Don 2: ಪ್ರಿಯಾಂಕಾ ಚೋಪ್ರಾ ಪ್ರೀತಿಯಲ್ಲಿ ಬಿದ್ದ ಶಾರುಖ್!
ಶಾರುಖ್ ಖಾನ್ (Shahrukh Khan) ಮತ್ತು ಪ್ರಿಯಾಂಕಾ ಚೋಪ್ರಾ (Priyanka Chopra) ಅಭಿನಯದ ಡಾನ್ 2 (Don 2) ಚಿತ್ರ ಬಿಡುಗಡೆಯಾಗಿ 10 ವರ್ಷಗಳನ್ನು ಪೂರೈಸಿದೆ. 23 ಡಿಸೆಂಬರ್ 2011 ರಂದು ಬಿಡುಗಡೆಯಾದ ಈ ಸಿನಿಮಾದ ನಿರ್ದೇಶಕ ಫರ್ಹಾನ್ ಅಖ್ತರ್ ಮತ್ತು ಡಾನ್ 2 ಬಾಕ್ಸ್ ಆಫೀಸ್‌ನಲ್ಲಿ ಸೂಪರ್‌ ಹಿಟ್‌ ಆಗಿತ್ತು. ಸುಮಾರು 76 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ನಿರ್ಮಿಸಲಾಗಿದ್ದ ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು 203 ಕೋಟಿ ರೂಪಾಯಿ ಗಳಿಸಿತು. ಮಾಧ್ಯಮ ವರದಿಗಳ ಪ್ರಕಾರ, ಈ ಚಿತ್ರದ ಸಮಯದಲ್ಲಿ ಶಾರುಖ್ ಮತ್ತು ಪ್ರಿಯಾಂಕಾ ನಡುವೆ ಸಾಕಷ್ಟು ನಿಕಟತೆ ಇತ್ತು. ವಿಷಯ ಎಷ್ಟು ಹೆಚ್ಚಾಯಿತು ಎಂದರೆ ಶಾರುಖ್ ಮದುವೆ ಮುರಿದು ಬೀಳುವ ಹಂತಕ್ಕೆ ಬಂದಿತ್ತು. ಇವರಿಬ್ಬರ ಸಂಬಂಧದ ಸುದ್ದಿ ಶಾರುಖ್ ಪತ್ನಿ ಗೌರಿ ಖಾನ್ (Gauri Khan) ಅವರ ಕಿವಿಗೆ ಬಿದ್ದಾಗ ಶಾರುಖ್ ಅವರನ್ನು ಬಿಡುವುದಾಗಿ ಬೆದರಿಕೆ ಹಾಕಿದರು. ಶಾರುಖ್ ಮತ್ತು ಪ್ರಿಯಾಂಕಾರ ಆಫೇರ್‌ ಕಾರಣದಿಂದ ಗೌರಿ ಖಾನ್ ತೆಗೆದು ಕೊಂಡ ನಿರ್ಧಾರ ಏನು ಗೊತ್ತಾ?
ಡಾನ್ 2 ಚಿತ್ರದ ಶೂಟಿಂಗ್ ಸಮಯದಲ್ಲಿ, ಶಾರುಖ್ ಖಾನ್ ಪ್ರಿಯಾಂಕಾಗೆ ಮನಸು ನೀಡಿದರು. ವರದಿಗಳ ಪ್ರಕಾರ, ಅವರ ಸಂಬಂಧದ ಸುದ್ದಿ ಮುಖ್ಯಾಂಶಗಳಲ್ಲಿತ್ತು. ಈ ಸುದ್ದಿ ಶಾರುಖ್ ಪತ್ನಿಯ ಕಿವಿಗೆ ಬಿದ್ದಾಗ ವಿಚ್ಛೇದನದ ಪರಿಸ್ಥಿತಿ ಬಂದಿತ್ತು
ಡಾನ್ 2 ನಲ್ಲಿ ಕೆಲಸ ಮಾಡಿದ ನಂತರ, ಅವರ ಸಂಬಂಧದ ಚರ್ಚೆಗಳು ಹೆಚ್ಚಾಗತೊಡಗಿದವು. ಈ ಸುದ್ದಿ ಶಾರುಖ್ ಮನೆಗೆ ತಲುಪಿತ್ತು. ಇವರಿಬ್ಬರ ಸಂಬಂಧದ ಸುದ್ದಿಯಿಂದಾಗಿ ಶಾರುಖ್ ಮತ್ತು ಅವರ ಪತ್ನಿ ಗೌರಿ ನಡುವೆ ಬಿರುಕು ಮೂಡಿದೆ ಎಂಬ ಸುದ್ದಿ ಬರಲಾರಂಭಿಸಿತ್ತು.
