ಕ್ಲಾಸ್ ಬಂಕ್ ಮಾಡಿ, ಚಪ್ಪಲಿ ಏಟು ತಿಂದವನಿಂದು ಬಾಲಿವುಡ್‌ನ ಸ್ಟಾರ್ ನಟ!
ಬಾಲಿವುಡ್ ನಟ ಕಾರ್ತಿಕ್ ಆರ್ಯನ್ ದಿ ಗ್ರೇಟ್ ಇಂಡಿಯನ್ ಕಪಿಲ್ ಶೋನಲ್ಲಿ ತಾಯಿ ಮಾಲಾ ಜೊತೆ ಕಾಣಿಸಿಕೊಂಡರು. ಶೋ ಸಮಯದಲ್ಲಿ, ಕಾರ್ತಿಕ್ ಆರ್ಯನ್ ಅವರ ತಾಯಿ ಮಗನಿಗೆ ಚಪ್ಪಲಿಯಿಂದ ಹೊಡೆದ ವಿಷಯವನ್ನು ನೆನಪಿಸಿಕೊಂಡರು.
ಕಾರ್ತಿಕ್ ಆರ್ಯನ್ ದಿ ಗ್ರೇಟ್ ಇಂಡಿಯನ್ ಕಪಿಲ್ ಶೋನಲ್ಲಿ ತಾಯಿ ಮಾಲಾ ಜೊತೆ ಭಾಗವಹಿಸಿದ್ದರು. ಈ ಸಮಯದಲ್ಲಿ ನಟನ ತಾಯಿ, ಮಗನ ಜೀವನದ ಕೆಲವು ಮುಜುಗರದ ಓಪನ್ ಆಗಿ ಶೇರ್ ಮಾಡಿಕೊಂಡರು.
ಕಾರ್ಯಕ್ರಮದ ಸಮಯದಲ್ಲಿ, ಕೋಚಿಂಗ್ ತರಗತಿಗಳನ್ನು ಬಂಕ್ ಮಾಡುತ್ತಿದ್ದ ಕಾರ್ತಿಕ್‌ನನ್ನು ಹಿಡಿದ ನಂತರ ಚಪ್ಪಲಿಯಿಂದ ಹೊಡೆದದ್ದನ್ನು ನಟನ ಅಮ್ಮ ನೆನಪಿಸಿಕೊಂಡರು.
'ನಾನು ತುಂಬಾ ಕೋಪಗೊಂಡಿದ್ದೆ ಮತ್ತು ಹತಾಶನಾಗಿದ್ದೆ, ಅವನನ್ನು ನಿಜವಾಗಿಯೂ ಬಲವಾಗಿ ಹೊಡೆದಿದ್ದೇನೆ' ಎಂದು ಕಾರ್ತಿಕ್ ಆರ್ಯನ್ ಅವರ ತಾಯಿ ಹೇಳಿಕೊಂಡಿದ್ದಾರೆ.
'ನಾನು ಕಾರ್ತಿಕ್‌ಗೆ ಪಾಠ ಮಾಡುತ್ತಿದ್ದು, ಸ್ಟ್ರಿಕ್ಟ್ ಟೀಚರ್ ಆಗಿರುತ್ತಿದ್ದೆ. ಅವನು ಏನು ಮಾಡುತ್ತಿದ್ದಾನೆ ಮತ್ತೆಲ್ಲಿಗೆ ಹೋಗುತ್ತಿದ್ದಾನೆಂದು ಸದಾ ಕಣ್ಣಿಟ್ಟಿರುತ್ತಿದ್ದೆ. ನಾನು ಆಗಾಗ್ಗೆ ಅವನನ್ನು ಕದ್ದು ಮುಚ್ಚಿ ಫಾಲೋ ಮಾಡುತ್ತಿದ್ದೆ. ಒಂದಿನ ಅವನು 10 ಅಥವಾ 12ನೇ ತರಗತಿಯಲ್ಲಿದ್ದಾಗ ಅವನ ಕೋಚಿಂಗ್ ತರಗತಿಗೆ ಹೋದಾಗ ಅವನನ್ನು ಹಿಂಬಾಲಿಸಿದೆ. ಅಕಸ್ಮಾತ್ ಕ್ಲಾಸ್ ತಪ್ಪಿಸಿಕೊಂಡಿದ್ದರೆ ಇನ್ಫಾರ್ಮ್ ಮಾಡಲು ಟೀಚರ್ಸ್ ಗೆ ಮೊದಲೇ ಹೇಳಿರುತ್ತಿದ್ದೆ. ಒಂದು ಅಥವಾ ಎರಡು ತರಗತಿಗಳನ್ನು ತಪ್ಪಿಸಿಕೊಂಡಿದ್ದರು. ಶಿಕ್ಷಕರು ನನಗೆ ಕರೆ ಮಾಡಿ ಹೇಳಿದ್ದರು,' ಎಂದು ಕಾರ್ತಿಕ್ ಅವರ ತಾಯಿ ಮಾಲಾ ಹಂಚಿಕೊಂಡಿದ್ದಾರೆ.
