಕಾರಣ ತನ್ನ ಹೆಸರನ್ನು ಪೂಜಾ ರಾಮಚಂದ್ರನ್ ಎಂದು ಬದಲಾಯಿಸಿಕೊಂಡಿದ್ದರು ಎನ್ನಲಾಗಿದೆ. ಪೋಷಕರ ವಿಚ್ಛೇದನದ ನಂತರ ಅವಳು ತನ್ನ ತಾಯಿ ಸಾರಿಕಾ ಜೊತೆ ವಾಸಿಸಲು ಪ್ರಾರಂಭಿಸಿದರು.

ಆ ಸಮಯದಲ್ಲಿ ಅವರು 15 ವರ್ಷ ವಯಸ್ಸಿನವರಾಗಿದ್ದರು. ಒಂದು ಕಾಲದಲ್ಲಿ  ಅವರ ತಂದೆಯ ಜೊತೆ ಸಂಬಂಧ (Relationship) ಹದಗೆಟ್ಟಿತ್ತು. ನಂತರ ಶ್ರುತಿ  ಮತ್ತೆ ಸರಿಪಡಿಸಿದರು. ಅವರು ಕಮಲ್ ಹಾಸನ್ ಅವರನ್ನು ಬಾಪೂಜಿ ಎಂದು ಕರೆಯುತ್ತಾರೆ. ಇವರಿಗೆ ಅಕ್ಷರಾ ಎಂಬ ತಂಗಿ ಇದ್ದಾರೆ.

ಪ್ರಸ್ತುತ ಸಂತನು ಹಜಾರಿಕಾ ಅವರ ಜೊತೆ  ಡೇಟಿಂಗ್ ಮಾಡುತ್ತಿರುವ ಶ್ರುತಿ ಹಾಸನ್, ಮೊದಲು ಕೆಲವು ಸೆಲೆಬ್ರಿಟಿಗಳೊಂದಿಗೆ ಸಂಬಂಧ ಹೊಂದಿದ್ದರು. ರಣಬೀರ್ ಕಪೂರ್, ನಾಗ ಚೈತನ್ಯ ಮತ್ತು ಇತರ ನಟರೊಂದಿಗೆ ಡೇಟಿಂಗ್ ಮಾಡಿದ ಕಾರಣಕ್ಕಾಗಿ ಸುದ್ದಿಯಲ್ಲಿದ್ದರು.

ಸಂತಾನು ಹಜಾರಿಕಾ, ಡೂಡಲ್ ಕಲಾವಿದ ಮತ್ತು ದೆಹಲಿ ಮೂಲದ ಸಚಿತ್ರಕಾರ. ಈ ಜೋಡಿ ಫೋಟೋಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಳ್ಳುವ ಮೂಲಕ Instagram ನಲ್ಲಿ ತಮ್ಮ ಸಂಬಂಧವನ್ನು ಅಧಿಕೃತಗೊಳಿಸಿದ್ದಾರೆ.

ಸಮಂತಾ ರುತ್ ಪ್ರಭು ಅವರ ಮಾಜಿ ಪತಿ ನಾಗ ಚೈತನ್ಯ ಅವರೊಂದಿಗೆ ಶ್ರುತಿ ಸಂಬಂಧ ಹೊಂದಿದ್ದರು ಎಂದು ವದಂತಿಗಳಿವೆ. ಸಮಂತಾಗೂ ಮೊದಲು ಚೈತನ್ಯ ಶ್ರುತಿಯನ್ನು ಮದುವೆಯಾಗಲು ಬಯಸಿದ್ದರು ಎಂದು ಹೇಳಲಾಗುತ್ತದೆ, ಆದರೆ ನಂತರ ಅವರು ಬೇರ್ಪಟ್ಟರು.

ವರದಿಗಳ ಪ್ರಕಾರ, ಶ್ರುತಿ ಮತ್ತು ಸುರೇಶ್ ಅವರು ಚೆನ್ನೈ ಸೂಪರ್ ಕಿಂಗ್ಸ್ (CSK) ಐಪಿಎಲ್ ಪಾರ್ಟಿಯಲ್ಲಿ ಸಾಮಾನ್ಯ ಸ್ನೇಹಿತರ ಮೂಲಕ ಭೇಟಿಯಾದರು.ಅವರು ಮೊದಲು ಸ್ನೇಹಿತರಾದರು, ಮತ್ತು ನಂತರ ಇಬ್ಬರೂ ಪ್ರೀತಿಸುತ್ತಿದ್ದರು. ಶ್ರುತಿ ರೈನಾ ಅವರ ಐಪಿಎಲ್ ಪಂದ್ಯಗಳಿಗೆ ಜೊತೆಯಾಗಲು ಪ್ರಾರಂಭಿಸಿದರು. ಆದರೆ, ಶೃತಿ ಮತ್ತು ಸುರೇಶ್ ಬಹಳ ಸಮಯ ಮೌನವಾಗಿದ್ದ ನಂತರ ಸಂಬಂಧದ ವದಂತಿಗಳನ್ನು ನಿರಾಕರಿಸಿದರು. 'ಹಲವು ಮಾಧ್ಯಮ ವರದಿಗಳನ್ನು ಯಾರೂ ಖಚಿತಪಡಿಸಲು ಪ್ರಯತ್ನಿಸುವುದಿಲ್ಲ. ನಾನು ಯಾರೊಂದಿಗೂ ಡೇಟಿಂಗ್ ಮಾಡುತ್ತಿಲ್ಲ' ಎಂದು ಸುರೇಶ್ ಟ್ವೀಟ್ ಮಾಡಿದ್ದರು.

