ಚಲನಚಿತ್ರಗಳ ಹೊರತಾಗಿ ಈ ಮೂಲಗಳಿಂದ ಹೆಚ್ಚು ಆದಾಯ ಗಳಿಸುವ ಕತ್ರಿನಾ ಕೈಫ್!

ಹಲವು  ಬ್ಲಾಕ್‌ಬಸ್ಟರ್‌ ಚಲನಚಿತ್ರಗಳು  ಕತ್ರಿನಾ ಕೈಫ್ ಅವರ ನಿವ್ವಳ ಮೌಲ್ಯಕ್ಕೆ ಗಣನೀಯವಾಗಿ ಕೊಡುಗೆ ನೀಡಿದ್ದರೂ, ಕತ್ರಿನಾ ಅವರ  ಬ್ಯುಸಿನೆಸ್‌ ಮತ್ತು ಹೂಡಿಕೆಗಳು ಅವರ ಆದಾಯದ ಪ್ರಮುಖ ಮೂಲಗಳಾಗಿವೆ

2019 ರಲ್ಲಿ, ಕತ್ರಿನಾ ಕೈಫ್ ತನ್ನ ಕಾಸ್ಮೆಟಿಕ್ ಬ್ರಾಂಡ್ ಕೇ ಬ್ಯೂಟಿಯನ್ನು ನೈಕಾ ಸಹಯೋಗದೊಂದಿಗೆ ಪ್ರಾರಂಭಿಸುವ ಮೂಲಕ ಸೌಂದರ್ಯ ಉದ್ಯಮ  ಜಗತ್ತಿಗೆ ಕಾಲಿಟ್ಟರು. ಕೇವಲ ಮೂರು ವರ್ಷಗಳಲ್ಲಿ 100 ಕೋಟಿ ರೂ.ಗಳ ವಾರ್ಷಿಕ ಗಳಿಕೆ ಮಾಡಿದ  ಕೇ ಬ್ಯೂಟಿ  ಸೌಂದರ್ಯ ಉದ್ಯಮದಲ್ಲಿ ಶಕ್ತಿಶಾಲಿಯಾಗಿದೆ.

ತನ್ನ ಸ್ವಂತ ಬ್ರಾಂಡ್ ಅನ್ನು ರಚಿಸುವ ಮೊದಲು, ಕತ್ರಿನಾ ಕೈಫ್ 2018 ರಲ್ಲಿ Nykaa ನೊಂದಿಗೆ ಜಂಟಿ ಉದ್ಯಮದಲ್ಲಿ ರೂ 2.04 ಕೋಟಿ ಹೂಡಿಕೆ ಮಾಡಿದರು. ಈ ಹೂಡಿಕೆಯು ಗಣನೀಯವಾಗಿ ಬೆಳೆದಿದೆ ಮತ್ತು  2021 ರಲ್ಲಿ ರೂ 22 ಕೋಟಿಗೆ ತಲುಪಿದೆ.

ಸಿನಿಮಾಗಳ ಹೊರತಾಗಿ, ಖಾಸಗಿ ಕಾರ್ಯಕ್ರಮಗಳು ಬಾಲಿವುಡ್ ತಾರೆಯರಿಗೆ ಲಾಭದಾಯಕ ಮಾರ್ಗವಾಗಿದೆ ಮತ್ತು ಕತ್ರಿನಾ ಕೈಫ್ ಇದಕ್ಕೆ ಹೊರತಾಗಿಲ್ಲ. ಮದುವೆಗಳು, ಜನ್ಮದಿನಗಳು ಮತ್ತು ಇತರ ಕಾರ್ಯಕ್ರಮಗಳ ಪ್ರದರ್ಶನಕ್ಕಾಗಿ ಸರಿಸುಮಾರು 3.5 ಕೋಟಿ ರೂಪಾಯಿಗಳನ್ನು  ನಟಿ ಚಾರ್ಜ್‌ ಮಾಡುತ್ತಾರೆ

Instagram ನಲ್ಲಿ 78 ಮಿಲಿಯನ್‌ಗಿಂತಲೂ ಹೆಚ್ಚಿನ ಫಾಲೋವರ್ಸ್ ಹೊಂದಿರುವ  ಕತ್ರಿನಾ ಕೈಫ್ ಬ್ರ್ಯಾಂಡ್‌ನ ಒಂದು ಪ್ರಚಾರಕ್ಕೆ  72.8 ಲಕ್ಷದಿಂದ 1 ಕೋಟಿ ರೂ.ವರೆಗೆ ಶುಲ್ಕ ವಿಧಿಸುತ್ತಾರೆ ಮತ್ತು ಇದನ್ನು ತಮ್ಮಆದಾಯದ ಪ್ರಮುಖ ಮೂಲವನ್ನಾಗಿ ಮಾಡಿಕೊಂಡಿದ್ದಾರೆ.

