ಮದುವೆಯಾಗಿ ಮಧ್ಯರಾತ್ರಿಯಲ್ಲಿ ಮನೆಗೆ ಬಂದ ರೇಖಾ ಅವರಿಗೆ ಹೇಮಾ ಮಾಲಿನಿ ಕೇಳಿದ್ದೇನು ಗೊತ್ತಾ?
ಹಿರಿಯ ನಟಿ ಹಾಗೂ ಬಾಲಿವುಡ್‌ನ ಸುಂದರಿಯರಲ್ಲಿ ಒಬ್ಬರಾದ ರೇಖಾ (Rekha) ಅವರಿಗೆ 68 ವರ್ಷಗಳ ಸಂಭ್ರಮ. ಅಕ್ಟೋಬರ್ 10,1954 ರಂದು ಚೆನ್ನೈನಲ್ಲಿ ಜನಿಸಿದ ರೇಖಾ ಅವರ ಜೀವನವು ಬಾಲ್ಯದಿಂದಲೂ, ವಿವಾದಗಳಿಂದ ಸುತ್ತುವರೆದಿದೆ ಮತ್ತು ಇಂದಿಗೂ ಅದು ಮುಂದುವರೆದಿದೆ. ಅಭಿನಯ ಮತ್ತು ಸೌಂದರ್ಯಕ್ಕೆ ಹೆಸರುವಾಸಿಯಾದ ರೇಖಾ ಅವರ ಆಫೇರ್‌ಗಳ ಕಥೆಗಳು ಕಡಿಮೆ ಇರಲಿಲ್ಲ. ಅನೇಕರ ಜೊತೆ ಹೆಸರು ಲಿಕಂಕ್‌ ಆದ ನಂತರ, ರೇಖಾ ಅಂತಿಮವಾಗಿ ದೆಹಲಿ ಮೂಲದ ಉದ್ಯಮಿ ಮುಖೇಶ್ ಅಗರ್ವಾಲ್ ಅವರನ್ನು ವಿವಾಹವಾದರು. 1990 ರಲ್ಲಿ, ರೇಖಾ ತನ್ನ ವೃತ್ತಿಜೀವನದ ಉತ್ತುಂಗದಲ್ಲಿದ್ದ ಸಮಯದಲ್ಲಿ ಮುಕೇಶನನ್ನು ತನ್ನ ಜೀವನ ಸಂಗಾತಿಯನ್ನಾಗಿ ಮಾಡಿಕೊಂಡರು. ಒಂದು ರಾತ್ರಿ ದೇವಸ್ಥಾನದಿಂದ ಮುಖೇಶ್ ಜೊತೆ ರಹಸ್ಯವಾಗಿ ಮದುವೆಯಾಗಿ ಅಲ್ಲಿಂದ ನೇರವಾಗಿ ಹೇಮಾ ಮಾಲಿನಿಯ ಮನೆಗೆ ತಲುಪಿದರು. ರೇಖಾರನ್ನು ಈ ಸ್ಥಿತಿಯಲ್ಲಿ ನೋಡಿದ ಹೇಮಾ ಮಾಲಿನಿ ಅವರ ಪ್ರತಿಕ್ರಿಯೆ ಹೇಗಿತ್ತು ಗೊತ್ತಾ?
Followಯಾಸಿರ್ ಉಸ್ಮಾನ್ ಅವರ ಪುಸ್ತಕ Rekha: An Untold Story ರೇಖಾ ಅವರ ಜೀವನಕ್ಕೆ ಸಂಬಂಧಿಸಿದ ಅನೇಕ ಕಥೆಗಳನ್ನು ಹೊಂದಿದೆ. ರೇಖಾ ಮತ್ತು ಮುಖೇಶ್ ಅಗರ್ವಾಲ್ ಅವರ ಮದುವೆಯ ಬಗ್ಗೆ ಸಹ ವಿವರಿಸಲಾಗಿದೆ.
ಮುಕೇಶ್ ಅವರನ್ನು ಮದುವೆಯಾಗುವ ನಿರ್ಧಾರದಲ್ಲಿ ರೇಖಾ ಯಾವುದೇ ಆತುರವನ್ನು ಮಾಡಲಿಲ್ಲ .ರೇಖಾ: ಅನ್‌ಟೋಲ್ಡ್ ಸ್ಟೋರಿಯಲ್ಲಿ, ದೆಹಲಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ರೇಖಾ-ಮುಖೇಶ್ ಅಗರ್ವಾಲ್ ಭೇಟಿಯಾದರು ಎಂದು ಹೇಳಲಾಗಿದೆ.
