ಸೂಪರ್ ಸ್ಟಾರ್, ಪದ್ಮಭೂಷಣ ಪ್ರಶಸ್ತಿ ಪುರಸ್ಕೃತ ನಟ ಮೇಕಪ್ ಮ್ಯಾನ್‌ ಆಗಿಯೂ ಕೆಲಸ ಮಾಡಿದ್ರು!

ಭಾರತೀಯ ಚಿತ್ರರಂಗದಲ್ಲಿ ಸದ್ಯ ಸೂಪರ್‌ಸ್ಟಾರ್‌ ಆಗಿ ಮಿಂಚುತ್ತಿರುವ ಅದೆಷ್ಟೋ ನಟ-ನಟಿಯರು ನಟನೆ ಅಲ್ಲದೆಯೂ ಇತರ ಹಲವು ಕಲೆಗಳ ಬಗ್ಗೆ ಆಸಕ್ತಿ ಹೊಂದಿದ್ದಾರೆ. ಹಾಗೆಯೇ ಬಾಕ್ಸಾಫೀಸಿನಲ್ಲಿ ಕೋಟಿಗಟ್ಟಲೆ ಗಳಿಸೋ ಈ ನಟ ಮೇಕಪ್ ಆರ್ಟಿಸ್ಟ್‌ ಸಹ ಆಗಿದ್ದರು ಅನ್ನೋದು ನಿಮ್ಗೆ ಗೊತ್ತಿದ್ಯಾ?

ಭಾರತೀಯ ಚಿತ್ರರಂಗದಲ್ಲಿ ಸದ್ಯ ಸೂಪರ್‌ಸ್ಟಾರ್‌ ಆಗಿ ಮಿಂಚುತ್ತಿರುವ ಅದೆಷ್ಟೋ ನಟ-ನಟಿಯರು ಹಿಂದೆ ಜೀವನ ನಿರ್ವಹಿಸಲು ಹಲವಾರು ಇತರ ಸಣ್ಣಪುಟ್ಟ ಕೆಲಸಗಳನ್ನು ಮಾಡಿದ್ದಾರೆ. ಅದಷ್ಟೇ ಅಲ್ಲದೆ, ನಟನೆ ಅಲ್ಲದೆಯೂ ಇತರ ಹಲವು ಕಲೆಗಳ ಬಗ್ಗೆ ಆಸಕ್ತಿ ಹೊಂದಿರುವ ಸೆಲೆಬ್ರಿಟಿಗಳೂ ಇದ್ದಾರೆ. ಹಾಗೆಯೇ ಬಾಕ್ಸಾಫೀಸಿನಲ್ಲಿ ಕೋಟಿಗಟ್ಟಲೆ ಗಳಿಸೋ ಈ ನಟ ಮೇಕಪ್ ಆರ್ಟಿಸ್ಟ್‌ ಸಹ ಆಗಿದ್ದರು ಅನ್ನೋದು ನಿಮ್ಗೆ ಗೊತ್ತಿದ್ಯಾ?

ಆ ನಟ ಮತ್ಯಾರೂ ಅಲ್ಲ ಕಮಲ್ ಹಾಸನ್‌. ತಮಿಳು, ತೆಲುಗು, ಹಿಂದಿ, ಮಲಯಾಳಂ, ಕನ್ನಡ ಮತ್ತು ಬೆಂಗಾಲಿ ಸೇರಿದಂತೆ ಹಲವಾರು ಭಾಷೆಗಳಲ್ಲಿ 230ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಅತ್ಯುತ್ತಮ ಅಭಿನಯಕ್ಕಾಗಿ ಪದ್ಮಭೂಷಣ, ಪದ್ಮಶ್ರೀ ಪಡೆದಿರುವ ನಟ, 'ನಾನು ಇನ್ನೂ ಕಲಿಯುತ್ತಿದ್ದೇನೆ' ಎಂದು ಹೇಳುತ್ತಾರೆ.