Lakmé, L'Oreal ಮತ್ತು ಹೆಚ್ಚಿನ  ಪ್ರತಿಷ್ಠಿತ ಬ್ರ್ಯಾಂಡ್‌ಗಳನ್ನು ಅನುಮೋದಿಸುವ  ಕತ್ರಿನಾ ಕೈಫ್ ಪ್ರತಿ ಬ್ರಾಂಡ್ ಅಸೋಸಿಯೇಷನ್‌ಗಳಿಂದ ಸುಮಾರು 6 ರಿಂದ 7 ಕೋಟಿ ರೂಪಾಯಿಗಳನ್ನು ಗಳಿಸುತ್ತಾರೆ. ಈ ಮೂಲಕ ದೇಶದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರಾಗಿ ಅವರ ಸ್ಥಾನವನ್ನು ಗಟ್ಟಿಗೊಳಿಸಿಕೊಂಡಿದ್ದಾರೆ

ನಟನೆಯು ಅವರ ಆದಾಯದ ಗಮನಾರ್ಹ ಭಾಗವಾಗಿ ಉಳಿದಿದ್ದು ಈ ವರ್ಷಗಳಲ್ಲಿ  ಕತ್ರಿನಾ ಕೈಫ್ ಅವರ ಯೋಜನೆಗಳ ಶುಲ್ಕದಲ್ಲಿ ಏರಿಕೆ ಕಂಡಿದೆ. ಪ್ರತಿ ಪ್ರಾಜೆಕ್ಟ್‌ಗೆ ರೂ 10 ಕೋಟಿಯಿಂದ ರೂ 12 ಕೋಟಿಗಳವರೆಗೆ ಶುಲ್ಕ ವಿಧಿಸುಸುತ್ತಾರೆ ಎಂದು ವರದಿಗಳು ಹೇಳುತ್ತವೆ.

ಅವರ ಇತ್ತೀಚಿನ  ಟೈಗರ್ 3 ಸಿನಿಮಾದ  ಅವರ ಸಂಭಾವನೆಯಲ್ಲಿ ಗಣನೀಯ ಹೆಚ್ಚಳ ಕಂಡುಬಂದಿದೆ. ವರದಿಗಳ ಪ್ರಕಾರ ಕತ್ರಿನಾ ಟೈಗರ್‌ 3 ಪ್ರಾಜೆಕ್ಟ್ಗೆ    15 ಕೋಟಿಯಿಂದ   21 ಕೋಟಿಯವರೆಗೆ ಫೀಸ್‌ ಪಡೆದಿದ್ದಾರೆ.

ಫೋರ್ಬ್ಸ್ ಮತ್ತು ಡಿಎನ್‌ಎ ಪ್ರಕಾರ ಕತ್ರಿನಾ  ಕೈಫ್‌ 224 ಕೋಟಿ ರೂ ನಿವ್ವಳ ಮೌಲ್ಯದೊಂದಿಗೆ  ಬಾಲಿವುಡ್‌ನ ಶ್ರೀಮಂತ ತಾರೆಗಳಲ್ಲಿ ಒಬ್ಬರಾಗಿದ್ದಾರೆ.  ಬ್ರಾಂಡ್ ಅನುಮೋದನೆಗಳು, ಸಿನಿಮಾಗಳು ಮತ್ತು ಕಾಸ್ಮೆಟಿಕ್ ಬ್ರ್ಯಾಂಡ್  ಉದ್ಯಮ ಒಟ್ಟಾರೆಯಾಗಿ ಅವರ  ಆದಾಯಕ್ಕೆ ಕೊಡುಗೆ ನೀಡುತ್ತವೆ.