ಬಾಲಿವುಡ್‌ನ ಈ ನಟನಿಂದ ಸಿಗರೇಟ್ ಸ್ಟೈಲ್ ಕಾಪಿ ಮಾಡಿದ್ರಂತೆ ರಜನೀಕಾಂತ್!
ರಜನೀಕಾಂತ್ ಅಂದ್ರೆ ತಕ್ಷಣಕ್ಕೆ ನೆನಪಾಗೋದು ಕೈಯಲ್ಲಿ ಸಿಗರೇಟ್ ತಿರುಗಿಸೋ ಸ್ಟೈಲ್..ತಲೈವಾ, ಸಿಗರೇಟ್ ಎಸೆದು ನಂತರ ಕ್ಯಾಚ್ ಹಿಡಿದು ಸ್ಮೋಕ್ ಮಾಡೋ ಸ್ಟೈಲ್ ಎಲ್ಲರಿಗೂ ಪರಿಚಿತವಾಗಿದೆ. ಆದರೆ, ಈ ಸ್ಟೈಲ್‌ನ್ನು ಮೊದಲ ಬಾರಿ ಆರಂಭಿಸಿದ್ದು ರಜನೀಕಾಂತ್ ಅಲ್ಲ ಅನ್ನೋದು ನಿಮ್ಗೆ ಗೊತ್ತಿದ್ಯಾ?
)
Followಭಾರತೀಯ ಚಿತ್ರರಂಗದ ಹೆಮ್ಮೆಯ ನಟ ಸೂಪರ್‌ಸ್ಟಾರ್‌ ರಜನೀಕಾಂತ್..ಹಲವಾರು ಸೂಪರ್‌ಹಿಟ್ ಸಿನ್ಮಾಗಳನ್ನು ಮಾಡಿರೋ ಈ ನಟ ಕೋಟ್ಯಾಂತರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಯಾವಾಗಲೂ ತಮ್ಮ ಸ್ಟೈಲಿಶ್ ಲುಕ್‌ ಹಾಗೂ ಮ್ಯಾನರಿಸಂನಿಂದಲೇ ಎಲ್ಲರ ಗಮನ ಸೆಳೆಯುತ್ತಾರೆ. ಹಲವಾರು ಫ್ಯಾನ್ಸ್‌ ರಜನೀಕಾಂತ್ ಸ್ಟೈಲ್‌ನ್ನು ಕಾಪಿ ಮಾಡಲು ಯತ್ನಿಸುತ್ತಾರೆ.
)
ರಜನೀಕಾಂತ್ ಅಂದ್ರೆ ತಕ್ಷಣಕ್ಕೆ ನೆನಪಾಗೋದು ಸ್ಮೋಕ್ ಮಾಡೋ ಸ್ಟೈಲ್..ಇದನ್ನು ಸ್ಪೆಷಲ್ ಆಗಿ ರಜನೀಕಾಂತ್ ಐಕಾನ್ ಸ್ಟೈಲ್ ಎಂದೇ ಪರಿಗಣಿಸಲಾಗಿದೆ. ಸಿಗರೇಟ್ ಎಸೆದು ನಂತರ ಕ್ಯಾಚ್ ಹಿಡಿದು ಸ್ಮೋಕ್ ಮಾಡೋ ಸ್ಟೈಲ್ ಎಲ್ಲರಿಗೂ ಪರಿಚಿತವಾಗಿದೆ. ಆದರೆ, ಈ ಸ್ಟೈಲ್‌ನ್ನು ಮೊದಲ ಬಾರಿ ಆರಂಭಿಸಿದ್ದು ರಜನೀಕಾಂತ್ ಅಲ್ಲ..
ಸೂಪರ್‌ಸ್ಟಾರ್‌ಗಳಾದ ರಜನಿಕಾಂತ್ ಮತ್ತು ಚಿರಂಜೀವಿ ಅವರನ್ನು ಪರಿಚಯಿಸುವ ಅಗತ್ಯವಿಲ್ಲ. ಅವರು ಭಾರತೀಯ ಚಿತ್ರರಂಗದ ಐಕಾನ್‌ಗಳು. ಆದರೆ ಅವರಿಗೆ ಸ್ಫೂರ್ತಿಯಾದ ಹಿರಿಯ ನಟರ ಬಗ್ಗೆ ಬಹುತೇಕರಿಗೆ ತಿಳಿದಿಲ್ಲ. ಹೌದು, ನಂಬೋಕೆ ಕಷ್ಟವೆನಿಸಿದರೂ ಇದು ನಿಜ. ರಜನೀಕಾಂತ್, ಸಿಗರೇಟ್ ಸ್ಟೈಲ್‌ಗೆ ಬಾಲಿವುಡ್‌ನ ಈ ಸೂಪರ್‌ಸ್ಟಾರ್‌ನಿಂದ ಪ್ರೇರಿತಗೊಂಡಿದ್ದಾರೆ.