ಕಮಲ್‌ ಹಾಸನ್ ಬಗ್ಗೆ ಆಸಕ್ತಿದಾಯಕ ಮತ್ತು ಬಹುತೇಕರಿಗೆ ತಿಳಿದಿಲ್ಲದ ವಿಷಯವೊಂದಿದೆ. ಈ ನಟ ಖ್ಯಾತಿ ಮತ್ತು ಸೂಪರ್‌ಸ್ಟಾರ್‌ಡಮ್ ಅನ್ನು ಪಡೆಯುವ ಸಮಯದಲ್ಲಿಯೂ ಮೇಕಪ್ ಕಲಾವಿದರಾಗಿದ್ದರು. ಸಿಲ್ವೆಸ್ಟರ್ ಸ್ಟಲ್ಲೋನ್‌ರ ಆಕ್ಷನ್ ಬ್ಲಾಕ್‌ಬಸ್ಟರ್ ರಾಂಬೊ III (1988) ನಲ್ಲಿ ಸಿಬ್ಬಂದಿ ಸದಸ್ಯರಾಗಿ ಕೆಲಸ ಮಾಡಿದರು.

ಉಲಗನಾಯಕನ್ ಎಂದು ಕರೆಯಲ್ಪಡುವ ಕಮಲ್ ಹಾಸನ್, ಸಿನಿಮಾ ರಂಗದಲ್ಲಿ ಕೆಲಸ ಮಾಡಿದ ಆರಂಭದ ದಿನಗಳಲ್ಲಿ ಮೇಕಪ್‌ ವಿಭಾಗದಲ್ಲಿ ಕೆಲಸ ಮಾಡಿದ್ದರು. 80ರ ದಶಕದ ಮಧ್ಯಭಾಗದಲ್ಲಿ, ಪ್ರಾಸ್ತೆಟಿಕ್ಸ್ ಮೇಕ್ಅಪ್ ಕಲಿಯಲು ಕಮಲ್ ರಾಂಬೊ 3ನಲ್ಲಿ ಮೇಕಪ್ ಕಲಾವಿದರಾಗಿ ಕೆಲಸ ಮಾಡಿದರು. 

ಆ ನಂತರ ಹಲವಾರು ಬ್ಲಾಕ್‌ಬಸ್ಟರ್‌ ಚಿತ್ರಗಳನ್ನು ಬರೆದು, ನಿರ್ದೇಶಿಸಿದ್ದಾರೆ. ಕಮಲ್ ತನ್ನ ಕೊನೆಯ ಬ್ಲಾಕ್‌ಬಸ್ಟರ್ ಸಿನಿಮಾ 'ವಿಕ್ರಮ್'ನ್ನು ಪ್ರಚಾರ ಮಾಡಲು 'ದಿ ಕಪಿಲ್ ಶರ್ಮಾ ಶೋ'ನಲ್ಲಿ ಕಾಣಿಸಿಕೊಂಡಾಗ ಈ ಬಗ್ಗೆ ವಿವರಿಸಿದರು. 'ರಾಂಬೋ 3ರಲ್ಲಿ ನಾನು ಬ್ಯಾಕ್‌ಲಾಟ್‌ನಲ್ಲಿ ಕೆಲಸ ಮಾಡುತ್ತಿದ್ದೆ. ನಾನು ಆಗ ಮೇಕ್ಅಪ್ ಕಲಿಯುತ್ತಿದ್ದೆ ಮತ್ತು ನಾನು ಒಂದೂವರೆ ತಿಂಗಳು ಅಲ್ಲಿಯೇ ಇದ್ದೆ. ಪ್ರಾಸ್ಥೆಟಿಕ್ ಮೇಕಪ್ ಕಲಿತಿದ್ದೇನೆ. ಈ ಸಂದರ್ಭದಲ್ಲಿ ಬೀದಿ ಆಹಾರ, ಪಾನೀಯಗಳನ್ನು ತಿನ್ನುತ್ತಿದ್ದೆ' ಎಂದು ಅವರು ತಿಳಿಸಿದ್ದಾರೆ.

