ರೋಹಿತ್ ಶೆಟ್ಟಿಯ ತಾಯಿ ಕೂಡ ಡೇಂಜರಸ್ ಸ್ಟಂಟ್ಗಳನ್ನು ಮಾಡುವುದರಲ್ಲಿ ಎಕ್ಸ್ಪರ್ಟ್
ಈ ದಿನಗಳಲ್ಲಿ ರೋಹಿತ್ ಶೆಟ್ಟಿ (Rohit Shetty) ರಿಯಾಲಿಟಿ ಶೋ ಖತ್ರೋನ್ ಕೆ ಕಿಲಾಡಿ ಸೀಸನ್ 12 (Khatron Ke Khiladi 12) ಅನ್ನು ಹೋಸ್ಟ್ ಮಾಡುತ್ತಿದ್ದಾರೆ. ಈ ಶೋನಲ್ಲಿ ಸ್ಪರ್ಧಿಗಳು ಒಂದಕ್ಕಿಂತ ಹೆಚ್ಚು ಅಪಾಯಕಾರಿ ಸಾಹಸಗಳನ್ನು ಮಾಡಿದ್ದಾರೆ. ಅಂದಹಾಗೆ, ರೋಹಿತ್ ಬಾಲಿವುಡ್ನಲ್ಲಿ ಸಾಹಸ ನಿರ್ದೇಶಕರಾಗಿಯೂ ಪರಿಗಣಿಸಲ್ಪಟ್ಟಿದ್ದಾರೆ. ಅವರ ಪ್ರತಿಯೊಂದು ಚಿತ್ರದಲ್ಲೂ ಅದ್ಭುತ ಆಕ್ಷನ್ ಮತ್ತು ಸಾಹಸಗಳನ್ನು ಕಾಣಬಹುದು. ಈ ಕಲೆಯನ್ನು ಅವರು ತಮ್ಮ ಹೆತ್ತವರಿಂದ ಪಡೆದಿದ್ದಾರೆಂದು. ಅಂದಹಾಗೆ, ರೋಹಿತ್ ತಂದೆ ಎಂ.ಬಿ.ಶೆಟ್ಟಿ ಬಗ್ಗೆ ಎಲ್ಲರಿಗೂ ಗೊತ್ತು. ಎಂ.ಬಿ.ಶೆಟ್ಟಿ ಅವರು 70ರ ದಶಕದ ಅನೇಕ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ ಮತ್ತು ಅವರು ಸಾಹಸ ನಿರ್ದೇಶಕರಾಗಿಯೂ ಕೆಲಸ ಮಾಡುತ್ತಿದ್ದರು. ಆದರೆ ರೋಹಿತ್ ತಾಯಿ ಕೂಡ ಸಿನಿಮಾಗಳಲ್ಲಿ ಸ್ಟಂಟ್ ಮತ್ತು ಬಾಡಿ ಡಬಲ್ ವರ್ಕ್ ಮಾಡುತ್ತಿದ್ದರು ಅನ್ನುವ ವಿಷಯ ಹೆಚ್ಚಿನವರಿಗೆ ತಿಳಿದಿಲ್ಲ ಕೆಲವರಿಗೆ ಗೊತ್ತು. ಅವರ ತಾಯಿ ರತ್ನಾ ಶೆಟ್ಟಿ (Ratna Shetty) ಅವರು ಶೋಲೆ ಸೇರಿದಂತೆ ಹಲವು ಚಿತ್ರಗಳಲ್ಲಿ ಬಾಡಿ ಡಬಲ್ ಆಗಿ ನಟಿಸಿದ್ದಾರೆ. ರೋಹಿತ್ ಶೆಟ್ಟಿ ಅವರ ತಾಯಿ ರತ್ನ ಅವರಿಗೆ ಸಂಬಂಧಿಸಿದ ಕೆಲವು ಇಂಟರೆಸ್ಟಿಂಗ್ ವಿಷಯಗಳು ಇಲ್ಲಿವೆ.
ರೋಹಿತ್ ಶೆಟ್ಟಿ ಅವರ ತಾಯಿ ರತ್ನಾ ಶೆಟ್ಟಿ ಅವರು ಚಲನಚಿತ್ರಗಳಲ್ಲಿ ಸ್ಟಂಟ್ ಮಹಿಳೆಯಾಗಿ ಕೆಲಸ ಮಾಡುತ್ತಿದ್ದರು. ಅವರು ಶೋಲೆ, ಸೀತಾ ಔರ್ ಗೀತಾ ಚಿತ್ರಗಳಲ್ಲಿ ಹೇಮಾ ಮಾಲಿನಿಯ ಬಾಡಿ ಡಬಲ್ ಆಗಿ ನಟಿಸಿದ್ದಾರೆ. ಸಿನಿಮಾಗಳಲ್ಲಿ ಸ್ಟಂಟ್ ಮಾಡುವುದರ ಜೊತೆಗೆ ಸಣ್ಣ ಪುಟ್ಟ ಪಾತ್ರಗಳನ್ನೂ ಮಾಡುತ್ತಿದ್ದರು
ಖತ್ರೋನ್ ಕೆ ಕಿಲಾಡಿ 12 ರಲ್ಲಿ ರೋಹಿತ್ ಶೆಟ್ಟಿ ತನ್ನ ತಾಯಿಯನ್ನು ಉಲ್ಲೇಖಿಸಿದ್ದಾರೆ. ಅವರ ತಾಯಿ ಕೂಡ ಚಲನಚಿತ್ರಗಳಲ್ಲಿ ಸ್ಟಂಟ್ ಮಹಿಳೆಯಾಗಿ ಕೆಲಸ ಮಾಡುತ್ತಾರೆ ಎಂದು ಅವರು ಹೇಳಿದ್ದರು. ಈ ವೇಳೆ ತಾಯಿಯ ಕರೆ ಬಂದಿದ್ದು, ಸ್ಪರ್ಧಿಗಳು ಸ್ಟಂಟ್ಸ್ ಮಾಡಬೇಕು ಎಂದು ಹೇಳುತ್ತಿದ್ದಾರೆ ಎಂದು ತಿಳಿಸಿದರು.