ಆರಂಭದಲ್ಲಿ ರೇಖಾ ಮುಖೇಶ್‌ಗೆ ಹೆಚ್ಚು ಗಮನ ಕೊಡದಿದ್ದರೂ ಕ್ರಮೇಣ ಅವರಿಗೆ ಹತ್ತಿರವಾದರು. ರೇಖಾರನ್ನು ಭೇಟಿಯಾಗಲು ಮುಖೇಶ್ ಕೂಡ ಆಗಾಗ ಮುಂಬೈಗೆ ಬರತೊಡಗಿದರು. ಮುಕೇಶ್ ವಿಶೇಷವಾಗಿ ಮುಂಬೈಗೆ ಬಂದು ರೇಖಾರಿಗೆ ಮದುವೆ ಪ್ರಸ್ತಾಪ ಮಾಡಿದಾಗ ರೇಖಾ ತಡಮಾಡದೆ ಪ್ರಸ್ತಾಪವನ್ನು ಒಪ್ಪಿಕೊಂಡರು ಮತ್ತು ನಂತರ ಬೇಗನೆ ಮದುವೆಯಾಗಲು ನಿರ್ಧರಿಸಿದರು ಎಂದು ಲೇಖಕ ಯಾಸಿರ್ ಉಸ್ಮಾನ್ ಪುಸ್ತಕದಲ್ಲಿ ಉಲ್ಲೇಖಿಸಿದ್ದಾರೆ.
ರೇಖಾ ಮತ್ತು ಮುಖೇಶ್ ಅಗರ್ವಾಲ್ ರಾತ್ರಿ 10.30 ರ ನಂತರ .ಮುಂಬೈನ ದೇವಸ್ಥಾನಕ್ಕೆ ತೆರಳಿ, ಅರ್ಚಕರನ್ನು ಎಬ್ಬಿಸಿ ಮದುವೆಗೆ ಎಲ್ಲಾ ಸಿದ್ಧತೆಗಳನ್ನು ಮಾಡಿ ಇಬ್ಬರೂ ಅತ್ಯಂತ ಸರಳವಾಗಿ ವಿವಾಹವಾದರು ಎಂದು ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದೆ.
ಮದುವೆಯಾದ ನಂತರ, ಮುಖೇಶ್ ಅಗರ್ವಾಲ್ ತನ್ನ ಸ್ನೇಹಿತೆ ದೀಪ್ತಿ ನವಲ್ ಅವರ ಮನೆಗೆ ಹೋಗಬೇಕೆಂದು ಬಯಸಿದ್ದರು, ಆದರೆ ರೇಖಾ ತನ್ನ ವಿಶೇಷ ಸ್ನೇಹಿತೆ ಹೇಮಾ ಮಾಲಿನಿಯ ಮನೆಗೆ ಹೋಗಲು ಬಯಸಿದ್ದರು. ವಾಸ್ತವವಾಗಿ, ಇಬ್ಬರೂ ದಕ್ಷಿಣದವರು ಮತ್ತು ಇಬ್ಬರ ನಡುವೆ ವಿಶೇಷ ಸಂಬಂಧವಿತ್ತು.
ಮಧ್ಯರಾತ್ರಿ ರೇಖಾ ತನ್ನ ಪತಿಯೊಂದಿಗೆ ಹೇಮಾ ಮಾಲಿನಿಯ ಮನೆಗೆ ಬಂದರು. ರೇಖಾರ ಕೊರಳಿನಲ್ಲಿದ್ದ ಸಿಂಧೂರ ಮತ್ತು ಮಾಲೆಯನ್ನು ನೋಡಿದ ತಕ್ಷಣ ಈಗ ನೀನು ಮದುವೆಯಾಗಿದ್ದೇನೆ ಎಂದು ಹೇಳಬೇಡ ಹೇಮಾ ಹೇಳಿದರು. ಆದರೆ ರೇಖಾ ಅವರ ಹೌದೆಂದು ಒಪ್ಪಿದಾಗ ಹೇಮಾ ಮಾಲಿನಿ ಬೆಚ್ಚಿಬಿದ್ದರು. ಅವನ ಬಳಿ ತುಂಬಾ ಹಣವಿದೆಯೇ, ಅವನು ತುಂಬಾ ಶ್ರೀಮಂತನಾ ಎಂದು ಹೇಮಾ ರೇಖಾಳ ಕಿವಿಯಲ್ಲಿ ಕೇಳಿದಳು. ಹೇಮಾಳ ಪ್ರಶ್ನೆಗೆ ರೇಖಾ ಮುಗುಳ್ನಕ್ಕು ಸುಮ್ಮನಾದರು .