'ಆ ದಿನದ ನಂತರ, ಅವನು ಕೋಚಿಂಗ್ ಕ್ಲಾಸ್‌ಗೆ ಹೋದಾಗ, ನಾನು ಅವನಿಗೆ ತಿಳಿಯದೆ ಅವನನ್ನು ಹಿಂಬಾಲಿಸಿದೆ. ಅವನು ಬೇರೆ ದಾರಿ ಹಿಡಿದು ಗೆಳೆಯರೊಂದಿಗೆ ರಾಗಿ ರುಬ್ಬುವ ಅಂಗಡಿಯೊಂದರ ಹಿಂದೆ ಹೋದದ್ದನ್ನು ನಾನು ಗಮನಿಸಿದೆ. ನಾನು ಅವರನ್ನು ಹಿಂಬಾಲಿಸಿದಾಗ ಬೇರೆ ಮಕ್ಕಳೊಂದಿಗೆ ವೀಡಿಯೋ ಗೇಮ್ ಆಡೋದನ್ನು ನೋಡಿದೆ. ನಾನಲ್ಲಿ ಇದ್ದಿದ್ದನ್ನು ಅವನೂ ನೋಡಿ ಹೆದರಿದ. ಅವನ ರಟ್ಟೆ ಹಿಡಿದು ಮನೆಗೆ ಕರೆದುಕೊಂಡು ಹೋದೆ. ದಾರಿಯುದ್ದಕ್ಕೂ ‘ನಹೀ, ಮಮ್ಮಿ’ ಎನ್ನುತ್ತಲೇ ಇದ್ದ. ನಾವು ಮನೆಗೆ ತಲುಪಿದಾಗ, ನನ್ನ ಸಿಟ್ಟು ನೆತ್ತಿಗೇರಿತ್ತು. ಯಾವುದರಿಂದ ಹೊಡೆಯೋದು ಗೊತ್ತಾಗಲಿಲ್ಲ. ಕೈ ಸಿಕ್ಕ ಚಪ್ಪಲ್ಲಲ್ಲೇ ಚಚ್ಚಿದೆ. ಆ ಪೆಟ್ಟಿನ ಬಲಕ್ಕೆ ಮನೆ ನಾಯಿಗಳು ಹೆದರಿ, ಚಲ್ಲಾಪಿಲ್ಲಿಯಾಗಿದ್ದವು,' ಎಂದು ನಟನ ತಾಯಿ ಪೂರ್ತಿ ಘಟನೆಯನ್ನು ತೆರೆದಿಟ್ಟರು.
ಈ ಶೋನಲ್ಲಿ , ಕಾರ್ತಿಕ್ ತನ್ನ ಹೆತ್ತವರು ನಟನಾಗುವ ಮಹತ್ವಾಕಾಂಕ್ಷೆಯಲ್ಲಿ ಎಂದಿಗೂ ಆಸಕ್ತಿ ಹೊಂದಿಲ್ಲದಿದ್ದರೂ, ಅವರು ಕಾಲೇಜಿನಲ್ಲಿ ನಟನೆಯನ್ನು ಮುಂದುವರಿಸಲು ಪ್ರಾರಂಭಿಸಿದರು ಮತ್ತು ಪ್ಯಾರ್ ಕಾ ಪಂಚನಾಮಾದಲ್ಲಿ ಪಾತ್ರವನ್ನು ಪಡೆದ ನಂತರ ಮಾತ್ರ ಅದರ ಬಗ್ಗೆ ಹೇಳಿದರು ಎಂಬ ವಿಷಯವನ್ನು ನಟ ಬಹಿರಂಗಪಡಿಸಿದ್ದಾರೆ.
ಕಾರ್ತಿಕ್ ಅವರ ಇತ್ತೀಚಿನ ಚಿತ್ರ, ಚಂದು ಚಾಂಪಿಯನ್, 12 ದಿನಗಳಲ್ಲಿ ಬಾಕ್ಸ್ ಆಫೀಸ್‌ನಲ್ಲಿ 52.9 ಕೋಟಿ ರೂ ಸಂಗ್ರಹಿಸಿದೆ.
ಅವರು ನೆಕ್ಸ್ಟ್‌ ಭೂಲ್ ಭುಲೈಯಾ 3 ರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದರ ಜೊತೆ ಅವರು ಅನುರಾಗ್ ಬಸು ಜೊತೆ ಒಂದು ರೊಮ್ಯಾಂಟಿಕ್ ಚಿತ್ರ ಮತ್ತು ಕರಣ್‌ ಜೋಹರ್‌ ಅವರೊಂದಿಗೆ 'ಎ ವಾರ್‌' ಎಂಬ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
