R Madhavan birthday - 103 ಕೋಟಿ ಆಸ್ತಿ ಮಾಲೀಕರು ಈ ನಟ

ಇಂದು  ನಟ ಆರ್ ಮಾಧವನ್ ಅವರ  (R Madhavan) ಜನ್ಮದಿನ . 1 ಜೂನ್ 1970 ರಂದು ಜಾರ್ಖಂಡ್‌ನ ಜಮ್ಶೆಡ್‌ಪುರದಲ್ಲಿ ಜನಿಸಿದ ಅವರ ಪೂರ್ಣ ಹೆಸರು ರಂಗನಾಥನ್ ಮಾಧವನ್. ಮುಂಬೈನ ಕೆಸಿ ಕಾಲೇಜಿನಲ್ಲಿ ಸ್ನಾತಕೋತ್ತರ ಪದವಿ ಪಡೆದ ಆರ್ ಮಾಧವನ್ ಅವರಿಗೆ ಮೊದಲಿನಿಂದಲೂ ನಟನಾಗಬೇಕೆಂಬ ಆಸೆ ಇತ್ತು. ಟಿವಿ ಧಾರಾವಾಹಿ ‘ಬನೇಗಿ ಅಪ್ನಿ ಬಾತ್’ ಮೂಲಕ ವೃತ್ತಿ ಜೀವನ ಆರಂಭಿಸಿದ ಮಾಧವನ್ ತಮ್ಮ ವೃತ್ತಿ ಜೀವನದಲ್ಲಿ ಹಲವು ಹಿಟ್‌ ಸಿನಿಮಾಗಳನ್ನು ನೀಡಿದ್ದಾರೆ. ವಿವಾದಗಳಿಂದ ದೂರ ಉಳಿಯುವ ನಟ ಅವರು. ಈ ನಟನಿಗೆ ಸಂಬಂಧಿಸಿದ ಆಸಕ್ತಿದಾಯಕ ವಿಷಯಗಳು ಇಲ್ಲಿವೆ.

ಆರ್ ಮಾಧವನ್ ಅವರು 'ಇಸ್ ರಾತ್ ಕಿ ಸುಬಹ್ ನಹಿ' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಆದರೆ ಇದರಿಂದ ಅವರು ಗುರುತಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಇದಾದ ನಂತರ ಅವರು ಮಣಿರತ್ನಂ ಅವರ 'ಇರುಲರ್' ಚಿತ್ರಕ್ಕಾಗಿ ಆಡಿಷನ್ ಮಾಡಿದರು. ಆದರೆ ಇದಕ್ಕೂ ಆಯ್ಕೆಯಾಗಲಿಲ್ಲ.

ಚಾಕಲೇಟ್‌ ಬಾಯ್ ಇಮೇಜ್ ಹೊಂದಿದ್ದ ಮಾಧವನ್ 2001ರಲ್ಲಿ ತೆರೆಕಂಡ ‘ರೆಹನಾ ಹೈ ತೇರೆ ದಿಲ್ ಮೇ’ ಸಿನಿಮಾದಲ್ಲಿ ತಮ್ಮ ಛಾಪು ಮೂಡಿಸಿದ್ದರು. ಈ ಚಿತ್ರದಲ್ಲಿ ಅವರ ಎದುರು ದಿಯಾ ಮಿರ್ಜಾ ನಟಿಸಿದ್ದರು. ಈ ಚಿತ್ರಕ್ಕಾಗಿ ಅವರು ಸ್ಕ್ರೀನ್ ಪ್ರಶಸ್ತಿಯನ್ನು ಸಹ ಪಡೆದರು. ಆ ನಂತರ ಅವರು ಹಿಂತಿರುಗಿ ನೋಡಲೇ ಇಲ್ಲ.

ತನು ವೆಡ್ಸ್ ಮನು, ರಂಗ್ ದೇ ಬಸಂತಿ, 3 ಈಡಿಯಟ್ಸ್, ವಿಕ್ರಮ್ ವೇದಾ ಮುಂತಾದ ಚಿತ್ರಗಳಲ್ಲಿ ಅವರು ಉತ್ತಮ ನಟನೆಯನ್ನು ಮಾಡಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ ಮಾಧವನ್ ಅವರ ನಿವ್ವಳ ಮೌಲ್ಯ ಸುಮಾರು 103 ಕೋಟಿ ರೂ.