ಶಾರುಖ್ ಮತ್ತು ಪ್ರಿಯಾಂಕಾರ ಆಫೇರ್‌ ವಿಷಯ ತಿಳಿದು ಮನೆ ಬಿಡಲು ತಯಾರಾಗಿದ್ದ ಪತ್ನಿಯನ್ನು ಶಾರುಖ್ ಶಾಂತಗೊಳಿಸಿದ್ದರು ಮತ್ತು ಪ್ರಿಯಾಂಕಾ ಜೊತೆ ಇನ್ನು ಮುಂದೆ ಹಾಗೆ ಮಾಡುವುದಿಲ್ಲ ಎಂದು ಗೌರಿಗೆ ಭರವಸೆ ನೀಡಿದರು.
ಪ್ರಿಯಾಂಕಾಗೆ ಡಾನ್ ಚಿತ್ರದಲ್ಲಿ ಶಾರುಖ್ ಜೊತೆ ಕೆಲಸ ಮಾಡಿದ ನಂತರ ಇಬ್ಬರೂ ಡಾನ್ 2 ನ ಸೀಕ್ವೆಲ್‌ನಲ್ಲಿ ಕೆಲಸ ಮಾಡಿದರು. ಈ ಚಿತ್ರದಲ್ಲಿ ಶಾರುಖ್ ಜೊತೆ ಕೆಲಸ ಮಾಡುವ ಅವಕಾಶ ಸಿಕ್ಕಾಗ ಪ್ರಿಯಾಂಕಾ ತುಂಬಾ ಉತ್ಸುಕರಾಗಿದ್ದರು. ಆದರೆ ಚಿತ್ರದ ಶೂಟಿಂಗ್ ಸಮಯದಲ್ಲಿ ಶಾರುಖ್ ಅವರ ವರ್ತನೆಯಿಂದ ತುಂಬಾ ಭಯಗೊಂಡಿದ್ದರು.
ಈ ವೇಳೆ ಮಾಧ್ಯಮದವರೊಂದಿಗೆ ಮಾತನಾಡಿದ ಪ್ರಿಯಾಂಕಾ ಚೋಪ್ರಾ ಡಾನ್ 2 ಚಿತ್ರೀಕರಣದ ವೇಳೆ ನಡೆದ ಘಟನೆಯೊಂದನ್ನ ಹೇಳಿಕೊಂಡಿದ್ದಾರೆ. ತನ್ನ ಡೈಲಾಗ್‌ಗಳ ಸಾಲುಗಳನ್ನು ನೆನಪಿಸಿಕೊಳ್ಳಲೂ ಆಗದಷ್ಟು ಭಯವಾಯಿತು ಎಂದು ಪ್ರಿಯಾಂಕಾ ಹೇಳಿದ್ದರು. ವಾಸ್ತವವಾಗಿ, ಚಿತ್ರದ ಒಂದು ದೃಶ್ಯದಲ್ಲಿ, ಶಾರುಖ್ ಮತ್ತು ಪ್ರಿಯಾಂಕಾರ ನಡುವಿನ ಹೊಡೆದಾಟದ ದೃಶ್ಯವನ್ನು ಚಿತ್ರೀಕರಿಸಲಾಗುತ್ತಿದ್ದು, ಪ್ರಿಯಾಂಕಾ ಅವರ ಕುತ್ತಿಗೆಯನ್ನು ಶಾರುಖ್ ಬಿಗಿಯಾಗಿ ಹಿಡಿದಿದ್ದರು.