ಬಾಲಿವುಡ್‌ನ ಈ ನಟ ಮತ್ಯಾರೂ ಅಲ್ಲ, ಶತ್ರುಘ್ನಾ ಸಿನ್ಹಾ. ತಮ್ಮ ಪವರ್‌ಫುಲ್ ಸ್ಕ್ರೀನ್ ಪ್ರೆಸೆನ್ಸ್ ಮತ್ತು ಡಮ್‌ದಾರ್ ಡೈಲಾಗ್ ಡೆಲಿವರಿಯಿಂದ ಪ್ರೇಕ್ಷಕರನ್ನು ಸೆಳೆದಿರುವ ಅಪ್ರತಿಮ ನಟ ರಜನೀಕಾಂತ್ ಸಿಗರೇಟ್ ಸೇದೋ ಸ್ಮೈಲ್‌ಗೆ ಪ್ರೇರಣೆಯಾಗಿದ್ದಾರೆ. ಮಾತ್ರವಲ್ಲ, ಚಿರಂಜೀವಿ ಅವರಿಗೆ ಚಲನಚಿತ್ರಗಳಲ್ಲಿ ವೃತ್ತಿಜೀವನವನ್ನು ಆರಂಭಿಸಲು ಆತ್ಮವಿಶ್ವಾಸವನ್ನು ನೀಡಿದ್ದಾರೆ.
ತೆಲುಗು ಚಿತ್ರರಂಗದಲ್ಲಿ ಚಿರಂಜೀವಿಗೆ ಅಪ್ರತಿಮ ಅಭಿಮಾನಿಗಳಿದ್ದಾರೆ. ಹಾಗೆಯೇ ರಜನೀಕಾಂತ್‌ಗೆ ತಮಿಳುನಾಡಿನಲ್ಲಿರುವ ಅಭಿಮಾನಿಗಳ ಸಂಖ್ಯೆ ಹೆಚ್ಚಿದೆ. ಮಾತ್ರವಲ್ಲ, ಈ ಸೂಪರ್‌ಸ್ಟಾರ್‌ಗಳಿಗೆ ಭಾಷೆಯ ಅಡೆತಡೆಗಳನ್ನು ಮೀರಿ ಫ್ಯಾನ್ಸ್‌ಗಳಿದ್ದಾರೆ. ಹಿಂದಿ ಮಾತನಾಡುವ ಪ್ರೇಕ್ಷಕರನ್ನು ಒಳಗೊಂಡಂತೆ ಜಗತ್ತಿನಾದ್ಯಂತ ಅನುಯಾಯಿಗಳನ್ನು ಹೊಂದಿದ್ದಾರೆ. ಆದರೆ ಈ ನಟರಿಗೆ ಸ್ಫೂರ್ತಿ ಶತ್ರುಘ್ನಾ ಸಿನ್ಹಾ.
ಶತ್ರುಘ್ನ ಸಿನ್ಹಾ ಖಿಲೋನಾ, ಮೇರೆ ಅಪ್ನೆ, ರಾಮ್‌ಪುರ್ ಕಾ ಲಕ್ಷ್ಮಣ್, ಬಾಂಬೆ ಟು ಗೋವಾ ಮುಂತಾದ ಚಲನಚಿತ್ರಗಳಲ್ಲಿ ಐಕಾನಿಕ್ ಪಾತ್ರಗಳನ್ನು ಮಾಡುವ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಇದರಿಂದ ಪ್ರೇರೇಪಿತರಾದ ರಜನೀಕಾಂತ್ ತಮ್ಮ ಸಿನಿ ಜರ್ನಿಯನ್ನು ನಕಾರಾತ್ಮಕ ಪಾತ್ರಗಳೊಂದಿಗೆ ಪ್ರಾರಂಭಿಸಿದರು.
'ರಜನೀಕಾಂತ್ ಮೇಲೆ ಶತ್ರುಘ್ನ ಸಿನ್ಹಾ ಎಷ್ಟು ಪ್ರಭಾವ ಬೀರಿದ್ದಾರೆ ಎಂಬುದನ್ನು ನೀವು ಅವರ ಪಾತ್ರಗಳಲ್ಲಿ ನೋಡಬಹುದು. ಸಿಗರೇಟ್ ಎಸೆಯುವುದು, ಹೆಡ್ ಟರ್ನಿಂಗ್‌, ಮುಖದ ಮೇಲಿನ ಎಕ್ಸ್‌ಪ್ರೆಶನ್‌, ರಜಿನಿ, ಶತ್ರುಘ್ನಾ ಸಿನ್ಹಾ ಅವರ ಗಿಮಿಕ್ ಮತ್ತು ಮ್ಯಾನರಿಸಂಗಳನ್ನು ನಕಲಿಸಿದ್ದಾರೆ ಮತ್ತು ಅವುಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ ಎಂಬುದನ್ನು ತಿಳಿಸುತ್ತದೆ' ಎಂದು ಚಿರಂಜೀವಿ ಹೇಳಿದರು.
'ನಾನು ಶತ್ರುಘ್ನಾ ಸಿನ್ಹಾರ ಅಭಿನಯದಿಂದ ಸ್ಫೂರ್ತಿ ಪಡೆದಿದ್ದೇನೆ. ನಾನು ಅವರಿಂದಲೇ ಸಿಗರೇಟ್ ಸ್ಟೈಲ್‌ನ್ನು ಕಲಿತಿದ್ದೇನೆ' ಎಂದು ಸ್ವತಃ ರಜನೀಕಾಂತ್ ಹೇಳಿದ್ದಾರೆ. ಇನ್ನು ಚಿರಂಜೀವಿ ಸಹ, 'ನಾನು ಶತ್ರುಘ್ನ ಸಿನ್ಹಾ ಅವರಿಂದಾಗಿ ನಟನಾದೆ. ನಾನು ಸಿನ್ಹಾ ಅವರನ್ನು ಹೋಲುತ್ತೇನೆ ಎಂದು ಅನೇಕರು ನನಗೆ ಹೇಳಿದ್ದರು ಮತ್ತು ಅದು ನಟನೆಯತ್ತ ತನ್ನನ್ನು ಉತ್ತೇಜಿಸಿತು' ಎಂದಿದ್ದಾರೆ.