ರಣಬೀರ್ ಮತ್ತು ಶ್ರುತಿ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಅನೇಕ ವರದಿಗಳು ಹೇಳುತ್ತವೆ. ಜಾಹೀರಾತಿನ ಸಮಯದಲ್ಲಿ ಅವರು ಮೊದಲು ಭೇಟಿಯಾದರು ಮತ್ತು ಅಂದಿನಿಂದ ವದಂತಿಯು ಪ್ರಾರಂಭವಾಯಿತು. ಇದರ ಬಗ್ಗೆ ಶ್ರುತಿ ಅವರನ್ನು ಕೇಳಿದಾಗ, ಅವರು ಅದನ್ನು 'ಸಾಕಷ್ಟು ತಮಾಷೆ ಮತ್ತು ಹಾಸ್ಯಾಸ್ಪದ' ಎಂದು ಕರೆದರು.

ಶ್ರುತಿ ಹಾಸನ್ ಮತ್ತು ಸಿದ್ಧಾರ್ಥ್  ತೆಲುಗು ಚಲನಚಿತ್ರ ಸೆಟ್‌ನಲ್ಲಿ ಭೇಟಿಯಾದರು. ಡೇಟಿಂಗ್ ಪ್ರಾರಂಭಿಸಿದ ಇಬ್ಬರೂ ಒಟ್ಟಿಗೆ ವಾಸಿಸುತ್ತಿದ್ದರು ಎಂದು ವರದಿಗಳು ಹೇಳಿದ್ದವು. ನಂತರ ಇಬ್ಬರೂ ಬೇರೆಯಾದರು ಎಂಬ ಸುದ್ದಿ ಬಂದಿತು. ಇಬ್ಬರ ನಡುವಿನ  ಭಾರಿ ವ್ಯತ್ಯಾಸಗಳು ಮತ್ತು ವೃತ್ತಿಪರ ಜವಾಬ್ದಾರಿಗಳಿಂದಾಗಿ ಎಂದು ಬೇರೆಯಾದರು ಎನ್ನಲಾಗಿದೆ.

ನಟಿ ಲಂಡನ್ ಮೂಲದ ನಟ, ಗಾಯಕ ಮೈಕೆಲ್ ಕೊರ್ಸಾಲೆ ಅವರೊಂದಿಗೆ ಸಂಬಂಧದಲ್ಲಿದ್ದರು. ಶ್ರುತಿ ಮತ್ತು ಅವರ ಕುಟುಂಬದೊಂದಿಗೆ ಇರಲು ಅವರು ಭಾರತಕ್ಕೆ ಹಲವು ಬಾರಿ ಭೇಟಿ ನೀಡಿದ್ದರು. ಮೈಕೆಲ್ ಶ್ರುತಿಯ ತಂದೆ ಕಮಲ್ ಹಾಸನ್ ಅವರೊಂದಿಗೆ ಪೋಸ್ ನೀಡಿದ್ದರು. ಆದರೆ, ನಂತರ ಇಬ್ಬರೂ ಬೇರೆಯಾದರು.

ಶ್ರುತಿ ಹಾಸನ್ ಮತ್ತು ಧನುಷ್ ಪ್ರಸಿದ್ಧ ಟ್ರ್ಯಾಕ್ 'ವೈ ದಿಸ್ ಕೊಲವರಿ ಡಿ' ಹಾಡಿನ  3 ತಮಿಳು ಸಿನಿಮಾದಲ್ಲಿ ಇಬ್ಬರೂ ಒಟ್ಟಿಗೆ ನಟಿಸಿದ್ದರು. ಈ ಚಿತ್ರವನ್ನು ಧನುಷ್ ಅವರ ಮಾಜಿ ಪತ್ನಿ ಐಶ್ವರ್ಯಾ ರಜನಿಕಾಂತ್ ನಿರ್ದೇಶಿಸಿದ್ದಾರೆ. ನಟಿ ಮತ್ತು ಅವರ ಸಹನಟ ಡೇಟಿಂಗ್ ಪ್ರಾರಂಭಿಸಿದ್ದರು ಎಂಬ ವದಂತಿಗಳಿವೆ.