ಹಾಲಿವುಡ್‌ನಲ್ಲಿ ಕಮಲ್ ಭಾರತದಲ್ಲಿ ಮೇಕಪ್ ಮತ್ತು ಪ್ರಾಸ್ಥೆಟಿಕ್ಸ್‌ನ ಕ್ರಾಂತಿಯನ್ನು ಮುನ್ನಡೆಸಲು ಅವರಿಗೆ ಸಹಾಯ ಮಾಡಿತು. ಕಮಲ್ ಅವರ 1996 ರ ಬ್ಲಾಕ್‌ಬಸ್ಟರ್‌ 'ಅವ್ವೈ ಷಣ್ಮುಗಿ' ಚಿತ್ರದಲ್ಲಿ ಹಾಸ್ಯ ಮತ್ತು ಕಮಲ್ ಪ್ರಾಸ್ಥೆಟಿಕ್ ಕೆಲಸಕ್ಕಾಗಿ ಪ್ರಶಂಸಿಸಲ್ಪಟ್ಟರು. ಈ ಚಲನಚಿತ್ರವನ್ನು ಹಿಂದಿಯಲ್ಲಿ ಚಾಚಿ 420 (1997) ಎಂದು ರೀಮೇಕ್ ಮಾಡಲಾಯಿತು. 

ಕಮಲ್‌ ಹಾಸನ್ ಅವರು 1960ರ ತಮಿಳು ಚಲನಚಿತ್ರ ಕಳತ್ತೂರ್ ಕಣ್ಣಮ್ಮನಲ್ಲಿ ಬಾಲ ಕಲಾವಿದರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು , ಇದಕ್ಕಾಗಿ ಅವರು ರಾಷ್ಟ್ರಪತಿಗಳಿಂದ ಚಿನ್ನದ ಪದಕವನ್ನು ಗೆದ್ದರು. ಆ ನಂತರಸಾಗರ ಸಂಗಮಂ (1983), ಸ್ವಾತಿ ಮುತ್ಯಂ (1986), ನಾಯಕನ್ (1987), ಪುಷ್ಪಕ ವಿಮಾನ (1987), ಸತ್ಯ (1988), ಅಪೂರ್ವ ಸಾಗೋಧರರ್ಗಳು (1989), ಗುಣ (1991), ತೇವರ್ ಮಗನ್ ಚಿತ್ರಗಳಲ್ಲಿನ ಅಭಿನಯಕ್ಕಾಗಿ ಮೆಚ್ಚುಗೆಯನ್ನು ಗಳಿಸಿದರು.

(1992), ನಮ್ಮಾವರ್ (1994), ಮಹಾನಧಿ (1994), ಭಾರತೀಯ (1996), ಹೇ ರಾಮ್ (2000), ಆಳವಂದನ್ ( 2001), ಅನ್ಬೆ ಶಿವಂ (2003) , ವಿರುಮಾಂಡಿ (2004), ವೆಟ್ಟೈಯಾಡು ವಿಲ್ಲೈಯಾಡು (2006), ದಶಾವತಾರಂ (2008) ) ಹೆಚ್ಚು ಖ್ಯಾತಿ ಗಳಿಸಿದೆ.

ಕಮಲ್ ಹಾಸನ್‌ ಇತ್ತೀಚಿಗೆ ನಟಿಸಿದ ವಿಕ್ರಮ್ ಸಿನಿಮಾ ಥಿಯೇಟರ್‌ನಲ್ಲಿ ಸೂಪರ್ ಡ್ಯೂಪರ್ ಹಿಟ್ ಆಗಿತ್ತು. ಪ್ರಭಾಸ್ ಅಭಿನಯದ ಕಲ್ಕಿ 2898 AD ನಲ್ಲಿ ಕಮಲ್ ನಟಿಸುತ್ತಿದ್ದಾರೆ.

ಕಮಲ್ ಹಾಸನ್‌ಗೆ ಶ್ರುತಿ ಹಾಸನ್ ಹಾಗೂ ಅಕ್ಷರ್ ಹಾಸನ್‌ ಎಂಬ ಇಬ್ಬರು ಮಕ್ಕಳಿದ್ದಾರೆ. ಶ್ರುತಿ ಹಾಸನ್‌, ಸೌತ್‌ ಸಿನಿ ಇಂಡಸ್ಟ್ರಿ ಹಾಗೂ ಬಾಲಿವುಡ್‌ನಲ್ಲಿ ಪರಿಚಿತ ಹೆಸರು