ರೋಹಿತ್ ಶೆಟ್ಟಿ ಅವರ ತಂದೆ ಎಂ.ಬಿ.ಶೆಟ್ಟಿ ಹಲವು ಚಿತ್ರಗಳಲ್ಲಿ ಪ್ರಮುಖ ಖಳನಾಯಕರ ಗ್ಯಾಂಗ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರು ಡಾನ್, ತ್ರಿಶೂಲ್, ಕಾಳಿ ಚರಣ್, ಯಾದೋನ್ ಕಿ ಬಾರಾತ್, ದೀವಾರ್, ದಿ ಗ್ರೇಟ್ ಗ್ಯಾಂಬ್ಲರ್, ದೋಸ್ತ್, ದಾಗ್, ಸೀತಾ ಔರ್ ಗೀತಾ ಮುಂತಾದ ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ.
ರೋಹಿತ್ ಶೆಟ್ಟಿಯ ತಂದೆ ತೀರಿಕೊಂಡ ನಂತರ ಇಡೀ ಮನೆಯ ಜವಾಬ್ದಾರಿ ತಾಯಿ ರತ್ನಾ ಅವರ ಮೇಲಿತ್ತು. ನಂತರ ಅವರು ಚಿತ್ರಗಳಲ್ಲಿ ಸಣ್ಣ ಪಾತ್ರಗಳನ್ನು ಮಾಡಲು ಪ್ರಾರಂಭಿಸಿದರು. ಕುಟುಂಬವನ್ನು ಪೋಷಿಸಲು ಅವರು ಜೂನಿಯರ್ ಕಲಾವಿದರಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು.
ರೋಹಿತ್ ಶೆಟ್ಟಿ ಅವರು 17 ನೇ ವಯಸ್ಸಿನಲ್ಲಿ ಫೂಲ್ ಔರ್ ಕಾಂಟೆ ಚಿತ್ರದ ಮೂಲಕ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು. ಈ ಚಿತ್ರದಲ್ಲಿ ಅಜಯ್ ದೇವಗನ್ ಮುಖ್ಯ ಭೂಮಿಕೆಯಲ್ಲಿದ್ದರು. ನಿರ್ದೇಶಕರಾಗಿ ಅವರ ಮೊದಲ ಚಿತ್ರ ಜಮೀನ್, ಇದು ಫ್ಲಾಪ್ ಆಯಿತು.
ಇದರ ನಂತರ ಅವರು ಗೋಲ್ಮಾಲ್ ಫನ್ ಅನ್ಲಿಮಿಟೆಡ್ ಅನ್ನು ನಿರ್ಮಿಸಿದರು, ಅದು ಬ್ಲಾಕ್ಬಸ್ಟರ್ ಎಂದು ಸಾಬೀತಾಯಿತು. ನಂತರ ಅವರು ಹಿಂತಿರುಗಿ ನೋಡಲಿಲ್ಲ. ರೋಹಿತ್ ಶೆಟ್ಟಿ ಅವರು ಗೋಲ್ಮಾಲ್ ಸರಣಿಯ ಅನೇಕ ಚಲನಚಿತ್ರಗಳನ್ನು ಮಾಡಿದರು. ಇದಲ್ಲದೆ ಸಿಂಗಂ, ಬೋಲ್ ಬಚ್ಚನ್, ಚೆನ್ನೈ ಎಕ್ಸ್ಪ್ರೆಸ್, ಸಿಂಗಂ ರಿಟರ್ನ್ಸ್, ಸಿಂಬಾ, ಸೂರ್ಯವಂಶಿ ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.
ರೋಹಿತ್ ಶೆಟ್ಟಿ ಅವರ ಮುಂಬರುವ ಚಿತ್ರ ಸರ್ಕಸ್, ಇದರಲ್ಲಿ ರಣವೀರ್ ಸಿಂಗ್, ಪೂಜಾ ಹೆಗ್ಡೆ, ಜಾಕ್ವೆಲಿನ್ ಫರ್ನಾಂಡಿಸ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಈ ವರ್ಷ ಕ್ರಿಸ್ಮಸ್ ಸಂದರ್ಭದಲ್ಲಿ ಚಿತ್ರ ಬಿಡುಗಡೆಯಾಗಲಿದೆ. ಅದೇ ಸಮಯದಲ್ಲಿ, ಅವರು ಅಜಯ್ ದೇವಗನ್ ಅವರೊಂದಿಗೆ ಸಿಂಗಂ 3 ಅನ್ನು ಸಹ ಮಾಡುತ್ತಿದ್ದಾರೆ, ಅದರ ಶೂಟಿಂಗ್ ಶೀಘ್ರದಲ್ಲೇ ಪ್ರಾರಂಭವಾಗಲಿದೆ.