ಮುಂಬೈನ ಕೋಟ್ಯಂತರ ಮೌಲ್ಯದ ಐಷಾರಾಮಿ ಅಪಾರ್ಟ್‌ಮೆಂಟ್‌ನಲ್ಲಿ ವಾಸವಾಗಿದ್ದಾರೆ. ಮಾಧವನ್ ಈ ಮನೆಯನ್ನು ಸಾಂಪ್ರದಾಯಿಕ ಮತ್ತು ಆಧುನಿಕ ರೀತಿಯಲ್ಲಿ ಅಲಂಕರಿಸಿದ್ದಾರೆ. ಮಾಧವನ್ ಅವರ ಮನೆಯಲ್ಲಿ ದುಬಾರಿ ಪೀಠೋಪಕರಣಗಳ ಜೊತೆಗೆ ಸುಂದರವಾದ ಚಿತ್ರಗಳನ್ನು ಅಳವಡಿಸಲಾಗಿದೆ. 

ಮಾಧವನ್‌ಗೆ ಓದುವ ಅಭಿರುಚಿ ಇರುವುದರಿಂದ ಒಂದು ಕೊಠಡಿಯನ್ನು ಸ್ಟಡಿ ರೂಂ ಆಗಿ ಪರಿವರ್ತಿಸಿದ್ದಾರೆ. ಮಾಧವನ್ ಪುಸ್ತಕಗಳಿಂದ ಅಲಂಕರಿಸಿದ ರ್ಯಾಕ್‌ಗಳ ನಡುವೆ ಸ್ವಲ್ಪ ಸಮಯ ಕಳೆಯುತ್ತಾರೆ.

ಮಾಧವನ್ ಮತ್ತು ಅವರ ಕುಟುಂಬಕ್ಕೆ ತೋಟಗಾರಿಕೆ ಎಂದರೆ ತುಂಬಾ ಇಷ್ಟ. ಅವರು  ತನ್ನ ಬಾಲ್ಕನಿಯಲ್ಲಿ ಕಿಚನ್ ಗಾರ್ಡನ್‌ ಮಾಡಿದ್ದಾರೆ ಮಾಧವನ್ ತಮ್ಮ ಬಾಲ್ಕನಿಯಲ್ಲಿ ದಾಳಿಂಬೆ, ಪಪ್ಪಾಯಿ ಸೇರಿದಂತೆ ಹಲವು ಬಗೆಯ ತರಕಾರಿಗಳನ್ನು ಬೆಳೆಯುತ್ತಾರೆ. ಈ ಚಿತ್ರವನ್ನು ಸ್ವತಃ ಆರ್ ಮಾಧವನ್ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಅವರು ಪ್ರತಿದಿನ ತಮ್ಮ ಮನೆಯ ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ. ಈ ಚಿತ್ರದಲ್ಲಿ, ಅವರು ತಮ್ಮ ಮಗ ಮತ್ತು ತಂದೆಯೊಂದಿಗೆ ಸಾಂಪ್ರದಾಯಿಕ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. 

ಆರ್ ಮಾಧವನ್ ಬೈಕ್ ಪ್ರೇಮಿ. ಇವರು BMW ನ 1500 GTL ಬೈಕ್‌ನ ಮಾಲೀಕರಾಗಿದ್ದಾರೆ, ಇದರ ಬೆಲೆ 24 ಲಕ್ಷ. ಇದಲ್ಲದೇ ಅವರ ಬೈಕ್ ಸಂಗ್ರಹದಲ್ಲಿ ಡುಕಾಟಿ ಡಯಾವಲ್ ಮತ್ತು ಯಮಹಾ ವಿ-ಮ್ಯಾಕ್ಸ್. ಇದಲ್ಲದೇ ಅವರ ಬಳಿ ಹಲವು ಐಷಾರಾಮಿ ಕಾರುಗಳೂ ಇವೆ.