ಶಾರುಖ್ ಖಾನ್ ₹300 ಕೋಟಿ ಮನೆ; ಒಂದು ದಿನಕ್ಕೆ 2 ಲಕ್ಷ ರೂ. ಬಾಡಿಗೆ!

ಭಾರತೀಯ ಚಿತ್ರರಂಗದ ಸ್ಟಾರ್ ನಟ, ಸಾವಿರಾರು ಕೋಟಿ ಆಸ್ತಿಯ ಒಡೆಯ. ದಿನಕ್ಕೆ ಕೋಟಿಗಟ್ಟಲೆ ವ್ಯವಹಾರ, ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಈ ಸ್ಟಾರ್, ತಮ್ಮ ಮನೆಯನ್ನು ಬಾಡಿಗೆಗೆ ನೀಡಿ, ಪ್ರತಿ ತಿಂಗಳು ಬಾಡಿಗೆ ವಸೂಲಿ ಮಾಡುತ್ತಾರೆ ಎಂದರೆ ನಂಬುತ್ತೀರಾ? ಹೌದು, ಇದು ನಿಜ. ಈ ನಟ ಯಾರು ಅಂತ ಯೋಚಿಸುತ್ತಿದ್ದೀರಾ? ಬಾಲಿವುಡ್ ಬಾದ್‍ಶಾ ಶಾರುಖ್ ಖಾನ್. ಆ ಮನೆ ಇಲ್ಲೂ ಇಲ್ಲ, ಅಮೆರಿಕದ ಲಾಸ್ ಏಂಜಲೀಸ್‍ನಲ್ಲಿದೆ. ಆ ಮನೆಯ ವಿಶೇಷತೆ ಏನು ಗೊತ್ತಾ?

ಶಾರುಖ್ ಖಾನ್ ಬಂಗಲೆ ಲಾಸ್ ಏಂಜಲೀಸ್‍ನ ಬೆವರ್ಲಿ ಹಿಲ್ಸ್‌ನಲ್ಲಿದೆ. ಇದರಲ್ಲಿ 6 ಮಲಗುವ ಕೋಣೆಗಳು, ಈಜುಕೊಳ, ಖಾಸಗಿ ಕ್ಯಾಬಾನಾ ಮತ್ತು ಟೆನಿಸ್ ಕೋರ್ಟ್ ಇವೆ.

ಶಾರುಖ್ ಖಾನ್ ಬಂಗಲೆಯಲ್ಲಿ ದೊಡ್ಡ ಕುಳಿತುಕೊಳ್ಳುವ ಜಾಗವಿದೆ. ಅಲ್ಲಿಂದ ಹೊರಗಿನ ಸುಂದರ ದೃಶ್ಯಗಳನ್ನು ನೋಡಬಹುದು. ಸೋಫಾ ಮತ್ತು ಸ್ಟೈಲಿಶ್ ಸೆಂಟರ್ ಟೇಬಲ್ ಕೂಡ ಇದೆ.

ಶಾರುಖ್ ಖಾನ್ ಬಂಗಲೆಯ ಡ್ರಾಯಿಂಗ್ ರೂಮ್ ತುಂಬಾ ಐಷಾರಾಮಿ. ಇಲ್ಲಿ, ರಾಜಮನೆತನದ ಸೋಫಾ ಸೆಟ್‍ಗಳು, ವಾಲ್ ಪೇಂಟಿಂಗ್‍ಗಳು, ದುಬಾರಿ ಶೋಪೀಸ್‍ಗಳು ಮತ್ತು ಸುಂದರ ದೀಪಗಳಿವೆ.

ಶಾರುಖ್ ಖಾನ್ ಅವರರ ಈ ಬಂಗಲೆಯಲ್ಲಿ ಸುಂದರವಾದ, ದೊಡ್ಡ ಸ್ನಾನಗೃಹವಿದೆ. ದೊಡ್ಡ ಕೋಣೆಯ ಗಾತ್ರದ ಸ್ನಾನಗೃಹದಲ್ಲಿ ಜಕುಝಿ ಸೇರಿದಂತೆ ಹಲವು ಸೌಲಭ್ಯಗಳಿವೆ.

ಶಾರುಖ್ ಖಾನ್ ತಮ್ಮ ಬಂಗಲೆಯನ್ನು ಬಾಡಿಗೆಗೆ ನೀಡುತ್ತಾರೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗಬಹುದು. ಈ ಬಂಗಲೆಯಲ್ಲಿ ಉಳಿಯಲು ನೀವು ದೊಡ್ಡ ಮೊತ್ತವನ್ನು ಪಾವತಿಸಬೇಕಾಗುತ್ತದೆ. ಶಾರುಖ್ ಖಾನ್ ಆಸ್ತಿ ಸುಮಾರು 8,000 ಕೋಟಿ ರೂಪಾಯಿಗಳು. ಮುಂಬೈನಲ್ಲಿರುವ ಅವರ ಮನೆ 300 ಕೋಟಿಗೂ ಹೆಚ್ಚು ಮೌಲ್ಯದ್ದಾಗಿದೆ. ವಿದೇಶದಲ್ಲಿರುವ ಶಾರುಖ್ ಖಾನ್ ಬಂಗಲೆಯನ್ನು ಬಾಡಿಗೆಗೆ ನೀಡಲಾಗುತ್ತದೆ. ಇಲ್ಲಿ ಉಳಿಯಲು ದಿನಕ್ಕೆ ಸುಮಾರು 2 ಲಕ್ಷ ರೂಪಾಯಿ ಬಾಡಿಗೆ ಪಾವತಿಸಬೇಕಾಗುತ್ತದೆ. ಹಾಗೆಯೇ ಹೋಗಿ ಉಳಿಯಲು ಸಾಧ್ಯವಿಲ್ಲ. ಈ ಮನೆಯಲ್ಲಿ ಉಳಿಯಬೇಕೆಂದರೆ ಕೆಲವು ತಿಂಗಳ ಮುಂಚಿತವಾಗಿ ಬುಕ್ ಮಾಡಬೇಕು.

ಈ ಬಂಗಲೆ ಶಾರುಖ್ ಖಾನ್ ಅವರದ್ದು ಎಂದು ತಿಳಿದ ನಂತರ, ಸ್ವಲ್ಪ ಹಣವಂತ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳು ಲಾಸ್ ಏಂಜಲೀಸ್‍ಗೆ ಹೋದಾಗ ಬುಕ್ ಮಾಡುತ್ತಾರೆ. ಹೀಗೆ ಬಾಡಿಗೆಗೆ ನೀಡುವ ಮೂಲಕ ಷಾರೂಖ್ ಖಾನ್ ಪ್ರತಿ ವರ್ಷ ಕೋಟಿಗಟ್ಟಲೆ ರೂಪಾಯಿಗಳನ್ನು ಗಳಿಸುತ್ತಿದ್ದಾರೆ.