ರೇಖಾ ಮತ್ತು ಮುಕೇಶ್ ಅಗರ್ವಾಲ್ ಅವರ ಮದುವೆ ಕೇವಲ 9 ತಿಂಗಳಾಗಿತ್ತು ಮತ್ತು ಒಂದು ದಿನ ರೇಖಾ ಅವರ ದುಪಟ್ಟಾದಲ್ಲಿ ನೇಣು ಬಿಗಿದುಕೊಂಡು ಮುಖೇಶ್ ಆತ್ಮಹತ್ಯೆ ಮಾಡಿಕೊಂಡರು . ಇದಾದ ನಂತರ ಮಾಧ್ಯಮದವರು ರೇಖಾ ಅವರನ್ನು ಬಿಡಲಿಲ್ಲ. ರೇಖಾ ಬಗ್ಗೆ ಸಾಕಷ್ಟು ಕಥೆಗಳು ಪ್ರಕಟವಾದವು. ಅವರು ಜನರಿಗೆ ಉತ್ತರಿಸಲು ಆಗದೆ ಮೌನವಾಗಿದ್ದರು.
ರೇಖಾ ತನ್ನ ವೃತ್ತಿಜೀವನವನ್ನು ಬಾಲ ಕಲಾವಿದೆಯಾಗಿ ದಕ್ಷಿಣ ಚಲನಚಿತ್ರಗಳೊಂದಿಗೆ ಪ್ರಾರಂಭಿಸಿದರು. ನಿಧಾನವಾಗಿ ಅವರಿಗೆ ಬಾಲಿವುಡ್ ಚಿತ್ರಗಳಿಂದ ಆಫರ್ ಬರತೊಡಗಿತು. ಅವರು 1970 ರಲ್ಲಿ ಸಾವನ್ ಭಾಡೋ ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಆರಂಭಿಕ ಹಂತವು ಅವರಿಗೆ ಉತ್ತಮವಾಗಿರಲಿಲ್ಲ, ಆದರೆ ನಂತರ ಅವರು ತಮ್ಮ ಕೆಲಸವನ್ನು ಗಂಭೀರವಾಗಿ ಪರಿಗಣಿಸಿದರು ಮತ್ತು ವಿಭಿನ್ನ ಗುರುತನ್ನು ಮಾಡಿದರು.
ರೇಖಾ ತಮ್ಮ ವೃತ್ತಿಜೀವನದಲ್ಲಿ 180 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರು ಬಾಲಿವುಡ್‌ನ ಪ್ರತಿಯೊಬ್ಬ ಸೂಪರ್‌ಸ್ಟಾರ್‌ ಜೊತೆಗೆ ಪರದೆಯನ್ನು ಹಂಚಿಕೊಂಡಿದ್ದಾರೆ. ಅವರಲ್ಲಿ ಅನೇಕರೊಂದಿಗೆ, ಅವರ ಆಫೇರ್‌ಗಳ ಕಥೆಗಳು ಸಹ ಪ್ರಸಿದ್ಧವಾಗಿವೆ.
ಜಿತೇಂದ್ರ, ವಿನೋದ್ ಮೆಹ್ರಾ ನವೀನ್ ನಿಶ್ಚಲ್, ಅಕ್ಷಯ್ ಕುಮಾರ್, ಅಮಿತಾಬ್ ಬಚ್ಚನ್ ಮುಂತಾದವರ ಜೊತೆ ಅವರು ಸಂಬಂಧ ಹೊಂದಿದ್ದರು. ಆದರೆ ಯಾರೊಂದಿಗೂ ಸಂಬಂಧವು ಕಾರ್ಯರೂಪಕ್ಕೆ ಬರಲಿಲ್ಲ.