ಶಾರುಖ್ ಖಾನ್ ನನ್ನ ಗಂಟಲನ್ನು ಹಿಡಿದಾಗ, ನಾನು ತುಂಬಾ ಉದ್ವಿಗ್ನಗೊಂಡೆ ಮತ್ತು ನನ್ನ ಸಂಭಾಷಣೆಯನ್ನು ಮರೆತುಬಿಟ್ಟೆ. ನನ್ನ ಡೈಲಾಗ್‌ ಏನೆಂದು ನನಗೆ ನೆನಪಿರಲಿಲ್ಲ ಎಂದು ಪ್ರಿಯಾಂಕಾ ಚೋಪ್ರಾ ಹೇಳಿದ್ದರು.
ಈ ಸಿನಿಮಾದಲ್ಲಿನ ಪ್ರಿಯಾಂಕಾ ಮತ್ತು ಶಾರುಖ್ ಅವರ ಕೆಮಿಸ್ಟ್ರಿಗೆ ಫ್ಯಾನ್ಸ್‌ ಫಿದಾ ಆಗಿದ್ದಾರೆ. ಡಾನ್ 2 ಮ್ಯೂಸಿಕ್‌ ಅನ್ನು ಶಂಕರ್ ಎಹ್ಸಾನ್ ಲಾಯ್ ಸಂಯೋಜಿಸಿದ್ದಾರೆ ಮತ್ತು ಸಾಹಿತ್ಯವನ್ನು ಜಾವೇದ್ ಅಖ್ತರ್ ಬರೆದಿದ್ದಾರೆ.
ಶಾರುಖ್ ಖಾನ್ ಅವರು ಕೊನೆಯದಾಗಿ 2018 ರ ಸಿನಿಮಾ ಝೀರೋದಲ್ಲಿ ಕಾಣಿಸಿಕೊಂಡರು, ಅದು ಕೆಟ್ಟದಾಗಿ ಫ್ಲಾಪ್‌ ಆಗಿತ್ತು. ಮುಂದಿನ ದಿನಗಳಲ್ಲಿ ಅವರು ಕೆಲವು ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇತ್ತೀಚೆಗೆ ಪಠಾಣ್ ಸಿನಿಮಾದ ಶೂಟಿಂಗ್ ಅನ್ನು ಪುನರಾರಂಭಿಸಿದ್ದಾರೆ. ಮಗ ಆರ್ಯನ್ ಖಾನ್ ಡ್ರಗ್ಸ್ ಪ್ರಕರಣದಲ್ಲಿ ಸಿಕ್ಕಿಬಿದ್ದ ನಂತರ ಶಾರುಖ್ ಶೂಟಿಂಗ್ ಗೆ ಬ್ರೇಕ್ ಹಾಕಿದ್ದರು.
ಶಾರುಖ್ ಖಾನ್ ಅವರ ಫ್ಯಾನ್‌ ಕ್ಲಬ್‌ ಪೇಜ್‌ಗಳಲ್ಲಿ ಅವರ ಫೋಟೋಗಳು ವೈರಲ್ ಆಗುತ್ತಿವೆ. ಇದರಲ್ಲಿ ಶಾರುಖ್ ಅವರ ಬೆನ್ನು ನೋಡಬಹುದು. ಕಪ್ಪು ಟಿ-ಶರ್ಟ್, ಕನ್ನಡಕ ಮತ್ತು ಉದ್ದನೆಯ ಕೂದಲು ಬನ್ ಆಕಾರದ ಕೇಶವಿನ್ಯಾಸದಲ್ಲಿ ಕಂಡುಬರುತ್ತದೆ. ನಟನ ಅಂಗರಕ್ಷಕರೂ ಅವರ ಸುತ್ತಲೂ ಕಾಣಿಸಿಕೊಂಡರು. ಶಾರುಖ್ ದಕ್ಷಿಣದ ನಿರ್ದೇಶಕ ಅಟ್ಲೀ ಅವರ ಲಯನ್ ಚಿತ್ರದಲ್ಲೂ ಕೆಲಸ ಮಾಡುತ್ತಿದ್ದಾರೆ.
